Library Restaurant and Bar

營業中

休息中

上網睇到呢間餐廳好似幾靚，就捉埋朋友仔一齊嚟打吓卡地點幾方便就腳，尖沙咀地鐵站出口隔籬就係，而且裝修好靚，有好多乾花擺設，飲嘢傾偈都好舒服。但朋友怕熱，就揀咗坐喺室內，不過入邊都好多打卡位，而且座位更加闊落，坐得舒服食物方面都唔錯，叫咗beef cheek 同埋三文魚pinksauce 蝴蝶粉。特別要提beef cheek 夠軟腍，紅酒醬汁協調得唔錯，薯蓉就正常發揮，略嫌薯仔同牛油香味淡咗啲。女仔份量，同行男士要另外叫多個蕃茄芝士多士。撇除份量比較細，食物嘅味道好好，而且擺盤好靚，滿足到味覺同視覺嘅享受飲品方面，叫咗焙茶latte，同埋tea of the day係鳳梨烏龍。焙茶latte茶香同埋奶味都充足，而冷泡茶，烏龍香之中有淡淡嘅鳳梨味，呢個配搭都幾特別午餐嚟講唔算特別平，但勝在環境好舒適，可以慢慢坐，同朋友傾偈叫杯嘢飲打吓卡都係唔錯嘅選擇👍

CHEE GREEN TEA:        With the first sip, I was greeted by the earthy notes of green tea, perfectly complemented by the subtle sweetness of cheese. The creamy texture danced on my palate, leaving a lingering sensation that was both soothing and invigorating. This unconventional blend was a delightful surprise, setting the stage for what was to come.Pan-fried Pork Saddle with Peach Salsa:      The dish arrived, adorned with a colorful medley of fresh peaches and herbs, creating a feast for the e

周六不用上班，我選擇了位於尖沙咀的Library Restaurant用餐，這餐廳以其舒適的環境和美味的菜餚聞名。我先點了一碗餐湯南瓜湯~$68。這碗湯口感濃郁，橄欖油的加入為湯品增添了一絲豐富的風味。接下來，我選擇了無花果沙律加配雞胸肉塊~$133，沙律中的無花果帶來了甜蜜的口感。主菜~我選擇了自家製煙燻三文魚配車厘茄檸檬葉忌廉多士~$118。煙燻三文魚鮮嫩多汁，搭配著車厘茄和檸檬葉忌廉多士。我選擇了香煎盲曹魚作為我的第二道主菜~$118。這道菜使用味噌汁煮成泥蓉汁，搭配意大利青瓜和菠菜，味道鮮美。最後，我點了一份Tiramisu蛋糕~$118和一杯凍Cappuccino㗎啡~$55。Tiramisu蛋糕的層次豐富，奶油柔軟。廳的特點是可在室內用餐區和室外園景區，而室外區域更能欣賞到尖沙咀的打咭美景，包括尖沙咀清真寺和繁華的城市景色。

我哋兩個人晚上七點三左右入座，一坐低服務員都好有善比時間我哋睇menu, 我哋大約七點半左右落單，等左15分鐘，兩杯飲品就上枱，我點左Green Colada 我個朋友就叫左杯 Book Mark，我個杯好正好refreshing! 我個朋友個杯就麻麻，佢話似好淡咖凍茶禾 另外等多半小時左右野食都到左，都算快，整體食物質素唔錯，個封門牛柳好juicy好好味，不過個卡邦尼意粉質感就怪怪哋，麵條太硬身… 似未煮透… 我同我個朋友食完都有同感，之後覺得唔太夠飽，就想加單，出奇地令轉面D服務員唔知去曬邊，最後叫左個bartender職員叫人來幫我哋加單，我哋加左個白酒青口，依個都好正，原先依為係好似OpenRice啲食評咁會跟薄身咖包片係面，怎知上到枱變咗D細件版咖法包，我哋都照食，D麵包dip落D汁都好好味!

