LA Restaurant & Dessert Bar (已結業)

「通菜街」尋寶，通菜街蛋多野食就人人都知，放工之後到通菜街，一於睇下邊間多人，多人就一定吾會錯了。一間小西餐店，店面吾大，但座無虛席。首先上餐湯，蒜蓉包，今日係蜆肉忌廉湯，湯好creamy,又夾著重重蜆肉。蟹肉牛油果上面一層芝士，仲有蟹肉，蟹肉味道好香，配牛油果就更加好味了，一陣清新感覺，味道好搭。德國咸豬手已經好耐冇食過德國咸豬手，見價錢吾係好貴，所以好想叫。等左一陣終於來，外皮超脆，當我想切開既時候，個皮已傳來一陣卡卡聲，超香口。然後當然由窩心既男朋友慢慢切開食。咸豬手即叫即做，好好味道。飲品邊面，夏日炎炎，已經好想飲smoothie 冰沙幾時都咁消暑，一杯係曲奇一杯蜜瓜。正呀！蜜瓜味吾會太甜，仲有瓜粒係裡面，所以好清新。最後仲有份伯爵茶奶凍配雪糕既奶凍好正，佢奶凍吾會做到好甜，令人食得好舒服。而且上面少少曲奇，幾好味既甜品

Peach Flower $48酸酸甜甜既飲品～ 超級濃郁！Cookie Sweetie $48呢杯偏甜一啲🤔 好大一杯 最後飲唔曬😢餐湯包 $30湯係紅湯 係我鍾意既味道🥰😍 平時飲紅湯我都會加辣椒仔落啲湯 佢就係已經幫我加左😜 所以飲落酸辣 同埋又飲副番茄既小小甜味😚 包都好脆不過偏硬左小小🤔烤焗芝士虎蝦墨汁意大利飯 $108墨汁超香😌 虎蝦好重蝦既鮮味😚不過煮得耐左小小🤣 意大利飯都ok~烤焗芝士蟹肉牛油果 $88上面個層芝士蟹肉幾好食😋配埋牛油果都夾既👌🏻

▶️餐湯及麵包$30麵包係蒜蓉包夠脆 ，配有蕃茄他他。湯係忌廉湯有蜆肉及蘑菇，較結身。▶️烤三文魚配檸檬牛油汁🍋$168用上三文魚柳，新鮮整起，新鮮整起熱辣辣。三文魚皮夠香脆，肉質稍為老咗少少，但調味OK。檸檬牛油汁酸酸地。有少少配菜：沙律菜🥗車厘茄、翠玉瓜、茄子🍆及菇。▶️香草🌿欖油蜆肉意粉🍝$88意粉幼身，超級多香草，仲有少少黑椒味。蜆肉夠多連殼。▶️fruit punch 🍹香橙果味較突出。▶️peach flower 🍑 Elder berry & peach soda蜜桃味唔算太濃，配有梳打水，幾甜。

女人街臥虎藏龍，發掘到一個LA餐廳！前菜有蒜蓉包，配由帶微酸蕃茄加香草加橄欖油做成嘅醬，簡單又好味。忌廉湯足料，有蜆肉、蘑菇。小食點咗烤焗芝士蟹肉牛油果。第一次咁食牛油果，係全餐嘅驚喜之作。必食！牛油果夠熟，creamy嘅口感配埋滿滿一絲絲蟹肉係大滿足。面頭仲有最愛嘅微焗嘅芝士，沒有不愛嘅可能。主菜係烤焗芝士虎蝦墨汁意大利飯。大大隻原隻虎蝦，足足有1隻手指長。好彩有新朋友剝殼，啖啖肉，正。肉質爽口，保留到鮮味。意大利飯軟硬適中，就返港人味道。墨汁調味好，有淡淡嘅海鮮甜味。不過，食墨汁一大注意係要抹嘴！！店名有dessert bar，睇黎對自家甜品好自豪，所以決定食下LA伯爵茶奶凍焦糖脆脆伴雪糕。伯爵茶味好出。焦糖脆脆配雲呢拿雪糕，底下oreo碎，係唔會出錯嘅組合。焦糖脆脆唔會過分甜。新朋友對甜品大讚。飲品各點咗mocktail LA Mojito同芒果沙冰。呢排對有薄荷嘅飲品情有獨鍾，幾鐘意清新解渴嘅感覺。Weekend係旺角鬧市中享受一餐輕輕鬆鬆嘅西餐好正，希望下次黎食威靈頓牛柳。

