影片
開飯介紹
阿根廷扒房，設有自家熟成櫃，每款牛扒至少熟成7-14日，牛扒特別軟嫩及重肉味。北角店走親民價路線，套餐包括頭盤及主菜，更可以以優惠價追加配菜、甜品及飲品。
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
有關餐廳
有關獎賞計劃
呢晚同朋友一齊嚟咗呢間喺北角嘅阿根廷🇦🇷餐廳🍽️食晚餐🤣雖然去過阿根廷🇦🇷布宜諾斯艾利斯同埋其他一啲阿根廷🇦🇷小城市旅行，但係對阿根廷菜🇦🇷一啲都唔熟悉，淨係知道阿根廷菜🇦🇷受多種文化同菜式 影響，當中當然包括阿根廷🇦🇷土著人民(Indigenous People in Argentina)嘅飲食習慣，同埋16世紀西班牙人🇪🇸喺殖民時期 Spanish Colonization 帶嚟嘅地中海飲食文化，仲有後來喺 19/20 世紀 由意大利🇮🇹同 西班牙🇪🇸 大量移民帶到阿根廷🇦🇷嘅影響，咁可以想像到阿根廷菜🇦🇷幾咁包羅萬有🤩；阿根廷人🇦🇷食好多牛肉，不過某啲地區例如 Patagonia 就食羊多過食牛😋；總之阿根廷人🇦🇷以鍾意食嘢而聞名，社交聚會通常以聚餐飲酒食嘢為主🤩$88「生菜、蕃茄及紅洋蔥配紅酒醋汁 Mix Lettuce, Tomatoes, Red Onion and Red Wine Vinaigrette」：生菜蕃茄紅洋蔥做沙律簡簡單單幾好食，加埋少少 Vinaigrette 唔會太酸仲好似落咗啲海鹽食落感覺特別清新🤩，做得好啱胃口👍$68「西蘭花及青豆 Sautéed Broccolis & Green Beans」：加咗都幾多蒜蓉去炒西蘭花🥦同埋青豆 簡單幾好食感覺幾健康🤣$208「香煎比目魚 Catch of the Day」：比目魚 Halibut 新鮮肉質鮮甜細滑煎得幾香口🤩；Ratatouille 係源自法國🇫🇷南部 Provence 同埋 Nice 嘅一道特色菜，係多種蔬菜嘅大雜燴，一般會用 茄子、洋蔥、櫛瓜、辣椒、番茄、大蒜 等，不過冇特定嘅材料🤩，呢間餐廳就用咗 茄子、洋蔥、蕃茄 等材料，辣辣哋配 比目魚 一齊食幾夾😋$288「西冷牛排 Bife de Chorizo 250g - 阿根廷一個月熟成草飼牛肉」：Bife de Chorizo 係一種阿根廷牛肉名稱相當於美國🇺🇸 New York Strip Steak, Strip Steak, Sirloin；Bife de Chorizo 一般係一塊厚而多汁嘅牛排上邊有一層厚脂肪，Bife de Chorizo 都有不同部位/切法，Bife de chorizo angosto（薄牛腩）同 Bife de chorizo mariposa（蝴蝶牛腩）🤩；阿根廷人🇦🇷食牛扒🥩一般都鍾意食 well done，不過我今次想食 medium🤣，呢間餐廳嘅 Bife de Chorizo 🥩 唔係太厚又唔係太薄肉質偏瘦脂肪含量較低草飼牛牛🐮應該運動充足食得健康所以有牛味又有啲啲咬頭，我仲叫咗碟上🤣$68 San Pellegrino
繼續閱讀
中環呢間出名食扒既餐廳，喺北角開左分店，價錢比中環果間親民啲(平日仲有抵食既lunch set同薯條無限refill)，質素keep一樣咁好🥖餐前麵包(免費)🥟牛肉餡餃 $68一大隻，當日無牛肉餡🐮，得雞肉餡都照殺🐔，外皮似印度餃咁炸得香脆唔油膩，餡料有洋蔥、雞肉，點埋個酸酸地既醬唔錯啊，幾開胃🍟香蒜炸薯條 $58食牛扒當然叫番個薯條，好鬼大桶，灑咗少少鹽炸得香脆得黎，中間依然保留薯蓉既感覺🥔外脆內軟，2個人差啲食唔哂🥩熟成封門柳250g $248是晚既主角🤴🏻阿根廷一個月熟成草飼封門柳，鐵板上叫咗3成熟，切開好粉嫩💕唔會Un啱啱好，食落好有炭香味（啱啱好，唔會似燶/苦），咬落有肉汁💦，廚師仲可以幫手切埋👍🏻，係近期食過最好嘅扒🐥慢煮烤雞 $198有大約半隻雞，有好多香料，面頭再擠埋檸檬汁，更加惹味👻，肉質唔會太乾太柴，整體唔錯👌🏻🍝白醬雞肉伴意式闊麵 $168整體ok，雞胸稍為乾左啲，意粉軟硬度適中overall：餐廳平日夜晚都幾多人食，裝修同氛圍好有異國feel，坐得又舒服，最重要係牛扒🥩嘅質素真係好唔錯👍🏻，喺open kitchen見住廚師喺火爐燒牛扒好有風味
