影片
港鐵灣仔站 C 出口, 步行約3分鐘
繼續閱讀
電話號碼
67643801
91275791
開飯介紹
圓形吊燈尤如一個個小月亮，令晚市時段更有氣氛，配杯夢幻混色咖啡拉花，打卡一流。這裡還有出售匡智會學員製作的甜點，回饋社會。
繼續閱讀
營業時間
星期一至六
12:00 - 22:00
星期日
全日休息
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
食家推介
招牌菜
相關文章
嘩，今日入到去Major & Minor，一陣子未嚟，我個舌尖已經響起前菜既期待！🥗 首先落嚟嘅係黑松露野菌忌廉湯，松露嘅香氣撲鼻而來，每一啖都令人嗅得到土地嘅鮮甜。入面嘅蘑菇味口完美融合，creamy得啱啱好，真係幫到湯拉滿！再嚟就系我嘅大愛—紐西蘭肉眼扒配鮑魚。肉質溫柔得好似第一次戀愛咁，鮑魚滑溜溜嘅口感有啲教人控制唔住想一口接一口。呢啲美味，只可以用“惹味到爆燈”嚟形容。然後我又攻陷咗個Baby Pink紅菜頭，賣相得意過貓，食落去清新爽口，層次分明，輕輕樸實間帶出啲自然嘅甜。最後，我以為冇嘢可以再驚喜我，點知個朱古力雪糕仲要玩埋層次，苦中帶甜，後勁十足，仲有迷人嘅可可香味喺口腔盤旋，真係perfect ending！整體嚟講，Major & Minor個味道同氣氛都係令我驚喜連連，下次仲要嚟試多啲佢哋嘅招牌菜！👍🎉
繼續閱讀
Cafe而家越開越多,好多都淨係打卡或者淨係飲嘢,今日同朋友經過見到呢一間音樂主題既cafe,食物飲品上面佢哋都係以樂譜黎命名。打開個menu先發覺佢哋原來食物方面好豐富選擇好多,重有成個cake櫃既甜品揀!餐廳話啲cake係佢哋自家餅房整嘅,好誇張 啱曬鍾意食甜嘢嘅我哋,今次同朋友嚟叫咗兩個lunch set同埋幾件甜品share食。食物食物方面我哋叫咗黑毛豬叉燒酸種包同埋咖啡卡邦尼一上到黎只能說一個字 ： 大！份量好大，cp值滿滿，叉燒都煮得好淋好入味連埋個塊厚厚既滑蛋一齊食滿足感十足咖啡卡邦尼本身只係諗住嘗新試一試 ，叫嘅時候仲諗緊意粉同咖啡夾埋係會咩味，佢地原來係加左espresso 黎做調味 ，而個味道亦都好夾好新穎。麵上面仲有一個好似分子料理嘅泡泡 成件事好igable甜品方面餐廳門口係有個好大既cake櫃，而且價錢亦都相宜一人cake價錢由$35去到$45我地叫左兩件都好好味 黎呢間cafe飲緊野食件cake chill下都開心！食物⭐⭐⭐⭐甜品⭐⭐⭐⭐⭐環境⭐⭐⭐⭐服務⭐⭐⭐⭐Cp值⭐⭐⭐⭐⭐
繼續閱讀
等人黎帶位，等左5分鐘無人理。book左位就話無，搵唔到。等叫野食，叫左人，又叫我等陣，哩到又等左10分鐘。好啦叫左野食喇，等左半個幾鐘都無？我同朋友lunch time就到2點，我1x分叫左野食，40分都未有野食，問幾時有，諗住無就取消走，又答唔到係咁話整緊整緊，話佢地頭先好多單無出到黎，所以好慢。結果大概45分黎左一份，50分黎第二份。嬲嬲地又趕時間同朋友拿拿臨食幾啖就走。結果黎到，叫左個包啦，有一邊係燶曬有苦味。完全係一個好差既lunch😮💨😮💨
繼續閱讀
