LIFETASTIC BISTRO (PopCorn 1)

營業中

休息中

新年期間去做popcorn商場行街， 發現咗個好大嘅優惠。 平時見到佢哋招牌蛋糕都要78蚊一件。 見到promotion poster， 惠顧午餐就可以免費贈送一件蛋糕。 詳細問過之後，冇乜特別條款，只係需要畀返10%手續費， 同埋見蛋糕一定要堂食。點兩個餐就可以送兩件真係非常驚喜， 黑松露雜菌意粉 ，雞扒流心蛋竹炭漢堡， 味道都算ok， 雞扒就熟咗少少， 唔夠嫩滑 ，但係都可以接受。最期待當然係招牌蛋糕， 荔枝西瓜蛋糕， 其中一件係超多荔枝要勁開心， 加埋玫瑰花嘅味道 真係好幸福。 不過呢個季節食西瓜就唔係太甜， 但係都可以接受。

食物方面：黑毛豬芝士西多：西多士入面有嫩滑黑毛豬，同埋濃郁芝士😈更邪惡既係用煉奶！吃完好滿足，好有罪咎感😂😂😂龍蝦all day：採用既食材高質👍🏼而且味道好夠😆😋肉鬆芋泥鹹蛋蛋糕：超好味🤤口感層次多，又鹹又甜又香！必點😆😆😆服務方面：唔錯環境方面：舒服性價比方面：正常如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

蛇年大年初一，緊係要品嚐豐盛嘅一餐，再去開心拜年，LIFETASTIC BISTRO仲有「新春好運新滋味」套餐，一於就叫呢個Set，為今年添福添運，行運行到腳趾尾🥰薑汁紅棗蛋糕🍰上有淡雅粉嘅桃花，再加上點點金箔，滿滿貴氣，又寓意人緣當旺🥰；粉白一層一層嘅設計，象徵蛇年步步高升🆙 而且，呢款Cake真係有好濃嘅薑味，近排天氣咁凍，驅寒一流💨呢個Set仲會配一杯限時特色飲品，Zaza挑選咗「凍紫薯紅豆厚椰奶🥥」，椰香重，有淡淡的紫薯香，又唔太甜，推薦俾各位紫薯控👍🏻Zaza仲Order咗他他醬太陽蛋燒雞扒竹炭漢堡🍔、黑松露雜菌意大利粉🍝、經典法式口吐司🍞、全日早餐🍳、牛角包🥐，咁今年一定豐衣足食😎他他醬太陽蛋燒雞扒竹炭漢堡🍔 嘅雞扒極厚極滑；再配上太陽蛋，蛋香齒頰留香；竹炭漢堡包微微香脆，滿滿麵包香黑松露雜菌意大利粉🍝 嘅黑松味濃，加上各式雜菇，令口感充滿層次感經典法式厚吐司🍞 係 #咕吱必點之選，事關佢唔係一般嘅西多士，淋上濃郁桂花醬同濃烈嘅煉奶後，香氣逼人，係其他餐廳食唔到💁🏻‍♀️全日早餐🍳就相當豐富，仲有Zaza好鍾意食嘅脆脆薯餅、濃郁炒滑蛋，同牛油果麵包添呢餐真係幾豐盛又好味，祝各