週末難得在旺角街頭，走到女人街，餐廳花多眼亂，見到一間西餐廳有威靈頓牛柳供應，且價錢相宜，又走入去試試。晚餐跟有餐包和湯。蒜蓉包烘得香脆，另外奉上蕃茄莎莎，酸甜清爽，有驚喜。餐湯為周打蜆湯，蜆肉無砂份量足。另加沙律配以柚子汁，帶子輕輕煎香，且有不少藜麥，十分開胃。主角牛柳終於上場，雖然是平民版但仍誠意十足。酥皮保持香脆，中間搽有肝醬，牛柳五成熟留有血水，肉味濃鮮嫩無碴。配上黑椒汁和燒蕃茄，翠玉瓜等，超值之選。難得在香港味道最濃之地吃到不錯西餐，值得好好珍惜。

好姊妹飛英國前最後一聚，她素愛食甜品，帶了好她去LA Restaurant & Dessert飯聚。點了以下:烤焗半熟帶子忌廉墨汁粉 烤焗芝士蟹肉牛油果伯爵茶奶凍伴雪糕Fruit punchChocolate Sweetie烤焗半熟帶子忌廉墨汁粉 帶子墨魚汁飯，帶子肉質嫩滑。墨魚汁飯粒粒平滿墨魚汁，飯粒夠腍，十分入味。烤焗芝士蟹肉牛油果熱溶了的芝士與一絲絲蟹肉融合，加上腍滑牛油果口感多層。Chocolate SweetieOreo雪糕朱古力Smoothie，沙冰幼滑濃甜。Fruit Punch，果味豐富。甜品:伯爵茶奶凍伴雪糕雪糕配茶伯爵茶香布丁，布丁奶味香濃。

👅烤焗半熟帶子忌廉墨汁粉帶子好鮮甜，做到半熟效果，仲保留住肉汁😚最出色係個墨汁粉，好重忌廉味，但食完唔會好膩，同埋佢做到意大利飯中間仲有少少硬嘅效果，好多其他餐廳會整到好淋，無晒口感，但呢間唔錯🤤👅烤焗芝士蟹肉牛油果餐廳將牛油果🥑整碎先，再係面頭鋪上蟹肉同芝士拎去焗，蟹肉同牛油果出奇咁夾😘仲有蟹肉嘅鮮同牛油果嘅清新，值得一試👅 蜆肉蘑菇白汁湯+牛油蒜蓉包個湯好有蜆肉，蜆肉夠甜，忌廉湯又唔膩😎加埋牛油蒜蓉包用黎點個湯，好好味呀🤤👅伯爵茶奶凍伴雪糕個奶凍好有伯爵茶味🤤我最鍾意伯爵茶嘅食物嫁啦！個奶凍又夠滑，配埋面頭嘅雲呢拿雪糕真心唔錯🤤🤤

平時經過通菜街都無乜留意排檔後面嘅餐廳，今次朋友介紹黎試一下。其實位置都好方便，又唔駛排隊等𨋢上樓，真係一個唔錯嘅西餐選擇。就咁睇鋪面可能你同我一樣唔敢又太多期望，但一試就知食物真係好有質素，好有驚喜！🌟烤焗芝士蟹肉牛油果 $88蟹肉超足料，加上焗過嘅芝士味道十分之香濃，蟹肉嘅鮮味加上牛油果香滑嘅口味，食落非常夾。🌟烤焗半熟帶子忌廉墨汁意大利飯 $108帶子大大件，煮得剛剛好鎖住水份，醬汁夠晒creamy，意大利飯亦好有口感。而家整體份量好多。🌟LA伯爵茶奶凍伴雪糕 $68最後以伯爵茶奶凍作結，咁繁忙嘅小店做到咁精緻嘅甜品真係好有誠意。伯爵茶奶凍唔太甜好有茶香。🌟Tiffany Light (奇異果特飲) $48飲品menu都有選擇困難，因為實在太多特飲了，最後揀咗呢杯Tiffany Light，確實好light，唔太甜，好健康

