影片
港鐵沙田圍站 C 出口, 步行約4分鐘; 鄰近沙田圍火車站
繼續閱讀
開飯介紹
Fusion意大利菜餐廳，有多款牛扒及海鮮菜式供應，食物都是水準之作，值得一試。
繼續閱讀
營業時間
星期一至日
12:00 - 15:00
18:00 - 22:30
公眾假期
12:00 - 15:00
18:00 - 22:30
公眾假期前夕
12:00 - 15:00
18:00 - 22:30
以上資料只供參考, 請與餐廳確認詳情
我至愛吃的西餐廳，沙田有一間，M3 ltalian我點左德國鹹豬手套餐，豬手不太鹹，啖啖肉又無骨，極不錯又香口。最正就是豬皮焗得很鬆脆甘香，很好👍味。蔬菜沙律很新鮮有清甜味。
繼續閱讀
河畔附近有間意大利餐廳，之前吃過晚餐都好滿意，今天星期日來到食set lunch，有好多選擇。一行七人有幾個小朋友，點了六個午餐，午餐包湯或沙律，兩樣都試試。今日餐湯是粟米忌廉湯，沙律比較出色，用咗黑醋，多種蔬菓。煙鴨胸大蒜意大利飯，軟淋淋的感覺，小朋友都喜歡。香辣番茄鮮蝦天使麵，蝦夠新鮮，唔辣，小朋友都食到。意大利蘑菇薄餅，仲薄過餅乾，脆卜卜，蘑菇又香又甜。烤美國西冷牛扒紅酒燒汁配飯，另一個配意粉，牛扒有口感，店員見我們小朋友多，替我們決定了差不多全熟，好彩都唔韌。仲有香煎紅鯛魚柳伴蜜糖豆及蕃茄忌廉汁薯蓉，薯蓉加了牛油，好香。
繼續閱讀
同個friend傾開計，先知原來沙田都有M3，仲喺佢屋企樓下，於是我地就一齊去左撐枱腳❤️～叫左兩個set dinner，當然唔少得超抵特價生蠔啦，$10隻勁新鮮喎～🔆法國聖馬天尼蠔 Les Hultres Saint Martini No.3 - 好新鮮，同平時嘅法國蠔一樣，蠔身較廋，但肉質爽口，有中度嘅海水味。🔆蟹肉🦀酒香龍蝦🦞湯 - creamy口感，濃厚嘅龍蝦湯味道唔錯，如果有幾粒小龍蝦肉增加口感會更好～🔆煙肉芝士🧀焗青口 - 厚厚嘅芝士加上煙肉同醬汁底下，係大大舊嘅青口肉。肉質熟度剛好，易咬，焗得惹味鮮味共存，正！🔆煙三文魚凱薩沙律🥗 - 好似二人份量咁多，差d唔記得呢個沙律係跟餐嘅Salad。炸芝士薄脆同麵包放碟邊，方便自己就返份量，蔬菜非常新鮮爽脆，加上煙三文魚同調較得宜嘅沙律醬，完全唔會好似坊間跟餐嘅迷你沙律咁求其👍🏻🔆德國鹹豬手🐷 - 一個聞到又食到嘅香口主菜，皮脆有有充滿骨膠原嘅Jelly口感，黃芥末淡化鹹味，增添味道層次。份量好多，真係要做多d運動先得~🔆意大利辣腸薄餅🍕 - 芝士控見到拉絲嘅畫面就覺得超吸引，造型成朵花🌸咁好靚。辣肉腸同芝士🧀帶出嘅咸香惹味，加上薄脆餅邊，超好味！🔆藍莓芝士布甸🍴 - 滿滿嘅藍莓醬，以為會好甜，點知都幾fresh而且有香濃藍莓味，粒粒藍莓增加口感，芝士布甸creamy得黎同藍莓醬非常匹配，甜度香味適中。估唔到跟餐甜品會食到有質素嘅甜品呀!👩👧👧👨👨👦👦我個friend話佢有時都會同屋企人、朋友落黎呢度飲下酒🍸🍾，食下野，貪呢度舒服得黎食物有水準，而且價錢一d都唔貴。同大圍分店雖然風格唔一樣，但都係走高質食物親民價錢嘅路線，又確係唔錯嘅聚腳點~👍🏻
繼續閱讀
呢間開左係沙田圍都好耐，但一直都未嘗試。今次見佢出左平價版既Set Dinner，就試試佢😆三個人嗌左三款Set Dinner Share食。分別係： 辣肉腸Pizza、意大利粉同豬手。前菜有三款揀，我地嗌左一個煙三文魚沙律，兩個煙肉芝士焗青口。煙三文魚有兩舊都幾大舊，沙律菜都唔少，而青口都好大隻，芝士汁都好creamy 。到主菜：最好味係辣肉腸pizza，個底夠薄夠脆，辣肉腸同芝士既分量都好夠，好滿足🥰溫泉蛋煙肉忌廉意大利粉，可以我唔慣啲意粉仲係唔烚透既感覺，有啲硬，不過個汁勝在夠多同Creamy。德國鹹豬手 無乜鹹味，不過肉質都叫滑。份量都唔少！三個人share食都覺得好飽，真係差啲食唔晒。呢間服務水準唔錯，好快有人幫你收碟同食完前菜會換碟！呢個價錢 抵既☺️
繼續閱讀
今晚同好姊妹嚟到沙田圍附近， 見到佢做緊十蚊一隻生蠔之夜， 我同姊妹諗都唔諗即刻入咗去。我哋叫咗兩個set dinner， 頭盤有煙肉忌廉芝士焗青口 ，煙三文魚凱撒沙律， 餐湯就有蟹肉龍蝦湯 ，主菜有安格斯肉眼扒同埋德國咸豬手， 咁當然啦我哋叫埋我哋嘅最愛number3 法國生蠔。煙肉忌廉芝士焗青口： 一嚟到個賣相非常鮮艷， 青口鮮甜， 個汁好creamy。煙三文魚凱撒沙律: 生菜好新鮮好清新。蟹肉龍蝦湯: 蟹肉同湯出奇地夾 蟹肉鮮甜爽口 湯味 濃郁適中 一定要叫安格斯肉眼扒 我哋叫咗七成熟 廚師煎到啱啱好真係七成 唔係好似某一啲餐廳overcooked咁 講返塊扒真係肉汁鮮嫩 鋸起上嚟 真係好滑 真係一食落就 知道 係優質上成牛扒德國咸豬手: 其實隻鹹豬手塊皮非常之脆食落同我上次喺德國食個隻咸豬手起碼有九成似! 鍾意食豬手嘅朋友一定要order!至於甜品:Creambrulee,香濃嘅焦糖味 搭配好嫩滑嘅蛋，完全係酒店級數嘅level!真係好多謝好姊妹帶咗我嚟呢間咁優質嘅餐廳!
繼續閱讀