🍽️🍝😋 Library restaurant 😋🍝🍽️📍 地點：Library restaurant 係一間chill嘅新式西餐廳，地點方便又舒適。💡 氣氛：Library restaurant 嘅氣氛好放鬆，令人感覺好舒服同埋愜意。🍝 主菜：卡邦尼意粉 🍝我叫咗碟卡邦尼意粉，真係一流！意粉彈牙，配埋濃郁嘅奶油醬汁同埋埋滿杯嘅芝士，味道香濃又滑順。上面嘅培根同蘑菇令呢款意粉更加豐富。真係一碟意粉食落去，舌尖上嘅享受！🍝😋👌🍟 小食：松露薯條 🍟松露薯條係我另一個必點嘅小食！薯條炸得酥脆，再加上香濃嘅松露醬汁，味道濃郁又迷人。每一口都有松露嘅香氣，真係令人回味無窮！🍟😍🍖 主菜：封門牛柳配薯蓉黑松露紅酒汁 🥩🍲呢款封門牛柳實在太正！牛肉煎得剛剛好，咬落去多汁嫩滑。配埋香濃嘅薯蓉同埋黑松露紅酒汁，味道更加豐富。每一口都係頂級享受！真係好正啊！🥩🍲😋🍹 嘢飲：mocktail - book mark 荔枝、桃、菊花茶混合 🍹我叫咗杯 book mark，真係飲得好開心！呢杯 mocktail 係荔枝、桃同菊花茶嘅結合，味道清新又甜美。每一口都有水果嘅香氣，令人心曠神怡！🍹🌸🍑🍹 嘢飲：pref

呢幾日返工壓力大到爆煲，放工即刻約埋同事去relax下，記得之前去過尖沙咀有間靚靚打卡餐廳「Library」有outdoor位置可以邊食飯邊飲野🍸一入到餐廳就會經過圓拱型嘅走廊，上面鋪滿白色植物裝飾，超正嘅打卡位🤩户外位置仲有一幅佈滿花花🌸嘅牆身啱晒影相同chill下🩷香烤春雞超高質👍🏻必點！我地點咗半隻烤春雞，皮脆肉嫩，切落去嘅時候啲皮仲係脆卜卜，雞肉非常juicy爆晒汁，春雞已預先醃製，已經唔需要再點任何調味料，夠晒入味，配菜嘅洋蔥、蕃茄仔同紅蘿蔔條經過烤焗後已經變得軟腍入味，吸滿雞肉汁嘅精華，香甜又鮮味🉐香辣蜆肉扁意粉餐廳嘅招牌菜式，每台都必定會嗌👍🏻扁意粉完全冇落任何調味，全靠大蜆本身嘅鮮味同海水味滲入意粉之中，意粉軟硬適中，加上大蜆嘅鮮味，令味道層次提升茴香豬肉腸•貓耳朵粉貓耳朵粉口感較為煙靭有咬口，店員提醒我地要趁熱食如果唔係就會影響咗佢嘅口感，非常貼心🩷加入切碎嘅豬肉腸同西蘭花，茴香味道與豬肉腸互相融合，配搭得宜黑松露薯條香脆粗身嘅炸薯條係飲酒不可缺少嘅小食，脆卜卜嘅薯條上灑上芝士碎，配上黑松露沙律醬非常香口，一條一條食唔停口😋四大美人Four Beauties呢杯係有酒

一直想來Library Restaurant and Bar 打卡好耐，呢到係一間酒吧餐廳，室內座位燈光比較昏暗，夠哂神秘同有情調！而室外嘅露天座位環境則以休閑渡假風為主，仲可以同到對面嘅清真寺打卡添～Soup of Today💰HK$68南瓜湯好濃郁鮮甜，飲落去啖啖都好綿密，面頭仲灑咗新鮮欖油，令成個口感更加smooth～Chicken Breast💰HK$137雞胸肉嫩滑，輕輕用咗鹽同胡椒去調味已經好夠味！最特別嘅係底層用粟米蓉整出來嘅醬，啖啖都好綿密鮮甜，雞胸肉點呢個醬一齊食好有驚喜！撈埋最頂層嘅青蘋果片同火箭菜，成個感覺再清新啲～Arrabbiata Pork Sausage Rigatoni💰HK$128係一款辣辣地嘅茄汁豬肉香腸通心粉，豬肉香腸同想像中唔同，餐廳將豬肉香腸整成肉碎咁，通心粉偏長身大粒，掛汁能力高，口感諂亦煙韌彈牙！整體感覺似係食緊香辣肉醬長通粉咁，惹味又開胃～Matcha Latte (hot)💰HK$65拉花拉得好靚，係獨角獸嘅圖案，打卡一流！抹茶味同奶味都好香濃，大讚～Bread Pudding💰HK$78麵包浸咗喺布甸之中，充滿布甸嘅蛋香味，口感比較濕

