Magic Touch (T Town) (已結業)

再來magic Touch因為實在太便宜了星期一到五中午都會有lunch set而我就叫了最平$39的有個細烏冬，又有幾塊壽司，又有三文魚湯質素都不差呢，食得飽結帳的時候發現原來這間店有做外賣壽司一大盒$40左右其實也不貴

今天放假，趁星期一至五的檔期到Magic Touch 食個便宜午餐。最平$39有一個set 了！有個烏冬、壽司及湯，份量夠，食得飽。質素不錯，魚生也挺新鮮的。湯是三文魚湯呢。也有鰻魚飯可選。中午人不多，不用排隊但要12點才開門。

呢間鋪係頌富商場(T-town)長期都有人排隊，最主要係因為有列車運送壽司呢個gimmick野，仲有野食大份夾抵食!呢日係星期日我同家姐2點先出黎覓食，行行下發現都下午茶時間，口多多問下magic touch有冇下午茶，原來係有架! 2點半開始下午茶，1個鐘要交枱。我地2點3等到2點8就入得啦。但餐廳座位非常窄小，坐得唔係好舒服，希望改善啦。必點25蚊的鰻魚丼，雖說迷你，但我覺得鰻魚的份量尚可，比起出面食正常size差不了多少，好抵食!不過有少少骨，食的時候要小心D! 鰻魚丼仲有湯! 都足料，味道好味，肉味濃。家姐就嗌左海鮮飯，呢個飯的材料比我想像中多耶，望上去都夠新鮮!16蚊就好多三文魚啦，都新鮮但唔夠油味啦。又一抵食之選，調味足!一般的炸蝦，我不太愛吃重粉的炸物呢。吃不到蟹肉，又係好厚的炸粉，唔係好好食啦。玉子煮到好硬，唔鬆軟，又唔夠甜。

排了隊1個小時才入座！但也不難知道為什麼，下午茶是超值的。.T Town 只有2家日本還廳，這家比較划算，而且用火車來送餐，小朋友應該喜歡。.我最愛下午茶的饅魚飯，燒得入味，又沒有骨，而且又有湯送，才$31。.三文魚3件才$12，超值。

痴線食食吓有隻曱甴係枱面爬黎爬去，d 鼓油wasabi包被全部爬過！侍應過黎，佢求其攞枱面個垃圾桶仔撞死隻曱甴，轉過頭係咁以噴左d清潔水係個曱甴既牆上面就算！道歉又無講！枱面其他咩都無清潔返！嘩好恐怖啊！以後唔幫襯！

想說差不多2點的時間，沒什麼人。 可是，還是有很多人卻排隊吃這間壽司店。 等了差不多一個小時吧， 才可以進去然後。 看餐單的時候才發現原來這個時間裡面是有提供下午茶的， 價錢很便宜。 一碟三件慨軍艦壽司只需要12元。 壽司以這個價錢來說，真的cp值很高，它的紫菜還是脆身的， 最鍾意的是芥末八爪魚軍艦，因為它的芥末味好重；而黃金魷魚軍艦的味道反而淡淡無奇。 三文魚壽司亦都十分大件且肥味，好味道，反而炙燒三文魚壽司就不太好食。鰻魚飯只需要25蚊，當然沒有那麼肥味，但也不錯，飯超級多的🤣🤣。環境和服務都有待改善，希望可以先改善衛生狀況，因為剛坐下來的時候發現檯面有豉油漬和沒有茶包了。 可能員工太忙，沒有留意。最後賣單，兩個人共120元以下（連加一）。

之前都成日黎食呢間 4個人食有3個都已經入得今日5個人啦 有位嗰陣得4個人 諗住過半數都入得結果個人同我講話未齊人未入得喎係佢面前打電話比未到嗰個啦佢都聽到嗰人話係樓上停車場落緊黎佢都係唔比入 結果最後得4個人個陣佢比我哋入啦但係仲要叫我哋靜靜雞入啦等我哋坐底曬仲行過黎同我講「你哋頭先禁樣係我哋門口吵，已經阻住我哋做生意啦，禁樣我哋好難做㗎，唔該下次唔好禁啦」但係其實我哋完全冇吵啦 都打埋電話叫人快啲啦完全跟足佢指示啦只不過問左幾句點解未入得呀，我哋有4個人啦喎雖然我哋都明公司制度問題，但係最嬲嘅係佢嘅服務態度 問佢嘅問題佢又答唔到 淨係識叫我哋等等 仲話如果仲唔黎我哋個位就比人 我哋等左成個鐘位 佢一句話比人就比人，語氣仲要好似我哋錯曬禁，明顯就係呢間嘅制度有問題啦 如果佢肯同我哋好好地解釋一次係公司規定我哋都冇禁嬲啦 係個職員完全唔耐煩又唔認真解釋 仲要行過黎講句禁嘅野 係個人都嬲啦 以後都唔會黎食

Without much expectation, this restaurant really amused me!The 鰻魚飯 set really is amazing! The eel is so thick, and a lot of green onion are aside. It gives a refreshing taste for every bite of oily eel. Sashimi set is amazing too! The cut is very thick and are fresh. The deep fried oyster is good. It is a bit too wet but the oyster chosen is without not much green digested algae, and that’s my preference that I can that more.Finally the nigiri sushi set. It is so tasty, with a lot of topping and

天水圍想搵間有質素既日本菜都吾容易今次試一試呢間高速火車頭啦😎吾洗等位直接入得👍🏻用pad落單幾方便～日式燉蛋 - 幾足料.. 味道ok蛋都夠滑！燒牛舌 - 係成世人食過最un既一塊牛舌👎🏻極差玉子燒壽司 - 好似燒過龍 燶燶地 味道不過不失啦！芝士龍蝦 - 伏左！芝士味好怪 龍蝦肉好少同埋比較鞋口... 失望燒三文魚鰭 - 正！好滑好香口👍🏻值得一試小拼盤刺身 - 普普通通.. 吾係特別鮮甜 總結* 價錢中等 質數麻麻地 吾會再試了 寧願食返元x 爭x仲抵食。

