Lab Made 分子雪糕專門店 (已結業)

回不來了, 明明還有很多好好吃的味道, 而且經常更新味道, 又有港式味道, 又適合香港人也適合遊客~LAB MADE真的好好吃, 可惜沒有機會再吃到了, 因為已經結業了呢...記得上次去的是尖沙咀分店, 吃了一個茶走跟凍檸賓!LAB MADE的雪糕真的很順滑! 茶走真的像茶餐廳的味道, 而且還是不錯的那種, 有一些茶記奶茶的味道, 不會過甜, 亦換上了鍊奶調味, 整體都很好吃喔~凍檸賓酸酸的帶微甜超開胃, 跟在茶餐廳不同的是它不會越吃越淡, 而且還很夠凍, 正正~

面書得知lab made 尖沙咀店今個月17日就會執，以後得返大坑店。記得lab made尖咀店啱啱開時好吸引，出煙既雪糕，專登走去試！轉眼幾年，當然要臨別再食！應該唔會專登入大坑店食架喇！店舖位於長樓梯下面，夜晚都幾好feel感謝優惠：$39一杯叫左A海鹽牛奶焦糖脆脆今日感覺比平時細杯左好重牛奶味，又有少少咸味，淋上焦糖醬，再加入脆脆粒，幾好咬感！但雪糕溶得好快，天氣炎熱又室外，接手幾秒就開始溶，要急急食。唔多enjoy！有緣再見吧

焦糖醬海鹽牛奶脆脆 $39.其實第一次食起大坑食 因為對分子雪糕感到新鮮 製作過程有一堆煙霧😱 但細細杯好似陣風咁就食完 價錢係我一直冇再食既原因😓宜家尖沙咀分店有85折所以特別黎回憶下.揀哩個味道係因為基本上冇得輸 😌 一如以往雪糕係煙霧裡面俏俏地爆出黎🙋 雪糕好滑同軟綿綿 冇平時個種好實既感覺! 牛奶味好濃 但係海鹽味我就真係食唔到啦.焦糖醬既甜味似乎搶左牛奶味道 有點點 不過也可接受 脆脆都好有咬口 不過可能天氣熱融得好快呢.說真的$46我真的不會買 這個價錢可以有很多選擇 不過懷念一下也不錯 再見了tst lab made.

高溫燒滾了我一切～～～～炎夏黎到，每日行出街剩係企係度都自動流汗。食雪糕是常識吧～今次黎到就黎結業既lab made。聽左大名幾年，曾經做到客人瘋狂排隊為杯雪糕～係就黎結業時，終於做特價兼唔洗排～一於黎個臨別前雪糕！4款口味，揀左咖央同芒果糯米飯。雪糕就係一片迷霧中出世～係炎夏睇住兼feel到煙霧噴出既一刻，我同食伴即刻異口同聲咁話：好涼啊～～～芒果糯米飯味。影張相即刻擺入口，要知道雪糕唔等得。好甜⋯雪糕係甜是常識，但真係好甜⋯仲要好快溶，無一陣口感已經好大分別。咖央味。據聞係同新加坡旅遊局合作。仲有康泰。成個賣相就好似星期六日街邊推廣拎個啲免費雪糕咁，特別係個杯。快速食一啖～好甜，仲要係膩個種。味道其實有啲似H牌焦糖脆餅味，不過係膩五倍版。七十幾蚊。一致認同，一次就夠。

< 香桃乳酪 $39 >今期最後一隻口味既雪糕，都唔知會唔會再食佢地既雪糕，佢地即將結業了 😭 都總算試哂所有味，呢隻香桃乳酪食落好清新，毫無罪惡感，香桃味爆燈，再加上酸酸溜溜既乳酪真係好開胃，食多杯都唔覺肥！

< 薄荷朱古力脆脆 $44 >話說我係 Lab Made 既忠實 fans，每次一轉新口味我就自掏銀包食哂咁多隻味！不過好難一次過食哂咁多隻味，肯定糖尿病，唯有隔幾日食一隻，食完就即刻打食評！所以一篇打一隻味唔好怪我！講返雪糕先，佢地果隻薄荷味唔係太強，可以入口，而朱古力漿因為雪糕既凍而凝結左所以變左脆脆，撈埋雪糕係好食左既，但係整體黎講我都係一般，真係唔中意食薄荷，或者佢地比多啲朱古力，成杯薄荷雪糕浸住朱古力食應該幾正！

火焰雪糕之士撻係就黎要關門既tst@lad made覺得好唔捨得呢個撻都好平19蚊炸面果層係有少少焦仲要熱熱地溶溶地但入面就係雪糕黎既好好味冰冰涼涼咁個撻邊仲要係唔大重牛油味相對起會無咁heavy同埋可以食到最香既餅味因為我未身唔係太中意食好重牛油味既甜品

< 海鹽焦糖配蝴蝶脆餅 $44 >又一新產品，就係多左塊蝴蝶脆餅？不過個樣就唔多似蝴蝶似個心多啲！只係一塊 pretzel 餅乾點左朱古力醬，普通料黎架姐！而雪糕入面都有餅碎食 😂 咁今次食呢個雪糕係焦糖味比較重，海鹽部分可以落多少少，不過都係正既！

