影片
同friend喺Times Square行完，肚餓想即刻食嘢就喺附近搵咗呢間Cafe～ 見OpenRice好評都好好就想去試吓！前菜係蒜蓉包配洋蔥湯好食嘅蒜蓉包一定要脆卜卜同好夠蒜香味，呢度嘅蒜蓉包完全做到！而且連埋好清新嘅洋蔥湯一齊蘸湯食一流！洋蔥湯煮到飲落暖笠笠，簡簡單單已經好好味 意大利蕃茄乾青醬雞肉意粉青醬味濃但唔會太漏，意粉軟硬適中。雞肉煎得好嫩，番茄乾酸酸哋吊味，酸酸甜甜嘅味好開胃，一啖一啖好快食晒😋 海岸豬肉梅扒豬扒厚身有咬口，啲邊位煎到少少脆咁，醬酸酸甜甜，食落會無咁滯～配菜薯蓉夠滑，加埋烤雜菜，分量夠飽肚！凍特濃朱古力朱古力味超濃，飲落似食緊溶咗嘅黑朱古力，甜度剛好，加冰飲冇咁膩！ 青檸薄荷梳打薄荷葉同青檸撈埋一齊好清新，酸味突出，甜度低似有少少氣嘅檸水。解膩一流，尤其襯返濃味主菜～人均二百幾唔會好貴，一個休閒想食Cafe嘅好選擇！
繼續閱讀
呢間餐廳喺旺角嗰陣我已經有幫襯，當時食佢嘅意粉同 risotto 已經好鍾意，今次再嚟都一樣令人滿意。原來佢哋遲啲會搬返去旺角😂 到時都會繼續支持！食物高質，價錢合理，推薦俾大家 ReU 🥰四天風乾12小時慢煮油封鴨脾
鴨脾外皮脆薄，一啲都唔油膩，肉質仲保持嫩滑，唔會乾爭爭，食落有油脂香但唔覺膩 🥰 鴨脾唔係間間餐廳都整得好食，呢間可以推薦。另外，薯蓉都好 creamy。日本飛驒和牛漢堡
見到個名就即刻掛住名古屋 😆 一入口牛味超級濃郁，唔會過熟，而且一啲筋都冇。特別欣賞漢堡包烘得夠香脆，蔬菜都焗得夠香，仲有沙律，夠晒飽肚。跟餐配沙律或餐湯
因為兩樣都想試，所以就揀咗各一：沙律啲菜新鮮爽口，加咗藜麥增添咬口，感覺健康啲，醋醬都幾醒胃。法式餐湯清中帶鹹香，入面有煙肉粒同牛肉粒，味道唔錯，仲配有香脆嘅蒜蒜包😍飲品方面
芒果水果茶甜度適中，清爽解渴；蜜桃荔枝沙冰就比較滑，似 smoothie 咁。樓面係老細本人，幾 nice，整體環境舒服，食物有誠意、有水準。👍🏻
繼續閱讀
位於銅鑼灣的Little Fresh Cafe & Bar是一間主打輕盈歐陸風味的餐廳，適合想享受一頓悠閒晚餐的客人。晚市套餐包含餐湯或田園沙律、主菜及飲品，另外可以優惠價加配小食或甜品。雜菜湯配法式蒜蓉麵包：蔬菜熬煮得軟嫩，令雜菜湯非常鮮甜；蒜蓉包烤得外脆內軟，完美配搭，讓人暖胃又滿足。田園沙律：選用新鮮蔬菜，搭配清新沙律醋，口感爽脆，簡單而不失美味，作為開胃前菜十分合適。巴馬火腿薄餅：薄餅底部烘烤至香脆，巴馬火腿鹹香濃郁，配搭半融芝士，令口感層次更加豐富，每一口都充滿歐式風情。意大利蕃茄乾青醬雞肉扁意粉：青醬香氣撲鼻，意粉均勻地裹上醬汁，口感順滑；雞肉鮮嫩入味，搭配微酸的蕃茄乾，讓味覺更加享受。總結，餐廳提供了多樣化選擇，以簡約的烹調方式帶出食材的天然美味，無論是口感、層次還是氛圍，都令人留下深刻印象。
繼續閱讀
又黎到銅鑼灣覓食，諗起上次喺伯樂中心都有唔少選擇今日都喺呢度搵到一間樓上西餐廳叫Little Fresh Cafe & Bar 喱到空間不大，勝在氣氛輕鬆，非常適合聚會。和牛 Burger
我們叫了一份和牛 Burger，肉質鮮嫩多汁，漢堡的麵包外脆內軟，配菜都係一啲西蘭花平衡返有個清爽嘅感覺。煙花女石斑魚意粉 這道意粉非常特別，首先一陣就係意粉嘅質感唔會太軟身係有咬口嘅，石斑魚熟到啱啱好都香口，店員介紹呢一款意粉係意大利名菜個醬汁有少少辣好惹味，值得推介。牛肝菌餐湯 湯底濃郁，牛肝菌的香氣夠出，配搭麵包食非常夾。整體來說，Little Fresh Cafe & Bar雖然係樓上小店，但係食物質素都非常出眾，值得上嚟試一試。
繼續閱讀
喺銅鑼灣 Little Fresh Cafe & Bar，空間設計簡約之餘不失格調，有份輕鬆愜意嘅氛圍～ 食材好講究，呈現的每道料理都充分展現天然風味同精緻煮法招牌龍蝦湯湯身質感濃稠，入口滑順且鮮味十足；仲好足料! 南瓜湯泥狀細膩而不失纖維感，加入少許cream後口感更加圓潤豐富。主菜方面，黑魚子白汁煙三文魚燴意大利扁麵好出色扁麵筋道彈牙，煙三文魚超鮮滑，加埋黑魚子啲鹹香，每口都層次豐富，好正!!龍蝦汁海鮮燴意大利飯：粒粒意大利飯吸滿龍蝦精華，好鮮好好味!蘋果薄荷梳打蘋果嘅微甜同薄荷清香 perfect match，飲完即刻覺得好清涼~芒果薄荷梳打熱帶芒果果香加薄荷，好適合夏天解渴!!總括嚟講，Little Fresh Cafe & Bar 唔單止料理精緻，仲好尊重食材本身嘅味道，氣氛又 Chill，又啱約會又啱聚會，下次銅鑼灣行街，不妨約埋 friend 去試下~
繼續閱讀