Main1938cafe (已結業)

約左朋友交換手信，朋友事先預訂左喺呢間餐廳度食晚餐。但去到先發現原來喺我經過無數次，每次都好奇好唔好食嘅旺角新之城地下餐廳😂😂岩啦，終於去試下。7點左右，唔算多人，店面細坐左8成到。裝修主要白色為主，燈光係偏黃，俾人感覺舒服。晚餐有set dinner, special menu，選擇都算唔少。最後決定揀一份Special menu, 一份2 courses dinner。 套餐嘅飲品選擇都幾特別。桂花龍眼烏龍茶: 雖然餐牌寫凍，但職員都俾我哋改熱飲。 不過茶味出唔到，成杯嘢飲好似水咁。玫瑰柚子蜜: 玫瑰直接泡係水面，作用應該就係散發下香氣？！已經好飲過烏龍茶，有柚子味嫁，哈哈套餐：香煎帶子配凱撒沙律：份量一d都唔少。帶子煎得剛剛好，而且都ok多帶子。沙律醬有撈勻，最怕食沙律啲醬撈唔匀烤安格斯牛柳配紅酒乾蔥蓉及烤椰菜花：第一眼見到個擺盤...嘩...好藝術啊...影吓相都唔錯嘅..牛扒其實有d細塊，兩個女仔share只係剛好。牛扒煎得都OK嘅，但有d位太熟蟹肉龍蝦汁麵：龍蝦汁味道同我平時食嗰啲有啲唔同，怪怪的~ 不過幾多蟹肉，呢度加分想近近地揾間餐廳同朋友傾下計，食完再行街，呢間都不錯

我同朋友相約食晚飯，呢間好近地鐵站，平時無留意呢間餐廳，只係路過就算，我比booking 時間早咗20分鐘嚟，見到有留位置畀我哋 ，餐牌上有4個都想試，但得2人肚，叫2個share, 我哋叫咗軟殼蟹意粉同埋帶子香蒜意粉，飲品就叫咗玫瑰柚子蜜同龍眼肉烏龍茶，食品買相不錯，味道亦比我預期好，服務員亦很親切，可能平日去，所以人不多，和朋友能坐了2小時多，我再多叫一客綠茶慕絲蛋糕，味道不甜，我很喜歡，還想再有下一次光顧，我哋經open rice訂仲有9折，所以覺得好抵

無影相添...Menu好簡單, 150蚊左右既set。 可以選沙律或湯。 有3個主菜選擇: 牛排, 豬排和燒香雞。 仲有飲品。叫了牛和豬, 同朋友share。牛排好軟滑, 5成熟剛好, 也滿有牛排香味。 呢個價錢食到呢個質素, 好有驚喜。豬排一點也不鞋, 仲有好多配菜, 好味。 帶子沙律份量不少, 帶子也大大粒, 雖然係切開左, 但應該有3大粒! 最後加左件綠茶蛋糕，也是很滿意的。環境幾好, 好適合朋友傾下講下。 而且店員好有禮貌, 坐了很久也沒有趕我走, 還主動幫我添水。旺角人來人往, 竟有可以慢慢食, 慢慢分享, 食物又有質素的餐廳，好正!

Cafe Main 1938Environment: ★★★★☆Service: ★★★★☆Taste: ★★★★☆ 早前於網上見到這間餐廳頗有名氣，食評不錯，便前來試試。餐廳位於旺角新之城，由旺角MTR步行前往算是十分方便。餐廳的佈置以白色為主調，由於是小本經營，因此裝修方面當然沒有連鎖西餐廳漂亮。餐廳最出名的是牛肩，可惜我到訪時卻已賣完，因此點了一個意粉和牛臉頰試試。1. 蟹肉帶子意粉（＄98）意粉的醬汁用的是龍蝦汁，有頗濃的龍蝦味，味道方面就是平日大家到西廳餐喝龍蝦湯的味道。意粉方面份量正常，不會過冧，但男生吃的話未必一個意粉夠飽。帶子方面有三粒，大小方面和一個5蚊銀差不多大，算是很康慨。味道方面，帶子外皮剪得夠香，裹面有肉汁，有帶子的鮮甜味，煎得不會過老，冰鮮帶子來說，無論來貨和烹調都不錯。蟹肉方面，算是結實，不似其他出面大多的蟹肉一咬即散成絲，亦算是有蟹的味道。這個意粉值得一試。2. 燴澳洲和牛臉頰伴紗薯，蒜子及蔬菜 （＄158）牛臉頰大粉大約有半隻手掌，厚薄約一隻手指，咬下去很冧，口感方面有點像平日大家吃到的牛腩，牛肉的味道不算太濃。其他配菜方面，味道和一般西個人認為牛臉頰

