Mama Mia! Pizzeria

營業中

休息中

Set For Two $188 套餐包一個12"薄餅 小食一款 飲品兩罐🍕12" Amatriciana pizza 羅馬辣味煙肉手工薄餅餡料有莫薩里拉芝士，巴馬臣芝士，辣椒乾，車里茄，乾蒜，意式煙肉，羅勒，蕃茄醬Pizza餅底薄身 唔會食麵粉食到滯味道偏辣 香料味濃 仲可以dip附送嘅自家製蒜蓉香草醬汁 食唔停口🧀🥔酥炸薯球釀辣肉醬Nduja Spicy Pork Sausage Potato Croquette 3大粒炸薯球 份量十足薯球炸到外皮勁酥脆 入面包住大量辣肉碎 超級邪惡😈🍝Beef Ragu Pappardelle 燴牛肉寬麵 $108牛肉燉煮到肉質變得超嫩寬條麵有咬口 好掛汁 整體味道偏濃郁 牛肉嘅濃香帶有少少蕃茄嘅酸甜味道🍅

今日去咗九龍城搵食，一講起九龍城大家就會以為只係得泰國菜，但係其實而家有好多新興嘅舖頭，今日就想同大家介紹一間主打食薄餅嘅🍕。Mama Mia 9inch 🅰️🅰️🅰️🅰️🅰️同餐廳同名嘅薄餅，餐牌仲畫咗紅色，應該就係招牌菜啦😏又意式煙肉又肉腸，入口味道都幾澎湃，食得出肉味，同坊間嘅一般味道唔同😋，睇落重口味，但係配埋佢隻香草醬，成件事就好夾，食多幾件都仲得！😂芝士四重奏 9inch 🅰️🅰️🅰️🅰️🅰️相對於上面嘅Mama Mia，呢個薄餅就竟然相對有d輕盈。薄餅熱辣辣有拉絲已經無得輸😆，佢多種芝士個味道平衡幾好，唔會話比濃味嘅藍芝士搶哂，呢個怕太濃芝士味嘅朋友都可以一試👍🏻。BBQ雞翼 🅰️🅰️🅰️🅰️🅰️呢個睇樣以為會好重醬味，但完全無，佢配個個醬汁，保留左BBQ醬味之餘又唔會過咸，反而仲有少少甜甜地，呢個幾推薦試下👏🏻總括嚟講，如果大家過開嚟九龍城又唔想食泰國菜，呢間薄餅店係一個幾唔錯嘅選擇，而且個餐廳個環境好Chill，睇招牌仲好似有波睇，對住大電視食Pizza睇波應該幾好feel🍻最後附上食哂嘅相🤣🤣🤣

//06 06 24 陰天🌥️15:30 九龍城 南角道@mamamiapizza.hk媽媽咪呀 ☺︎薄餅歷史喺外國相當悠久，可以追溯到去古希臘文明，最初發明咗一款叫做“𝘱𝘭𝘢𝘬𝘰𝘶𝘴”嘅扁麵包，而呢款麵包經由熱石烘烤，通常會用上橄欖、香草、香料做調味。但真正令𝘱𝘪𝘻𝘻𝘢成名，就係誕生於十七世紀嘅「拿坡里」。當時，當地居民開始加入，自己地區嘅水牛奶所製成嘅芝士 (𝘮𝘰𝘻𝘻𝘢𝘳𝘦𝘭𝘭𝘢)，再將蕃茄 & 𝘮𝘰𝘻𝘻𝘢𝘳𝘦𝘭𝘭𝘢放喺扁麵包上面，最後創造咗一款成為「意大利」文化象徵之一嘅薄餅。1889年，意大利國王 (𝘜𝘮𝘣𝘦𝘳𝘵𝘰 𝘐) 同皇后 (𝘔𝘢𝘳𝘨𝘩𝘦𝘳𝘪𝘵𝘢) 到訪「拿坡里」，喺一場晚宴當中，皇后更遇上令佢一試難忘嘅𝘱𝘪𝘻𝘻𝘢，由蕃茄、水牛芝士及羅勒所製成，既然得到尊貴皇后嘅讚賞，好自然呢款薄餅就正式稱為「𝘗𝘪𝘻𝘻𝘢 𝘔𝘢𝘳𝘨𝘩𝘦𝘳𝘪𝘵𝘢」啦！🔻𝐏𝐢𝐳𝐳𝐚 𝐒𝐞𝐭 𝐅𝐨𝐫 𝟐 HKD$188🔻追加 + 水牛芝士 HK$25ꕀ一個12“薄餅｜小食一款｜飲品兩罐🔻𝘔𝘢𝘮𝘢 𝘔𝘪𝘢!由意大利廚師 即點即整嘅𝘱𝘪𝘻𝘻𝘢純手工製作 所以薄餅質感會特別軟熟同煙韌 批邊焗到微微焦脆 加埋醬汁及肉腸所

