影片
電話號碼
27912998
開飯介紹
英美主題西餐廳，樓上包廂為英式精緻餐飲、樓下則以美式休閒餐飲為主。提供多款西餐、特色咖啡以及酒品。
繼續閱讀
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
-
網上訂座服務暫停
今日做左試伏器，真係伏左。行過門口見佢介紹得幾吸引，好多嘢送咁，食乜乜送啤酒，啲餐又正常價，就試下。呢次食左兩個特價嘢，青口加牛柳，兩個都係258，送啤酒，雖然好似有三個選擇，但其實無得揀，有兩個無貨，Stella 都無。等左十五分鐘左右先上青口，呢個雞湯煮紐西蘭青口，佢寫住係1kg青口，以為有一大碗啦，點知祗有6隻大青口加兩小塊麵包，我問乜唔係有1kg架咩？佢支吾以對，話呢啲係紐西蘭青口好好食，再轉個頭話俾多啲麵包我地點湯。論味道都ok嘅，青口都幾滑，雞湯都幾好飲，但食完點都係覺得被騙。最後再上左一大碟麵包我地，感覺係身有屎咁囉。再過多十幾分鐘就上埋個牛柳，見到個買相O左咀，幾舊肉粒，好似只係烚過咁，切開第一舊，祗係面頭1mm變左色，一定比medium rare 更生。再食另一舊，又熟返好多。至於味道就，無乜牛肉味，唔嚡囉。最後更有插曲，信用卡失蹤記，好在唔係我。有個客埋單，侍應收左張卡放左喺水吧枱面，跟住就搞左好耐都未埋到單，個客問點解咁耐未得，先知道張卡唔見左，問匀咁多個人都唔知去左邊，最驚訝個疑似老闆娘嘅人同個客講，張卡都唔見左咯，你坐番低先啦。搞左幾個字都未解決到未搵到，我地最後俾apple pay 搵陣啲。返到出去影返張poster 先知佢上枱嘅唔係poster上寫嘅，poster話係炭燒牛柳就變左慢煮牛柳，1kg 青口就剩得6隻大青口，但點計都無1kg囉，最奇怪係落單係冧酒煮青口，出就出左雞湯煮。永遠blacklisted
繼續閱讀
間野完全唔知做緊咩無論食物同staff都一樣食物奇怪好難想像西貢會有野可以難食到咁野食好似用氣炸鍋整出黎咁睇下d相就會明如果大家唔想係西貢有個咁差既回憶就真係勸大家唔好去事後係明點解佢地要係門口拉客最後補充：冇影到個餐湯，個湯係似足地捫粟米蓉開水既中式粟米羹咁款
繼續閱讀
試咗個lunch set $168 - 埋單185- 我覺得185已經唔係平，仲要出啲咁嘅貨比客食，其實過唔到自己個關？ - 佢嘅Tempura蝦，嗰啲粉漿厚度，我好難先搵到啲蝦肉- 嗰啲沙律菜濕立立，完全冇做過fing 乾處理- 嗰啲意粉勁黐牙- 佢話澳洲龍蝦，嗰啲龍蝦碎，完全冇口感- 嗰啲意粉啲汁完全冇鮮味- 我係味精敏感，食完唔夠5分鐘，口渴到七彩- 估唔到西貢會有呢啲咁難食嘅西餐- 3.5/10 分 - - 以後唔會同朋友屋企人入去呢間
繼續閱讀
上個禮拜趁得閒就去咗西貢 好耐冇去過了所以就入去行吓食吓嘢😄😄今次食嘅呢一間餐廳係之前冇食過嘅🤣感覺都唔錯喎😍.🐷香煎日本刺身帶子配意大利蒜意粉帶子口感好好 都幾彈牙 同埋味道鮮甜 😋經過香煎之後味道更加香濃😍 而且香蒜嘅味道亦都幾突出🧄.🐷24個月西班牙黑毛豬再配以哈密瓜果然經過24個月嘅黑毛豬係更加正味道非常之濃郁 而且唔會太鹹🤣 真心OK 㗎😆😆仲可以包住啲清甜嘅哈密瓜一齊食😍😗😗 .🐷三重酥皮朱古力布朗尼睇落去簡簡單單 但係其實味道真係唔錯 外層夠酥脆 層次都幾豐富 朱古力嘅香氣十足🍫
.🐷德國香辣豬手德國豬手 真係一個無法抗拒嘅菜式🤣成個份量非常之大 豬皮真係脆卜卜 係成道菜嘅靈魂🐷但係除咗個豬手本身好正之外 其實佢個醬汁都非常之正個醬汁係佢哋 自家研製麻辣醬🌶️呢個配搭都幾特別
再配以爽口嘅日本蘋果沙律🍎🥗整體口感層次豐富.Lobster Une (西貢)
📍西貢灣景街16號地舖.
繼續閱讀
今日同朋友去西貢chill一chill, 見到呢間靚靚餐廳😁就坐低一邊食一邊傾下傾，等我同大家介紹下先紐西蘭青口⭐⭐⭐⭐青口經過精心處理，入口滑嫩，完全沒有一絲渣滓。特別是用新鮮雞湯、白酒、牛油和香草烹調的做法，讓青口的鮮甜味道得以充分釋放，醬汁更是令人垂涎，讓人不禁想要再多來一碗麵包來沾著吃。薰衣草蘋果木煙燻乳鴿⭐⭐⭐⭐⭐乳鴿的肉質鮮嫩，經過煙燻後帶有淡淡的薰衣草香氣，令人感到驚艷。煙燻的過程讓肉質更加多汁，搭配上特製的醬汁，口感層次分明，讓人一口接一口，根本停不下來。這道菜無疑是整個晚餐的亮點，我會極力推薦給每一位來到這裡的食客。11吋的三文魚Pizza⭐⭐⭐⭐Pizza的餅底是現做現烤，外脆內軟，三文魚的新鮮與雙層芝士的濃郁完美結合，讓每一口都充滿了滿足感。水波蛋卡邦尼意粉⭐⭐⭐⭐這道意粉的醬汁濃郁，搭配著水波蛋的滑嫩，每一口都讓人陶醉。水波蛋的蛋黃輕輕一碰，流出的黃金色醬汁與意粉相融合，讓整道菜變得更加豐富，口感更加滑順。
繼續閱讀