影片
電話號碼
21171369
營業時間
今日營業
08:00 - 16:30
星期一至五
08:00 - 16:30
星期六至日
11:00 - 18:00
公眾假期
11:00 - 18:00
以上資料只供參考, 請與餐廳確認詳情
喺九龍灣返工咁耐， 都未知有呢間餐廳。 今日同朋友想食過tea， 喺度仲諗緊食咩嘅時候 咁啱有個姐姐派張傳單畀我， 見到冇試過，睇落都幾正，諗住試一試。想到去環境超大超舒服， 又整齊 ，又清潔。當時下午三點， 客量唔算多， 隨便搵張梳化就坐低。店舖都係qr code落單， 因為第一次食所以都問下佢哋啲員工有啲咩好介紹， 因為係tea所以唔想太飽， 最後佢哋職員介紹咗我哋食生炸雞髀，同埋雞蛋仔雪糕。等咗10分鐘， 雞髀沙律雜送上枱係一個合理等待嘅時間，但係見到佢哋嘅雞髀真係新鮮咋熱辣辣， 食落去雞髀係juicy嘅，唔係好似出面咁炸完再返炸硬脆再黎雞蛋仔雪糕， 完全冇諗過喺九龍灣可以食到雞蛋仔， 佢哋嘅雞蛋仔係香脆派，咬落 脆卜卜， 用雞蛋仔再配埋雪糕點嚟食， 出奇地覺得好夾，冷熱交溶。再同佢哋店員傾返原來佢哋已經開業大半年但一路未有做宣傳， 佢哋店員都好nice 每一個都好親切。 又會介紹佢哋餐廳嘅嘢食畀我， 我再睇睇佢哋嘅早餐午餐menu， 早餐$3×左右， 午餐$5x至6x 已經有得食 仲有湯同飲品。 真係良心小店，喺現時今時今日嘅香港咁嘅價錢咁嘅服務咁嘅環境，真係超抵我一定會再嚟， 最驚喜係原來佢哋側邊有個小朋友playhouse， 仲有消費優惠食野可以買平嘅門票， 下次一定帶埋我嘅囡囡，一齊嚟玩同食， 因為返大陸玩都玩到悶悶地。估唔到喺九龍灣仲會有一個有驚喜嘅地方
繼續閱讀
塊比目魚扒煎得幾靚仔，金黃色嘅魚皮夠脆身，用叉輕輕一篤就聽到「卜」一聲。魚肉夠晒滑溜，一啲都唔「鞋口」，咬落去有淡淡魚油香滲出嚟，食得出幾新鮮。雖然唔算好驚豔，但勝在夠穩陣。調味簡單直接，就係鹽、黑椒同檸檬汁。檸檬汁落得啱啱好，酸酸哋吊一吊味，食多兩件都唔會膩。唔使靠濃味醬汁遮遮掩掩，證明食材本身質素唔錯。整體火候控制得幾好，外脆內軟冇過火。係碟邊有少少油（煎魚難免啦），但可以接受。簡單煮法保留到魚嘅原味，呢點值得加分，整體嚟講都推薦嘅。
繼續閱讀
商務圈中午用餐時間段，與同事一起7位第二次光顧這家美味餐廳，再次點了蒜蓉汁雞趴配飯，黑松露雞扒漢堡包配薯角，香煎西冷牛扒配黑椒汁配飯，挪威煙三文魚班尼狄蛋牛角包，泰式芭堤雅青咖喱雞柳飯等7個美味套餐，很快就上菜，我點的是雞扒配飯，雞扒淋上蒜蓉汁，立刻香味四溢，胃口大開，用乾淨的刀叉開始用餐，切一塊試第一口，還是跟上次一樣十分美味，出品穩定，價格適中，此次用餐體驗非常好，環境舒適，價格合理，十分推薦！
繼續閱讀
有少量梳化位舒服 服務質數好食物方面一坐低就湯先飲再慢慢選擇食物又不會限時45分鐘等等可享受食物質數中午時間有多人聚餐最佳選擇有playground玩可帶埋小朋友一齊非常好評
繼續閱讀
原本我要搞party聚餐，二零個人，其實香港都難搵到餐廳可以打直長枱坐咁多個(好似哈利波特High Table Dinner咁嘅格式😂）跟住朋友介紹呢間叫Magic Corner, 睇佢個網係有埋個兒童樂園，波波池果啲friend, 格離就係餐廳，睇佢menu都幾抵食，意粉+飲品一個人都係六十幾蚊。staff好好﹑知道我地係ikea鯊魚fans, 幫我地準備咗鯊魚嘅banner喺牆上面，啲枱仲可以俾我地隨便調動，都坐得舒服，成個corner位我地坐哂，可以慢慢打卡唔會俾其他客阻住🤣啲野食質素very nice, 值得更多人知道呢間餐廳，可惜地理因素外人好難發現呢間野，食完之後個餐廳經理同我地say hi, 話好多謝我地咁多人去捧佢場，仲話下次去有優惠🙂總結：一間好適合同朋友，同事一家大細聚餐，玩嘅地方，平靚正，新開冇耐裝修都幾靚
繼續閱讀