LOG-ON Café (已結業)

一直以來都不知道 Log on 竟有其自家品牌的 cafe 這次來到太古工作 終於一試 食物種類其實也是挺多的 包括了 Cafe 應有的 all day breakfast, toast, egg Benedict ... 而我就點了個三文魚Pasta with cream sauces忌廉味道適中 不會有太油膩的感覺 麵包脆脆的 沾上忌廉汁再吃更是好吃 麵條不會太硬太軟值得一讚的是它的三文魚份量也是挺多的 絕無欺場 另外隨餐附有博多豆漿 味道偏淡 適合不膩甜的朋友啊

假日11點做完gym,想坐得舒服食得好，最重要是想有放假感覺，一個人到log-on cafe食個all-day breakfast就最好不過。店鋪10點開始營業，11點已有不少客人，幸好還有位，再遲一點到12點已經要等位了～order了煙三文魚牛油果多士配溫泉蛋，有雜菜薯仔沙律伴碟，應該比煙肉腸仔健康一點。煙三文魚質素不錯，有一點厚度及頗肥美，牛油果做成醬塗上厚多士上，溫泉蛋很正宗，蛋白像忌廉，蛋黃是糖心狀，並不是流心蛋黃，很好吃～雜菜沙律配芥末子沙律醬分開上，菜夠新鮮。套餐免費有飲品，可加錢upgrade拉花咖啡，對自己好d,就upgrade啦，拉花靚靚，咖啡味道與一般連鎖店差不多。休閒的brunch,慢慢地享受了個幾鐘，食完都好飽，作為早午餐實在十分稱職～

今晚去睇戲 近近地就去食商場入面既Log-on Cafe呢度既食物種類都幾多意粉 飯 漢堡 All day breakfast都有而且配搭都算大路 應該大部份人都會啱食佢全部都包飲品 可以揀咖啡 茶 博多屋豆奶我叫左個卡邦尼雞肉闊條麵估唔到會跟一個蒜蓉包 個包好脆好好食闊條麵粉量適中個汁夠杰 Texture我係滿意既但我覺得唔夠濃忌廉味同埋芝士味搞到食落偏淡少少意粉既質感剛剛好 唔會太軟/硬我另一個Friend叫左個咖喱蛋包吉列豬扒飯佢呢度d蛋包飯都幾多選擇 有三款汁 九款餸可以揀咖喱汁好濃帶甜味 可惜既係蛋包飯係白飯蛋夠濕潤 食落係幾好味吉列豬扒好脆 肉質夠淋 同埋份量都幾多我地叫做博多屋豆奶同埋凍咖啡豆奶好似冇咩糖 飲落偏淡 麻麻地je咖啡就幾好飲 奶同糖係自己落既咖啡味香濃 酸味適中整體覺得Log-on Cafe d食物不過不失勝在選擇多 有機會會再試其他野食

又係好耐冇去過太古城中心，個商場而家翻新左，好靚好光猛！唔係好識行，穿來穿去，穿到亂晒籠。飲完中午茶，想找雪糕吃，行行吓行到去log on cafe,見到啲雪糕,同雪糕新地,好靚好吸引,查問後，原來cafe 好自助式, 係要自己搵位, 同自己行去收銀買嘢食, 不過，好彩好快搵到位 -- 一張小圓枱，都夠五個人坐（啱啱有人走）去到收銀處，排了一陣，點 綠茶雪糕cone，同雪糕新地，竟然被告現在才被 告知 今日佢地部雪糕機壞咗。所有 有雪糕嘅食物都冇得賣（但係點解唔搶走啲雪糕poster？？？不過，如果我唔係見到D 雪糕 poster 應該唔會入去）有老有嫩唔想再行，就算吧.......點西餅食。。。都有好多西餅款式可選擇，今日西餅tea SET 買四送一, 五個人啱啱好,一人一件西餅比想像中大件，味道又唔太甜，好啱我的口味。今次都叫錯有錯著。係我第一次吃 Log on Cafe.