旺角係一個血併嘅地方, 道道都買到野, 又一邊行一邊有好多野食😁 但當你行街行到腳斷嘅時候, 真係要搵間餐廳坐吓😅好彩, 係人流密集嘅旺角搵到一間餐廳食個tea休息下😎$38 有一件cake, 又有一杯野飲，對我黎講絕對超值😉最緊要係休息下坐下😜藍莓芝士蛋糕 My favorite ❤️最愛係一口咬落去全口都係芝士個個感覺😎反而藍莓只係配角，不過餐廳好有心😉放咗幾粒藍莓裝飾一下💗咖啡❣️雖然個拉花唔係特別靚，但係甜品配熱咖啡真係好滿足💗

昨天食完午餐已念念不忘，心想要儘快再試一下餐牌上的煎三文魚。所以，今天我又再度來了。滿心期待，幸好沒有令我失望。一上桌已經聞到香味，急不及待切下去，感覺到魚皮煎得香脆。淺嘗一口，果然香脆，魚肉切開看似有點乾，但食落口雖未至於juicy和滑，但也不乾，將魚肉和配菜連醬汁一起食剛剛好。這件三文魚扒的份量，也是物超所值，估計自己買回家煎也差不多這個午餐價錢。但現在還包括了湯（今天是雜菜湯）和飲品（今天我選了菊花乾果茶），我完全被收服了，這個餐廳一定是必定翻食名單中的其中一間。現在只要憑發現票，一星內再去進餐，就有9折優惠，本來已經是免收加一，今天這個魚扒只需要$63-，真是沒話說了，因為只顅着食就夠了

我的午餐系列～第21篇無意中見到OpenRice 有這間餐廳，見到其他人的食後感都說好味，我就來試一下吧。餐廳地方不大，在商場內的一個店舖。採取全透明的玻璃和主色用白色的設計，增強空間感。今天就先試了他的牛面頰肉，嘩，肉的份量很足，不是輕飄飄的感覺。一刀切下，感覺到肉貿很淋，食落口很軟熟，不會硬實，而且還可以食到滿口骨膠原，不經不覺就食完了。說實話，這個價錢加這個質素，我覺得是超合理，簡直令我感到幸運

位於新之地下，位置唔吸引，路過未必留意到間餐廳。看似平平無奇，但食得出廚師用心製作。首先，我哋試咗個龍蝦湯，真係有好多龍蝦肉，超濃郁。凱撒沙律配帶子，帶子香煎表面，外脆內嫩，成個沙律都好新鮮。主菜叫咗牛柳五成熟，同個汁好夾，個牛柳超厚身，$168 Set dinner, 算高質，不過熟咗少少但係依然都覺得嫩滑，仲有個叫左個燒春雞，比左兩脾位，煎得幾香，無雪味。成個餐唔使$200到食到高級餐廳質素，我覺得超值

今日同姊妹做mk妹，未行街前先去填肚，見新之城樓下就有間cafe，決定試下。餐廳環境舒適，最鍾意佢個花牆，美美的。個menu都整得好典雅呢南瓜湯-味道香濃，好多南瓜係入面，感覺好有營養烤安格斯牛柳配紅酒乾蔥蓉$148-成個藝術品咁，擺碟好有心呀！食落牛柳超腍，肉夠厚有口感，想食濃味啲可以用蔥蓉調味，正！烤安格斯西冷牛扒伴烤椰菜花及洋葱土豆$158-牛扒好腍易切開，醬汁睇落好濃但食落咸度剛好，配菜椰菜花好香口，土豆口感有啲似薯角但唔係炸，比薯角更健康估唔到shopping嘅地方都有咁高質嘅食物，環境亦唔差，真心推介大家去試試佢。

我同老公行經旺角一個商場地下見到一間餐廳，裡面坐唔算大，裝修唔算豪華，田園沙拉，黑色黑松露意大利粉，紅燒安格斯牛排，味道比出名餐廳相比有點出乎意料地非常美味，服務也非常好，結帳可以接受PayMe ...非常方便

呢間廚師煮嘅西餐非常之高水準， 尤其是係午餐, 係超抵同埋食物嘅質素好高. 啲湯係我飲過西式湯最好飲, 佢嘅主菜樣樣都好好味, 連平時三文魚煎完會乾, 佢係做到外脆內軟, 係非常之難得. 我老公話嗰個沙律整得好好味，同埋嗰杯cappuccino咖啡又好好飲. 我三次飲湯都覺得 每一款都係我飲過最好嘅西湯, 同埋去嘅餐飲都係好特別. 我通常食完呢覺得好味, 都會讚廚師 畀佢鼓勵，希望呢間西餐廳能夠永遠經營落去. 我其實係好懒同好少寫食評嘅, 但係我覺得係值得我去寫. 我其實係一個唔鍾意食西餐嘅人，但係自從試完呢間之後，就鍾意咗呢間餐廳. 你哋一定要去試下, 包你地食過返尋味!

