Marine Seafood Bar & More (已結業)

又係食蠔既時間啦！知道kwun tong又開左間食蠔既，仲要平民價皇家享受啊！！所以要帶個朋友黎食。睇下menu都幾多野食同酒揀。先黎一支酒先。原來可以加＄７８變玫瑰酒／汽酒，但可能要自己問店員。11%酒精，都易入口唔會好灼喉，送蠔一流。豪華生蠔白酒套餐 (連白酒一支)$298呢到一家係必點生蠔！有兩款生蠔，每款有六隻，當然係即叫即開，開得乾淨法國白珍珠蠔, 海水味一般，幏身比較薄。呢一款都甜，海水味重少少。講真咁平都驚架,個樣雖然唔係好靚，但食完個胃完全受到冇問題，所以真心覺得好抵洗得好乾淨。皇家海鮮拼盤 $198有熟蝦、青口、翡翠螺、原隻龍蝦同一堆白蜆。熟蝦3隻好彈牙,仲要咁岩都冇腸,好乾淨。 翡翠螺都好肥美厚肉，好多海水味。 原隻龍蝦勁多龍蝦膏！成條龍蝦肉整出黎啖啖肉咁食，好彈牙！仲有個鉗你食！初初以為只係食海鮮唔飽，但係加埋d酒，慢慢傾計食，都幾飽！見到仲有＄９一隻蠔，我會介紹俾喜歡食蠔既朋友。

今次試的餐廳是開業了1個半月左右的MARINE SEAFOOD BAR & MORE。地點位於官塘中海中心, 位於駿業街熟食中心對面, 翻新後多左好多餐廳,日後可以有更多的選擇。 一入到去, 格調是暗黑幽靜, 好適合三五知己談心飲酒。🥂經過負責人的推介ORDER了一個生蠔拼盤, 當中有來自美國, 法國以及韓國的品種。亦有經濟實惠的$9 蠔, 在拼盤以外叫了數隻, 可以試下當中的分別。先講拼盤. 按大小來說, 韓國品種是最大的, 其次美國跟法國差不多。但按新鮮程度及海水味道,法國的會比較優勝,因為比較CREAMY同埋重海水味一點。但如果無咩要求的朋友, 其實美國蠔都滿足到大家的要求,雖然不重蠔味但有肉地, 甚至$9 一只那種都不太差。配蠔來說,一定是白酒比較匹配,大家可以選擇自己飲開的來配搭或者有是日推介,例如法國,智利, 澳洲等。 其次叫了一些比較熱門的FISH & WEDGES , 魚是用龍俐柳造的, 一入口真的做到外脆內軟,不過可以用多肉點的魚, 因為龍俐柳裡面的肉比較鬆散。而薯角都炸到好香口。但要HIGHLIGHT的是那個黑松露醬; 那個醬是廚房新鮮手打的。沾了那個醬即時令食物提

這天與朋友在各工廈尋寶之際， 眼見入夜後的apm越來越多人，想找個位置靜靜坐下傾偈， 原來隔一條街的商廈也有好選擇，Marine離觀塘地鐵站不遠，轉個灣入駿業街行幾分鐘就到。餐廳地方寬敞，樓底高， 近落地玻璃有卡就可以選擇，背後播著輕音樂讓人感覺舒適。最值得記下的是這裏的蠔， 價錢有九元一隻到49元一隻也有， Pacific rock只需9蚊一隻, 肉質雖然較薄，海水味也較清淡，但滑溜、清新。另外又叫了法國深海水域的白珍珠蠔, 海水味中等，入口不太鹹，肉身爽滑 ，吃後更覺齒餘韻長久。另外又叫了黑松露牛肝菌薄餅和一口和牛。黑松露牛肝菌混和芝士，在剛剛焗出來的時候香氣撲鼻， pizza邊焗得香香脆脆的， 也有不錯的拉絲效果，相當好吃。蒜片一口和牛一口和牛粒. 油花均勻, 肉質軟林, 底下以南瓜醬作承托有效減低油膩感，肉味香濃之餘，裝飾也很美呢。總括而言, Marine令人彷彿置身在法國， 餐廳氣氛不錯，食物質素也頗高，能讓人享受那獨特的悠閒感。

