M&S Café (太古城中心)

營業中

休息中

價格貴，食物質素一般，員工發夢！星期日下午茶時段仲有大把位已經覺得奇怪，以前真係坐滿人 （本身想食另一間但好多人，諗住好耐冇幫襯就決定行入嚟碰碰運氣）$39 一個鬆餅連醬。本以為質素應該非一般，結果只是同K?C 差別不大，但貴好多，一D都唔值！$49 炸魚柳跟沙律。除咗魚柳剛炸好，基本上冇乜特別，仲有D乾。$33 Flat white 價格同其他咖啡店差不多，但杯咖啡一D都唔熱，只可以話係一杯暖啡斜對面有位女仕坐咗差唔多20分鐘杯飲品都都未出現（佢已經坐走廊旁邊出菜位附近，記住係唔多客人）。有位員工係佢旁邊行過N次都冇留意個位女仕枱面個等餐牌，直到個位女仕好客氣問點解杯咖啡咁耐，位員工就走去櫃檯了解 （但一去不返）。於是位女仕再等，終於忍唔住就起身申個頭入去問另一個員工，個員工先同佢講話漏咗單，沖制中馬上出，最後一去不返嘅員工就拎住杯咖啡出現。比著脾氣差嘅客人，可能已經……離開時終於明白點解咁少人！

首先頭先等咗好耐，個counter係冇人嘅，然後有位女性員工出嚟嗌咗好多聲都冇應。之後有位男性嘅員工就出嚟嘅時候，語氣同表情都非常唔耐煩，兩個收銀位都開住，佢就企咗喺最遠嗰個叫人行過去，整嘅嘢食嘅時候個樣又非常憤怒。完全唔知點解喺太古城咁嘅地區會遇到一個咁樣嘅食肆員工。一定唔會再嚟。

今日淨係想食意粉，見有位就order咗個lunch set。等候時間耐都算，嚟到食物質素非常之差，冇賣相冇味道，呢碟名為carbonara煙肉忌廉芝士意粉，真係食咗幾啖就要放棄，意粉唔夠熱，淡而無味，煙肉唔知去晒邊，餐湯微暖，成件事就是中了一個伏，為免影響自己心情，立即起身走人，再轉場食過。

Authentic Greek Yogurt  (4/5)一直想買Greek yogurt，但行過多間店都係見到Greek style yogurt，兩樣係有分別嘅，詳細自已爬吓文！今天呢個係full fat 雲呢拿味，冇加糖，幾好，texture 厚身，又有live cultures ，可以一試。4 lemon sponge cakes  (3.5/5)上面比較甜，下面係蛋糕，質地OKLemon Drizzle cake   (3/5)上面白色薄層幾甜吓，下面一般蛋糕，冇乜嘢特別。M&S Collection Very Berry Pavlova Frozen   (4/5)上面啲莓要解凍耐啲，下面就快啲，質感鬆化美味！Deep Dish New York Baked Cheesecake  (4/5)芝士味濃郁，好味！Mozza Cherry  (3/5)係細細粒嘅白色芝士球，唔係Mozzarella 咁大粒嘅。Whole British Milk 2 pints   (3/5)英國牛奶，2pints 等於 1.136L，飲唔出好rich，奶脂唔係特別高，冇咩特別。Halkidik

