影片
港鐵銅鑼灣站 A 出口, 步行約4分鐘
繼續閱讀
電話號碼
92758618 (WhatsApp/ Signal)
開飯介紹
由尖沙咀搬遷到銅鑼灣的café，裝修簡約，適合朋友聚會。供應薄餅、意粉、漢堡及沙律等西式美食。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
-
網上訂座服務暫停
今日黎到銅鑼灣，喺Times Square地下名牌店過條馬路直行後（Matcha Tokyo右邊嘅馬路），轉入去就搵到百樂中心。呢間餐廳喺17樓，一入黎就Feel到好Vintage嘅感覺，擺晒唱片、用燈光做裝飾，好Relax放鬆😎 全場都有7成滿～Menu好特別，菜式係幾創新，我地叫左3樣野食、1個甜品、2杯飲品😋北海道海膽帆立貝幼蛋麵🇯🇵：好食👍🏻 海膽汁好濃，麵好食🤤日本和牛粒配喜馬拉雅山岩鹽🇯🇵🐮：細細粒易入口大滿足😌 和牛質素好正！香芒醬比目魚：今場MVP🤩 我真係好鍾意食魚🤪 魚肉好正😊 嫰滑、第一次食比目魚點香芒醬，又幾夾喎藍湖 Blue Lagoon💙🩵：上面有舊雪糕😋 好Fresh😙 幾好飲，唔會好甜，值得試吓，而且好打卡able🤭Pistachi—Yo！：開心果Cocktail，好少見！呢度有個小插曲，我倒瀉左，但店員好好，肯送番一杯比我😭😭❤️斑蘭芒果巴斯克芝士蛋糕：泰式mix巴斯克芝士蛋糕，真係好難得😍 好食，唔係傳統巴斯克好漏嗰種，比較輕盈😚服務態度一流，好殷勤，會再黎！😋
繼續閱讀
之前bookmark左【Layback Café & Bar】好耐，一直無機會去試。最近得閑，就同朋友去試左啦。佢地有好多特色fusion餐點，同出面好多café唔同，非常有特色。 生拆蟹粉拌韓國年糕配蒜蓉酸種麵包：蟹粉鮮味爆燈，濃郁到不得了！韓國年糕煙韌有咬口，蘸滿蟹粉超邪惡。蒜蓉酸種麵包烤得香脆，點蟹粉食簡直絕配，鮮香滿分！油封鴨腿配窩夫、血橙：鴨腿外皮脆，肉質嫩滑到離譜，油香十足但唔膩。窩夫竟然出奇地夾，鹹甜交織好過癮！血橙改左做無花果、酸甜清新，平衡返油膩感，有心思！蜜糖牛油蒜香單骨雞翼：雞翼炸到金黃脆身，蜜糖牛油蒜香勁惹味，甜中帶蒜香，單骨設計食得好方便，一啖一件停唔到口！Love, Rosie：Rose Tea, Lemon Juice, Ginger Ale, Soda 玫瑰茶香好優雅，檸檬汁同Ginger Ale帶出微微酸甜，氣泡感清爽，好適合夏天飲，少女心爆發！Banana Bread Matcha：焦糖香蕉香甜，抹茶味濃而不苦，兩者出奇地夾，甜度剛好。斑斕芒果巴斯克芝士蛋糕：斑斕香氣獨特，芒果清甜，巴斯克芝士綿密滑溜，入口即化。甜度適中，食完唔會膩！
繼續閱讀
首先，個賣相已經贏晒！一大pat 金黃到發光嘅生拆蟹粉，鋪喺一碟煙韌嘅韓式年糕上面，隔離仲有幾件烘到脆卜卜嘅蒜蓉酸種麵包。未食已經聞到超香嘅蟹膏味同蒜蓉香，口水即刻標！重點講吓主角 蟹粉 ：真心足料！食得出係新鮮生拆，唔係罐頭貨色。蟹膏嘅濃郁甘香超級突出，仲有啖啖蟹肉絲，鮮味爆棚！最重要係師傅調味剛剛好，鹹鮮得嚟唔會遮咗蟹嘅本味，亦唔會腥，勁正！配嘅 韓式年糕 好有驚喜！唔係平時好硬好韌嗰種，煮得啱啱好，外層微微煙韌，咬落去係軟糯嘅，仲好索汁！掛滿咗濃稠嘅蟹粉醬汁，每一啖都係蟹香加年糕嘅米香，口感同味道都超夾！ 至於個 蒜蓉酸種麵包 ，絕對唔係配角！烘得超級香脆，蒜蓉味好香但唔會過火搶味。酸種包本身帶微微酸香同韌性，點落啲蟹粉入面，脆脆嘅包身吸滿鮮濃蟹膏... 哇！個鹹香鮮味層次即刻昇華，呢個食法真係神來之筆！成個組合睇落好似幾Heavy，但食落一啲都唔滯，反而係鮮味主導，蟹粉嘅濃郁俾年糕同麵包平衡得好好。份量都幾足，兩個人Share再叫多個小食就夠晒滿足！呢個 生拆蟹粉韓式年糕拼蒜蓉酸種麵包 絕對係Layback必試嘅招牌以咁足料嘅生拆蟹粉嚟講，算係中上價位，但個質素同獨特性真係值回票價！鍾意蟹嘅朋友，呢個邪惡組合真係會滿足到癲！強烈推介你嚟試吓！