< 復活小雞 $44 >身為 Lab Made 既忠實 fans，一轉口味就要去食是常識吧！先食佢地既復活節版本雞仔雪糕，賣相的確幾靚架呢，相機實好開心喇！果塊雞仔餅係一塊牛油曲奇黎既，普普通通但係都幾重牛油味，甚為邪惡，咁呢隻口味既雪糕係士多啤梨乳酪，所以一啖乳酪一啖曲奇就可以中和返個肥膩度，其實我都好中意食乳酪，因為感覺食落健康好多嘛，所以跟住就會食多杯，我諗食兩杯乳酪都冇一杯雪糕咁肥 (好似係) 😂 咁乳酪上面就有啲棉花糖粒同綠色既蛋糕碎，如果冇食錯既話就係斑蘭蛋糕碎 😂 而雪糕入面就有 cereal 脆脆粟米脆粒，成件事係開心既，好味既！

今日行行下街，經過lab made雪糕店，發現佢做緊85折，天氣咁熱，睇下今期有咩特別既分子雪糕。最尾叫左個泰式芒果椰汁糯米飯同士多啤梨益力多。食後感：1）泰式香芒椰汁糯米飯，真係好似，酸酸甜甜，唔知真係以為真係食緊芒果糯米飯。2）士多啤梨益力多，味道好味，但唔係話好特別。如果鍾意食士多啤梨既人，都可以一試。

食完怪獸雪糕未够5分鐘就又口痕出咗the one本身喃住穩cotton on就咁岩見到labmade火焰雪糕芝士撻就出曬名架啦但咁耐先機會試到本身以爲咁宴又每日限定400個一定冇碰下運氣問又竟然有一人一半岩岩好曲奇底超香，牛油味出得黎又唔會太漏但芝士味就冇乜，topping上面純粹雪糕，再有啲鹹味友人大嗌好食，仲話比怪獸雪糕好食好多少食多滋味啊

聽聞左分子雪糕好耐，今次終於有機會試吓啦！今次試係好出名嘅奶醬脆多味。唔知係因為天氣熱嘅關係、定係分子雪糕本身係咁，雪糕溶得好快真係好似食緊奶醬脆多咁，好重花生奶醬味，仲要有d脆脆推介

吃罷正餐一班雪糕狂徒已鐵定要到樓下的Lab Made食雪分子糕啦!!這天點了{凍檸賓乳酪雪糕}$41{茶走雪糕}$46,三隻{火焰雪糕芝士撻}$22及家庭裝的{冲繩海鹽焦糖雪糕}$85,真的萬分興奮喔!!凍檸賓乳酪雪糕,除了濃香的朱古力味及茶味外酸甜味的雪糕永遠都係我最喜歡的味道,利賓納尤其係我童年回憶之樂事,可知車媽媽小時候想飲枝汽水不是易事啊!!利賓納就係我小息良伴呢~這夜真幸福除了凍檸賓外還有我另一*飛佛*茶走雪糕呀,茶味很濃香還帶回甘好有驚喜,除了雪糕還配有香脆多士粒和練奶,感覺置身於茶記一樣呢^0^火焰雪糕芝士撻,其實這個吃下有點兀突,質感雪糕不像雪糕怪怪的,芝士味亦不突出,整體食味很一般呢!!而冲繩海鹽焦糖雪糕,鹹鹹甜甜錯綜複雜的味道好易令人吃完又吃,而家庭裝足有475ml那麼多,我吡6大2小也未能ko晒啊,可幸有冷凍包裝那吃不完也可輕易帶回家呢^0^

最近天氣真的好熱好熱好熱！ 令到本來就愛吃雪糕的甜魔媽媽，更加著了魔似的瘋狂想吃雪糕！雪糕！雪糕！ 圓山的晚餐未到一半，已經構思好要下來 Lab Made 品嚐新口味了～六大兩小都愛吃雪糕，這晚除了三個 火焰雪糕芝士撻 ($22)，又點了茶走 ($46) 雪糕、凍檸賓乳酪雪糕 ($41)，以及475ml 家庭裝的 沖繩海鹽牛奶配焦糖 ($85)，超級盡興，呵呵呵～先彈後讚，火焰雪糕芝士撻 ($22) 賣相不錯，但凍的芝士撻風味始終不及熱的，特別中間還有雪糕，感覺其實幾古怪。凍檸賓乳酪雪糕吃過幾次了，酸甜清新中帶有乳酪獨有的乳酸味，在飽餐後來杯也不錯的。不過最驚喜還是新口味的 茶走，成品既香又滑又濃，真的很有飲茶走的感覺；更搞鬼是雪糕特別加上煉奶甚至是脆多士，更加像真了！奶茶迷必試。除了茶走，也很喜歡沖繩海鹽牛奶配焦糖 ($85)，味道香滑美妙之餘，家庭裝大大盒真的很抵吃，吃不完還有盒有保溫袋可以帶回家，人多也推介要點來分享。開心滿足的一晚，下次再聚又是幾時？

初初在大坑的年代，真的一鳴驚人! 當時好多味都好好味！奶茶味，奶油多咁！仲有檸檬批咁！之後，分店多了，水準也稍為下降。口味也沒有以前吸引了。今天再試試熱情果芒果希臘乳酪，唉！四十幾蚊杯，是好普通的乳酪味，加太甜的芒果汁。沒有下次了。仲要企响度等企响度食.....咁嘅價錢，宜家大把選擇了。