LIBRARY位於尖沙咀清真寺旁的文遜大廈內，較地舖酒吧少一份喧鬧嘈雜。顧名思義餐廳以「圖書館」為主題，室內及室外環境同樣氣氛十足，而餐牌方面亦設計成圖書，將食物劃分成不同章節，而皮蛋意大利飯、立鱗燒馬頭魚小炒皇等菜式更是別出新意，每個細節都可見心思。香辣蜆肉扁意粉 ($188)蜆肉雖稱不上肥美但鮮甜無沙，扁意粉軟硬適中，辣度比想像中高再加上蒜香濃郁惹味。圖書館羊肉二重奏 ($288)羊架與手撕羊肩兩者肉質均鮮嫩多汁，帶溫和羶味配以腐乳醬及沙葛感覺上彷如羊腩煲。香烤春雞 ($188/half)春雞烤得皮脆肉嫩，配以紅蔥、羽衣甘藍及綠莎莎醬實而不華。Book Mark ($108)除了「杜康．醴」、「白蘭樹記」等一系列有如書名般文雅的雞尾酒外，無酒精雞尾酒都以「Librarian」、「Book Cover」、「Preface」等與圖書相關的元素命名，這款則以荔枝糖漿、蜜桃糖漿及菊花茶調配而成，香甜清爽而底部更有銀色珍珠點綴。

專登黎呢度打卡食野個view 係適合打卡，真係好似去左外地咁，呢度服務真係幾好唔多人嘅情況侍應會黎招呼你幫你影下相咁。個甜品真係夠晒吸引，我地專登黎食個T,打卡影相再食埋晚飯，一次過享受日夜光景生日黎呢度食飯真係夠晒氣氛

餐廳位於尖沙咀繁榮的街道上、位置容易找、而且近地鐵、非常方便！當我們入到餐廳後、餐廳員工很有心做事情、每位員工的態度都非常好、他們都十分親切、又有禮貌，雖然說用餐時間兩小時、但餐廳沒有趕人、而且待客之道十分友善、而餐廳的環境與氣氛都很好、食物味道都看得出來是廚師用心之作、份量不算特別多、價錢合理、選擇都不小、特別是最後一道甜品、味道不錯、不是太甜、而且口感豐富、唯一不足是廚房太早last order, 9:30後只能點飲品、若果廚房能夠再晚一點會更好！但這也是一間值得推薦的餐廳、有預先訂位的情況下、店員還會唱生日歌給客人、很窩心的表現！

今日黎到一間好有氣氛既酒吧, 一定要推介比大家呢間酒吧係尖沙咀, 要上樓, 不過好近地鐵站, 大約幾分鐘路程而家係農曆新年, 酒吧係門口放左棵大桃花, 裡面既裝修都好靚呢到可以揀室內定室外, 今日既天氣幾好, 揀左坐室外, 個景都好開揚, 有種鬧市中獨成一角既感覺呢到叫library, Menu都好特別, 整得好靚, 真係有一本書既感覺, 而且上菜時候待應仲會同你講解番每一道菜, 個感覺真係好似學緊野咁呢到既環境, 氣氛同服務就一流啦, 唔知野食又點呢~我地首先叫左2個前菜, 芝士火腿拼盤同埋炸薯條炸薯條黎到個陣熱辣辣又脆, 仲要係粗薯條, 點會唔好食呀=]拼盤黎到就比我想像中大份wor, 好抵食黎到酒吧當然唔可以唔飲酒啦, 呢到既Cocktail都好有特式, 我地叫左四大美人同埋藏頭詩四大美人上個陣係用埋茶壺咁上, 好古色古香, 飲落比較甜, 同白酒做base, 好香果味, 比較適合女仔飲藏頭詩既酒味就相對比較濃, 香料味比較重最後當然唔少得主食啦, 我地分別叫左卡邦尼意粉同埋豬肉腸貓耳粉卡邦尼除左芝士仲用左蛋黃, 所以比較杰同埋掛汁, 意粉好彈牙, 好好食貓耳粉就辣辣地, 但係個口