繼續閱讀
中環好受歡迎嘅阿根廷扒房 La Parrilla 最近喺北角堡壘街開咗分店🤩 經過呢條街，一定會比呢一間餐廳吸引到眼球😎 紅磚外牆，再加一整列嘅熟成牛扒櫃，絕對會比佢吸引到入去試吓😎 裏面裝修好靚，好有特色😃 空間感超大，浪漫有情調🥰 同中環店一樣，職員服務都係咁好咁熱情👍👍 🌟T-bone T骨牛扒 500g $458嚟得扒房一定要食牛扒啦😎 之前喺中環試過佢嘅封門牛柳，味道非常之好，今次就試吓佢嘅T-bone😎 可以試曬牛柳同西冷😉 果然都係冇失望，一樣都係鐵板上，medium rare 我哋就覺得最適合✅ 牛柳肉質幼嫩，脂肪含量相對低啲，我好鍾意🥰 而西冷油脂分佈均勻，牛肉濃厚，肉質非常有嚼勁👍👍 配上兩款醬汁，我鍾意兩款一齊點，正呀😎 🌟牛骨髓配法包多士 $108 牛骨髓焗到香氣撲鼻😌😌 簡單嘅調味，已經可以突顯骨髓獨特嘅油香👍 骨髓連同香脆多士一齊食，口感豐腴超滿足🤩🌟燴蘑菇 $68性價比好高，份量好足🫶🏻 蘑菇粒粒飽滿好新鮮，配上香草橄欖油調味，又香又健康🥰 🌟香蒜炸薯條 $58見到一大桶嘅薯條真係好開心🤣 新鮮即炸嘅薯條香脆熱辣辣👍 厚切薯條外脆內軟，薯味十足，必點🫶🏻 🌟紅酒 $80餐廳嘅飲品選擇多，食牛扒我就鍾意配紅酒😬 杯裝紅酒有幾款選擇，我揀嘅呢款唔錯，價錢亦都好合理👍 北角分店環境感覺比中環店更加幽靜浪漫，好適合約會🫶🏻 環境、服務、食物水準都好高👍 價錢亦非常合理，真心推薦俾大家試吓🫶🏻
繼續閱讀
中環有名阿根廷菜餐廳 La Parrilla Steakhouse開到去北角，餐廳主打熟成牛扒，方便港島東出沒既我有自家熟成櫃，每款牛扒至少熟成7-14日，牛肉特別軟嫩同重肉味 店員送上餐包，外脆內軟 Bone Marrow
牛骨髓烤過後，加上海鹽黑椒，用湯匙刮骨髓，配上香脆法包，入口充滿油香濃郁
CARNE DE RES (One month aged grass from Argentina）
阿根廷扒房一定要試下牛扒，唔同部位都有6款選擇，牛扒熟成一個月。而我order肉眼扒5成，熟成牛扒比一般牛排味道香濃，牛扒外皮微燶香口，內裏軟嫩有肉汁。旁邊阿根廷蕃茜醬 chimichurri sauce 配牛扒好好味
Grilled Chicken Spatchcock 烤雞烤雞得雞胸都嫩滑，而且脂肪少，味道juicy 惹味
Classic Mashed Potato薯蓉入口細滑加上牛油香氣，非常好食Sautee Broccolis & Green Beans 西蘭花及青豆加入蒜蓉炒西蘭花好香口.Menu
繼續閱讀
上次試左「La Parrilla」既晚餐🥩覺得好抵食💯所以今次一於試埋午餐👏🏻午餐套餐每位只需$218，包頭盤、主菜同埋無限供應嘅香蒜炸薯條🍟頭盤試咗「阿根廷檸汁醃蝦」，蝦肉爽口加上酸酸地嘅調味好開胃，超正！Main Course 揀咗封門柳同西冷，兩者各有千秋封門柳食落有嚼勁，牛肉風味濃厚；而西冷就質感細嫩，肉汁四溢絕對係牛扒愛好者嘅必試之選🥩最後仲有「自家製阿根廷油條」炸得外脆內軟，灑上肉桂砂糖再點焦糖醬，真係完美結尾😋呢度嘅牛扒質素冇得輸，服務又好以呢個價錢食到咁高質嘅slow cook牛扒真係抵到爛😛
繼續閱讀