影片
以上資料只供參考, 請與餐廳確認詳情
招牌菜
又到我嘅生日了，上年小公主帶我去了一間法蘭西餐廳，今年終於去了一間真係食French Cuisine嘅，佢地位於蘭桂坊嘅，之前行經見門面唔錯，因為下層係大門口，入去後要上一層樓梯至會去到餐廳，之前仲訂咗位添，點知去到先發覺得好少好少客，我地雖然係平日，但係夜晚七點幾都只係得一枱客食緊，加埋我地就兩枱咋。典型西餐廳設計，一邊係sofa，另一邊係櫈，杯同枱布都係襯到一絶..... 藍色，甚為講究。今晚咁高興，係我生日，難得唔使揸車，當然要叫支酒飲，都係叫咗我地兩個喜歡嘅Chardonnay。1. Robert Skalli Chardonnay France 05' (13oz) - 果香十足，配合今晚不太濃味嘅法國菜，最好不過。2. Assorted Bread - 好軟熟，一種硬麵包，一種軟麵包，兩種嘅裡面都係超軟熟，分分鐘可以話係好過酒店出品，唔知係佢地自己焗定係買手本事。3. Black Mussels - Poulette (Bacon, Vegetables, WhiteWine, Cream) - 佢有兩隻份量，可選當頭盤或主菜，不過我地就覺得頭盤嘅份量已經係人地主菜嘅份量，再望望之後嚟嘅一枱客，佢地叫嘅係主菜份量，真係大到不得了，我地嗰碟已經有差不多廿隻青口，佢地嗰碟都真係唔知點食得哂。而且青口好大隻，加上用白酒同埋大量煙肉，非常香甜，啲汁可以當湯咁飲哂佢。伴碟仲有薯條，唔通真係 french fries，法國佬果然係識炸薯條，金黃香脆，同麥叔叔嘅冇分別。4. Lobster Bisque finished with Brandy - 有龍蝦肉，有咬口，加埋落咗Brandy嘅龍蝦湯，又濃又香，最緊要都係煮完酒精揮發後，更見香濃。5. Caesar Salad with Prawns - 沙律醬稍為份量多咗些少，不過蔬菜新鮮，配料同蔬菜份量剛好。6. Duck Confit with Sauteed Potatoes, Lyeasse sausage, Madeira jus - 其中一道主菜出場，鴨嘅外皮煎得脆脆的，好香口，鴨肉仍然保持濕潤，再用火箭菜及薯茸舖底，精髓就喺個汁度，好creamy，好重奶味，香到不得了，同鴨肉配合得天衣無逢，食完包你齒甲留香。7. Seafood linguine tossed with prawns, clams, calamari & fresh fish pieces laced with mild garlic chili virgin oil & fine herbs - 份量唔講得少嘅意大利扁麵，加入大量香草同蒜頭嘅汁，雖然味濃但清新，海鮮嘅配料亦好似唔使錢咁，又新鮮又多品種又多份量，鮮蝦唔係用蝦仔，係用中蝦，又有帶子，又有巨型蜆，加埋魷魚同埋魚塊，意份煮到煙韌夾爽，以百幾蚊嘅價錢真係抵食到爛。8. Coupe Glacee De La Mer "Poached peach with raspberry coulis Vanilla ice cream with whipped cream roasted pistachio" - 侍應見我地未有打算揀邊款嘅時候，特地走埋嚟同我地介紹呢款甜品，雖然雲妮拿雪糕唔係咩特別貨式，但係最特別就係佢地用櫻桃汁浸過嘅桃，滋味真係非筆墨能形容，你真係要親口試過至感受到。Comments: 可以話係完美嘅一餐。雖然已經過咗幾個月至寫呢篇食評，但係我對呢餐嘅感覺仍然歷歷在目，記憶猶新，你可想而知呢餐真係唔講得少，係因為呢餐的而且確比到我感受到French Cuisine嘅魅力，廚師嘅功力真係非同範響。最後，地方係小公主揀嘅，多謝你帶給我難忘的一餐。
繼續閱讀
同個朋友去lunch, weekend, 上到去, 冇幾多人, 幾清靜. 冇叫set, 散叫咗龍蝦湯, 鵝肝,白酒煮藍貝同咖啡.龍蝦湯-- ok, 有濃郁蝦味, 不過稍為稀咗少少. 個人喜愛Press Room的龍蝦湯多一點.鵝肝-- 唔夠鮮! 有點點失望.白酒煮藍貝-- 汁是可以的, 藍貝算大隻, 但質地怪怪的. 如果你食過藍貝, 你知佢嘅質地新鮮時係好滑, 邊緣有點彈牙, 好鮮好味. 但唔知佢地嘅係品種唔同, 唔係時令, 定係唔新鮮, 汖過水定係煮過火, 質地實實的冇鮮味. 如果佢係以海洋做名, 以海鮮做主打, 呢味藍貝絕對唔合格.咖啡係即磨嘅, 份量較大, 苦味較重, 不過都香, 幾好.其實去lunch係想試試佢地ok 唔ok, 如果ok就會去試佢個海鮮湯. 去完發覺係好一般, 食物質素都係鍾意Press Room多d, 起碼人地個環境真係似法國嘅Brasserie多d....服務係好嘅, 幾細心, 要讚.環境ok,坐得好舒服. 不過入口只在荷里活道, LKF Tower的入口係封咗的.