Marine 在觀塘駿業街, 這天為了躲開apm 和one Asia 的人潮, 特地走過一街之隔的Marine。餐廳面積寬敞, 坐得舒適, 而且價錢相宜, 又能與友人慢慢的談天, 走過一條街, 果然比大商場舒適。今天和朋友來到, 叫了一大盤海鮮拼盤, 也每人叫了半打蠔, 酒店級的食物質素, 卻只是平民化的價錢。皇家海鮮拼盤有熟蝦、青口、翡翠螺、原隻龍蝦和白蜆。熟蝦彈牙, 翡翠螺肥美厚肉, 原隻龍蝦龍蝦鮮甜, 帶點龍蝦膏, 輕易便可起出整條的龍蝦肉, 而且斤兩足，肉質彈牙。最喜歡是那海量的白蜆, 和朋友一邊吃一邊談心, 好似食極都食唔完, 抵食!除了海鮮拼盤外, 也叫了兩款蠔來試試。9蚊一隻的Pacific Rock 當然要叫過夠本, 美國的Pacific Rock蠔海水味清淡, 或許肉質較薄, 但新鮮即開, 亦十分鮮甜, less is more, 絕對值得嘗試。而另一款則法國白珍珠蠔, 這款蠔海水味適中，入口不會太鹹，肉身爽滑 。Overall 黎講, 這裡雖然無apm gam 直接由mtr 可到, 但人群比那裡少很多, 適當大家庭之餘也合朋友情侶傾計, 店員也按時換走碗碟, 好評。

朋友話觀塘有間新開餐廳食蠔好抵，就約定一齊食好嘢，點知等極佢都未嚟，忽然接到佢電話話要開OT，冇計，已經坐低咗，唯有自己一個人食晚飯喇！餐廳幾好情調，地方闊落，是情侶拍拖吃晚飯的好地方。我係海鮮控，見到有海鮮食通常都抵受唔住， 今晚又失控喇！ 一個人叫咗個海鮮拼盤，加個包， 再加幾隻特價蠔試吓。海鮮拼盤份量都幾大，有整隻龍蝦，鮮蝦、青口、翡翠螺同鮮蜆，海鮮好新鮮，點埋餐廳提供少少辣嘅醬汁，好好味。美國太平洋石蠔 雖然唔算大隻，但 入口幾滑，都好鮮甜，少少海水味，唔太鹹， 每隻只係賣$9， 非常抵食。和牛竹炭漢堡配薯條黑炭包烘得好香脆， 和牛漢堡肉質鮮美、彈牙， 一啖咬落去 ，啲肉汁唧曬出嚟，真係估唔到咁好味，我好耐冇食過咁好食嘅漢堡喇 。薯角香噴噴、脆卜卜，如果拌碟嘅沙律菜可以加少少醋汁，就更加好喇！今晚本來想飲酒，但因為揸咗車，唯有飲杯凍柚子蜜解吓渴，都唔錯喎！

今晚個個有約，家中無人煮飯，在公司做完文件，便直接去 Marine 食飯。店開了不久，標榜鮮蠔 and seafood，想試好耐了。窗邊卡位剛好看到黃昏景色，但一個人，無得坐坐位舒服，地方寬敞皇家海鮮拼盤品種算多， 有原隻龍蝦、 熟蝦、青口、白蜆、翡翠螺 一大盤都是198元，可以一人獨享，奢侈享受！ 熟蝦彈牙有味， 翡翠螺大隻肉厚煙韌， 原隻龍蝦鮮甜 黑松露牛肝菌薄餅足夠三人份量， 抵受不了黑松露牛肝菌引誘， 明知吃不完都照 order,pizza 外邊皮脆，中間部分鬆軟QQ, 厨師工夫到家， 黑松露牛肝菌混和芝士香味四溢，這個必食呀，最後都要打包攞走實在是太平, 叫了3隻9元的蠔試下，肉質較薄，海水味清淡，但夠新鮮滑口，這個價錢一定收貨其實間中自己一個人去食飯都係一種享受！

原來尼間餐廳比人新主接手左，入面裝俢不變，salad bar都係差不多，menu改左少少，但之前lunch time叫任何main course都會送生蠔/海鮮拼盤，依家係要加錢先有😭😭等main course時，先去salad bar啦當然！好彩我個鵝肝醬仲係到，好好味！而鴨胸都係必食既😋鰻魚飯：真係哇一聲好大條啊～但條鰻魚麻麻，比較薄身，食落又有骨，而啲飯生生地既，食落硬硬地🤔忌廉南瓜長通粉：尼個推介既，真係有南瓜蓉，食得出有南瓜味。而且有好多香菇，啲菇好入味，令碟通粉好香芝士雞胸竹炭漢堡配薯條：係則邊已經見到有滿滿既芝士，而舊雞胸肉都不錯既，加埋有沙律醬不會太乾身～薯條都幾脆，但好乾身，硬到呢...總括黎講，新餐廳比上一手略遜一籌，價錢貴左，但質素差了，有點失望既