太古城中心出名weekend 無辦法可以揾位食飯，大部份餐廳都要排隊。今日仲早，11:15左右就到咗商場。人流未算多，有啲店舖同餐廳都未開😅今日一個人自私lunch，食唔到好多，餐廳選擇又少咗。以為咁早，揾位會易啲，行咗幾間適合一人自私lunch嘅餐廳門口都已經有人龍🤦🏻‍♀️行下行下，經過馬莎。其實馬莎cafe開咗咁耐，都無試過，因為聽過好多comment 都話麻麻，唔值得試😅不過無乜地方有位，而佢又靜靜哋，又有位，同埋價錢又唔貴。＄88一份套餐，有湯有主食，以太古城嚟講，好抵。套餐唔包飲品，加＄15可以叫檸檬茶。如果想飲咖啡就要散叫。落單後，職員會俾食物牌，坐低後，食物準備好就會送去你枱，不過記得要自己拎餐具，食完都要自己清理枱面！當湯送上嘅時候，有少少後悔🤦🏻‍♀️份量好大😂飲慣港式口味嘅濃厚磨菇忌廉湯，覺得哩個湯有啲淡，飲到菇嘅草青味，最後只飲咗半碗。但個麵包好好味！牛油係真牛油，唔係植物牛油🧈過多陣，熱辣辣千層麵就到啦！⚠️ 因為啱啱焗起，食嘅時候要小心，唔好點到盤邊‼️配有青瓜同車厘茄伴碟，仲有沙律油醋。千層麵嘅份量都好多，不過因為焗嘅關係，避免唔到面層邊位無醬嘅麵變咗餅乾咁脆😂每

講左好耐要黎M & S Cafe度食野...點知就遇著禁晚市堂食...店舖裝修...一直拖到今晚終於黎食...Hubby同佢既同事之前都食過幾次...評價都唔錯...今次我要親身黎食下先知...叫左2個set+1個side dish...意粉雜菜湯(配餐包): 濃濃蕃茄味...味道偏酸~開胃既!餐包熱辣辣鬆軟~!雞肉雜菜湯(配餐包): 湯質感偏杰身...可能因為放左薏米既關係...飽肚~味道OK~!焗肉醬千層麵: 份量唔算大份~上碟時熱辣辣!面頭既芝士焗到有D焦燶好香~揭開芝士面入面有酸酸地既肉醬...好開胃~千層麵厚薄剛剛好~伴碟有沙律菜配意式沙律汁...洋蔥汁豬肉腸配薯蓉: 洋蔥汁略甜...豬肉腸有微微黑椒味~呢個main dish有少少失色...雜莓綠茶: 店員介紹話係新出品...飲落藥水味偏重...要溶咁D冰先飲會好DD..焗墨西哥粟米片: 份量都算大...賣相差少少...不過3款醬汁唔錯~!總括黎講...可以再去既~而且環境都乾淨偏靜~可以慢慢食傾下計~!

The first reason why I always dine in Marks & Spencer Cafe is the expected quality. The second one is probably the children friendly menu and setting. I was with my daughter again and the first thing she did was to take a book from the shelf to read. Right after the reading, she took a sheet of colouring paper and started colouring with the crayons. Here came the dishes. The mushroom soup. Could be better, a bit plain. Lemonade with soda water. It tended to be the diet one. You could taste the s

係太古行到攰，搵地方食野，女朋友提議試吓馬莎嘅蛋糕.因為大家都未食嘢，我要叫左個餐同我最愛既scone簡簡單單總結一下食物方面scone：正常湯就味道正常，餐包凍..唔知係咪正常意粉味道幾好女朋友最期待嘅蛋糕🍰：我覺得就好甜（因為英式蛋糕偏甜）但女朋友食到滿滿幸福感

Came here for lunch today and there were only 4 staff working at the kitchen. During the most busiest time of the day, this so called fast food place was unable to serve food within a reasonable timeframe (15–20min tops). Avoid this place if you are in a rush and do not have a long lunch break.

// chocolate cake //This is hands down one of the best slices of chocolate cake I’ve had in Hong Kong!!!! It is full of different textures, with the sponge, cream, chocolate chips hidden inside the cake. It’s absolutely delicious and a must try if you visit marks and Spencer’s cafe!