久仰大名嘅西瓜蛋糕 行過見到堂食惠顧$68或以上套餐就可以送指定蛋糕一件 就決定試試- 蒜片茄醬蟹肉大蝦意大利粉 $98 是日餐湯 白桃冰紅茶 +$5- 香煎三文魚卡邦尼意大利粉 $128 是日餐湯 白桃冰紅茶 +$5兩碟意粉份量好夠 我揀咗蒜片茄醬蟹肉大蝦意大利粉 大蝦有三隻 入面仲有一堆蟹肉 蒜片味幾香 大蝦如果可以再煎香啲就更好 朋友揀咗香煎三文魚卡邦尼意大利粉 有幾舊細細地嘅煙豬腩 好香口但齋食就有少少鹹 意粉好creamy 三文魚皮如果再煎脆啲就完美餐湯係椰菜花忌廉湯 表現正正常常白桃冰紅茶偏甜 但味道係可以揀咗兩個套餐有兩件蛋糕送返 去門口睇返當日有咩蛋糕再挑選就可以😎我揀咗招牌草莓西瓜蛋糕 朋友揀咗荔枝西瓜蛋糕 埋單只要補返蛋糕嘅加一服務費 初嘗佢哋嘅蛋糕 第一次食有西瓜嘅蛋糕 感覺好特別 但原價$78一件 正常我唔會有呢個衝動去買🤣所以呢餐真係好抵食 仲好飽肚💰$275

今日黎食呢間，以西瓜🍉蛋糕🍰出名嘅西餐廳食午餐，本身滿心期待😊但食完後有失望感。首先，明太子意粉🍝冇明太子味其二，全店冇薯條🍟變咗薯餅，又唔預早通知。跟著，個牛肉Burger 塊牛勁硬，真係唔係好值呢個價錢，而且服務好一般…！蛋糕好食嘅，但蛋糕以外嘅野食/飲品就麻麻！

幫朋友手搬 office，朋友揸車由葵芳入 TKO，平時真係好少入 TKO。搵個間 cafe, 裝修幾靚，可能我地早到，冇 book 位都唔多人。叫左set lunch : 蘑菇湯同漢堡包配薯條。🍄 蘑菇湯一上枱就散發出迷人嘅香氣，湯底濃郁滑順，蘑菇嘅鮮味充分釋放，口感細膩，仿佛每一口都能感受到新鮮蘑菇的香甜。🍔 漢堡包漢堡包的外表金黃誘人，漢堡煎得外焦內嫩，配上新鮮嘅生菜同濃郁嘅芝士，同流心的雞蛋，味道層次分明，每一口都充滿咀嚼感。特別係配上脆口嘅薯條，簡直係一個完美嘅搭配。

明明話星期四做指定主菜或意粉半價，點知去到原來係第二件先有半價,    但係條款有冇寫清楚!  問咗門口服務員佢話係客人理解錯，所以佢哋已經加咗個貼紙喺張poster度，佢話唔知點解淨係將軍澳啲客人先唔明白個條款，其他地區分店冇問題! 聽到佢咁講我真係O晒嘴, 明明係自己寫得唔清楚竟然推卸責任喺客戶度, 仲要喺我背後講壞話....今日仲係咁嘅態度等執笠!!

為朋友慶祝生日，預約時填寫了生日主題，最後蛋糕有著很美的擺盤並加上了生日巧克力牌。值得一提，結帳時職員非常貼心提醒及詢問我們，由於當日是星期四，會有預約優惠，其中一個主菜半價後會比套餐更便宜，最後為我們安排了此優惠。謝謝她的貼心跟有禮的服務，一切都很美好。

有次夜晚同朋友想喺Popcorn 搵間餐廳食飯，咁啱呢間喺電梯口，於是就揀咗呢一間。入門口第一下已經覺得好差，同服務員講我哋要兩位嘅枱，講咗幾次，冇人理我哋，咁我哋就唯有自己直接入去搵枱。跟住隨即就有工作人員走來問我哋幾多位…..我同我朋友都對望咗一下覺得好好笑，喺門口問咗幾次都冇人理要去到咁樣先至理。最好笑係叫餐，佢哋係QR code落單嘅，我哋見個牛嘅餐加唔到，於是我就行出去問個職員，個職員就話可以幫我哋落單。完成落單後，隨即隔籬枱都話要搵佢哋落單。個職員幫隔籬落完單之後，就走埋嚟同我哋講話唔好意思，嗰份牛無咗，俾隔籬枱叫咗，因為得返一份。咁我就同職員講話係我哋落單先，個職員就話係計邊一個坐低先，我真係無話可說。 呢啲咁嘅服務態度服務質素正一垃圾，唔怪得香港嘅餐廳都做唔住。