今日朋友搵左間位於旺角既西餐廳同我食dinner呢間餐廳都唔少野食揀我地叫左個dinner set $478唔洗左諗右諗。餐湯 加包餐湯係基本白湯既味道 法包塗上咗蒜蓉醬烤得非常香脆 旁邊配咗一個用蕃茄粒粒做嘅sauce我個人喜好就甘蒜蓉味好味d。烤焗芝士蟹肉牛油果 個牛油果幾creamy 5會過熟 非常油潤既口感 蟹肉味唔算太突出 牛油果都幾有飽足感。煙腩蘆筍卷＆ 串燒雞軟骨 ＆ 鹽烤秋葵3串串燒都係水準之上 唔會好乾入面非常濕潤 有微微焦香如果雞軟骨再燒得更加乾身會更好佢配左個汁 我覺得比較濃味 點少少就岩岩好。威靈頓牛柳 5成熟 佢唔似傳統威靈頓牛柳 佢係將酥皮鋪喺面頭 冇將成個牛柳包住 亦都冇黑松露味同埋parma ham 個牛柳medium熟都幾好食 每一下切落去都有肉汁 如果rest下應該更好 配埋個濃味既黑椒汁都唔錯。軟殼蟹意大利飯 本身想叫烤焗半熟帶子忌廉墨汁粉 因為冇墨汁粉嘅關係轉咗試軟殼蟹意大利飯個意大利飯充滿海鮮味 仲有dd甜味個意大利飯分量都唔細個軟殼蟹粉漿比較厚如果嗰粉漿薄身啲 我相信會好食好多。檸檬茶＆檸檬菜蜜正常水準既檸茶檸蜜。我叫佢呢個dinner se

實在太熱唔想周圍行呀~ 今日就係你啦~自疫情開始旺角好多鋪頭都執晒, 成日都諗唔到食咩。入到黎覺得都幾舒服, 乾乾淨淨幾靜咁, 小工業風。😋😋食物方面係平民價, 都好多選擇㗎~~😍😍烤焗芝士蟹肉牛油果 ($88)❤️❤️❤️❤️❤️我好鍾意牛油果~~不過都係第一次食呢種焗既, 之前怕會好淡冇味, 原來咁好食!!佢地加左好多蟹肉, 配埋焗得好熟好香既牛油果, 口感好MATCH。  牛油果細細個, 唔會好漏~烤焗芝士虎蝦墨汁意大利粉 ($ 108 +$30配餐湯同包) ❤️❤️❤️❤️❤️餐包係焗蒜蓉包, 係岩岩焗好仲脆脆個種~呢個意粉 (好似可以轉意大利飯) 超出色!!! 我知大家都唔鍾意食到污嘴狗咁。不過佢呢個係好香既墨汁!!好香蒜蝦既味道, 淨係為左佢已經值得再黎!!焦糖燉蛋伴雪糕 ($68)❤️❤️❤️❤️燉蛋好大個呀, 好爽, 係岩岩燒完糖再放入去冰一冰, 唔係雪起耐個種。  由呢個小細節已經睇得出餐廳唔求其~~COOKIE BLACK ($48)❤️❤️❤️咖啡味濃, 飲到底都仲有, 配埋雪糕係童年回憶

而家既女人街闊左好多～但夜晚會開既餐廳唔多...有日比我發現到呢間美式餐廳，見到個環境幾唔錯，就約朋友一齊去試下啦門面感覺型格枱與枱之間好闊，超舒服的淺色石磚牆上放掛飾餐牌大大本店員推薦串燒甘就試下啦果然無令人失望，睇得之餘又好食牛柳超推薦，一啲都唔韌，無根超Juicy煙肉蘆筍卷好好食😋杏鮑菇原條燒，啖啖肉都幾正墨魚汁意大利飯好味道，奶香味成碟比我食哂跟餐既餐包同餐湯蒜蓉包新鮮烤起，入口脆卜卜。點埋番茄醬非常之夾呢個必叫大啡菇釀咗黑松露蟹肉餡，最面係兩種芝士。個餡嘅黑松露同埋蟹肉嘅比例非常之平衡，上面嘅芝士唔算多蟹肉黑松露餡份量非常足料LA MOJITO 味道清新今餐非常滿足，兩個人都係食咗四百幾蚊，咁嘅質素來講，性價比非常高下次會再推薦其他朋友一齊過嚟

