LIFETASTIC (希慎廣場)

營業中

休息中

本人係一個超級榴槤控，以往都有食過唔同餅店同埋餐廳出嘅榴槤蛋糕，但係都未找到心目中覺得最好食嘅一個榴槤蛋糕，今次見到呢間著名港女打卡餅店都出咗榴槤芝士蛋糕於是就買咗一個返屋企試。榴槤芝士蛋糕免頭有一啲好似椰絲嘅白色嘢，中間就係芝士蛋糕同埋榴槤嘅夾層。每一啖食落去都非常之細滑，入邊亦都食到淡淡的榴槤肉，絕對係鍾意食榴槤嘅人絕對唔可以錯過嘅一個蛋糕，榴槤味非常之重，但係同時之間亦都不失芝士蛋糕應該有㗎香滑，食到悶嘅時候佢表面亦都有一啲嘅椰絲，令到我哋嘅口感可以增添一啲咬口，蛋糕嘅大小剛剛好，如果係一班朋友一齊食嘅話都好容易分，因為蛋糕係正方形嘅設計，所以可以打直咁樣分或者打斜咁分都OK，都幾推薦

📍 LIFETASTIC (希慎廣場) (銅鑼灣)銅鑼灣軒尼詩道500號希慎廣場3樓326及330-331號舖-這家蛋糕每次路過都覺得口味很多 很想試試看 這次選的是它招牌的草莓西瓜蛋糕 和生酮可可芝士蛋糕。這個草莓西瓜蛋糕我一開始覺得吃起來很特別甚至有點奇怪 但是多次幾口後覺得它一整塊的西瓜搭配它比較粗糙的蛋糕體意外的很清爽健康 還蠻好吃的 可可芝士蛋糕就是一個很好吃的蛋糕 巧克力控會很愛- 🍉 草莓西瓜蛋糕 $78🍫 生酮可可芝士蛋糕 $85環境 ⭐️ 5/5食物 ⭐️ 4/5推薦指數⭐️ 4.5/5 #food #foodporn #foodstagram #hkfoodie #hkfood #dessert #cake #hkfoodblogger #香港美食#甜點 #蛋糕 #台灣美食 #

超人氣無麩質蛋糕好出名嘅西瓜蛋糕之前喺澳洲食過～一直念念不忘佢清爽得來有少少甜又有玫瑰花香嘅味道決定喺朋友生日買個澳洲特色既西瓜蛋糕一齊食！呢個西瓜蛋糕好適合打卡，又好適合想滿足食蛋糕但又怕肥既友人～～🍉🎂草莓西瓜蛋糕方形既西瓜蛋糕，面個層有士多啤梨+西瓜啫喱+開心果碎+玫瑰花瓣，跟住有杏仁海綿蛋糕，玫瑰味忌廉，西瓜，杏仁餅底咁。食落有淡淡既玫瑰味同西瓜清爽脆脆既甜味，但認真的，比起我喺澳洲食嘅差太遠。個海綿蛋糕可能吸左水氣，連埋個忌廉層，有啲淋淋嘅感覺。不過知道呢隻蛋糕，應該要新鮮出爐即刻快啲食先可以保持到最好嘅口感，可能有比較，覺得香港呢間嘅味道淡咗少少，未嗰種一食落去好清新同埋好滿足嘅感覺，係有啲失望嘅！😔

平時都有聽過呢一間蛋糕嘅名，但都冇咩機會去食，今次趁朋友生日特登買咗幾件cake一齊品嚐。要咗佢哋嘅signature西瓜水果蛋糕佢哋特別之處好似係無膚質嘅採用咗杏仁粉做餅底兒歌忌廉食落去又唔會特別漏，個生果青瓜啫喱都夠清甜整體食落都唔錯，但奈何價錢實在太貴真係只可以間中享受。在試咗其他口味有斑斕有三重朱古力都係覺得有水果清新啲。蛋糕款式都算多，下次有機會再試下新口味，就咁買極都用咗幾舊水，依家食蛋糕都係一個奢侈品😂