繼續閱讀
「Layback Cafe & Bar」位於銅鑼灣百樂中心，好耐無黎，曾經嘅食街，原來已經不復往日，一幢百樂中心只餘下八間餐廳，相信強者才能生存。Layback於菜式及Cocktail加入不同創意，大玩Fusion，的確係有啲特色。Mango Sticky Rice Cocktail ($108): 以椰子水做底，加入浸泡過糯米飯嘅Rum酒、斑蘭，以及芒果泡沫調製，的確係幾濃芒果糯米飯嘅味道，並不突兀，味道亦甜甜地，帶少少Rum酒香，算係好飲。Pistachi-Yo! Cocktail ($108): 同樣以椰子水做底，加入椰子利口酒、Rum酒，以及開心果奶蓋調製而成，開心果奶蓋超級濃厚香甜，出色，Base嘅椰子味突出，帶點Rum酒味，味道比上一杯更甜，亦係好好飲。芝士拼盤 ($128): 拼盤分別有藍芝士、布里芝士、無花果、杏仁、意式欖橄味餅乾，由於藍芝士於製造時故意加入黴菌使芝士發霉，所以有種獨特而濃郁嘅風味，鍾意食嘅會好鍾意，唔鍾意嘅話亦未必頂得順佢嘅氣味，味道較重咸香，適合配餅乾食；布里芝士味道較清淡，口感較奶滑，基本上都係大眾喜歡嘅味道。法式芥末子蜜糖烤羊架 ($328): 一客共有四件羊架，每件連住一大片脂肪，煎至非常香口，油香味重，肉質亦非常嫩滑且富肉汁，羊羶味唔重，仲配有露荀、小番茄，份量頗多。生拆蟹肉蟹粉拌韓國年糕配蒜蓉酸種麵包 ($298): 如圖所示，蟹肉份量相當多，絕對對得住佢嘅價錢，醬汁帶有濃郁鮮甜嘅蟹粉蟹肉味道，內含韓國年糕，口感煙韌。酸種麵包加入蒜蓉粒，焗至邊位微微脆香，而麵包本體鬆軟，質素唔錯。斑蘭椰香芒果巴斯克芝士蛋糕 ($78): 市面上一係開心果，一係原味芝士巴斯克，斑蘭味都係第一次食，斑蘭味道較mild，唔會太濃，芝士味適中，質感亦幾滑，加埋椰香及芒果醬，整體幾清甜唔會太膩，幾有泰式風味。
繼續閱讀
今晚同朋友慶祝生日, 特別找到一間充滿氣氛, 又可以輕鬆地暢談, 仲可以坐上好幾個鐘頭的西餐廳, 感覺又係Cafe, 但又有酒飲的餐廳, 當然食物質素都非常重要, Layback Cafe 確係好選擇！！~<日本和牛粒配喜馬拉雅山岩鹽>和牛肉粒非常高質素, 烤得好香, 外焦內嫩, 牛肉味好出, 並帶有肉汁, 岩鹽同黑胡椒令到肉粒更加惹味。<龍蝦扁意粉>龍蝦汁做得非常香濃美味, 配上龍蝦肉、蕃茄肉及意粉, 入口非常creamy好食。<法式芥末蜜糖烤羊架>羊架用上香草蜜糖等配料來烤, 烤得好香好惹味, 帶有少少脂肪, 又嫩又香口。<Pandan Mango Basque Cheesecake>呢個班蘭椰香芒果巴斯克芝士蛋糕, 帶有淡淡的班蘭香, 椰子奶香與芒果的結合, 令整件Cheesecake 味道更加豐富, 更加有層次。<Govida Espresso Martini>呢個cocktail 帶有好濃厚的Godiva 巧克力味道, 同時Martini的酒味依然保持得到, 感覺好似飲緊一杯好濃嘅朱古力酒, 酒味好香而容易入口, 感覺好sweet。<The Dai of Life>綠茶味比較重, 酒的味道較輕, 並帶有椰子水的清甜, 同樣容易入口。今晚全場滿座, 有好幾枱客人都是和朋友來這裏慶祝生日, 餐廳的服務員, 還會為客人唱生日歌, 令現場更加熱鬧, 我們今晚特別來慶祝生日食晚飯, 感覺更加有氣氛。
繼續閱讀