LE-TA-SU 一人一鍋

營業中

休息中

沙田新城市最近新開咗一間源自日本東京、主打一人一鍋嘅火鍋店，抱住期待專程去試。不過整體體驗只屬一般。試咗壽喜燒肩胛肉套餐，250g 份量算多，肉質正常偏薄，食量大嘅可以挑戰350g。追加咗九州產和牛肩胛 50g，但結果只係得兩片肉，而且望落同本身壽喜燒肩胛肉套餐既美國特選安格斯牛肩胛肉差唔多，質素令人失望，和牛嘅油香幾乎感受唔到，唔建議選購。店內有五款湯底選擇，但如果其他套餐想要招牌壽喜燒湯底，需額外加收 $9。可惜壽喜燒湯底味道偏淡，淥牛肉時完全唔能突出肉味，去到湯剩得好少時，壽喜燒嘅味道先稍為濃啲，但已經太遲，整體體驗大打折扣。套餐附送一盆本地農場蔬菜，質素屬正常範圍，冇太多驚喜。以呢個價錢嚟講，整體餐點份量足夠，食物質素可以。

星期六既夜晚5點用手機App 拎位，已經要等70幾個😱差不多8點先入座。手機點餐，用餐時間係75分鐘😚😋壽喜燒肩胛肉套餐350g （$148+$6）係人氣之選No.2，肉量好夠，肉質唔錯👍🏻冇雪味😙而且都好淋配埋日本生雞蛋🥚無得輸😙壽喜燒湯底好夠味，好濃郁☺️我叫左葛粉（+$6）索哂啲汁勁入味😚仲有仲有野菜盛合🍴其中心內美蘿蔔真係唔係到都食到架😋如果有多幾舊就好啦😝大食既我再加多左個飯就岩岩好啦🤪滿足🥳漏左一樣野未講，就係佢個辣椒油都很不錯，好香好夠辣🥰❤️整體黎講，一定會再嚟試下其他肉🐖🐂同埋其他湯底😊舔舔脷指數👉🏻8😋/10😋滿分 值得一試😋

第一次成功幫襯，一直都想試，但放工去到6點幾已經截咗龍，無票攞，無得食！所以今日（星期日）下午5點攞票，晚上8點有得食✌️，足足等咗3個鐘！整體肉類都好味道，但蔬菜就少少失色，南瓜、紅蘿蔔、紅心蘿蔔都好食嘅，但生菜有少少苦味，小旺菜有少少啡色紋（唔夠新鮮），而可加配嘅食物唔多，我地加買扇貝買一送一，即係$28兩隻，扇貝肉好薄，睇落似一開二。但欣賞職員主動幫客人加湯，70分鐘用餐時間，職員已經主動加湯3次，服務非常好，下次得閒又唔趕時間，可以再排😅。

最近沙田二期有唔少新餐廳進駐 不乏過江龍今次去左最底層 日本一人一鍋1730 無咩人排隊 所以諗住行下先再拎飛點知就傻仔左 1800 返到去已經排左好多籌起碼到7點2先有得食入到去坐低 都算幾闊落 幾舒服蔬菜籃有2款 , 1款係固定 另1款係加錢但有3款時蔬係唔同而主菜有4-5 款 烏冬同飯都跟餐固定左價位$80-120湯底有4款豚肉牛肉幾款肉質都好嫩 無雪藏味 顏色鮮艷 而且份量唔算少蘋果山楂💛整體餐廳唔差 上餐速度快 味道唔錯 可以再試

沙田一人一鍋餐廳性價比非常高（比起新城市廣場內其他餐廳），連服務費100蚊就可以食到一餐好好嘅bino！值得推薦！餐廳主打個人火鍋，每位客人都有自己嘅鍋，可以自由選擇喜歡嘅湯底，不過壽喜燒湯底比較鹹+甜，唔建議揀呢款，但其他都好好（昆布，極和出汁）餐廳環境明亮舒適，座位設計寬敞，有籃比你擺書包/袋（呢樣野好好）早d去就唔洗排隊，都幾多人幾旺下終於有個似樣d嘅餐廳😂🥲，你地可以睇下我之前po過嘅餐廳，真係差到不得了😅😅😅

