Mamma Mia 意粉屋

營業中

休息中

收到外賣個下太驚喜，居然唔係用普通膠袋裝住，而係用保溫袋袋住個餐，仲要野食野飲同甜品係分開兩個保溫袋，完全keep到個溫度！然後打開食個蟹肉意粉，忌廉味道唔會話好漏/膩，足料蟹肉同蟹籽令到食落都好有口感。野飲嗌咗紅棗杞子黑糖薑茶，天呀居然唔係沖劑！打開杯野飲係足料見到紅棗同杞子，我見到嘅係煮食嘅用心！到甜品木糠布甸亦唔會太甜，食到個乾爽嘅層次感，而唔係一pat野。整體黎講好好味呀🥰係值得大家多支持嘅小店！

講起通粉我一定必食呢龍門居呢一間小店🩷🩷🩷🩷🩷🩷🩷🩷🩷我最鍾意食佢嘅牛油果煙三文魚長通粉😋😋😋😋份量好多，絕對唔會揸流攤！又唔會食到最後乾噌噌！佢個套餐好抵食👏🏻👏🏻👏🏻👏🏻👏🏻👏🏻有意粉/長通粉，飲品，再加個甜品都只係90大元咁唔係普通一舊海綿蛋糕俾你有芝士蛋糕，焦糖燉蛋，提拉米蘇，等等。。。。真心好推薦👍🏻👍🏻👍🏻👍🏻👍🏻👍🏻👍🏻

位於龍門居一個唔顯眼既角落，出奇地出現一間令人回味既小店，已經幫襯過三次，每次水準都一樣，無令我失望今日午餐揀咗蕃茄忌廉蟹肉意粉，磨菇湯，燉蛋，可以單叫意粉都得，盛惠$58。蕃茄忌廉蟹肉意粉，唔好睇一個膠盒既分量，有忌廉既關係，其實食得好飽好滿足，意粉軟硬度適中，越食越開胃磨菇湯，好濃烈既磨菇味，菇控迷必飲我好欣賞個包裝，保持到熱度燉蛋係凍既，好香既蛋味，一d都唔馬虎可惜小店只能夠提供外賣，無堂食提供

好耐冇試過買呢間嘅外賣食最近見到佢哋有$90套餐 包主食意粉 一個湯同埋一個甜品我揀咗平時食開嘅牛油果三文魚意粉最令人驚喜嘅就係忌廉蘑菇湯同埋焦糖燉蛋超好食偶爾食吓高質嘅西餐都係唔錯嘅選擇！

Mamma Mia 意粉屋 網址: https://s.openrice.com/QrbS087S800~uCv_fAw地址: 屯門龍門路43號龍門居120號地舖電話: 53479668平時行過呢間舖頭見到意粉都好貴所以完全冇諗過買嚟食，無意中發現原來外賣平台買有八折，大概50分鐘左右送到，外賣包裝盒都係紙質做嘅，估唔到都幾好食啲汁都夠多，意粉質地係偏硬，推薦黑松露意粉，趁熱食，都幾好食，不過如果收正價我就未必會買。

🍴Mamma Mia 意粉屋📍地址：屯門龍門路43號龍門居120號地舖經過好多次，但因為見到$70,80一個意粉所以無買過，在外賣平台App上見到自取8折，試左兩個意粉，折左大概$56一份份量估唔到幾多喎，滿滿一盒，兩個意粉一打開以為好乾無咩醬汁，點知食既時候有驚喜喎，醬汁掛哂係意粉上面，意粉口感好好，偏硬有咬口似手工意粉，兩個唔同款醬汁，材料係一樣，都係煙肉同磨菇，都算多料，會再買的，值得食。黑松露意粉，100分，推介卡邦尼意粉，好多芝士，咸左少少

龍門居內有一間小店外賣意粉，間店雖然細小但有驚喜😍，今次買左兩個意粉🍝外賣，賣相唔錯，叫左個三文魚牛油果🥑意粉，三文魚好鮮有魚味，另外叫咗個白汁蘑菇煙肉意粉，白汁好好濃好夠味，內有碎蘑菇及煙肉，兩個意粉都好味道，好煙韌，爽口😋

芝士煙肉蘑菇長通粉 （$50）送熱飲只做外賣 番到去食都冇影響口感醬汁可以再多d等長通粉點滿 芝士仲會拉絲 桂圓杞子茶係茶包 味道尚算ok女仔應該夠飽 $50黎講絕對冇投訴~

70蚊芝士肉醬千層麵， 芝士味唔夠， 食落同大家樂肉醬冇乜分別， 但大家樂賣50蚊。肉醬有啲鞋， 仲衰過大家樂個肉醬奉送熱飲一杯， 熱飲只係茶包加熱水， 飲過洛神花茶、 蜜桃烏龍茶、 紅棗桂圓茶， 都係淡到好似水咁， 洛神花茶就得個酸字