食材一般、味道一般，服務一般！不過有個只為有小孩家庭嘅中伏位係：個餐廳唔比帶外來食物。你唔比帶其他餐廳嘅食物係度食，我清楚明白！你唔比帶外來嘢係度飲，我亦清楚明白！但你連屋企做比小朋友嘅飯都唔比係度食，會唔會過份左小小呢？我結果同個小朋友攞住食梗嘅食盒走左十幾丈遠搵地方落腳食。好多小朋友唔受得出街食物父母都帶埋自家制飯，咁你係咪唔做佢地生意先？定係叫佢地分開食？如果你話制度係咁咁我清楚明白：我唔再幫襯！（其實我都已經決定喺咁）

貪新鮮到到頌富前排新開嘅日式餐廳心郁郁諗住一試 佢嘅意頭系magic車仔做送餐 叫嘢食係用部平板電腦 每次叫都有四個位可以裝 每次落單夠$100可以玩一次遊戲 贏咗可以送一支嘢飲好識玩左四五次一次都唔中炙燒三文魚燒得唔夠香搞到好似用水煮完咁 無咩味三文魚壽司質素同平時壽司店一樣普普通通吞拿魚壽司上面塊吞拿魚有根 又唔香 種感覺好似啱啱溶完雪咁仲有好多水油甘魚係本人最期待嘅 但睇相都睇到佢好好雪水 連融雪嘅程序都做唔好 搞到咬落去成口水感覺牛肉烏冬只係用普通肥牛煮到乾爭爭 湯底又淡無味成$60/個烏冬 但係完全唔值呢個價錢炸蠔係咁多嘢食中我認為最好食嘅 食到佢係用新鮮嘅蠔 佢嘅size都唔細 炸出嚟熱騰騰食落唔會有腥臭味 呢個係比較好食吞拿魚質素真係好一般麻辣帶子裙邊 條條都好大 好爽好inun 味道亦都夠濃 都好食但係份量就比較少整體來講呢間Magic Touch 價錢比爭鮮貴同元氣差唔多 要比較嘅話相信佢感覺同爭鮮差唔多質素 如果要用呢個價錢食我寧願去元氣食試過一次之後唔會再食呢一間嚕

又一間有高速列車既壽司店, 初初仲以為係元X壽司, 原來係無關係架愛食壽司既我又點會唔入去試下呢, 哈哈~入面坐位都算寬敞, 每個位都有一個平板電腦俾客人用黎點餐, 好方便但每次最多只可以點4樣野 如果想食好多野就要分開幾次點餐喇!兩個人食都唔算多, 食咗幾樣款式先講下個極上海鮮丼飯, 唔算大碗但入面刺身都算足料. 帶子仲要係厚身開邊啖啖肉一向鍾意食刺身生野嘅我, 出奇地覺得火焰帝皇蟹柳同個三件辣味三點盛比較吸引我不過油甘魚就唔算肥美另外, 金額夠$100就可以抽一次獎. 我要抽第二次先有, 原來係糯米池, 好彩唔係好甜整體黎講佢俾我好乾淨嘅感覺, 食物都OK, 款式唔算太多如果有小朋友黎, 佢地應該會開心啲, 因為有車車睇  

這間店假日便要排長龍，平日就秒速可入，天水圍無咩日本野好食，見這間價錢平過同商場的另一間日本餐廳，便進內晚餐。壽司款式不多，但有迷你丼，$38加一個湯，價錢都可以，食物味道都唔錯。值得一試。

Tiramisu同千層蛋糕也許你都食過，但你有冇諗過呢兩款甜品可以二合為一呢？高級版嘅爭鮮Magic Touch最近推出多款新品，甜品類有佢！🤗小編百毒不侵，咁就試試佢啦！🙈$20件嘅千層蛋糕就唔好抱禁大期望，畢竟禁平大多係雪藏貨，比你止止口癮咖啫！🤔 呢件蛋糕一如以往皮係乾身嘅，但cream嘅份量比上次食嘅少咗，而且食到淡淡奶味，而且上碟嘅時候亦冇上次咁硬過石頭，感覺上進步咗唔少！😯👍🏻最欣賞就係中間代替手指餅嘅蛋糕同面頭嘅咖啡粉，導致味道有7-8成似tiramisu，唯獨欠缺嗰入酒香同爭在皮唔夠濕！以冇期望嘅情況下，收貨啦！😂

-朋友介紹呢間爭鮮集團嘅magic touch，話下午茶時段好抵食，有D款式壽司一客有3件。不論壽司小食烏冬...全部都係新幹線同流水帶送餐，不經人手。-芝士蟹籽我至愛，三文魚大大件都算新鮮，鰻魚味道唔差但係有骨，炸蝦熱辣辣，蟹柳普通，山葵八爪魚辣辣地好味，玉子燒大大件，味道一般。-三文魚湯必飲，夠熱又甜，巨無霸帶子太淋，不推薦 ，辣味廣島蠔好食。-炸蟹鉗賣相好，可惜好似食緊炸粉咁。-千層蛋糕一般， 生乳酪蛋糕好濃味，推薦，如果唔係食得太飽真係想食多舊。-叉燒烏冬用日式烏冬，煙煙韌韌，叉燒肥瘦適中又夠入味。-食滿100可以玩一次遊戲，可惜玩左4次無一次中。-性價比高，下次會再食。