Light Rail Pizza

營業中

休息中

多次回訪，今次見老闆推多左好多新產品，試左個要2早一日落單既燒雞pizza餐,覺得應該要出下post比大家知，唔好令有心既小店又少一間pizza燒雞餐（要早一日訂，老闆識睇中文可以用whatapp/打電話）：Pizza：一貫呢間店既味道，唔算好突出，但我覺得幾好食，配料好多，唔會話得餅同汁，pizza底都係老闆自己手工做，雖然我自己唔覺得比大連鎖店好食好多，但計埋價錢同埋用料，絕對值得一試燒雞：今次重點，堅好食，雖然打開個時竟然係平時d雞煲味，但原來因為加左花椒八角，之後食落口，好特色既味道，有d唔知咩香料味，好香濃，配合有新鮮檸檬一齊焗，成隻雞等級提升左唔少，鮮檸解左整本身隻雞既肥膩感，好獨特既感覺，而且隻雞一d都唔細，唔係平時春雞禁細，似平時一隻油雞禁上下大，絕對為左隻雞一定會回訪雞翼同可樂：無特別～唔多講總結：cp值很高，對比平時大連鎖店唔算平好多，但份量同味道有夠足，缺點只有兩個，一是多次回訪先知道既係水準比較唔穩定，但差極都係達到滿意既，二係地點比較偏僻，主要都係要坐輕鐵最易搵

真係好好食估唔到屋企附近有間咁正嘅PIZZA佢真係即刻焗出嚟攞到翻屋企仲好脆好熱 啲芝士真係好似拍廣告咁拉到好長而且10”嘅pizza先58蚊 138蚊就有14”我見個麵團入面仲有啲好特別嘅香料喺入面所以感覺佢比較有東南亞風味 同番茄醬都比較甜唔太似平時美式PIZZA 但係依然好好食感覺佢已經做的比較符合港人口味然後個老細仲好好人佢係外國人但係廣東話講得幾好去到佢好似即焗咁啱先落雨個老細仲好熱情咁落張凳出嚟叫人坐然後仲送咗盒通心粉同青醬比我見落雨仲突登包裝得好啲

真係好好食估唔到屋企附近有間咁正嘅PIZZA佢真係即刻焗出嚟攞到翻屋企仲好脆好熱 啲芝士真係好似拍廣告咁拉到好長而且10”嘅pizza先58蚊 138蚊就有14”我見個麵團入面仲有啲好特別嘅香料喺入面所以感覺佢比較有東南亞風味 同番茄醬都比較甜唔太似平時美式PIZZA 但係依然好好食感覺佢已經做的比較符合港人口味至少我覺得真係好好食男朋友話覺得個餅底好似佢之前食過嘅貴價餐廳咁我覺得啲香料真係好特別 幾神奇嘅搭配然後個老細仲好好人佢係外國人但係廣東話講得幾好啱先落雨個老細仲好熱情咁落張凳出嚟叫人坐然後仲送咗盒通心粉同一包好似青醬嘅野比我事先有打過去 去到仲要等5分鐘左右佢好似即焗咁 所以真係好脆見落雨仲突登包裝得好啲我覺得佢真係好有心見到仲有啲小食同意粉 下次會想試下

-睇OpenRice 個個都介紹呢間好食，講到好神，甘我就去試下，我屋企住好近，兩個輕鐵站，我見食評話住得遠過我拎到返屋企都重熱，甘路我老公生日就試下，點知。。個pizza係凍，唔係一般凍，係整完放左好耐，我準時去拎，佢都話未得，甘我以為整緊，應該熱辣辣啦，點知凍到食唔到，難食到一個點，氣炸番都無用。-個所謂炸雞，$50，我未見過炸雞係甘，其實應該係煎雞，不如改名啦，唔好令人失望。-個蕃茄意粉先正，完全無蕃茄，好似佢有咩就比咩你甘，甘不如唔好要餐牌啦滿心期待到我想一野掉哂佢，知佢係小本生意，甘既然唔夠人手，可以唔接我外賣，而唔係比哂d甘既野客人囉。

好好味🤤$138就有一個14吋大批, 還可以選擇不同味度👍選了P08 一半lamb pizza, 一半pepperoni pizza , 等大約15分鐘就有得拎買。有好多羊肉粒，粒粒都好香口。薄餅芝士都好香口，餅身厚度適中，整體用料充足和夠曬大份老品和服務員態度好好這間小店還有其他美食，價格經濟大芳。咖啡都係$15蚊一杯🥃

朋友！落嚟試下我新發現嘅寶貝，一個充滿異域風味嘅Pizza點—Light Rail Pizza！首先，個Chicken and Lamb批嚟喇！啖啖肉嘅香味撲鼻，Lamb好香又唔羶，啃落去彈牙得滯，搭埋柔軟多汁嘅Chicken，真係一流！Pizza批嘅邊緣金黃香脆，但裡面嘅芝士同料卻又夠拉絲，又夠軟糯，每咬一口真係有一種「豪食」嘅滿足感🤤！再嚟個Shrimp and Lamb，尼個組合同樣正！Shrimp焗到啱啱好，仲保持住啲彈性同鮮甜，係有心機嘅做法😌。Lamb嗅起上嚟香噴噴，味道滿分！至於個批底，咬落去軟硬適中，帶啲韌，就紮實咁支撐住啲料，好有嚼頭。啊！仲要大讚下佢哋嘅彩椒同黑橄欖，加到Pizza生色不少，食落去就係爽口順滑，美味過江！我啲朋友食完之後個個讚口不絕，話呢個外賣Pizza真係做到出色街頭美食嘅水準👏🏻。一個好Pizza，應該係色香味俱全，Light Rail Pizza做到咗，而你未去試，就真係少咗人生一大樂事喇！下次，記住話我推介你，一齊享受呢個搭乘味蕾快車嘅美味旅程啦！🚆🍴😍

