Little Mermaid Bakery

營業中

休息中

昨天下午的一位年紀稍長的收銀員服務態度差到極點，買的麵包問也不問全部轉一個小袋子，跟她說分開裝便說分開裝要收1元，太可笑了，連裝麵包的透明小袋都要收费，政府是說塑膠袋收費，而不是這種都裝麵包的小袋都收好嗎，那你是讓顧客直接徒手抓者麵包走嗎，不講衛生的嗎？後面也是紙袋不給，再後來看到其他軟件上的評價也有人提到這點，去過全世界那麼多麵包點，今天這家最奇葩，趕緊換掉今天那位工作人員吧，除非不在乎品牌形象，這麼聞所未聞的事今天第一次遇，再也不會來

你們在網上外賣平台上的外賣的品種太少了，可以把蜂蜜牛奶卷和sugar bar，cookie，牛奶吐司那些好吃的都加上去嗎？疫情期間不想出門啊⋯⋯希望能盡快看到網上外賣平台上的產品更新

每次經過見到啲麵包都覺得好吸引 再加上陣陣麵包香 簡直食指大動～但因為價錢也不算平…趁著今日夜晚有打折 夜割有八折 即刻決定買黎試下 當然首選肉桂卷 每個都漲卜卜 望落都好多肉桂 超興奮第二日做早餐 用微波爐叮熱 麵包都好軟 但係肉桂望落多實際其實味道不算重 牛油香亦不太多 如果用焗爐或者氣炸鍋熱翻可以有少少脆的話應該更好食 對肉桂卷抱著極大期望的我有些少失望…不過其他款式望落依然好吸引 所以雖然失望也不會絕望～下次可以試下其他麵包～

咁岩尋日睇到篇文係講盲測bagel結果就話呢間既bagel幾出色於是經過就入去買番2個試下2隻味都各買一個今朝焗番黎食其實感覺真係一般買個陣已經feel到佢 好輕身唔重手食落去唔係紮實煙韌口感只可以講話下次唔會買佢既bagel但見好多人話佢d包好好食我諗下次買其他包應該唔會咁失望既🥲🥲

琴日買定麵包今朝做早餐，呢間野每次都好多人排隊，即使放工時間無特價仍然人頭湧湧，但收錢又唔太迅速，其實有少少忟。舖係corner 位，所以大L位可以出入，人多排隊可佔用埋商場位置😏買咗個芝麻提子包，已packed 好，共四片，26蚊，今早焗返，提子乾好多，分佈平均，個皮脆脆地再加啲芝麻幾香。👍

我今日餓到不行 但係已經無時間坐底食野 已經17:45.......🙄你們懂的眼見唔可以去餐廳 只想即刻搵方便填肚 解決飢餓感既野食我見到救星 即刻沖過去係果度買左紅豆餡danish bar 抹茶餡既puff個餡係我既至愛 無錯又係抺茶餡 好耐無食 又思鄉病發作 當下我秒速食左danish bar 所以無影相 可所言之當時幾肚餓 而puff 係買左返屋企而我攤左大半日先食 個皮都仲係脆 價錢又唔貴 真心推介yummy

身為一個麵包控，梗係會上網search邊度有好味嘅麵包，見到呢間係同日本出名麵包店合作開嘅，就來試試本來想買食評入面好多人講嘅牛奶卷，但我去個陣冇，所以買左一個名字類似係鮮奶球嘅麵包，同埋一般西式麵包店都必備嘅小法包 總括黎講，兩款嘅味道口感都冇乜特別鮮奶球似係一個硬硬地的法包表層，入面包住東海堂/美心個類型嘅牛奶方包😂😂而法包就係A1、Yamasaki等都可以買到嘅小法包😳所以之後應該唔會專登過來呢間買包，但咁岩經過又想食包嘅也不妨幫襯

這間麵包舖位於City Super內，常常客似雲來。麵包櫃內放着許多款唔同嘅日式麵包.麵包款式好多,而且賣相十分吸引。今日正想想下午茶吃什麼，看着店員捧着新鮮出爐嘅麵包，我立刻買了兩個試試看。藍莓丹麥酥Blueberry danish $19丹麥酥上鋪滿藍莓，輕輕一咬，看見一層一層嘅酥皮，充滿氣孔，十分鬆化。丹麥酥加上juicy嘅藍莓，還有白朱古力點綴，透出陣陣牛油味，加上富有旦香的custard, 是一份有層次的香甜感覺。綠茶紅豆包Matcha red bean bun$19這紅豆包有啲似墨西哥包嘅影子。麵包嘅外層係綠茶味道嘅墨西哥包皮，幾香甜；而麵包餡係軟綿綿嘅紅豆蓉，味道幾甜美，口感滑溜，但紅豆饀的份量比較少。雖然個包幾好食，而且成個包都係綠色,但係好似唔多覺有綠茶味。整體而言味道係唔錯嘅，而且感覺精美唔粗糙，滿有麵粉香，但同連鎖曰式嘅麵包店如panash 、糧友唔係差得太遠。加上麵包真係比較細小，性價比一般，但可以一試。