成日經過呢間lifetastic之前食過佢啲蛋糕印象係：靚 貴 西瓜 生酮蛋糕今次試試佢的正餐叫左兩個set dinner又幾好味喎兩個主菜都食唔哂蛋糕決定打包走🤣🤣

Lifetastic出名食佢既水果蛋糕🍰原來都有正餐食，今次朋友抽獎抽中$500現金卷，同我哋一齊去dinner 😆睇睇menu dinner set 有餐湯+頭盤＋主菜＋甜品＋飲品$208，都好抵食喎！我哋三個叫兩set都好夠😋食物整體都ok☺️特別講下啲Main，大蝦西班牙腸蝸牛粉好特別，第一次食蝸牛粉，細細粒咬落好有口感，有啲蕃茄粒、西班牙腸粒，都幾惹味。北海道三文魚籽海膽意大利粉味道都唔錯，唔會好creamy，食落唔會好膩👌蛋糕揀左招牌草莓西瓜蛋糕、蘋果焦糖蛋糕，賣相精緻，一層啫喱加一層蛋糕，口感特別，味道清新🍎🍰𝐒𝐨𝐮𝐩 🔸精選餐湯𝐀𝐩𝐩𝐞𝐭𝐢𝐳𝐞𝐫🔸紅蝦帶子牛油果他他+$68🔸黑醋汁焗大啡菇𝐌𝐚𝐢𝐧🔸大蝦西班牙腸蝸牛粉🔸北海道三文魚籽海膽意大利粉𝐀𝐝𝐝-𝐨𝐧 🔸水牛城雞翼+$48🔸黑松露薯條+$48𝐃𝐞𝐬𝐬𝐞𝐫𝐭🔸招牌草莓西瓜蛋糕🍓🍉🔸蘋果焦糖蛋糕🍎📍#LIFETASTIC (希慎廣場) (#銅鑼灣美食)銅鑼灣希慎廣場3樓326及330-331號舖

朋友嚐過Lifetastic的午餐，覺得不錯，因此也推薦此餐廳給我。Lunch menu 有多款選擇，有沙律、意粉、牛扒及意大利飯，價錢合理。三人行，選了生酮西冷牛扒、檸檬柚子龍蝦沙律及明太子蟹肉北海道帶子意粉午市套餐。招牌明太子蟹肉北海道帶子意粉，是日最美味主菜，帶子鮮味，醬汁鹹鮮，略嫌意粉不夠彈牙。Medium 的牛扒煑成 medium well，肉質嚡口，肉味普通，唯有醮多一點醬汁補救。檸檬柚子龍蝦沙律，清新可口，適合女士胃口。紅蘿蔔忌廉湯，幼滑可口，一致5星好評。菠蘿芝士蛋糕，忌廉幼滑，芝士及菠蘿味香濃，甜度適中，非常可口。朱古力茉莉花茶蛋糕，可能因為太飽，一點也不喜歡這件蛋糕，茶味是濃郁的，可惜朱古力層起沙，影響口感。相信Lifetastc還是生果口味的蛋糕做得比較出色。無花果紅桑子芝士蛋糕，味道普通與菠蘿芝士蛋糕相差甚遠。 Cappuccino 和 Mocha 正常發揮。

想健康又想食甜品，就黎左呢間無麩質蛋糕既專門店黎個飯後甜品☺️荔枝西瓜蛋糕 (件裝) $78💮有荔枝、紅桑子、玫瑰味忌廉、西瓜同杏仁餅底💮面頭既荔枝啫喱做得好晶瑩剔透，味道好清新💮中間夾著西瓜餡料，好清甜獨特💮餅底係無麩質，係杏仁粉代替麵粉，同平時食既蛋糕餅底唔同，質感會有些粗鞋芒果柚子蛋糕 (件裝) $85💮有芒果、柚子同竹炭糯米餅底💮芒果味比較突出💮芒果慕絲質感好滑💮而且慕絲內有柚子碎，隱隱透出清幽既柚子味💮整個味道好清新純素可可紅桑子蛋糕 (件裝) $85💮紅桑子、紅桑子夾心、純素朱古力蓉同可可杏仁餅底💮純素可可唔算甜，味道濃郁💮紅桑子味道都突出💮整個味道甜而不膩

