Made in HK Restaurant (已結業)

食午市叫餐飲嘅時候發現有新野wor阿華田系列飲品and 甜品叫左個阿華田affogato 我覺得一般般啦 唔鍾意個杯裡面有冰 溝淡左咖啡 有雪糕已經可以做到冰凍加溝淡效果la 不過新野試下無妨啦野食係ok ge不過可能暑假完左 暑期工走曬？ 覺得人手好短缺啊 叫個lunch set 嘅嘢 不是a la carte 都要等20mins啊

星期六搵食。APM既餐廳分到好散。當係度煩緊食咩之際聞到呢間Made In HK傳出黎既味，因為佢有店內外既座位。拎籌等左10分鐘到。佢係餐單由地道香港既沙爹牛面到西式鐵板排餐都有。我叫左個牛柳粒芝士焗飯。真係好回味，炒飯底一d都唔油，牛柳粒非常嫩，應該炆左一段時間。然後汁醬芝士都剛剛好，因為食焗飯就最怕太少汁或者太多汁，佢呢個焗飯真係好出色。一碗松露磨菇湯。價錢好似係$48一碗。好大碗，非常飽既一餐飯。坐得好舒服，佢個張椅既形狀好user friendly. 值得再來！

其實喺觀塘有啲裝修又唔貴嘅西餐廳係得呢間 。實質我覺得佢啲嘢食就似茶餐廳😂尤其是飲品，但係收到高級餐廳價錢😂唔緊要嘅，如果好食嘅話就冇問題。我次次黎親都係食晚飯，所以應該就冇其他食評啲早餐下午茶嗰啲咁淒慘😂我散叫咗一個蕃茄牛脷意粉、另外加左杯棉花糖阿華田凍飲，都幾貴🙄另外就叫咗一個晚餐包飲品同蕃茄湯、餐包，主菜紅酒羊膝配薯蓉。番茄湯似罐頭蕃茄汁煮熱左杰杰地咁。餐包都熱嘅。飲品叫咗啤酒點知原來佢所謂嘅支啤酒好細支⋯⋯倒埋都唔夠普通玻璃杯半杯竟然要加＄48😰仲貴過手工啤🙈紅酒羊膝唔夠淋雖然啲肉都竹篤得開，但唔夠入味，份量多但唔夠汁點薯蓉就無味。蕃茄牛脷意粉其實我一向覺得呢間啲牛脷幾好嘅，因為佢切得夠晒大粒有咬口，而且唔係好多地方有得食。價錢就貴左少少，不過佢個番茄蓉煮意粉係好味嘅，咬落好爽。棉花糖華田好多棉花糖，之前嗰個雪糕朱古力脆脆阿華田好味啲。

由於好朋友話有啲超限量珍藏嘅禮物有兩份，佢話送一份畀我同我開心share，所以我們約咗今日下午喺觀塘apm嘅「Made in HK Restaurant」食下午茶！我們叫咗個特餐：瑞士汁鷄槌湯意粉配農場鷄蛋多士嘅湯碗比較大，同埋湯亦比較多，攪到睇落覺得份量好似好少，其實都算大碗，而意粉嘅麵質都幾煙韌彈牙，鷄槌嘅肉質都幾軟滑，瑞士汁嘅味道相當入味，就算浸著喺湯度，味道都一樣咁惹味，至於鷄蛋就可以有煎蛋、炒蛋或轉做烚蛋，而我們就揀咗烚蛋！港味三層下午茶：玉桂多士、紅豆椰汁糕、焦糖燉蛋、叉燒酥、炸鷄翼、肉醬焗薯皮、夏威夷薄餅同迷你熱狗，味道就不過不失，但就唔係想像之中咁好，因迷你熱狗嘅包質比較乾身同「粗嚡」，至於賣相方面，雖然係用個英式下午茶嘅鐵架嚟盛載著，但食物就係港式嘅食物，感覺都幾特別，而且款式種類都算幾多！