La Restaurant 喺旺角搵食 通菜街不嬲都多餐廳 見到呢間西餐廳是是正正 價錢都唔貴就入去試吓一人$15就已經可以要個餐湯加蒜蓉包蒜蓉包做得非常之唔錯 非常香蒜味之餘仲俾咗啲酸蕃茄粒 配埋落去都幾清新前菜叫咗個烤焗芝士蟹肉牛油果牛油果上面擺咗啲蟹肉再鋪咗啲芝士微微燒烤健康又飽肚烤焗芝士虎蝦墨汁意大利飯虎蝦都幾大隻 同埋都幾彈牙反而呢個墨魚汁意大利飯有驚喜食落都幾creamy 味道唔太識形容但係絕對好食最後甜品叫咗個雪糕配焦糖燉蛋燉蛋都幾滑 焦糖烤脆 甜入心總括嚟講性價比都幾高 食物都有一定嘅質素聚會好去處

旺角都有不少的餐廳，但這間是同事推介不錯又近，就和朋友來試一試，來到八點都不少人，餐牌選擇都不少有前菜主菜飲品都十分吸引，最後我們叫了2杯飲品，一個前菜和主菜加餐湯。 首先來飲品Bloody Orange，味道好清新甜度剛好，底部仲有些椰果增加口感。朋友飲的是Cookie Black，咖啡味不太濃適合晚上飲，沙冰感覺好清涼而頂部有個十分好味的雪糕好滑身，十分特別而且價錢十分抵飲。 餐湯包，多士好脆口，配上蕃茄碎幾特別，湯濃郁十分足料入面有不少粟米和蘑菇不錯。烤焗芝士蟹肉牛油果，牛油果熟的程度剛好，蟹肉十足，芝士味好香，底部仲有新鮮菜作沙律。 主菜烤焗芝士虎蝦墨汁意大利飯，是少數讚好的意大利飯，墨汁味濃郁掛在飯上，有口感帶點彈牙不會太淋身不錯，虎蝦大隻又新鮮。

星期日同朋友我去買電子產品後食個便飯！ 朋友見到呢間「LA restaurant and bar」就話不如試吓！好啦好似好抵食！蟹肉牛油果 $88蟹肉鮮甜，的骰牛油果夠晒熟，一齊食creamy得黎又不膩。 餐包：蒜蓉包配番茄醬蒜蓉味得香，法包焗得香脆，配鮮番茄醬，幾開胃。餐湯：蜆肉忌廉湯蜆肉幾大粒，湯滑鮮甜，不錯。煙腩蘆筍卷蘆筍鮮甜，配煙肉好味鹽烤秋葵、串燒雞軟骨不錯烤焗半熟帶子忌廉墨汁意粉 $108墨汁忌廉湯咸香，每條意粉都掛滿着醬汁， 幾入味！如果帶子粒啲就好！威靈頓牛柳 $188要求五成熟，不過好似熟哂🙈都好，朋友語熟啲好啲！配菜嘅翠玉瓜茄子都幾鮮甜，不錯。熱朱古力 凍朱古力（熱飲任飲，凍飲+$3）餐廳近地鐵站，都幾方便！

今日同男朋友嚟到旺角因為最近洗咗好多錢所以又唔想食太貴所以梗係去通菜街搵嘢食啦咁我同男朋友就叫咗個pearl couple set首先就有個忌廉雜菌湯我覺得都幾足料同埋幾creamy之後主菜我哋就選擇咗紐西蘭西冷牛扒我覺得呢個質素絕對係對得住個價錢生熟程度啱啱好 而且都幾有牛味之後仲叫咗個香辣蕃茄大蝦天使麵啲天使麵唔會煮得太林而且個蕃茄味都好濃最後我哋就要咗個伯爵茶奶凍伴雪糕個奶凍真係有好濃都嘅伯爵茶味真係超鍾意呀之後每人仲有兩杯嘢飲$288真係抵到爛