今日同大家分享一間專為一人設計嘅火鍋店，呢間店唔單止唔使搵人陪食，仲可以隨心所欲選擇自己鐘意嘅食材！環境舒適，座位間隔分明，俾人一種寧靜悠閒嘅感覺，非常適合一個人慢慢享受，依家位置就係沙田新城市廣場。店內提供多款湯底選擇，我試咗招牌嘅「麻辣湯底」，味道香濃又唔會過辣，非常開胃。另外，選擇食材方面亦都多樣化，有好多唔同嘅肉俾你選擇。呢間一人火鍋店無論喺服務、環境同食物質素上都俾我好好嘅體驗。唔使擔心冇人陪，一個人都可以享受到獨處嘅樂趣。下次想食火鍋但又唔想湊夠人數，可以嚟試下呢度，保證唔會令你失望！

見呢間一人火鍋新開，就去試吓…我地12:30分拿了飛要等10張枱，但眼見門口冇乜2人在等，相信好多人撳完飛就走咗。佢11:30開，食75分鐘，應該12:40分就會有一批人走。過佐十分鐘，真係d人開始走。但由於門口叫位要收錢，每十分鐘先叫到一張枱，因為佢要去收錢，啲人陸續走，所以佢就不停咁收錢，完全唔叫位。再等咗20分鐘見到都有成六七張枱，我哋就出邊不停咁等，佢就喺度不停咁收錢。叫位個真係好唔掂。明明過咗飛嗰啲返黎補飛，叫一張枱就俾佢入，唔係幾公平，唔係應該過咗幾多張，要等返幾多張先叫返補飛個d？已經叫飛叫得慢，仲要俾咗嗰啲尖返入嚟，最後我哋等咗45分鐘，以後見要掛多過5張都唔會再食。講返食物，我哋叫咗一個普通餐同一個特選壽喜燒餐，份量是足的，普通個牛舌都好爽，但+$3個燒豆腐唔好食，而個壽喜燒味道亦OK，份量足同食材都夠新鮮，啲肉見到佢喺櫃檯即刻切，所以啲質素都保持到。食完之後，我地都覺得100g份量就夠飽，唔需要叫到200同250g, 因為普通個餐係有100/200g, 而得特選壽喜燒上一個份量係250 g，我地叫佐200g同250g覺得太飽，其實有d食唔哂。總括而言，食物質素OK

事緣一直都好想試呢一間東京過江龍之前排咗三次，一直食唔到今次5:00拎位，等到8:30先入座叫咗四份套餐兩份壽喜燒同埋兩份牛火鍋即使坐低立即叫完啲肉都要慢慢切出嚟問職員嘅時候 佢哋態度都⋯好一般嘢食上齊之後 一試 大失所望食物選擇唔多 湯底偏淡同場更有食客表示其他連鎖火鍋店性價比更高⋯

星期五6點半喺app 度㩒飛等到8點幾終於入得3個人叫咗3個set胡麻擔擔湯下鍋前係經店員攪勻過但仍然係淡而無味見店舖提供嘅肉係由店員現場密密砌期待會係厚薄適中，完整一片片但上枱時牛肩胛係切到勁碎，食落似牛肉乾牛五花厚過牛肩胛但係好韌、牛舌有陣騷味自問平時食嘢要求唔算高但係冇諗過一間火鍋店嘅肉可以咁差係得烏冬算正正常常，幾彈牙埋單4百幾好似好抵食得係水準仲差過快餐店（eg吉_家、大乜乜物物）一人邊爐貼錢請我都唔會再食

叫咗一份350 g嘅牛肉 食唔晒諗住攞個外賣盒打包拎走 點知原來間餐廳冇外賣盒冇膠袋 食唔晒你就浪費佢啦 我唔知道350 g咁多 食淨成一半嘅牛肉 搞到面懵懵行去隔籬餐廳買一個外賣盒 唔好學人開餐廳做生意啦 外賣盒都冇然後要杯水又三催四請 最後就得半杯