Major & Minor價錢💲: $118/ $98/ $98/ $78好味程度😋: 3.7/5服務🍴: 3.4/5環境🗾: 3.4/5性價比🥢: 4/5回頭率😚: 3.4/5-呢間舖頭位於酒店地下，不過呢間酒店係D比較細的精品酒店😳 環境幾清靜，亦只有好少店員，所以有時要叫多幾次先聽到。lunch去都有幾多brunch種類，同一般的all day/ 多士個啲比較就款式特別D🤩-✅✅日式滑蛋鰻魚宇治抹茶吐司。算係來到一定要叫的一碟！鰻魚唔係好肥美，不過冇咩骨。除左鰻魚，最震撼係瀑布的炒蛋，呢到的🥚量應該起碼用左3隻，超級多😬 質地滑得來偏熟，加埋啲鰻魚汁，令成件事濃味啲！抹茶吐司真係有淡淡抹茶味，係比較人工個隻，但如果組合起來一齊食，整體又幾好味同好豐富😜-✅泰式冬陰功大蝦扁意粉。意粉軟硬度適中，上面有堆泡泡好似fancy啲咁😂意粉軟硬度適中，都好掛汁。冬陰功的呢款比較辣，味道酸酸辣辣，刺激D，配淡啲的蝦就好襯。大蝦唔算真係大，但肉質都彈牙的。我媽好中意呢啲東南亞醬汁的就覺得好好食🤓-✅新加玻海鮮喇沙扁意粉。呢個其實同冬陰功的個個有d相似，但味道上呢個比較溫和，冇咁辛辣。同埋會帶椰香，味道上偏甜，較適合大眾的感覺🥰 海鮮係一般的急凍海鮮，正常吧。-❌草莓雪糕流心窩夫。呢個窩夫唔ok…係一個買返來的冰窩夫，窩夫軟的，入面夾住cream同果蓉，但雪到實曬🫠🍓就係上面個2條pocky的存在…旁邊的oreo雪糕都好似雪左好耐咁🥶-當日係訂枱有成六折，所以好抵食😌 大家想去之前可以check check! 味道正常，不過見佢地啲配搭幾fusion，除左我叫的呢d仲有咩麻婆豆腐通粉，豬軟骨肉燥蝴蝶粉等等，幾得意！
繼續閱讀
21.02.2023 星期二 晚Major & Minor今晚到香港演藝學院欣賞《飯戲攻心》踏台版二刷，放工時間有些緊迫，所以選擇到附近的Major & Minor吃個豐富晚餐。之前已經來過，天花上彩色的燈泡點綴著整個餐廳，瀰漫著浪漫的氣氛。上次試過Set dinner的黑松露野菌忌廉湯、紐西蘭肉眼扒配鮑魚、Baby Pink紅菜頭和朱古力雪糕，當時這個是一人set dinner，總數$274，豐富美味抵食。今次來到沒有了一人套餐，加了valentine Dinner Set 二人餐，$488，包餐湯、小食併盤、主菜AB各一、甜品及飲品。其他就要散叫，沒有那麼優惠。青口沙律 $88包括青口好幾隻，沙律菜、瓜子、果仁、番茄仔、青瓜….份量多又豐富，青口大隻好吃，叫了醬汁另上，就有明太子醬、芝麻沙律醬選擇，這個沙律有意外驚喜，下次會再食。特色焗紐西蘭羊架$208叫了走薯條，跟沙律菜、番茄、青瓜，比預期中還要多；五成熟羊架味道濃郁，本身叫了汁分上，但最後混在一起，偏鹹少少，如果可以分開，應該會理想些。Latte +$23奶味比較重，但喝起來更滑些；有一個音樂符號的小匙很特別呀。環境舒適、寬敞，佈置得很浪漫，播放著輕柔的音樂，今次來到，時間尚早，還未有其他食客，雖然只有我一枱食客，仍然招呼週到，自動供應暖水；食物質素不錯，如果可以有一人Set Dinner就更佳。
繼續閱讀