琴晚同朋友約左係觀塘食飯,由於小妹人生路不熟,當然由朋友帶路去食好野😋朋友介紹話呢間餐廳幾好,$9一隻生蠔,平得黎有番咁上下水準,咁小妹就急急腳跟著走,去到時餐廳都算多人,朋友一坐低就點左打半生蠔,小妹隨後再點番個沙律,fish and chips,可見朋友好鍾意食生蠔,一隻接住一接放入口,雖然蠔唔算大隻,又唔算太肥大果種,不過足夠過口癮,點杯白酒,同朋友食下蠔,傾下計都好享受😊食完1打蠔之後,朋友揚一揚手,再叫多半打,小妹果下真係呆了,回過神後,當然話好啦😋😋

心血來潮想食生蠔，於是約了朋友去了位於觀塘嘅「Marine Seafood Bar & More 」食晚飯。 《Oyster Set $99》， 有6 隻精選生蠔同精選白酒或甜酒一杯。 講真$99蚊可以食到咁新鮮嘅生蠔，真係抵， 再加上美酒一杯就抵上加抵。 抵！ 扺！ 扺！ 生蠔非常新鮮，亦十分鮮甜， 有淡淡嘅海水味，鹹度適中。食完半打之後真係覺得好幸福呀！ 主菜係《香煎加拿大豬鞍扒配薯菜》， 厚切豬扒， 口感豐富， 豬扒肉質嫩滑，加上酸酸甜甜嘅蘋果燒汁，真係特別滋味 ！仲有薯角同mushroom作伴碟，實在太豐富。 《芝士和牛竹炭漢堡 $138》都好好㗎， 牛味濃郁， 份量仲好勁，材料豐富，有芝士、和牛、生菜同蕃茄。

喜歡食生蠔嘅我，今日開完OT就到公司近附嘅餐廳「Marine Seafood Bar & More」獨自享受一餐！位置十分方便， 位於觀塘駿業街52-56號中海日升中心1樓A舖。其實離觀塘地鐵站不遠， 觀塘MTR站 （Exist A2) ， 步行幾分鐘就到。 首先見到生蠔低至$9 起一隻， 好抵呀！ 我梗係要叫番半打來試吓啦！ 即開即食嘅生蠔(Pacific Rock），非常鮮甜，肉質爽囗帶有少少creamy嘅囗感， 海水味亦唔會太重，我喜歡！ 之後就叫咗個用竹炭材料製成嘅《芝士和牛竹炭漢堡 $138》， 外型黑色， 都幾型仔， 仲好大巨型㖭！ 中間夾著厚厚和牛、 香濃芝士同蕃笳等。 材料非常豐富，味道仲好夾， 仲有薯條作伴碟，實在太好了。 薯條炸得香脆，仲份量不少， 熱辣辣，非常美味！整體嚟講，食物質素好好，價錢合理， 環境舒適， 可以再試！

今日和朋友往觀塘Marine Seafood Bar & More食晚餐, 我們點了燒菠蘿, 炸孜然單骨雞翼、香煎加拿大朱鞍扒配薯菜和蘋果燒汁、白酒蜆肉意粉、凍奶茶和凍柚子蜜。燒菠蘿燒得剛剛好, 甜度適中, 食落開胃；炸孜然單骨雞翼炸得香脆, 肉質鮮嫩, 孜然粉配上單骨雞翼食落惹味,配上特製醬汁能提昇雞翼的美味；香煎加拿大朱鞍扒配薯菜和蘋果燒汁朱鞍扒食落好腍, 肉質食落美味, 有層次, 口感十足, 配上蘋果燒汁令朱鞍扒食落醒胃, 薯菜炸得金黃, 食落惹味, 整份香煎加拿大朱鞍扒配薯菜和蘋果燒汁食落美味, 口感十足；最後凍奶茶奶味香滑, 茶味香濃。餐廳座位寬敞, 很有日本feel和很有格調,適合三五知己朋友相聚晚膳好去處。

6月中在原址第一次試食晚餐，雖然價錢不非 （約$350-400），但生蠔及食物質素叫做對得起個價錢。之後朋友話不錯，約7月再次聚餐，但再至電book位始知已經轉手。但諗住應該吾會有太大改變所以無轉塲。直至當晚到達門口前依然不以為意，但睇見menu後始知改動頗大…… 當晚約7:45分到達餐廳，齊人後先叫一打蠔set連酒作頭盤，侍應推介$598嗰一set, 一打中價蠔加一打精選蠔再加一支白酒。價錢相宜但蠔的品質提升，加上新開張所以順侍應之意order左一set. 其間早到友人因太餓點了一客黑松露醬薯條，薯條炸得頗香脆，但此乃基本要求。黑松露醬亦不過不失，整體上當作餐前小食是不錯的。約十至十五分鐘後第一打蠔已到。隨即再order第二打蠔set。第二次order點了$198 一打特價蠔加一支白酒， 待侍應落好單後正式開始我們的晚餐頭盤，食評亦正式開始……先講講我們的聚餐習慣，通常會先order約3-4打等待滿足了蠔意及酒意後始order main courses. 至於當晚第一輪的生蠔到來時，賣相已經一般。沒刻意詢問產地，但肉質不飽滿，最大問題係入口後冰感十足，蠔本身鮮甜與海水味不足，加上冰