繼續閱讀
" 98 Dollars for set lunch" in central .i will say not cheap but once a while to treat yourselve better is not bad .I went there before It was packed and busy in the lunch time but i went there last week the restaurant was not busy . They have more option in the set lunch menu and the price range between 88 to 198 . From sandwiches Burger set to seafood platter set and choice of 5 entree and 5 main corses 98 dollars . i was so surprise why it wasn't full . The enviroment is great and good for us to have a nice break away from ours hell(office ) . I had a seafood chower for starting and duck breast pasta as a main . The soup was very creamy and the taste was great . Main dish pasta is just perfectly cook with the blend with the duck breast .
繼續閱讀
四月十二‧晴兩個人吃飯，其中一個選了這間法國菜館，但另一人一心想吃漢堡包，一意孤行。誰不知，原本提議的那位，在三選四選下，卻又選了意大利飯，加上德啤及花旗啤，與及兩個沙律，不說店名，也不知道原來是日是吃的是法國菜館，幾運吉。要遷就我放工，結果是周五的九時來到，意外地發現，餐廳是連一半也坐不滿的，比起一道行來，雲咸街的幾間路旁啤酒吧的盛況，真的天與地比。這裡樓底高，裝修新穎雅致，環境很好。看晚市餐牌，這裡的選擇可齊全，由開胃菜到湯到沙律，至魚及肉及飯或意粉，還有三文治及漢堡，亦有幾款甜點，兩頁的餐牌，好吃與否不知，但應該滿足人客的要求。先在酒吧那邊喝點東西，就來兩杯大啤。是Kronenbourg 1664及Stella Artois，個人是晚要喝前者，清新亦帶點微味，似我最近的生活寫照。邊喝啤酒，邊看四周，見食物份量也不少，那就不能多叫，就兩款前菜，兩道主菜，再加甜點就非常足夠了。先來的麵包籃，是熱熱的乳酪包及核桃包，皆烘得熱熱的，塗起牛油來，美味；兩道沙律同時上檯，別是凱撒沙律及煙肉粒菠蛋沙律。前者的羅馬生菜很新鮮，藍芝士醬汁也濃郁鮮味，刨片的巴馬山芝士也夠多，連麵包粒也香口又脆脆的，沒有什麼好投訴的了；煙肉粒菠蛋沙律也很好，酸汁開胃，加上溏心蛋黃及鹹香的煙肉，也是個味道不錯的沙律。這兩道沙律，皆滿意；我的主菜是牛肉漢堡，牛肉烤得香噴噴的，賣相也不俗。加上酸瓜、洋蔥及蕃茄，吃起上來味道不錯。唯牛肉漢堡做得鬆散一點，欠缺了口感。叮囑要medium rare的，來的是八成熟，廚房對火侯的掌握是一般。伴碟的薯條是幼身的，炸得夠乾身，又脆口美味，是啤酒的良伴，三兩下手勢已全部吃清；另一道主菜是燒鵪鶉蘆筍意大利飯，鵪鶉燒得香口，肉質鮮美，很不錯。餐牌以Jumbo來形容的，也真的很多肉。意大利飯做得略差，味道方面是沒有問題，但米本身一咬就斷，沒有應有的口感，應該是預熱再煮的吧！吃罷主菜，其實已飽了九成幾，不過不吃甜品，又好像缺少了什麼似的，就來一個招牌甜品「Coupe Glacee De La Mer」來對分。賣相不錯，是燉水蜜桃配上云呢拿雪糕，水蜜桃燉得香甜，佐以微酸的紅莓醬，甜酸味道，平衡得不錯。云呢拿雪糕還灑上烤開心果仁的，也美味。最後來兩杯咖啡，吃得很飽足。侍應的服務及格，卻不能與真正的法國餐廳相比，至少問起一些關於菜色的問題，是膛口結舌的。連有氣蒸餾水，埋單七百六十幾。不算是十分貴，尤其以這個地點及環境而言，也可以是一班朋友聚首吃飯的地方。
繼續閱讀
ordered set lunch - HKD 188, shared with my friend:- appetizer: onion soup - ok, not enough cheese (add HKD 20 to change the soup from soup of the day to onion soup)- main course: seafood platter - seafood are fresh, enough for two girls- comments: friends said dinner is even better, will definitely try again
繼續閱讀