去九龍城平時食開泰國菜，今次同朋友食左呢間Pizza～門口裝修好吸引~🔸2人餐 ($188) 包一個12‘’Pizza+小食+飲品🔶巴馬火腿 12"Pizza🍕-有火箭菜同Parma ham🔶余均益雞翼-有啲似Buffalo wings，辣辣哋好惹味🔸MamaMia！肉丸 （$58）-三粒肉丸配蕃茄汁，每粒都好似乒乓波咁大-肉丸好juicy🔸炸芝士條 （$48）-即叫即炸芝士條，一咬開有拉絲Mama Mia! Pizzeria地址: 九龍城南角道5號地舖

Mama Mia!門面非常搶眼，佢哋被門口嘅霓虹燈裝飾吸引左，入面裝潢好有玩味，到處都係卡通壁畫🤩- Mama Mia! 手工薄餅材料有意式煙肉、意式香腸、辣肉腸同意式肉腸，薄餅好足料，味道酸酸甜甜幾開胃，餅底好薄好煙韌。另外仲會附送蒜蓉香草醬汁，薄餅有啲位置係冇任何醬汁，蒜蓉香草醬汁就大派用場，非常惹味😋- 炸芝士條外層非常香脆，入面拉絲效果非常誇張，一定要趁熱食👍🏻- 蕃茄醬蒜蓉蝦蝦非常大隻，肉質彈牙，蕃茄醬好食到最後飲晒🤣平時講起九龍城美食一定會聯想到泰國菜或者沙嗲火鍋，但呢間Pizza店都值得稱得上九龍城嘅美食🔥

🇮🇹九龍城意式風情Pizzeria🍕-去九龍城食嘢 大家可能會諗人起泰國菜或者cafe 不過最近街坊朋友報料話呢度開咗間好cute cute造型嘅pizza鋪 所以就約佢敘舊之餘 食吓新餐廳😙 除咗單點之外 佢地都有1/2/4人set 有得配小食同飲品 作為尋找CP值之鬼 當然唔會放過叫套餐啦🤭-🍕Mama Mia 12吋薄餅我地叫咗最signature嘅Mama Mia口味 用咗意式煙肉 意大利香腸 辣肉腸 意式肉腸 四款肉肉整成嘅pizza 食肉獸至愛😎 Pizza嘅厚薄適中 介乎於平時食開嘅厚批同薄批中間 麵團食落好有生氣 有少少彈力之餘個底嘅crust好鬆脆🥰 芝士都唔孤寒 拉絲冇難度😗 鍾意重口味dipping嘅朋友 仲可以叫埋佢地嘅自家製蒜蓉香草醬汁 好香好濃郁 食落好滿足😛-🍤番茄醬蒜蓉蝦 5隻小食我哋揀咗蒜蓉蝦 口味以蕃茄醬為基底 再帶少少蒜蓉味🍅 啲蝦都幾大隻 而且肉質都幾爽口同彈牙 唔錯😗-🐣BBQ雞翼 5隻另外我哋都加點咗雞翼 佢係預先炸過 再淋上BBQ醬汁🍗 佢嘅醬淋得好勻循 每一啖都食到 做到finger lickin’ good呀😇-🍰自家製提拉米蘇食完正餐

特登黎到宋皇台🥴 試下依間🐧🐧 朋友仔力推嘅性價比一流薄餅店😋 餐廳裝修勁活潑超有趣，不論內外，都採用了大量可愛卡通公仔作點綴，加上富地方特色嘅飾品，好啱打卡👍餐廳提供多款平靚正套餐俾客人㨂👍 無論係一個人定一班人，仲有一款啱心水🫶 而且仲唔收加一🙈 好抵食😋 🐧🐧 㨂咗兩款6 吋迷你批😋 首先係餐廳力推嘅Mama Mia! 口味🤤 內含意式煙肉、意大利香腸、辣肉腸同埋意式肉腸，食落每一啖都充滿濃郁嘅肉香🤤 啱曬食肉獸🥴❤️ 之後㨂咗Truffle 松露口味✅ 新鮮烤起嘅薄餅上，佈滿黑松露醬、白菌同埋冬菇，濃郁嘅菇菌香氣滿溢🤤 真係好高質好正正👍👍👍 意粉㨂咗燴牛肉寬麵😋 寬麵口感偏硬身，嚼感十足，每一條都沾有馥郁嘅燴牛肉醬汁，食落鹹香又惹味🤤 牛肉粒軟嫩又可口，非常美味😋小食㨂咗余均益雞翼同埋蕃茄醬蒜蓉蝦😚 雞翼外脆內嫩，煮得好入味超濃厚😚 蒜蓉蝦鮮美滑彈，與酸香嘅蕃茄醬同埋惹味嘅蒜蓉汁一齊食，真係食唔停口😋🐧❣️餐廳係免加一服務費架😍❤️

