Light Rail Pizza

營業中

休息中

下午未夠五點whatsapp落order，訂晚餐pizza, 不回覆訊息。我當你忙，咁咪直接打過去，都係一句有定無啫，一直未能接通？吓，隔咗10分鐘再打電話，響幾吓收咗線，心諗唔通執咗笠？？唔係嘛⋯咁只好隔陣再send whatsapp話取消order，唔覆我我都要找晚飯食嘛，後來呢間嘢竟然7點先覆 full booking? 搞錯呀

今晚試左兩個pizza , 一個lamb pizza, 一個pepperoni (beef) pizza，有驚喜好好味😋😋。兩個pizza都好夠醬汁，個皮又少少脆脆地，口感好，真係色香味俱全🍕。老闆識講中文，又好風趣🤣🤣。原本想打電話落單，但無人聽唯有行去碰運氣，睇下有冇開。我地去到話電話無人聽，老闆話多到聽唔切。6:45去到落單問佢幾點有得攞。佢話：聽日。😦😦。之後佢話：講笑😂。然後7:30就有得攞。😁Pizza價錢合理，加上真係好好味，呢間會再幫襯😋👍🏻👍🏻。真係可以值得一試😋。

洪水橋終於有間pizza店，唔洗再搭車去買啦，上網見個個都話好食，咁就試下啦，有10吋同14吋，咁我就試14吋羊肉mix芝士啦，如果想額外加芝士大批加$20，加$10有支細嘅辣椒仔添，今次我選擇厚批，我提早用whatsapp落單，店員會話你知大概幾點可以拎，拎到返屋企打開，嘩，好大個pizza，兩個人係食唔哂14吋😅，羊肉好味渦，配埋佢附送個醬仲好味，芝士就一般，我本身對厚批一般，平時我會食剩個邊，呢間嘅pizza我竟然連個邊都食埋，即使凍咗佢個邊都唔硬，食剩嘅pizza第二日整返熱都一樣好食唔會硬，呢間pizza店一定有下次。提提大家，假期要早啲落單，因為等候比較耐，而且佢會因應手頭上嘅訂單而提早唔接單，所以WhatsApp問清楚店員啊

新開業的pizza小店，設有七款口味、14吋和10吋供選擇，口味更可以雙拼和加倍芝士，性價比高。兩味混合披薩 (雞肉披薩 + 羊肉披薩 | 10” | $90)• 披薩批的厚度適中，邊皮位置帶有點烘焗的焦脆，內層依然保持煙韌有口感。• 雞肉批薩用料豐富：芝士、三色椒、洋蔥絲、黑橄欖和雞肉粒。• 芝士味道香濃，帶點拉絲效果，吃起來相當有口感，其中混合了各式各樣大小適中的配料，令到口感以及味道更為豐富。• 小店附送的青醬汁更加是神來之筆，淋在披薩上面更加滋味！