預前一星期前訂位，今晚放工後去享用餐廳推介的美食，下次光顧還是只選擇蛋糕。最差都是西式美食，脆皮食物只是過氣的脆。提供半邊龍蝦要二人享用。熱烈烈咖啡的確拉花好靚。

早前，為好朋友慶祝生日，記得他提及過喜歡 <LIFETASTIC> 的西瓜蛋糕，所以，我特意挑選銅鑼灣希慎廣場3樓的<LIFETASTIC> ！他喜歡整餐晚餐的安排，實在太好嘞！美中不足係隻爛杯！Menu周打蜆湯加入不少忌廉，入口溫熱香滑， 混合煮得軟腍的甘筍、西芹粒及少許蜆肉！沙律新鮮爽脆的沙律菜切得細碎容易食， Dressing 是清新的柚子汁，甜中帶微酸，加橄欖油，令沙律菜油潤不嚡口！恰到好處！招牌明太子蟹肉北海道帶子意大利粉 $208明太子及蟹肉融入醬汁中，意粉口感煙韌彈性討好！北海道帶子輕煎，保持鮮嫩甜美！慢煮澳洲牛面肉伴忌廉薯蓉 $238牛面肉肉質好柔軟，醬汁入味，薯蓉軟滑！新鮮薄荷配洋甘菊茶散發薄荷獨特清香，洋甘菊滲出微甜，口味清新怡人，兩者都好夾！凍咖啡無落糖，口味充滿果酸帶甘；埋單時問男店員 M，同時身為咖啡師的他建議我們下次點熱咖啡！問店員要求糖漿，就算加入糖漿，依然於是無補！只會越飲越酸，喝後回甘！對他來說，甜品才是主菜！我提早訂甜品慶祝朋友生日，正是令佢期待嘅主菜：荔枝西瓜蛋糕 $78！日本白桃伯爵茶蛋糕 $85口味清新，香甜多汁

有屋企人生日🎂同埋我係lifetastic既會員 買任何生日蛋糕款式會有7折+免費送貨 ☺️咁我就買左2個同屋企人慶祝 平時都係食開signature 西瓜士多啤莉蛋糕 🍉🍓今次就想試下新口味 💛菠蘿芝士蛋糕 ($398)蛋糕材料包括糖煮菠蘿+忌廉芝士+雲尼拿籽+椰絲糯米餅底 睇到賣相好吸精 有一大塊菠蘿乾係蛋糕面 而且好有口感 忌廉芝士好幼滑好creamy 酸酸甜甜又不膩 好特別既配搭 🍍🧀💛有機焙茶香蕉蛋糕($398) 蛋糕材料包括有機焙茶忌廉+香蕉+有機焙茶糯米餅底 依個蛋糕味道好有驚喜 焙茶同香蕉味各自都好重 但又唔會搶左大家既味道 好出色👍🏻我覺得仲好食過西瓜士多啤莉蛋糕 推薦!🍌☕️

Lifetastic 嘅蛋糕我諗好多人都食過😍 因為佢健康、高級、大方得體😄今日第一次試佢嘅堂食lunch, 感覺非常非常良好😄呢個lunch Menu 嘅選擇唔算多, 但係都可以配合到唔同人嘅口味1) SOUP OF THE DAY 精選餐湯 甘筍湯好濃郁, 熱辣辣, 好甜, 係真材實料; 飲完都覺得好健康😄2) Red Shrimp Risotto 紅蝦意大利飯：意大利飯有濃郁嘅蝦味，上面仲有一塊紫菜，感覺好特別；紅蝦亦都好鮮甜佢其他嘅lunch set 仲有Spicy Fried Hairy Crab Meat & Crab Paste Lumaconi 辣炒大閘蟹肉蟹齊蝸牛粉、Grilled US Sirloin Steak (10o2） 烧美國西冷牛扒 (10安士）、LPETASTIC Seafood Platter LIFETASTIC 海鮮拼盤3）DRINK 可以選一款Organic English Breakfiast Tea 有機英式早餐茶 / Long Black Coffee 濃黑咖啡/Hot Ginger Milk 熱基汁鮮奶＋$15 / Other Drin