Made in Hk想問一下是否一定要跟羅宋湯，不可以跟豬骨湯因為我不食羅宋湯，竟然個經理話不轉得，他説話一直都不可以，我說之前可以Wo他説我記錯，他說他做咁耐他不轉得.他說今次是最後一次想問下你地是否不轉得（因為我是個是可以的）他說公司話不得你地知不知一件事，定話他們內部說不得呢？因為不是個個人都食羅宋湯我要求轉豬骨湯都說不得，其實係一件好少嘅問題都話唔可以，就這件事想問下你地是否不轉得。仲有個經理態度好有問題，語氣問題

成日經過見到唔少人，見食評又唔太差所以同朋友去試晚餐。價錢算中高位，環境幾好，都幾適合情侶或者一家大細去。叫左鐵板晚餐，朋友叫左個牛柳拼燒春雞配紅酒汁，我就叫燒春雞配蘑菇汁，可以揀要餐湯或者沙律，餐飲都係基本野，可以加錢轉特飲加甜點。上菜都幾快，服務都幾好，會主動過黎幫我地加水。環境幾有氣氛，都有唔少情侶黎幫襯。不過味道就一般，雞肉唔夠嫩，牛仲可以接受，份量都算多。朋友話質素同花園餐廳差唔多，整體就係質素比價錢唔太成正比。

🍰中式下午茶tea tower😚今日踢開男朋友去同姐妹們下午茶😋當然點返個靚靚嘅塔🤗.❤️💥更多情侶生活驚喜請follow IG @couplesurprise .$178二人用嘅set有雞翼、薯角、叉燒酥、迷你熱狗同多士，仲有奶凍同cream brûlée 🍮雖然賣相滿分但味道一般最正係有窗口位嘆左個幾鐘靚景同冷氣🍻我地落單後半個鐘都未見有野上，見到周圍遲入黎嘅客人有得食自己都無～餓啊最後催佢先知漏單。另外再補一杯野飲，加18蚊。 朋友話糖水溝嘅呢個味道一般

趕時間所以沒有怎麼選擇餐廳，見有位就坐下了。午餐餐牌有6個餐選擇，配有牛油餐飽、湯或沙律、主食、餐飲。沙律菜算新鮮嘅，一人份量都算大碟，但係Salad dressing 太酸，落得太重手，在底下的菜極之酸餐飽上枱時仍是熱的，呢樣要讚呢碟忌廉蟹肉意粉，咁嘅質素呢個價錢實在有點那個。汁太多，好膩，蟹肉有好多殼，無乜蟹味，如果一早知有咁多三色椒我就叫另一樣野⋯ 份量算足夠A la carte menu 上面一碟野價位仲貴過一份午餐，所以散叫仲和味。埋單咁就$102 啦，唉⋯

今日因為要有大報告要趕所以早了起身，但我都明白再忙都要食早餐，所以就進入了apm商場內尋找一下有沒有餐廳，可能太早關係好多餐廳都未開，正想放棄的時候，我發現這間環境十分不錯的西餐廳，一進門口，立即就有人安排位置同時給予餐單，雖然係西餐廳早餐，但價錢一Ｄ都唔貴，平均40左右，食物品質絕對算得上中上，但最重要係每個員工，上至經理下至服務生，全部都好熱心，好有禮貌，一定會因為服務而再次回來，希望下一次可以安心地慢慢享受

因為工作關係路過了好日不來的觀塘,見還有一點時間,就到了位於APM佈的1一個西餐廳佈用餐,點了一個炸魚柳早餐,食物未到的時候就一直安靜地聽著音樂一邊舒服的坐著,食物又快又合口味,最重要經理的留意好到位,好多小事都好快留意到,真的不錯