今日有新發現，原來旺角新之城都有平靚正嘅西餐食，就是這間Main1938Cafe！佢哋一個lunch set都係$70 ，份量唔少，行開旺角有想靜靜地食嘢，絕對係一個好選擇。我叫咗set lunch, 餐湯係松露蘑菇忌廉湯，味道非常好，裡面充滿蘑菇蓉，好飲。主菜點了鍋烤法國春雞及紐倫堡腸配燴煙肉青豆：法國春雞燒得好味，個屁好脆、金黃色，紐倫堡腸味道都唔錯，呢道菜啱晒我啲食肉獸。碗碟仲有好多青豆、香煎薯仔、煙肉，個汁都好夾春雞同紐倫堡腸。桂花龍眼烏龍真係有好多粒龍眼肉同桂花碎，味道清甜，帶有陣陣桂花香。我哋另外加錢叫左蛋糕，基本上兩個蛋糕都超好味。綠茶慕絲蛋糕非常鬆軟，小小creamy，中間又有果肉，伴碟的士多啤梨又大大粒，好好食呀！雙色朱古力慕絲蛋糕都好出色，慕絲非常香滑，朱古力味香濃，一樣有幾粒大大粒嘅士多啤梨。你要我揀邊隻蛋糕好食啲，我會話打和啦， Super ！

成日行旺中，不過就成日都冇機會幫襯lee間餐廳！今次終於可以試下了！餐廳環境尚算舒適！而且食物的味道都唔錯！雖然唔系全部都話非常好食，不過系可以接受的味道，當中當然有好好味/一般的，然而，整體的水平我覺得系可以接受的食物質素！另外~分量也絕對足夠！最令我驚喜的是，餐廳可以比我地坐好耐，直到我地離開！中間完全冇催客~  而且仲會不停咁refill D水比我地，真係太貼心了蒜香帶子意粉，好野味！好想，好好食！燒春雞，雞肉唔算hi，不過D 汁我覺得差D，hmm，稍微有dd失望好似系黑白松露意粉，不過我朋友就話好食，我自己覺得味道稍微冇咁蒜香嘅咁野味，感覺比較平淡一dd，我諗見仁見智啦~整體而言，都系一間唔錯嘅餐廳，值得去再幫襯的

星期日同兩位妹妹去旺角行街街，我就負責「搵食」。新之城地下有間新開餐廳，望望餐牌都差唔多兩點半都仲有set lunch食，啲主食仲好似幾吸引，一set只係$70咁抵食，一於try try。是日餐湯係【意大利雜菜湯】，湯入面有大量蘿蔔、洋蔥、番茄，仲有芝士碎提味。酸酸哋夠晒開胃。熱飲有果茶、膠囊咖啡等等。呢幾日仲係凍凍地我又有啲傷風喉痛，我就㨂咗【菊花乾果茶】，淡淡菊花香潤一潤喉。【紅燒安格斯牛面頰配牛油胡蘿蔔】有三大件牛面頰肉，一刀切落去好容易就分開，肉質極軟腍而且肉味豐富，配上紅燒汁更加滋味。【鍋烤法國春雞及紐倫堡腸配燴煙肉青豆】法國春雞俾咗雞脾位，肉質嫩滑，鍋烤出嚟好香口；紐倫堡腸就皮脆而肉汁豐富，好惹味。配菜有煙肉青豆同洋蔥薯仔，唔係一般平價餐廳只俾薯條薯菜咁「寡」，而且份量都唔少，抵食。【蟹肉及帶子配龍蝦汁意大利粉$118】我哋三個都鍾意食海鮮，蟹同龍蝦就更加唔可以錯過，呢個雖然唔係set lunch但忍唔住要叫。上碟見到三大粒帶子同六舊蟹肉，阿妹忍唔住問「啲蟹肉咁多咁抵食？啲蟹肉係咪係咪真蟹肉嚟架？」。講咁多做乜，等我幫你試吓啦，蟹肉唔單止真仲要肉質鮮爽；試埋個帶子，封煎得香

今日同女朋友行街，想帶佢食下西餐，由於小弟仲係讀緊書，唔係太多錢，但又想帶女朋友食下好野，就比我搵到呢間隱世西餐。佢係位於旺角呢個香港旺區，本應係食盡水貨大陸客的水，但這餐廳的食物價錢一Ｄ都唔食水深，仲係平民好野添呀！首先，我點左個慢煮澳洲Ｍ７和牛肩伴紗薯，牛油甘荀及脆片，食西餐緊係要食牛喇！佢煮得好嫩而且又好入味，差Ｄ就忍唔住想叫多份！不過比女朋友禁住左　哈哈！之後就係蟹肉及帶子配龍蝦汁意大利粉，本身以為同出面既差唔多，但你地自己睇下，佢既帶子係有幾大粒！而且配埋蟹肉同龍蝦汁原來係咁夾架！我一定會帶女朋友再黎多次，食埋佢既甜品同其他野，不過今次真係好飽，完全諗唔到佢既份量係咁大咁足！！！