識講中文既外籍人士老闆好好人，待客態度非常好，pizza非常足料又好食，芝士好香好食，我通常都要加芝士，個人認為對起大品牌仲要好食，另外佢個咖哩雞飯真係好好食，薯仔同d雞都好入味，雞嫩薯仔好淋，唔知係唔係佢哋家鄉菜呢？出面唔係咁易搵到，必定要食！我通常電話落單，佢哋話你聽幾耐得，預返時間過去拎就Ok，順帶一提佢淨係收現金。Pizza 10"細批$58 咖哩雞薯仔飯$40哈哈哈哈哈哈哈哈哈 一句講晒 平靚正！

老闆曾經請我食呢個芝士肉醬千層麵！好好食！之後時不時叫佢整比我食🙈🙈而家天氣冷 返到屋企凍哂🥶再掉入氣炸鍋溶一溶d芝士 更加正😏更加邪惡😈！外藉人士都好用心經營既小店！

這裡算是在區域內極高質素的外賣餐廳。老闆極為熱情，即使有任何錯漏，也會立刻多弄一個pizza作為補償，對於客人的需要也非常重視，例如買一個180元的pizza，當中附贈的飲品也會隨大家人數的變化，而提供較多的飲品給客人，例如這次我們是六人的，老闆也願意提供六個飲品當然所製作的食物，亦非常足料，比如這次買的三文魚pizza，就並非以切片的三文魚放在表面，而是會把三文魚腩，弄成較為合適的大小，放在上方，再配上充足的起司，和鬆軟的餅底。雖然餐牌並沒有明說，但還是會有贈送一盒意粉份量很足夠的意粉喔假若路過不妨可以試試的

呢間啲Pizza超好食，大大份，足料！啲朋友嚟我屋企玩，我一定會叫呢間啲Pizza，佢有得可以雙拼，而我就最鍾意multi-cheese pizza , 極豐富芝士，令外我一定會加埋芝芯邊，佢整個芝芯邊整得好好，佢嘅multi-cheese pizza 加芝芯邊係一個完美嘅配合。另外呢排佢都出咗一個套餐小食，抵食夾好味。夜晚或者晏晝唔想煮但係又想有餐好嘢食，非常之適合。佢個shrimp calzone 超好味，值得推介。仲有老闆，超好人，佢除咗會間唔時會送下啲小食，佢仲會問啲嘢食邊啲地方可以進步，佢會去聽同埋改良佢嘅出品，佢係一個非常之好嘅小店老闆！

pizza的底部烤得金黃色，上面鋪滿了豐富的配料，每一口都帶來了滿滿的口感和層次。而這個pizza最令我驚喜的是它的芝士，且完美地融入了整個配料中，使得每一口都充滿了美妙的奶香味和口感。另外外籍店很有禮貌，非常值得推介的小店👍🏻

$180有14’批、有意粉、又有3罐野飲送真係好抵食!仲有一定要加埋芝士邊$20!!👈🏼呢個先係重點!因為真心超級正🤣本身完全冇諗過1個批都夠4-5個人,但最尾竟然係食唔晒🙈老闆幾好人幾好傾👍🏼而且因為pizza係即叫即做, 所以攞到返屋企食都仲係熱辣辣, 建議可以早少少落單, 咁道唔洗等咁耐啦🙈同埋如果有既話可以搵個大隻啲既朋友仔去攞😂因為真係好足料+超級重🤣好想試晒佢所有味道既pizza😂

食過呢間Pizza嘅都話好味，打去落單仲會WhatsApp 你幾時拎得，有時整得無咁靚仲會送多罐野飲比你。啲芝士係勁多，口感好正，唔係平時食開嗰種好重味嘅芝士，個皮係好厚實嘅麵皮，口感幾豐滿。用料都好足，雞肉三文角同吞拿魚都食過，都好正。而且算抵食，$180 14寸～ 兩個人絕對夠食

呢間外賣小店係由一個(應該係)尼泊爾老細主理既買pizza成日送唔同野 有時意粉 有時野飲 有時甜品 老細仲要成日收平 話最緊要大家開心 點解可以咁好人 😭pizza大大份又足料 d料同芝士多到滿瀉 餅皮落左香草搓 味道比其他pizza店有層次 就算食唔晒隔夜焗返熱一樣咁香脆 同老細熟既話仲可以有隱藏menu 自選口味mix&match 可以一次過滿足唔同fd子既口味 諗唔到食咩既時候總會想起佢 咁有人情味既小店真係買少見少 大家真係要支持同珍惜

唔想煮飯突然好想食pizza 😍呢間係輕鐵站隔離嘅pizza 好好食😋已經叫咗好幾次好有東南亞風味特別係餅底 勁有香草味好足料！勁多芝士拉絲🥰近來加咗少少價 不過係仍可接受範圍🔸🔸🔸🔸🔸🔸🔸🔸🔸🔹PIZZA 14’ 雙併 + 罐裝汽水x 2 （$180)🔸🔸🔸🔸🔸🔸🔸🔸🔸💰消費：$180😋好味指數：4️⃣/5️⃣#foodie #吃貨 #去到邊食到邊 #元朗 #洪水橋 #pizza