係太古發現原來 Logon 有cafe, 見佢menu好似好吸引，點知試完覺得其實一般般。呢間cafe係正太古Logon隔離(嚴格黎講係Logon的邊邊既一個角落)，細細間。需要先付款揾位坐低，放個牌係枱度，之後就會有職員拎餐俾你。 叫左個海膽鮮蝦墨汁意粉，點知上面個海膽好腥，好似好唔新鮮咁，食到打冷陣。但至於個墨汁麵本身是ok既，但因為個海膽扣左好多分。至於個Carbonara, 都不過不失，始終carbonara好難會整得難食既。不過呢度就好似特別重芝士味，加埋啲煙肉都幾惹味，唯一覺得佢唔夠汁，乾左啲。

平時係Log on買野就買得多，完全唔知道原來Log on係有cafe，所以經過見到有位就黎試下。海膽帶子墨魚汁麵   - 通常食日本野，海膽同帶子都係我必點既食物，難得見到呢度有個麵符合晒我既口味，當然要試啦。意粉整得幾好，軟硬度適中。但係主角們有d失色，帶子唔太新鮮，而且有少少雪藏既味道，但係煎得都唔錯既。海膽正正常常不過不失咁啦。不過將生既海膽放係熟既袋子上面，搞到海膽個面係生既，底係熟既，可能真係有呢種食法，但對我黎講有少少特別。個麵仲附送左個包，個包又唔錯wor，夠脆，而且好夠蒜味。朋友話佢個三文魚沙律就幾好食，可能我下次會試下佢果個既。

每次在外吃過晚飯，甜品胃也會蠢蠢欲動，這晚，來到大型商場晚膳過後，再到連鎮超市旗下的精品生活店所開設的唯一一間咖啡店。茶之環抹茶芝士蛋糕(Cha-no-wa Matcha Cheese Cake)抹茶味算濃郁，芝士也不輕，吃罷也膩滯。宇治抹茶班㦸配抹茶軟雪糕(Ujii Matcha Pancake with Soft Cream)Pancake超大伏，乾到一個點，必須改善啊! 雪糕的抹茶味很足。

前幾日同男朋友夜晚收工，由於買咗戲飛喺太古城睇戲，我哋又有少少趕，得返一個鐘頭到可以食到個快速晚餐，我哋就行咗去呢間log on cafe,因為男朋友比較鍾意食西式野多啲，咁我就陪佢嚟呢間度試吓啦，因為見到人又唔係好多，感覺真係會驚唔係咁好食。。不過為咗趕去睇戲結果就揀呢度我哋兩個人叫咗三個餐，首先我要講，買相真係非常唔錯，令人睇落都十分有食慾，地方乾淨，服務員態度OK，價錢仲要唔貴喎，咁樣食法兩個人都係三百幾蚊誠意推介呢間個卡邦尼同個海膽意粉都冇得輸，必食

一個人好中意到太古城log on café食tea, 店員告訴我只有這家分店可以散叫一件茶之環的卷蛋。最喜燒叫抹茶味濃郁的卷蛋，加一杯好creamy好多泡的Cappucino

呢間Cafe係連住太古城入面的Log-on，要自己搵位同座位不多。提供選擇嘅食物款式不太多。它們的甜品是與旁邊的雪糕店一齊賣。所以套餐可以加錢食佢地嘅雪糕，或者散叫。我地三個人嚟食下午茶，叫左兩個主菜。卡邦尼意粉：食物賣相不錯，意粉上舖滿菜 同煙肉，白汁好綿滑，cream味濃。調味剛好。意粉軟硬度適中。海鮮炒飯: 飯有幾款海鮮切粒加蛋炒成，有少量蟹肉，蟹子，蝦等等。味道比較淡口。海鮮新鮮度不夠。豆奶，係無糖。我個人喜歡！但友人覺得甜度不足，難以入口。就視乎你個人口味以定。這店食物味道還可，口味偏向清淡，價錢係中上。行街行到攰想搵地方坐坐，就可以揀呢間。

今日自己一個人食晏, 於是一朝早就上Open Rice睇吓太古城有啲乜嘢食, 見到有間Log-On Café, 於是打算去試下啦。餐廳有d開揚, 座位都算多, 所以唔難搵位。我搵左個高嘅長枱位坐, 貪佢夠自閉而且唔會有陌生人坐喺你對面睇住你食野 。我買咗個海膽帶子墨魚汁麵配豆奶, 另外再加左個廣島炸蠔。首先講下個麵, 海膽同墨魚汁麵好夾, 反而嗰粒車厘茄有d酸, 同個麵唔夾, 可以唔食。帶子有d overcook, 咬落去已經知道。伴碟有個蒜蓉包, 老實講, 好睇唔好食, 一d都唔脆而且凍嘅 !! 所以我咬左一啖就冇再食。廣島炸蠔應該係全場最好食同最抵食嘅, 只需要加18蚊就有, 真係好超值!! 飲品方面, 我要咗杯豆奶, 豆味濃, 係唔飲咖啡嘅朋友另一選擇。