九龍城除左泰國菜好食🤓2月就bookmark左想去試呢間😝終於趁去開呢頭試下～叫左個2人餐🤗可以揀1個12” pizza + 1個snack + 2罐飲品，飲品有汽水/烏龍茶可以揀#羅馬辣味煙肉薄餅 12"(+藍芝士) 🍕🍕🧀❣️Amatriciana有辣椒乾/煙肉/車厘茄/乾蔥/羅勒/Mozzarella Cheese/Parmesan Cheese😋額外加左藍芝士🤪辣椒乾有畫龍點睛作用😍煙肉鹹香😎Open Kitchen見住Chef係入面搓pizza☺️手工pizza咁岩俾fafafoodie試勻薄批同厚批🤪批邊少少煙韌，仲可以點埋佢個Garlic&Herbs sauce😍如果有多啲醬就好喇🤪額外既醬要加$8#余均益雞翼 5隻🐥❣️余均益係一種香港製造嘅辣椒醬，平時多數都係用嚟配炒麵，酸香辣既平衡，估唔到配雞翼又幾惹味🤩🤩雞翼就算放耐左都仲係脆皮啵2人餐 HKD188 + HKD15 藍芝士#炸芝士條 🧀🧀🧀🧀🧀🧀🧀炸芝士條既粗度係平時食開既double‼️Mozzarella cheese超級拉絲～～～～～～～不過一定一定要襯熱呀‼️‼️HKD48#自家製提拉米蘇 ☕️🍨佢有Panna cot

我一直都話唔好睇少小店，今日係九龍城宋王臺站附近食左一間高質小店，呢到裝修好新潮，好young，主要用左搶眼嘅鮮黃色，食物方面就主打手工pizza同好多不同種類嘅小食。呢度嘅廚師係外國人，一路睇住佢整嘢食，又同我哋有講有笑，我地都好開心。另外呢度都係QR code落單，所以好方便。今日我地兩個人叫左個pizza set for 2，包一個12" pizza，一款小食同兩罐飲品。我地要左signature mama mia，因為我朋友鍾意食意式sausage，而剛剛好呢度有齊意式煙肉、意大利香腸，辣肉腸、同埋意式肉腸！pizza個底做得好好食，夠晒煙靭！另外個自家製garlic and herb sauce都好好食，用來沾crust真係好正！小食方面就叫咗個蕃茄醬蒜蓉蝦，啲醬汁勁好食，隻蝦又大隻又爽口，新鮮得好有誠意！之後就叫多咗一個燴牛肉寛麵，份量都唔少，意粉口感剛剛好！

呢間pizza店年初喺九龍城開業，主打自家製手工pizza。店內裝潢非常有特色，處處都係打卡位，玩味十足。 Mama Mia!招牌經典pizza，有意式煙肉、意大利香腸、辣肉腸同意式肉腸，加上大量芝士做topping，非常香口。 余均益雞翼炸雞翼裹上滿滿嘅余均益辣椒醬，辣得嚟甜甜哋，同時勁香蒜頭味。 水牛芝士條邪惡之選，啱啱炸起啲芝士可以做到拉絲效果，啖啖都係濃郁嘅芝士味。 酥炸薯球釀辣肉醬咬落去外脆內軟，薯仔味重。薯蓉裡面有煙肉同腸仔，增加口感層次。

同朋友睇完電影九龍城寨之圍城，意猶未盡，趁機幫襯附近小店，體味龍城情懷。店舖擺設突出九龍城，有指示牌，背景音樂播放電影主题曲。pizza店梗係食pizza,我地二人點左二人套餐，包括一個12寸pizza,一款小食同2罐飲品。pizza叫左夏威夷，配料有菠蘿、千島酱同意式肉腸，pizza餅底好脆，顏色十分鮮豔，菠蘿十分清甜，意式肉腸同千島酱好match,完全唔油腻。小食點左2款，bbq鷄翼同自家製牛肉丸，鷄翼好入味，牛丸十分彈牙，牛肉味濃!