I waited in line for 50 minutes during the weekend, which was a bit long, but the food was worth the wait if you're not too hungry. I ordered the Le-ta-su set, which was quite generous in portion size. The soup base and meat quality exceeded my expectations!One area for improvement would be the availability of self-serve water stations. When I asked for water, the waitress brought me a half-filled cup, which gave the impression that someone else had already drunk from it. This was not very pleas

呢間一人火鍋店一開張就大受歡迎排長龍，等開咗個幾月再嚟食，都仲係咁多人，平日6點去到攞飛，等咗兩個幾鐘，8點幾先入得，真係冇諗過要等咁耐，店入面唔算大，座位唔多。主打一人一鍋，中間一排坐嘅枱面唔算大，有啲逼，放野食冇乜位。特選Letasu套餐 $178包括澳洲純種和牛牛板腱、北海道十勝豬五花腩、牛舌唔係好多個餐可以食到十勝豬，為咗十勝豬所以叫呢個啲肉都幾多，可能因為都比較碎，唔係好大塊，所以都好似有8 9塊左右。澳洲純種和牛牛板腱反而一般，有啲鞋，亦唔算好香牛味。牛舌正常，都彈牙。反而北海道十勝豬五花腩就好好食，嫩，唔鞋，又彈牙，仲好香。加配牛五花50g $18見平平地就加，都唔錯

哇!好食喎!冇期望下去試左壽喜燒牛肩胛套餐(250g)同LE-TA-SU套餐(200g)再追加黑毛和牛前胸肉(50g) 牛係薄身type 唔係港式邊爐重牛味嘅手切牛類型(my fav.🤭)牛舌同豬肉眼出奇地彈牙🫢 壽喜燒和牛+白飯=幸福☺️ 已經想encore試藥膳麻辣湯底💁🏻‍♀️reminder:記得記得去gulu app預早拎飛 weekday lunch平均都要得一個鐘up&dinner 兩個鐘up🥹

試咗最近沙田新開嘅一人一鍋日式邊爐，知道新開一定好多人排隊試，所以我地都預早咗去食諗住可以小啲人。當日5點45分左右去到都已經有人圍住門口等緊位，我地大約等咗4,5個字左右。我地揀咗一個特選LE-TA-SU套餐配極.和出汁同烏冬，另一個特選壽喜燒套餐配特選壽喜燒湯同烏冬，另外追加咗芝士竹輪同一款牛一款豬(餐加購，follow 社交平台)。成個set好快就上到枱，啲肉用機切，所以全部厚度好平均同完整，切到一個小山丘咁上碟。望落啲肉嘅顏色都好新鮮，脂肪同肉嘅比例平均，牛肩胛有靚靚嘅雪花。另外套餐包埋嘅菜都好多款式，另外有升級咗限定嘅盛盒，一啲都唔hea ，有晒介紹係新鮮本地農場嘅蔬菜，野菜盛盒再加埋有5碟肉，好夠食。食落牛味算濃，脂肪都唔會令到個口好油，同埋份量都算多。蔬菜同菇都好好食。湯底就正正常常冇乜大驚喜，主打都係肉好食。

呢間沙田新開既日式火鍋日日都好多人等，星期六17:30拎飛，20:30先入坐，真係好誇張😲呢到有得揀唔同份量，有豬有牛揀。揀左人氣no.1同no.2，湯底一個壽喜燒一個極和出汁（日式湯底），食牛都係食壽喜燒湯底比較出色😎😎每個餐都會有一盤蔬菜、一個飯（可加錢轉烏冬）、仲有一碟小前菜（涼拌芝麻菠菜）。牛肉同豬肉都唔錯，唔會太肥、薄薄一塊。另外叫左個明太子墨魚滑$25，都幾好食！整體黎講都唔錯，不過實在等太耐🫠🫠如果想食真係要拎定飛。