LIFE Restaurant & Bar

營業中

休息中

有得食，又有得玩既酒吧，今時今日少之又少啦！試過拉芙酒吧的話，應該會樂而忘返。酒吧有酒之外🍻🥂🍻🥂，仲可以有得食：串燒煙肉露筍，燒豬頸肉，串燒大粒墨魚丸，芝士焗西蘭花已經非常出色. 😍😍😍

收工去飲Happy Hour , 一個人，只係飲兩杯生啤，有買二送一啊！好抵飲！服務員好有禮貌，地方好乾淨，亦有小食提供，款式好多選擇，送酒一流！一定會再同朋友去！試多幾款嘢食先！

上星期經過見到環境不錯，但地點真的有些難揾，4個朋友想揾地方坐下就入去試試，環境大及舒服不會太嘈吵，員工好Nice,野食好多款式有二十多款，由於我們剛晚餐完才去，所以只試了港島蠔，滷水拼盤，炸午餐肉，炸大大粒虾雲吞送酒，超乎意料之外，酒吧小食水準一流，份量亦很多，之前去其他酒吧小食也是外賣似的，但這裏食物是即煮及用料新鮮，最後我地每人飲左4杯飲品，很開心的一個晚上，還有標機娱樂，一坐便坐了四小時，必定會再去，三五知己好去處

環境氣氛不錯，老闆人又好啲客人都係斯文客，比一般尖沙咀酒吧來說平日人唔算多，有時間落去傾下計同三五好友happy hours係一個唔錯嘅選擇價錢亦唔貴，食物水準亦不錯

環境十分舒服，招呼一流，食物好味，有串燒又有最啱餸酒嘅小食，最啱三五知己傾計飲酒食嘢。。。搞party都好好氣氛，有鏢機玩，音響設備非常好。。。。放工後輕鬆消遣好去處

野食係好食，成日野得2個樓面，一個好勤力，一個系咁玩鏢機，個老闆同經理好似咩都唔知咁，做死一個，失敗之中既失敗..............服務五粒星系比最勤力果位妹妹，其他一粒都唔值得比

呢間酒吧好近屋企，所以成日會去。酒吧就當然乜酒都有啦，但最估唔到佢哋廚房有個阿姨係泰國菜高手。一般泰式小食拼盤樣樣好食唔再講，最厲害係個豬手同我敢講成區一定係佢最好食嘅海南雞。環境舒適又唔雜，伙計親切有禮，客人大多都係街坊熟客，或附近斯文office客。 地點可能比較難找，所以價錢平過隔離成條山林道d酒吧兩三成。有鏢機有波睇，唱K就好似有最低消費，但唔多人唱。反而見過Live band表演，一男一女好似糖兄妹咁唱一d清新輕快歌。

係朋友推介嘅，好彩都無介紹錯。三文魚煎得好香，唔會太熟所以都幾嫩滑。意粉嘅口感好特別較煙韌，較乾身。星期六下午3點幾除我之外得一個客人，後來問侍應原來午餐係新開時段，所以有8折比我 hehe。可惜午餐只跟麵包+咖啡無餐湯有啲美中不足，侍應話會同老闆反應，仲叫我再嚟下次可能會有！總括食物同環境都不錯，可以再嚟食野hea下！

 都是見價錢同圖片太吸引, 即刻搵齊腳就食, 試吓佢得唔得先正宗生蝦刺生, 真係好新鮮, 蝦的肉質又夠厚, 配上面頭的蒜片同辣椒, 青辣椒的辣更勝一籌對於嗜辣的我同老公, 真係酸辣並存, 誰也搶不了誰的味道, 鳳爪亦厚肉,爽口又弹牙, 但對不太食得辣的朋友, 無疑係一項挑戰, 但他們都不斷食, 真係又愛又恨炸物都係一絕的, 其中招牌香葉雞, 雞JUICY又嫩肉末生菜包, 又香又辣的肉碎包在新鮮生菜內, 征服了我的味蕾招牌泰燒雞, 雖然份量唔算多, 雞有燒烤味之餘仍能保持嫩而有肉汁,廚師的燒烤功夫真的十分了得泰式燒牛肉, 估唔到都係唔錯, 牛的肉質軟諗,起初想佢可能只係招牌雞先好味添, 我錯了泰式燒豬頸肉, 厚切但肉質仍然夠柔軟, 到這刻豬、牛、雞都品嚐過了, 但都係不相伯仲, 一個字, 正~~大家都飽到嘔了, 但招牌泰式炒飯, 上桌時香噴噴加上半熟蛋, 真的抗拒不了終於到最後的泰式炒金邊粉, 食到最後都係要食, 花生新鮮香脆,調味恰到好處,金邊粉軟硬剛好又夠乾身, 太好味啦~~~~飲品:餐包飲品（4人1支） u/紅酒 v/白酒 w/果汁(菠蘿汁.橙汁)