La Famille (已搬遷) 新店位置

朋友送了個MINI CAKE生日蛋糕, 因為沒有留意這個品牌,她強烈推薦好味.所以帶著好奇又期待的心態一試.首先MINI CAKE係由一個白色長拱型印有la famille的紙盒裝著,就像一個小燈罩,所以不會容易弄花盒內的小蛋糕.打開盒內是法國玫瑰蛋糕, 蛋糕上面有朵精緻的粉紅色玫瑰花,十分可愛然後,吃落感到戚風蛋糕鬆軟彈性,蛋糕中間更有忌廉,很軟滑不膩.吃完口感滿足而不漏,朋友真的沒介紹錯法國玫瑰蛋糕

一早聽聞這家蛋糕店的戚風蛋糕好正，今次趁住屋企人生日上網訂咗個香蕉朱古力戚風蛋糕。去中環IFC取蛋糕時，隔咗橱窗都已經俾d蛋糕的造型吸引住。細細個，好得意，真想有多個胃，可以装多幾個蛋糕仔訂咗一磅的蛋糕，够哂8個人食。除咗表面有朱古力淋面和香蕉片鋪面做装飾之外，蛋糕也是有朱古力和香蕉的成份。整個蛋糕胚的口味好夾，蛋糕未算好實在同滑身，不過總體而言唔會太甜。算是香港做得唔錯的蛋糕店了。

一向都不太喜歡食甜品嘅我，甘啱朋友客氣地請全組人食呢個cake，雖然個晚食飽左單見到超開心，好想食！各式各樣味道，好靚！我揀左個玫瑰味，味道好香好好食，唔太甜，餅底又唔算heavy，好啱我

上司很細心，買了Le Famille的小戚風蛋糕來探班買了四個，剛好Office今天只有四個女生雙層外帶盒很精緻細心上網看看，原來這款小戚風蛋糕是$54一個，不是便宜，但也不算非常貴，不竟是中環區買來做小小生日蛋糕更是一流而且很多味道選擇上司買了買款不同的味道，小妹則選擇了咖啡味戚風蛋糕的特色就是非常鬆軟，這間店也能做到這個效果最令小妹喜愛的就是裡面的鮮奶油是用了淡忌廉打成的，奶味超濃的.小妹更嚐了一口同事選的宇治抹茶味呱～～～抹茶味超濃的，是真抹茶而且不論是蛋糕或是鮮奶油都是滿滿抹茶味.這個價格是小妹可以應付的

之前係尖沙咀見到有專櫃賣，點知到我想買既時候就發現已經無左，今日有機會去中環就即刻諗起，一定要買番去試下。因為好小去IFC唔係好識路兜左成個圈先搵到，一黎見到咁多款真係唔知揀邊一款好，每個蛋糕都好精緻，真係睇到眼都花埋，最後揀左日本柚子味，因為平時好小見到咁既口味既蛋糕，緊係試下新野。食落去都幾fresh，好香既柚子味，仲有柚子粒，中間係cream黎，估唔到連cream都係柚子味，又唔會太膩，兩個人食岩岩好。

屋企人生日，汲取咗上次要我一個人食完一磅蛋糕嘅經歷，以後買蛋糕都唔敢再買咁大個 😂但又想keep住有個proper嘅蛋糕樣，朋友推薦la famille蛋糕，揀咗個伯爵茶味，只係60蚊，咁但係當然係比較細個啦 😂個蛋糕嘅賣相好好，伯爵茶味好濃，但我唔太鍾意，感覺好似有啲artificial，或者下次可以試試其他味道 😋

中午過來買了三塊蛋糕回office，一共162蚊。小姐直接打包給我，當時想著餐具應該會直接放裡面的，但其實沒有的，這家店默認不給蛋糕叉的，因為一次性的叉子也要賣$1一隻，而且一個蛋糕也僅免費提供一隻叉子。叉子和其他蛋糕店比，也沒啥特別的。這家蛋糕店蛋糕定價也不低，不明白為啥叉子上還要賺一筆。反正第一次見到蛋糕店對叉子收費，而且如果客戶不主動要求，外賣也不提供蛋糕叉。Anyway，不會再來了，因為不想花錢買叉子。

<La famille> 戚風蛋糕行過這店舖很多次，每次都見到各款戚風蛋糕用圓頂高身玻璃瓶裝著來保鮮，口味選擇亦多，看上去挺漂亮的，今次終於決心買來試試。但對著這麼多味道選擇，真的令人有選擇困難症😆，店員告訴我日本柚子味跟英國伯爵茶味是較受歡迎的味道，所以我選了Earl grey tea味戚風蛋糕($50)。蛋糕真的很精美，上面還有個macaroon😊Earl grey味夠突出，蛋糕質感確很鬆軟，中間裝滿軟滑而不過甜的忌廉，伯爵茶加cream配搭得不錯啊👍🏻這蛋糕份量並不少，足夠兩人一起分享😋😋