LIFETASTIC (希慎廣場) (銅鑼灣)📍銅鑼灣軒尼詩道500號希慎廣場3樓326及330-331號舖🤍Weekend 一到就想周圍試新嘢！呢一間蛋糕店開到周圍都有，見就見得多，每次都只係睇完就走，因為佢嘅價錢真係「相當吸引」。今次終於搵到一個特別嘅派頭去買來試試😆🤍我哋買咗四件蛋糕，分別由草莓西瓜蛋糕，荔枝西瓜蛋糕，斑斕芒果克羅米蛋糕，同埋朱古力茉莉茶蛋糕！🧁草莓西瓜同埋荔枝西瓜，中間有一層西瓜餡料，幾清甜獨特！面頭嘅水果啫喱做得好晶瑩剔透，味道亦都唔會話好甜，感覺清新！而且賣相精美打卡絕對一流！呢兩款蛋糕個餅底係gluten free, 唔知係咪因為咁嘅原因，所以食起上嚟嘅時候一粒粒，同一般嘅蛋糕底好唔同，質感比較粗鞋。如果想試，就要有啲心理準備，因為佢係非一般質感嘅蛋糕底，買之前要好好管理自己嘅預期！🧁最欣賞係斑蘭芒果黑糯米蛋糕！面層斑斕忌廉味細滑香濃，味道亦都好真實唔似係平時用咗大量人造色素同埋香精果種！🧁最後就係朱古力茉莉茶蛋糕，朱古力味非常之濃郁，如果鍾意Dark Chocolate 嘅朋友應該會大愛, 襯落清幽嘅茉莉茶度出奇匹配！❤️整體來講四款蛋糕都各有特色，而且食

#Lifetastichk #hkcake 📍 銅鑼灣軒尼詩道500號希慎廣場3樓326及330-331號舖招牌草莓西瓜蛋糕 身邊個個朋友都話生酮，所以黎要間食飯呢到蛋糕係用杏仁粉代替麵粉，蛋糕上鋪滿玫瑰花瓣，清香脫俗，下層有忌廉、西瓜、蛋糕，層層分明清晰，甜而不膩😋朱古力蛋糕朱古力味濃郁，突出不同口感與豐富層次，蛋糕層中會加入朱古力忌廉，精緻外形，真係好想不停食🍫蟹肉牛油果意粉濃濃嘅牛油果味配上蟹肉🥑意粉硬度有咬口而且麵條掛上牛油果醬我哋好快就食晒一碟意粉

今日經過希慎廣場3樓，看到他們的lunch Menu，圖片及價錢都非常吸引，便入去試試！我選擇了田園沙律及米蘭式燴牛膝，果然食物與圖畫一樣，沒有被欺騙的感覺（你明白我意思的😉）！沙律菜非常新鮮，看不到爛葉，如服務員所說他們一定會清洗乾淨所有菜蔬（因外面的餐廳一般都不清洗好便serve, 我怕吃下🐛卵子，所以很少叫沙律。就算叫都看清楚有冇爛菜爛葉，見到一定不敢碰！）他們的自家製salad dressing值得一讚👍👍小小份量已能帶起沙律菜的鮮味！Very refreshing! 👍👍👍😋😋😋牛膝骨又是另一驚喜😍😍骨裏面竟然發現很多骨髓，看到已覺得值回票價！肉質很嫩滑，配的新蘚蔬菜薯蓉都很美味😋😋😋😍😍😍Portion 很大，胃口細的share 食最好！看到隔籬枱叫了燒雞及牛扒很是吸引，也如圖一樣沒有被欺騙的感覺😆！所以下次我會再去試試其他食物！總括來說，我覺得此店價廉物美，服務員很專業，有禮貌，值得支持的餐廳！