中午我們同Uncle Auntie飲完茶之後，今日係父親節嘅大日子，當然要同爹哋媽咪去好好共聚天倫啦！我們去咗尖沙咀行街，行到去海港城嘅「Little Mermaid Bakery」見到麵包嘅款式種類都幾多幾特別，所以我們買咗幾款返屋企夜晚宵夜嗰陣食！我們買咗玄米鬆餅嘅質感相當煙煙韌韌，韌到有啲硬實嘅程度，食落唔係好覺有鹹味或甜味，同埋玄米嘅味道亦唔係好多覺！迷你合桃包嘅質感相當香甜鬆軟，而且合桃嘅份量超多，差唔多每一啖都可以食到合桃！牛奶卷嘅質感相當香滑軟熟，有淡淡嘅牛奶香味，味道好清香，但唔會好濃郁！香腸薄餅係用焗得好香脆，而且好薄身嘅薄餅，包著一條比較粗身嘅熱狗腸，腸皮好爽口脆身，夾埋一齊食，令到口感好豐富！

平時行開Citysuper 都會行埋呢間麵包店。鍾意試新嘢。呢度麵包款式多。不過價錢比較拿利。哈哈。日本嘢係貴d巴閉d 。見到有個日本人一買買咗10粒。心諗一定好好味。我都唔執輸買咗4 粒。「朱古力糯米糍」個皮煙煙un un 。一咬入面係流心朱古力朱古力醬好多丫。湧出黎個兜都痴滿咗。仲唔快d買兩粒試下

🍘🍪🍮🍩🌭🍕🍔🍯🍞很喜歡逛麵包店，是一種治癮系活動。工作繁忙得喘不過氣時，我會偷偷地溜去商場行一圈，再回去拼搏🤓每一天都經過過金黃色小店，透明的麵包櫃放滿了如小山般高的新鮮面包，彷彿還能看到熱辣辣麵包們散發出暖呼呼白煙😂😂看著也覺得使人心情大好🌸🌸🌸小小美人魚在香港只有三數間分店，在日本可是一家大集團呢，又有cafe 又有幾百家店，有口碑的店就是會有足夠的捧場客能做到這個規模～🍩琳琅滿目的麵包，每天新鮮出爐時店員都會以托盤捧出來，大聲叫賣XD，沒有啦，是大聲告訴大家哪種麵包出爐了～咸點有很多類，芝士蕃茄蘑菇包🍄、芝士法包、腸仔卷等等。下午茶當然想吃甜的👑又有酥餅、綠茶包、朱古力包等等等等，而且看上去都好想咬一口呢😍😍😍😍行來行去，還是決定吃比較Plain 的包，免得太膩～😌選了鎮店之寶牛奶卷（$19)和很樸素的玄米鬆餅（$13)😎😎牛奶卷的外表絕對吸引到少女！油亮亮的好像裹了一層薄薄的糖漿呢😝好像而已，因為入口完全不甜呀哈哈，要是想要甜度稍濃的可能要選旁邊那個玉桂卷了🍬🍬～櫃內的麵包牌細心地寫上了麵包的用料，大家可以參考參考來決定那種包適合自己口味～Wow，一撕開牛奶卷已經心花怒放，好

午餐後，同朋友經過City'super。咦！見到一間舖頭～Little Mermaid, 舖頭內琳瑯滿目，目不暇給，眼睛不停地搜羅着，我應該揀邊樣呢？有多款式既蛋糕，麵包同酥餅！一個肚可以溶納多少個呢？幾經辛苦！我足知揀咗～白朱古力杏仁丹麥酥，丹麥酥面舖滿了白朱古力同一片片既薄杏仁一口咬落去～嘩！外脆內軟，但係有質感！又煙煙韌韌！點解做到呢個效果？白朱古力不太甜，加薄薄一片一片杏仁！絕配！靚呀！

到了下午茶時間，係海港城行過，見到麵包舖很吸引！舖頭內麵包款式很多！令我目不暇給！唾延三尺！但係價錢都貴！我足知揀了一個價錢適中，賣相吸引！又好似健康既藍莓丹麥酥！酥餅很鬆化！面頭外層有白色嘅糖，但不太甜！中間位置很多大大粒藍莓同藍莓醬！最適合用咖啡一齊食！

我同我媽媽都好喜歡食麵包，little mermaid 係我地其中一間心水。其實已經食過好多次，但食評分享就第一次了！今日就揀左呢三個：無花果合桃，玄米鬆餅同埋意大利野菜芝士。無花果合桃是一個比較歐式風味的包。無花果和合桃的比例剛好，麵包質感是比港式的硬同乾，不過無花果乾的濕潤剛好中和了一下，再加上合桃的脆口，令整個包都有不同的口感。用了優惠價換了一個玄米鬆餅，這吸引我第一次試呢個外表平平無奇的鬆餅。食落口的質感同英式鬆餅差不多，但明顯沒有那麼乾，更淡淡滲出玄米的香味同味道，不失為一個清淡之選！最後要介紹的是餃子形的意大利野菜芝士，呢個係一個咸包，亦係我其中一個最愛。不過建議食呢個既時候一定一定要用焗爐翻熱幾分鐘至好食。野菜加上芝士非常香，酸酸的茄汁好開胃，中間的芝士亦有少少拉絲既效果。

每次經過小美人魚都要買既朱古力糯米滋真係好讚!! (有時仲專登去買)以麵包既價錢買到咁正既甜品! 外層夠chewy食到中間仲流心真係食咁多次都未膩,朱古力不會太甜個人覺得雪凍仲好食亦推薦芝士橄欖包~ 芝士味都幾香 同焗既麵包來說竟然唔太乾但以麵包來說就真係有d貴~~