今晚無住家飯食，一個人走過嚟九龍城搵食，經過呢間小店，俾佢放喺門口嗰個pizza燈箱吸引咗，就食呢間。店內都以黃色為主色，牆上有大大兩個可愛嘅卡通公仔作裝飾，幾得意！手工pizza都有九款味道選擇，另有多款意粉和小食。我叫了（一人pizza餐）有個六吋嘅pizza加飲品$58，味道選了夏威夷，餡料用上意式肉腸、菠蘿和千島醬，唔好睇佢細細個，餡料超多，鋪得滿滿整個pizza ，一口咬下餅底鬆軟，菠蘿粒香甜，肉腸微微咸香，配上千島醬開胃又美味。+$28可追加一款小食，我就加了兩款雞翼，余均益雞翼，微辣，十分惹味；B B Q雞翼，外皮微脆，酸甜中帶少少煙熏味，色香味俱全，飲埋可樂，夠晒滿足😋這種獨處的時光都幾享受😊

今日出去九龍城覓食，經過南角道有間好鬼搶眼💛黃色嘅餐廳，門口已經有打卡位，入面裝修都好特別，原來餐廳標誌、插畫，系由香港插畫家繪畫設計。全部即叫即整嘅薄餅底，仲有意粉、小食、汽水、甜品。🅜 PIZZA SET FOR 2 $188⇝ One 12” Pizza 🍕 （ Mama Mia! 手工薄餅 ）意式煙肉、意大利香腸、辣肉腸、意式肉腸，超薄嘅餅底，一層拉絲芝士，上面鋪滿好多材料，份量十足。另外有黑松露醬，可以隨自己喜好而加上。⇝ One Snack 🍗 （ BBQ 雞翼 5pcs ） 脆炸雞翼，加上傳統BBQ醬，味道酸酸甜甜。⇝ Two Soft Drinks🥤 ( Coke 、Cream Soda )Ⓛ Linguine Vongole 🍝 $108蒜香蜆意粉，用上厚肉白沙蜆、香芹、扁意粉、橄欖油，味道鮮美。🌟 另外，餐廳仲有「一個人原來都可以盡興」一人餐 $58（ 6” 手工薄餅 ＋飲品） 👍🏻

宋皇台站一出隔離就係地點方便又可以食埋個糖水先返屋企去九龍城唔一定要食泰國菜嘅多人食嘅話食pizza都係個唔錯嘅選擇而且性價比高經濟實惠✨Hawaii Pizza✨✨蒜香蜆意粉✨✨蕃茄醬蒜蓉蝦✨✨余均益雞翼✨手工簿餅有九款分三個size一個人食都可以輕易ko一個六吋嘅今次食嘅呢款港式風情夏威夷薄餅新鮮熱辣出爐多料皮薄香脆個余均益辣醬雞翼都有啲驚喜可以話係港式風情嘅水牛雞翼最後要提嘅係隨薄餅附送嘅自家製蒜蓉香草醬汁🤎絕對係成餐飯最畫龍點睛之處！

Mama Mia! Pizzeria今次要介紹九龍城一間pizza店，佢哋除咗有手工pizza之外，仲有各款小食，一人6吋手工pizza都只係$58，仲可以按你鍾意嘅配料加錢落pizza度，套餐仲包汽水，加小食算平，又唔收加一服務費，pizza店嚟講性價比高！呢間pizza店門口有一級，我又要出動我塊斜板嘅時候，入到pizza店覺得空間好大，牆上面有好多好cute食緊pizza嘅公仔，裝修以黃色同白色為主，仲有好多打卡公仔，啱哂食飽嘅你打打卡影下相！1.芝士四重奏6吋手工薄餅+忌廉汽水$58+炸芝士條（2件）$28（8.5/10）呢個芝士四重奏手工薄餅係用咗莫薩里拉芝士、車打芝士、煙燻芝士同藍芝士，薄餅底算係厚批，厚批之餘都好鬆軟，呢個芝士四重奏食落唔會好滯，但係芝士味香濃，6吋薄餅一人食啱啱好，仲加咗$28有兩件炸芝士條，炸芝士條入面勁多芝士，芝士拉絲大概有10cm長，記得要盡快食炸芝士條，一凍咗就拉唔到絲啦！忌廉汽水：正常2.辣肉腸6吋手工薄餅+芬達汽水$58+炸芝士條（2件）$28+BBQ雞翼（2隻）$18（9/10）呢個辣肉腸6吋手工薄餅酸酸辣辣，辣肉腸就少少辣，薄餅面頭應該搽