差唔多逢星期六早上都過嚟食早餐，以前未加價都知道份量慢慢少，$58自選早餐，我會加$3轉煙三文魚，以前至少都有兩塊，而家只得一塊。睇返以前餐單，奶啡唔使加錢而家要加$6 。都明白經濟唔好，經營困難，加價都正常，但係加價份量少咗真係太過分，連沙律醬都慳返，個沙律乾浸浸，我估可能忘記咗呱？我都叫職員俾返沙律醬🤣🤣🤣🤣，職員都即刻幫手俾返沙律醬，服務其實不變都唔錯。話晒係連鎖店，加價可以，但係維持返食物質素，呢個要求唔過分啩？

餐廳位置坐落於將軍澳地鐵站C出口一出轉右直行，電梯旁邊，巴士總站在其右邊，可算方便。我成日搭電梯都會望住啲人食嘢，不過到自己真係坐落去餐廳，又唔會太受搭電梯嘅人嘅目光影響，介意的話都可以揀坐電梯底，就唔會俾人望住🤣 餐廳雖然唔算大，但係都坐得舒服👍🏻今次趁放假，去試吓佢個lunch set，有餐湯同埋飲品，仲可以用半價加件裝蛋糕同埋會員仲有九折優惠 (即係冇左加一)🤘🏻會員係我之前download Apps免費登記👍🏻是日餐湯：蘑菇忌廉湯忌廉湯口感豐富，滿滿打碎咗嘅蘑菇粒，好飲🤌LIFETASTIC All Day Breakfast ($118)而吸引我叫全日早餐嘅原因就係佢特別嘅配搭。有出邊少見嘅乳酪、牛油果、大啡菇加埋一齊，仲有煙三文魚、煙肉、沙律等等，都好match我嘅口味，加埋飽肚嘅薯餅、麵包、香腸，其實都已經好夠飽。味道我就覺得係正常發揮，炒蛋滑嫩、牛油果唔苦的，不過其實以上嘅食物我自己覺得都好難唔好食？🤣🤣 飲品：英式早餐茶茶一杯🙈但係份量好足夠，適合有時間慢慢嘆嘅人🫶甜品：朱古力香蕉蛋糕($34半價價錢）蛋糕味道濃郁，係大家想像到朱古力加香蕉嘅味道，但係係好食嘅，因為佢

餐廳位於將軍澳popcorn ，地鐵一出站嘅右手邊電梯口嘅位置。每次行過都想order 甜品櫃嘅蛋糕🍰。不過一件細細件埋單都成80元，就真係唔係幾捨得！想食又想平啲啲？嘿，有個好方法🤭 幫襯佢晚市，半價就加購，圍起40元，係咪抵先！望下餐單，晚餐反而好公道，最平98元就有交易，仲有齊湯同餐飲喎，西餐嚟講都okie!! //麻辣醬汁大蝦意大利粉🍝// 未試過麻辣意粉，估唔到幾得意！佢個source唔辣，椒麻比較重，幾開胃，意粉唔會過淋，大蝦都好爽口！98呢個價錢，抵食！//炭燒澳洲穀飼黑安格斯封門柳// 198價錢仲有牛排🥩封門肉味比較濃厚，脂肪不多，相對質感。處理得幾好，無話咬唔到情況。// 蜜柑西瓜蛋糕LIGHT 招牌草莓西瓜蛋糕//試下蜜柑，都好味！好清甜嘅橘子蜜柑味，好清新！下層有西瓜，好爽好味！蛋糕係無麩質，當然無海綿蛋糕咁鬆軟，但口感好好！但要二揀一的話，都會揀返士多啤梨版！