第二次幫襯，今次帶朋友黎食下。我地無訂位，係出面等左一陣都好快有位。4個人叫左5樣野食：封門牛柳，蜆肉意粉，豬肉腸貓耳朵粉，白酒忌廉青口同埋黑松露醬炸薯條。仲叫多杯四大美人。Overall 感覺係每樣野都放得好精緻，但份量都好少，係幾好食既，但又未至於係必食既感覺。四大美人最impressive 👍🏻似係fruity drink，飲落甜甜地，有少少酒味但都易入口，presentation都好靚但就得好少～咩discount 都無，加一都$154一杯，不過好好醜醜就試下喇。蜆肉意粉啲蜆肉粒粒都肥美，唔錯。貓耳朵就硬左啲～另外叫封門牛柳果陣staff無問我要幾多成熟，黎到個樣似5成～唔係話好tender不過都咬得爛既。同埋一開頭問staff要杯暖水，黎到杯水有好多黑點點🤨好彩佢都願意幫我換過杯。仲有就係如果坐入面都有機會聞到出面啲煙味。總結係如果多人聚會就唔太建議依間，每樣野都可能分得一啖～可能你話叫多啲野食未飽囉，但我地試左幾樣野後都無話想特別叫其他野lu。

年初四晚飯訂了枱，餐廳客人不多，一入門口reception已充滿花園氣息吧枱亦裝修得有格調十分舒適😎坐低後睇睇Menu款式不多，亦可能係農曆年假關係，多款食物已沒有☹️ 我們點咗茴香豬肉腸貓耳朵粉，粉有點硬但味道不錯，而芝士肉醬寬條麵 🍝仲有香烤加拿大豬鞍 再點了杯Cocktail 無無明 🍸 主要用gin 做bass 味道新穎而複雜Aperol cocktail 🍹橙皮味夠甘香

尖沙咀出名的打卡圖書館酒吧餐廳💕🔎 四大美人黎到依間打卡既 bar and restaurant 收工梗係要 chill and relax 下，一黎就叫左依杯依到 signature既 cocktail 「四大美人」，之後果然係名不虛傳，細問 bartender之下發現呢杯cocktail 參考左中國古代四大美人分別最鍾意嘅水果「荔枝」，「啤梨」同埋「檳榔」黎組成，飲落去lychee liquor 既味道最出，好清甜，但係加咗白酒做base，飲落去都有少少酸澀嘅味道，配埋啤梨同埋碟頭花既香味，再加埋佢中式茶壺嘅賣相十分之 match，絕對值得一叫既一杯 cocktail 🍸🫶🏻🔎 慢煮加拿大豬鞍 🐷 $248首先成個擺盤都好精緻，豬鞍、薯蓉、蘑菇同埋配菜嘅擺位都好講究，一咬落去個豬肉好爽口，佢表皮煎得脆脆地但係食落去好軟熟，食個翻尋味🫶🏻 🔎 茴香豬肉腸貓耳朵意粉 $148食落去啲豬肉腸切碎咗，配埋本身個醬汁辣辣地，同個貓耳朵意粉出奇地夾，個醬汁融入咗意粉入面令人食指大動😆 🔎 Milk Tea Cream Brûlée $78比起一般係焦糖燉蛋佢用咗奶茶代替，上面加咗啲焦糖脆脆、

餐廳位於尖沙咀A2出口旁嘅文遜大廈三樓，正對九龍公園，室外雅座亦能近距離看到清真寺及遠眺尖沙咀景色，係度食Tea飲Cocktail都幾寫意。話雖如此，餐廳嘅室內空間裝潢都幾靚，具有藝術氣色之餘亦帶點神秘嘅感覺。春秋（$150）：以頭曲白酒、竹葉青、檸檬汁、青瓜糖漿及蛋白調製嘅一款中式雞尾酒，白酒味道偏濃郁，而青瓜味同樣突出，由於加入左蛋白，口感非常順滑。店員介紹完後，仲真係比左本「春秋」我地⋯五餅二魚（$160）：以Dried Squid Vodka、Ginger Vodka、檸檬汁及Vermouth調製嘅一款日式雞尾酒，送來時店員會將表面嘅鰹魚碎燒香，整杯酒除左濃郁鰹魚香外，仲帶啲魷魚味，所以咸香較突出，但同時亦有檸檬嘅酸酸甜甜，味道及口感均相當具特色。黑松露醬炸薯條（$68）：厚切薯條酥脆，加入少量芝士碎，配黑松露醬及茄汁，作餐前小食配 Cocktail唔錯。香辣蜆肉扁意粉（$188）：醬汁Creamy可口，微辣，幾濃郁惹味，蜆肉粒粒飽滿，夠滑嫩多汁。香烤加拿大豬鞍 香菇忌廉汁（$248）：豬鞍外層焦香，內裡軟滑，肉呈微微粉紅，幼嫩多汁，豚味濃郁。香菇忌廉汁稠密鮮香，與豬鞍幾搭配。