由於之前曾經來過呢個位食半自助餐覺得幾好味，所以今日想黎試埋晚餐。但去到先發覺原來已經轉咗手，係門口見到生蠔餐牌幾吸引，一場黎到就試下啦。我地一行兩人叫咗半打生蠔，一份小食及一隻春雞。生蠔(半打) :由於唔係好認識生蠔品種，店員推介呢款生蠔剛剛今日到，所以就揀咗韓國嘅Stella Maris M size，生蠔入口新鮮，肉身飽滿，海水味唔太重，加少少檸檬汁已經好好味。炸孜然單骨雞翼 :單骨雞翼炸得鬆脆，食起黎非常方便，孜然粉令雞翼更香口，味道唔會太咸，配上泰式辣醬，一口一件食得好過癮。牛油焗春雞 :春雞即叫即焗，所以都等咗差唔多廿分鐘先有得食。春雞都幾大隻，最適合兩個人share食。春雞用牛油焗過後香噴噴，雞肉夠軟熟，用刀輕輕一切就切得開。雞肉嫩滑之餘亦保留咗好多肉汁，雖然配有燒汁，但個人覺得唔駛點汁已經好夠味。配菜有南瓜蓉，薯角，洋蔥及蘑菇，輕微炒過嘅蘑菇及洋蔥，食落好香口。係無預期之下試咗呢間新餐廳，都算係一個唔錯嘅驚喜。

是日係晚飯時段，亂打亂撞下發現觀塘駿業街中海日升中心開左間Marine Seafood Grill and Bar，主打生蠔同海鮮，見價錢適中，又心血來潮想食生蠔，就入左黎試下啦。Stella Maris M Size (Korea):生蠔有多達五個選擇，由$9 到$49一隻不等，係店員介紹下我地揀左Stella Maris M Size (Korea)，今日剛剛新鮮到港，生蠔品質非常出色，肉身飽滿，口感清脆，海水味適中，容易入口，配埋檸檬汁同茄汁食，非常好味。炸孜然單骨雞翼:除左生蠔之外，我地都另外叫左份雞翼。雖然係油炸，但係入口唔會好油，味道香口，雞翼外脆內嫩，配埋泰式辣醬食，酸酸甜甜咁都幾開胃，真係有一番風味。除此之外，單骨嘅佢亦都令我地容易進食，唔洗吐骨。牛油焗春雞:主菜我地要左牛油焗春雞，雖然製作需時，但係賣相真係相當吸引。除左有大大隻嘅雞之外，仲有車厘茄，蕃薯蓉，蕃薯粒，蘑菇同埋薯角做配菜，整體顏色配搭唔錯。春雞焗得剛剛好，帶輕輕嘅牛油味，肉質香嫩幼滑，入口非常juicy，配埋燒汁食，非常惹味，認真唔錯。計埋飲品，埋單每人大約＄300左右，係周末同朋友一齊黎嘆下生蠔食下飯輕

平時都會去日昇中心午餐，晚餐都係第一次。我同朋友搭扶手電梯上去，想睇下有無其他特別嘅餐廳，結果俾我地係角落入邊搵到間新開嘅餐廳，一於入去試下！餐廳幾闊，坐得幾舒服，而且不會趕客，係朋友gathering 傾計嘅最佳選擇。我見菜單上有不同的主菜，小食都有好多款。餐廳侍應推薦肉眼扒，鐘意食牛嘅朋友可以試下。一人白酒生蠔套餐杯香檳甜甜地，都幾易入口。生蠔好新鮮，係即開嘅，食完仲未夠喉，所以再加多六隻，一隻$9 ，好抵食！炸美國薯條（黑松露芝士醬）薯條好大碟，係平時嘅三倍份量，我哋兩個人都食唔晒。薯條熱辣辣，炸得啱啱好，黑松露芝士醬幾creamy，好味！軟殼蟹牛油果竹炭漢堡第一次食竹炭漢堡，都幾特別，軟殼蟹炸得好鬆脆，加埋牛油果的香味，好match。開始仲驚唔夠飽，但除漢堡外，仲有薯角同雜菜，菜好鮮嫩，份量十足！黑松露帶子意大利飯好香嘅黑松露味，帶子新鮮，都好大粒下，都只係一百蚊左右，性價比高。整體來講，餐廳環境舒適，食物份量足，味道不錯，值得再來。