早餐食物一般，唔係好食又唔算難食！點差都唔夠佢地趕客般「服務」！老公先到，邊食邊等，我接完仔放學到，無為意已過11點早餐時段，坐低點餐，圍裙侍應一句「11點後無早餐」就走咗去！我呆咗，心諗咁無早餐，都可以俾過個餐牌我囉！但佢講完句說話就走咗去！算，咁唔想serve咪唔食囉！叫埋單，同一個圍裙侍應，叫我等等！等咗5分鐘，無事發生！叫另一個西裝侍應（定經理？），應咗ok，過咗5分鐘，繼續無事發生！再搵另一個白衫侍應，30秒內埋到單！原來之前嗰2個跟本就敷衍！永久blacklist!

甚少黎觀塘既我，今日就約左好友黎做個spa由於又未夠鐘，所以就周圍行下揾食黎到APM，見到呢度有個tea set就坐底食呢個set係二人份量，甜品味道一般但熱食幾好食！個焗薯好惹味叉燒批就凍左d，而雞翼就比較細隻個小熱狗好好食！個包夠鬆軟！不過就唔多夠飽。。同埋都偏貴，唔係咁值

我好少寫食評，但今次都要講吓，一行三人叫了三份早餐，嗰兩份早餐仲可算接受，但其中一份係pancake早餐嚟嘅，賣相仲尚算ok, 但可惜嗰兩件pancake硬到掟去對面海都唔會爛囉，似雪硬左加隔夜pancake ! ! 好難食。😒😕😔🙃😞😞早年試過晚餐。。。其實都係一般再一般。。。㗎喇! 幸好環境仲可搭夠。。同方便。。。但早餐。。本人覺得應該可以整好少少係得嘅。。晚餐都算。。。點解咁簡單嘅pancake 都可以咁差？？🤔🤔我估我不會再幫襯第三次😥 希望貴餐廳改進吓吧！

一家人聚會通常都會選擇食中餐，第二個選擇可能就係日本菜、韓國嘢等等！但係有時都想食下西餐。尤其是喺接近一啲節日嘅時候，真係好難搵到一間係唔使排隊。當然搵到一間唔係點使排隊，你自己都心中有數啦！環境不錯，唔迫，但Ｄ梳化有野咬。食物不過不失，但牛扒失不少。對間食店期望就真係唔好太在意啦！眼見呢間港式西餐，都只想食得飽，大家傾得開心就夠啦！估唔到今次有人等到頸都長先有得食，眼見隔離枱都２轉，而Ｄ食物都未到，真係餓到人都癫。今以叫左三個雜扒餐，牛扒分别五成、七成、全熟。但五成熟個餐，等了45分鐘都未到，其他都差不多食完。睇見其他人的雜扒都上枱，我地開始討論及猜測餐廳是做不到五成熟？可能每次過熟就給了别的枱。終於問下侍應，他幫我地問完，就話因為塊扒太熟，所以再整。我們說如整了咁多次都不成功可通知先不用我們等。最後，都來了。（五成熟雜扒，等到了）但這次經歷確是令人覺得很不愉快。

工作同居住都係官塘區，所以APM呢間Made In HongKong 成為我平時不趕時間的早餐必然之選，環境舒適感覺亦乾淨，不過停咗一排冇嚟，今次再食番，真係好失望......選了沙嗲豬腩面，跟炒蛋厚多士厚多士得個厚，焗得不脆而且好硬，不過炒蛋仍然出色！沙嗲豬腩面，沙嗲味夠，不過面就好「林」好似煮耐咗拱，但係問題係啲豬腩肉，一陣雪味，除咗雪味，再冇其他味，好似白灼拱，而且偏肥.......四十多元一個早餐，但係水準就......我諗我就真係冇下次順帶一提，侍應服務好好，不過黑色外套個經理定部長，服務就真係.....放啲碟落枱好似拋落枱面拱，埋單找錢就放係枱中人就走咗，呢啲係今時今日佢地的服務態度？