對於Lifetastic呢個品牌一啲都唔陌生對佢最深刻嘅印象係一磚磚多層次嘅草莓西瓜蛋糕原來Lifestatic除咗蛋糕 仲有做西餐嘅Lifetastic Bistro 正餐食物質素有水準之餘 蛋糕款式多種類 用餐環境舒服 適合同朋友黎食飯一聚🍴炭燒澳洲穀飼黑安格斯封門柳👉🏻炭燒至medium rare-medium程度嘅封門柳 肉質軟腍 牛味香濃 👉🏻有時食薯菜 食到菜係白烚嘅會嬲 但呢到嘅薯菜都好食 菜類都有烤香過 薯蓉細滑嘅口感和牛油香食得出佢係邪惡嘅 🍴明太子軟殼蟹意粉👉🏻意粉口感creamy得黎有咬口 係我喜歡嘅意粉口感👉🏻炸軟殼蛋有2大舊 剛剛好適合2人分享🍴三重朱古力慕絲蛋糕👉🏻鍾意食朱古力嘅朋友黎到一定要食呢款蛋糕 佢嘅朱古力味好香濃 甜度適中 中間仲有些軟心感 而且外觀都報置得好靚 🍴雜果千層蛋糕👉🏻色彩繽紛嘅果味蛋糕 紅紅綠綠咁見到都覺得開心 中層鋪滿咗士多啤梨、提子和芒果 係一款清新香甜嘅蛋糕.

約了朋友相聚，選址朋友家附近的LIFETASTIC BISTRO✨原來今日是餐廳的8週年優惠的最後一天！件裝蛋糕剛剛賣完了。他們家的蛋糕每日新鮮製造，一旦賣完就沒有了。唯有下次再買蛋糕嘗嘗。✪ 炭燒澳洲穀飼黑安格斯封門柳 ⌫ 💲198澳洲穀飼黑安格斯封門柳賣相吸引，炭燒後封汁，外層微微焦香，內裡肉質鮮嫩多汁。餐飲升級了洋甘菊茶，味道清甜，帶有獨特淡雅清香。✪ 煙三文魚牛油果薄餅 ⌫ 💲148套餐包了餐湯，是日餐湯閃蘑菇忌廉湯。蘑菇忌廉湯口感濃稠，蘑菇味很重。薄餅上面鋪滿了煙三文魚片和牛油果。薄餅邊酥脆，口感不錯。點了英式早餐茶作為餐飲。茶飲以茶壼上，可以慢慢嘆。【LIFETASTIC BISTRO】📌將軍澳唐賢街9號PopCorn 1地下G19號舖

早2晚收工近近地係地鐵站附近商場醫下肚，揀咗間fusion菜，呢間餐廳主打招牌草莓西瓜蛋糕，但其實佢啲主食都唔差，而家仲做埋dinner set，平均$150-200/一位，環境仲幾舒服🥣是日餐湯：蘑菇湯蘑菇香味濃鬱、質地順滑，冬天飲返碗蘑菇湯啲暖意返晒來🥰🍝日本明太子帆立貝蟹肉意大利粉日本明太子的鹹香、帆立貝的鮮甜以及蟹肉的鮮美，將亞洲和西方風味融合在一起。吃起來帶有明太子的微辣和鹹香味，搭配帆立貝和蟹肉的鮮美口感，整體味道豐富多樣😃🐟燈籠椒金目鱸魚魚皮焦脆鹹香，肉質鮮美，味道鮮甜，以燈籠椒、翠玉瓜作為伴菜，帶出咗魚嘅濃郁香味，亦有助中和整道菜的味道🍰招牌草莓西瓜蛋糕作為餐廳Signature，佢嘅西瓜蛋糕當然無令我失望啦🥰佢係無麩質嘅杏仁蛋糕；以杏仁作餅底，中間有玫瑰味忌廉、西瓜，頂層是玫瑰花瓣果凍、開心果及草莓果肉製成；西瓜清甜、草莓清新，兩種生果配搭完美，味道讓人煥然一新📍LIFETASTIC BISTRO (PopCorn 1) (將軍澳)將軍澳唐賢街9號PopCorn 1地下G19號舖