為意粉而來, 也是為了大家 update 個餐牌而來, 支持小店.唔叫都唔知這裡的相片, 原來都已不合用, 差不多完全是兩回事了, 已沒有堂食, 沒有餐湯, 沒有跟餐沙律, 致電去叫外賣自取, 嚇了一跳, 但!! 品質是可以的, 我隨便叫了個蕃茄海鮮意粉, 和煙三文魚牛油果意粉, 首先意粉她們選用似天使麵的粗幼, 這是可取的, 咬口亦佳, 但汁有"杰", 我見白汁和蕃茄也是不少, 就是水分不足, 我自行加了, 感覺更好, 海鮮有青口1隻,  帶子1開2, 2小片, 2隻蝦(已脫殼, 這點要讚, 本人十分不喜歡還要自己脫殼的), 沙律的菜很脆口, 我叫的時候完全無看餐牌, 原來是有火雞片的,  合理水平, 反而本人欣賞這個紙盒, 沙律的紙盒令我感覺幾好. 由於全餐價錢合理, 所以我也沒有額外期望.  也是因為外賣自取, 是完全不需等待, 也有電子支付, 本人滿意

服務態度好差，d份量愈來愈少，牛油果3文魚本身一片，而家變佐碎粒，ok 我知加價在所難免，都明白理解，呢樣唔係我不滿地方。但個收銀服務態度愈來愈差，今日去落單，見佢冇送個茶包，咪問下，點知個收銀勁冇禮貌回佐句，你冇叫就唔送，咁既然唔送就唔好寫落menu la，同埋你其實可以好有禮貌講句，唔好意思呀，而家唔送啦，咁我都會接受啦我幫襯咁多年，之前d後生既態度都ok ge ，而家轉佐呢位呀嬸做就完全係趕客，係咪我地唔出聲就好恰d?我都知你地好忙呀好多野做，但我都好無辜呀冇啦啦受你氣。

外賣意粉同去出面cafe 食一樣咁高質‼️啲間小店好似都開咗有差唔多5年🧐，以前有堂食的，宜家只有外賣，不過水準一流👍🏻！餐飲有多款養生茶選擇～🍅蕃茄忌廉意粉：$55 （可選配三文魚/蟹肉）不管是選三文魚，還是蟹肉，也是滿滿的放在意粉上😍。我兩款也喜歡，但更愛是蟹肉，因為它不是那些蟹柳棒撕開然後偽裝的蟹肉，而且還配上蟹籽！至於選三文魚的話會再配上牛油果。兩款意粉也會配上少許野菌。醬汁方面因為加入了忌廉，幾creamy，也不會因為有蕃茄而酸溜溜的。🧀芝士肉醬千層麵：$70一看見整塊芝士在千層麵上已經垂涎欲滴🤤，有微微的焦香，水牛芝士焗得煙煙韌韌。旁邊有蕃茄醬，而且千層麵內的肉醬，焗得剛剛好，不會偏乾。一定要趁熱食‼️食完有啲「滯」，但好味😋！🌻 洋甘菊蜜：$0 清清甜甜的，像熱檸蜜一樣，但有少許澀味。———————————總結：小店外賣設有網上點餐，十分方便。而且等候時間亦算快！蕃茄蟹肉忌廉意粉是必點的！另外幾掛住好耐以前推出的忌廉波菜意粉同哈哈哈意粉（櫻花蝦和蝦乾的意粉）🥲

🔖你想食但可能會賣哂既千層麵😋我專登打去問有無千層麵先去架😆🍽芝士肉醬千層麵$68非常非常足料！！！朋友話覺得呢個係人生食過最好食既千層麵🤭我之前食過d千層麵，中間多數都水水地，而呢個千層麵唔會因為d醬而令到千層麵無左口感，唔會淋哂，而且每層既餡料都好平均，加上面頭既水牛芝士， 好好食。都真係一個做得比較出色既千層麵👍🏻💡由於疫情關係，現時只有外賣沒有堂食。😋食物：️8.5/10🤵🏽‍♂️服務：8/10🍴環境：8/10💰人均消費：$68🤩性價比：9/10

哈哈好任性咁叫咗佢嘅甜品同嘢飲試吓，又估唔到佢幾好食同幾好飲喎！喺屋企做嘢做到好攰，就叫外賣甜品，突然好想食tiramisu就叫咗一間小店試吓，我係用外賣平台叫嘅，好驚喜佢嘅包裝係好細心。會用一個裝凍野嘅袋裝住甜品，而且又會比一個幾靚幾厚實嘅紙袋裝住食物同嘢飲。呢個真係要讚一讚！至於甜品方面份量適中唔會話太細個食完之後好滿足佢嘅忌廉唔係話好滑但係都覺得唔錯而且佢嘅咖啡睇得出用啲靚嘅咖啡食落有少少苦加埋忌廉一齊食啱啱好除此之外底仲有蛋糕體，呢個份量可以多番啲，偏少。至於杯宇治抹茶，店舖真係好有誠意睇得出係用好靚嘅抹茶粉飲落去係濃郁嘅抹茶味，因為同店家講走糖嘅關係，飲落去就會有啲苦澀味，唔飲得苦嘅朋友記得加返糖。本身舖頭係食意粉下次有機會再叫意粉食先！

早幾日收工屋企無飯食, 正當煩惱緊要買咩晚餐既時候, 突然醒起朋友介紹過Mamma Mia既意粉, 決定今晚就試下佢!今次就買左 香蒜蜆肉意粉 同 蟹肉蕃茄忌廉意粉, 先講香蒜蜆肉先,  蜆肉比想像中要多食落蒜味都夠既, 自己加番小小辣就正! 至於個蟹肉蕃茄忌廉意粉呢.... 就真係好好食!  蟹肉夠蕃茄份量又岩岩好, 每啖意粉都有蕃茄同忌廉包住! 一定要試!! 不過溫馨提示, 宜家淨係得外賣無堂食, 但如果住得近真係要試!