作為九龍人，雖然返中環工，港島東真喺好少嚟，數數手指，可以講喺一年一次都無。如果唔喺約咗位家住東區嘅多年老死聚舊食飯，相信唔會專登走到嚟太古城。Log-On Cafe喺Log-On生活精品店旗下嘅一家日式西餐廳，一室淺木日系嘅清新環境，裝修簡約，地方頗闊落，感覺舒適。不過，由於採用半自助形式，即先到櫃位購票，將號碼牌放晌枱上，再由店員送餐，此外，就唔會特別有人招呼你，所以，搵位就要自己嚟，亦可以搭枱。大大個餐牌底面兩版睇晒，雖然相張影得唔清，食物類別難以講出嚟，但大致有全日早餐、多款意大利麵、蛋包飯、沙律、炒飯、蕎麥麵、甜品、飲品……等等。仲有個all day special嘅餐牌，共有5款選擇。所有食品，都附送咖啡、茶或博多屋豆奶（原味），亦可以加錢升級選擇其他飲品或樽裝果汁。此外，有啲額外精選加配，如小食、甜點，小弟就揀咗加配Patisserie Yamakawa嘅件裝蛋糕。日式蛋包飯 $88個蛋包飯有多種變化，可揀日式咖喱汁、香草蕃茄醬、忌廉粟米汁，而餸料則有香煎三文魚扒、吉列蝦、吉列豬扒、吉列雞、吉列蠔，如選野菜就賣平啲$78。老友選咖喱，微微辛辣帶點甜，而吉列蝦大隻好肉，口感

＂童真＂呢樣嘢與年齡無關，與心態、心境和情趣有關，成年人同樣可以童心未泯😜。昨天下午在 Cityplaza ，經過呢間 Café 門口，見到童話世界的卡通人物 Snoopy ，哈😄哈😄…… 不能錯過的 Café。你可以選擇同 Snoopy 並肩而坐，也可以選擇同 Snoopy 對坐，用餐也增添了一份童真的趣味😊。餐牌設計得很漂亮，圖文並茂，見到餐牌已經食指大動，開 餐 ……🍴全日餐＂海膽帶子墨魚汁麵 + 香蒜包＂，配自家製龍蝦汁，煙韌彈牙、烏漆黑亮的墨魚汁麵飽浸咗紅色的龍蝦湯汁，口感鮮美無比，再加上海鮮的絕配—－車厘茄的微酸，好開胃口，越食越想食😍。大大粒日本刺身級的帶子，表面煎香，內裡半生熟，保留了鮮帶子的爽口與鮮甜。一舊海膽入口即溶，帶有少少海水味。整體稍嫌細份咗Ｄ，正所謂——好嘢永遠不夠食😅。茶餐＂法式肉醬多士＂，烤烘過的法包外脆內鬆，上面載有厚厚的牛肉番茄芝士製的意大利醬，咬一啖，濃郁的芝士肉醬香味由口中溢出，大滿足😍。配角沙律菜加日式芝麻醬同樣好味。茶餐＂日式海鮮炒烏冬＂，上面有聞風而郁的木魚花，非常動感。烏冬很惹味，配有蝦仁、蜆肉、蟹柳、彩椒，一齊炒，聞到噴噴香，色彩誘人，

夏日炎炎, 識行一定係行商場無他嘅，鐘意有冷氣嘆，唔洗行到身水身汗一路想試log on cafe, 今日就黎呢度食晚餐平均一個餐around $80~120連飲品2人同行, 先叫All Day Breakfast有pancake, 黑松露炒蛋, 意大利火腿扒, 沙律食得出用料好好，配pancake嘅唔係一般糖膠，而係蜜糖，健康之餘亦別有一番風味！黑松露份量及味道都好夠，食到尾都仲食到黑松露獨有香氣意大利火腿扒口感及味道都似煙鴨胸，油脂較多，但變相唔會un龍蝦汁海膽帶子意大利麵，本來想試另一意粉，唯已售罄第一口已食到龍蝦味道，唔會「得個色」海膽唔腥，亦用上可作刺身食用既帶子，表明用料品質高帶子開中間一刀煎香，但個人口味黎講，希望可作濃少少既調味炸雞配蜜糖芥末醬同黑松露醬蜜糖芥末醬味道唔「出」，稍稍失色相反，黑松露醬有驚喜，味道岩岩好，配炸雞一流加錢配既宇治牛奶抹茶，賣相幾cute ，味道中規中距

睇電影前打算填肚，見到難得全港唯一一間的log on cafe，決定入去試下！個all day breakfast係令人意外的好吃！但記住食個時，一定要免費升級個包呀！芝士味的包配上三文魚，真的非常好吃！反而個意粉就好像普通的肉醬意粉咁！總結而言，all day breakfast值得一試呀！