$199/2人 係我見過最平嘅三層架下午茶🤩即刻試試！當日3pm嗌，得翻最後一份！好想食嘅朋友就早少少去喇，佢係全日供應嘅😌一個scone + jam + clotted cream 都要$4xTea set有兩個scone 已經值回票價啦🤣.🌟Scone搣開時冇跌碎碎，口感濕潤Cream好正😋😋 Jam正正常常.🌟三文治有三款，每款兩件火腿芝士：有兩隻芝士，有火腿咸香味蛋沙律+菜：我唔中意 呢隻菜好有草青味，我朋友就好中意青瓜沙律：普通.🌟Macaroons 我最中意白朱古力味，朱古力、莓味都唔錯，外脆內軟.🌟Drinks包兩杯熱飲，叫咗一杯熱朱古力 香甜一杯Earl Grey, 茶包嚟嘅，用茶壺上，仲可以添熱水，不過第二壺會淡好多.總結：原來都好飽，同朋友食完lunch都冇乜地方好去，坐喺度慢慢嘆幾個鐘，超值👍🏻

🐾 馬莎Café (太古)🐾-Tea time有啲餓🤤同個FD叫一個兒童餐食🤭完全好夠🤤-Cheese & Tomato Pizza with Chips 🍟 $59✔️-Cheese & Tomato Pizza with Chips : Cheese 都重味🤭蕃茄味好濃！薯條都好脆👍🏻-馬莎cafe 好好因為佢有好多素食餐俾素食人士食👻——————————————(非專業,完全跟據個人口味☺)食物:8/10環境:8/10服務:8/10人均消費:$60———————————————▪店舖名稱: 馬莎Café▪店舖地址:🔸 太古太古城道18號太古城中心2期1樓130號舖(星期一至日10:00-22:00)

位於太古城中心2期一樓130號舖的 M&S Cafe，是一間主打正宗英式食物的咖啡廳。Cafe早上十時便開始營業，有不少外籍人士也會特地過來買一杯咖啡。餐牌設於上方，抬起頭便可看到，而且中英對照，一目了然。堂食的位置約有三十個，可以選擇坐卡位或是普通的桌子椅子。另外，餐具和各款調味料也是自取的。首先來到的是英式烘餅配牛油及果醬 （Toasted Crumpets with Butter & Jam)。英式烘餅新鮮熱辣，質感軟熟。配上鹽味牛油和莓味果醬，另整體感覺更豐富。果醬的味道清新天然，能嚐到微甜的莓子味道，而且份量充足，一點也不吝嗇。藜麥沙津配中東式炸雞心豆丸 （Quinoa Salad with Chicken）來到了。藜麥是一款十分健康的食材，富飽肚感，不少修身人士會以此代替白飯。這款沙津頗容易入口，口感頗濕潤，而且還有幾粒開胃車厘茄作陪襯。沙津份量充足，二位女士分享也足夠。炸雞心豆丸的味道也不錯，能嚐到不同香料的味道，咬落也不會太硬。精選芝士拼盤 （Cheese Board Selection ）來到了。不要小看這個拼盤，二至三人分享也相當足夠。拼盤內共有五款芝士：Blue

一向超喜歡去馬莎食品部買零食和食材，性價比高又方便～而且有很多超好吃的零食😋 現在馬莎有café了！食物食材由英國進口，購買完食物後有專人遞上，可以舒舒服服用餐😊 推介這裡的芝士拼盤😋 包括數款芝士和水果，加上餅乾和咖啡，輕鬆下午茶就是這麼簡單又美好♥️ 素食朋友也可以享用素食沙律，滿足香港人對於健康的追求🍎。這裡好適合來個下午茶，是和朋友閒談，或好好休閒的地方😊 吃完茶點又可以逛逛食品部來個美食大血拼😆

居於東區，間中都會帶女女行下太古城商場，但黎呢度食早餐都係第一次。馬莎百貨的食品一向備受讚賞，m&s cafe的出品同樣有水準。今次就黎嘆個豐富早餐，試下她們的新menu，包括藜麥沙律、鬆餅及芝士拼盤，另配熱檸茶及熱朱古力。熱朱古力都有泡沫拉花，好美!而且十分香濃美味。這裡環境十分舒適，因為我們10點一開門就進來，所以人不多，坐在卡位好舒適。裡面還有圖書架，放了很多圖書，岩曬女女，唔怕她會悶!慢慢品嚐美食，慢慢陪女女看圖書，享受慢一點的生活。