放假去中環影下街拍，經過IFC就想坐低飲杯咖啡食件蛋糕，不過又唔想幫襯大型連鎖式咖啡店嗰啲冇乜特色嘅蛋糕，咁啱經過見到一間門面幾有特色嘅蛋糕店叫做Ia famille。蛋糕店裝修偏向認識嘅風格，門口有兩個蛋糕櫃好鮮明咁話俾大家聽佢哋嘅賣點，在佢哋有多達最少15款唔同味道嘅蛋糕，而每一種蛋糕都有經過獨特唔同口味嘅配搭我見到有幾種配搭幾鮮明嘅例如士多啤梨乳酪，香濃開心果，法國玫瑰，最後我就揀咗椰子香芒，咖啡方面就叫咗杯Cappuccino.椰子香芒送到你枱面嘅時間會有一個好高身既玻璃蓋cover成個蛋糕，侍應姐姐表示呢一個玻璃蓋係用嚟保存住成個蛋糕嘅香味，唔係講笑一打開個下真係有好香濃嘅椰子味散發出嚟，慢慢會有芒果味嘅後勁開始湧出嚟，就算你本身唔打開都好成個蛋糕嘅設計同埋賣相都非常之別緻，喺未食之前已經非常之適合各位姊妹們打卡同埋影相！之後就開始食下個蛋糕，蛋糕表面唧滿左一個圈嘅奶油，裏面中心放滿左大量嘅芒果粒，首先梗係用刀切開一半先啦，個蛋糕切開嘅時間基本上唔使用力就已經可以切得開，切開咗之後凹咗落去嘅地方會慢慢開始彈返起上嚟！可想而知個蛋糕真係非常之鬆軟，細心睇下成個蛋糕其實分開咗大約

今日臨返工去呢間係女生中熱話嘅蛋糕店食個靚早餐之前都係旺角試過，依家中環IFC開咗緊係食吓我叫咗京都蘋果焙茶，一向我都好鍾意茶味的甜品呢個係新出嘅，緊係要食吓一如以往，佢個蛋糕都唔會太甜原來蘋果啫喱會同茶味蛋糕咁夾焙茶味唔算好濃，但都清香嘅，作為早餐幾好早餐叫咖啡有優惠，我當然叫杯熱latte，我覺得沖得唔錯㗎，係可以再熱返啲但咖啡味都香，打奶都做得ok朋友叫了雙重朱古力，其實唔錯嘅，但因為佢係朱古力愛好者，覺得朱古力可以再rich 啲不過啲朱古力cream一流，勁滑又唔會得個甜字，幾有朱古力味佢叫了cappuccino，都係好好飲整體，一個返工前嘅早餐係好滿足

最近家母成日想食蛋糕，所以某日lunchtime專登去IFC走轉睇下有冇d吸引既蛋糕。La Famille 將d蛋糕放得非常吸睛，每個迷你戚風蛋糕都用玻璃蓋蓋住，而且有好多味道選擇，所以我就決定買一個返屋企。我選擇左Rose Cake，蛋糕好鬆軟，裏面d奶油好香滑，玫瑰味好出，而且賣相都好靚。原本見到d顏色咁搶眼都擔心，但睇到鋪頭寫住d蛋糕係冇化學香料同色素，咁我都安心d。家母都話好食總括係幾唔錯，唯一就係有d貴。

A friend ordered a whole chiffon cake of the flavour of Rose & Raspberry for a friend's birthday. The cake smelt very strong of strawberries. When it had been cut and served to me, it offered a very attractive smell of rose. The cake itself was very light and spongy while the cream was very light (I usually left the cream aside but I could finish all for this cake). It was quite a light choice of dessert but seemed to be quite over-priced. 

早個多月前於他們的網站上訂購了一個粟子生日蛋糕，還配了個10元的生日牌。蛋糕是很美味！最喜歡他們那吃了也不覺膩的忌廉。可惜切餅時才發現店員忘了放生日牌。我即日發了電郵給他們希望有所跟進。他們亦很快地於翌日回覆了我！服務態度非常好，值得一讚！上星期再到他們店內購物，今次收獲有三個蛋糕仔。* Earl Grey 伯爵茶 ** Yuzi 柚子 ** Double Chocolate 雙重朱古力 *我之前已經試過伯爵茶及柚子，依舊沒有令我失望。而朱古力有驚喜！本以為“雙重”是指蛋糕底與朱古力碎，原來連忌廉亦是朱古力口味！根本就是三重朱古力！

友人買左個柚子味蛋糕一齊食，佢話要篤開中間啲cream一齊食。個味ok嘅，幾清新。不過講真我唔係好識欣賞，似空氣嘅蛋糕成$4x一件，又唔係特別好食。如果唔係友人買，呢啲少女味濃得個樣嘅蛋糕真係吸引唔到我🙄🙄

推薦指數：8/10呢個抹茶戚風蛋糕好好食😭 $54 mini 其實主要係面頭嘅抹茶cream夾埋蛋糕一齊食係超正！ Exactly似食緊抹茶蛋卷😋👍 好似得中環依間有得堂食