McCafe

營業中

休息中

話說最近日日都飲McCafe，今日嚟到上水等朋友。本應放假係無需要飲咖啡。但等待期間又心癢癢走左入麥記嘆下咖啡。上水麥當勞地方唔算好大。買完咖啡咋咋臨搵個位坐低先。Americano好飲嘅地方就係佢好香咖啡味。雖然少左啲甜味。但可以慢慢品嚐咖啡嘅香。好耐無試過坐低慢慢飲下杯咖啡。有時工作太忙碌。平時都係一路工作一路飲咖啡提神。難得有一日可以比自己坐低靜下細味一下咖啡都不失為生活中嘅一點點甜。飲完又要返回現實😂

返緊工Lunchtime一個人想食pizza又驚食唔哂，見McCafé推出全新口味嘅菠蘿雞肉芝味薄餅，一人份量，就岩哂我!Pizza熱辣辣，面頭鋪滿烤雞腿肉粒、清甜菠蘿、同重點嘅雙倍芝士，配埋千島風味醬，非常惹味。香濃嘅芝士更做到拉絲嘅效果，芝味十足。仲可以優惠價加$5轉飲沖繩黑糖珍珠奶，一次過滿足哂兩個願望。。。@mccafe.hk。。#mccafe#mccafehk#pizza#芝味#cheesy#hkcafe#hkcoffeeshop#菠蘿雞肉芝味薄餅

🍴《McCafe-熱蜜糖🍯玫瑰🌹朱古力🍫☕️》一早食返個靚靚早餐對自己好啲先☺️ 嚟到McCafe叫咗個「新餐肉碎蛋芝味多士」➕🆕「熱蜜糖🍯玫瑰🌹朱古力🍫☕️」「熱蜜糖🍯玫瑰🌹朱古力🍫☕️」賣相好靚，飲品面上有玫瑰花瓣㗎，少女心爆發🥰，飲落濃濃蜜糖🍯味，原來係100% #台灣百花蜜 沖製而成❗️不錯啊❗️滿足嘅早餐❗️嘆完早餐要努力工作去💪🏻喇❗️#mccafe #mccafehk #honeyrose #latte #蜜糖玫瑰鮮奶咖啡 #蜜糖玫瑰朱古力

一直都冇試過Mc cafe既早餐，因為覺得冇餐好貴。自從有次見新推出$25奶醬多餐，就試左第一次。後黎食左幾次先發現，原來咖啡menu有杯cappuccino（細）只係$14，再加配其他包都係$11-14，即係都係廿幾蚊既早餐。我今日就食左呢份值得推介既火腿扒碎蛋芝味多，配埋咖啡$28。就咁睇賣相，唔會覺得係老麥出產。雖然話咖啡係細杯裝，其實都唔細，仲大杯過其他快餐店個杯，咖啡師仲會整唔同既拉花！份多士個面好脆，入面都好足料，塊火腿扒都幾厚，有少少薯仔粒、碎蛋同芝士。估唔到價錢差唔多，mc cafe既質數比超值早晨套餐高咁多。唯一唔好既地方就係環境冇cafe既舒適，因為呢間分店比mc cafe客人既位好少。

今次m記又推出期間限定既crossover飲品同cake啦，今次就分別試飲左「玫瑰鮮奶咖啡 x LINDOR」同「玫瑰朱古力 x LINDOR」。兩款野飲都分別用左玫瑰花作為主題，聞落去陣陣既玫瑰花味，好精神的感覺，朱古力果杯就比較甜，又出奇地同玫瑰味幾夾，而咖啡果杯，就好似多左層次咁，一陣咖啡香，又一陣玫瑰香，雙重享受。

McCafe 真係幾掋飲，係坐得無咁舒服，一分錢一分貨嘛。今日心血來潮想飲返杯 Flat White，但有啲失望喎。除咗賣相有個 M 字好似幾高級咁之外，個咖啡味道一啲都唔香濃，好似淡而無味咁，而好似落得過多奶，一啲都唔似 flat white。

之前有個朝早試左麥記呢份扭扭粉煙肉芝味多士做早餐, 仲加杯凍濃黑咖啡long black. 份芝味多士唔錯喎, 熱烘烘既麥包, 烤焗到好香脆, 每塊多士薄薄地一塊, 中間夾住左唔少芝士, 煙肉同埋扭扭粉, 份量相當之足料, 食落去味道亦都豐富香濃, 帶D鹹香, 好味! 芝士仲要唔少添, 一打開包裝紙就聞到芝士香好濃郁, 岩晒我呢個芝士控. 仲有可能入面既餡料用左扭扭粉..所以食完好飽肚呀. 另外, 杯凍濃黑咖啡味道都唔錯, 聞落幾香, 亦都唔覺得苦澀. 不過埋單要4X蚊, 老實講有D貴, 間唔中食一次半次都OK既.

中午出完去食飯，回程時忍不住去呢度買杯咖啡外賣（仲要同下午嘅工作搏鬥）去到mc cafe無客人，所以唔使排隊，見店員小姐一腳踢，幫我落單之後就去沖咖啡！因為我叫少奶，佢提醒我份量會少啲！Flat White(中杯）（$25.5）叫了少奶！咖啡夠熱！外賣杯好平實！咖啡少奶之後飲落濃啲嘅咖啡味，唔落糖味道都易入口，香滑好味！店員雖然cool啲，不過斯斯文文，唔多說話！要做嘅嘢做足！買咖啡可以儲印花，儲夠送咖啡

今年聖誕節翌日連放兩日假期（心心眼😍😍😍）可以睡得自然醒，精神抖擻來迎接Happy Boxing Day🎁🎀🎊 爸爸因假期不用上班，一家人便浩浩蕩蕩殺入M記吃個豐富（又脂肪爆錶）的早餐！爸爸和妹妹點了McDonald's那邊，我跟媽媽就光顧McCafe，喝杯咖啡，吃份吐司，來個暖融融的Morning~~~薑餅人咖啡薑餅人咖啡賣相十分吸引，真的有個以朱古力粉製作而成的薑餅人圖案，像跟我Say Morning般～～好可愛啊味道還不錯！啖啖香濃的薑餅味，但較偏甜，咖啡香因此被比下去...雞肉火腿碎蛋芝味多士這個芝味多士是我的Favourite!!!!😍😍😍 已吃過多次，還是那麼喜愛它整個portion份量多，十分飽肚！多士烤得香脆無比，還夾了爆滿的雞肉火腿片、碎蛋和芝士，口感濕潤豐盈。一咬就爆出餡料，大大滿足！推薦推薦！CappuccinoCappuccino 又是奶味略重手，咖啡香較淡😅😅小龍蝦蛋沙津三文治McCafe的多士和三文治真的不錯！大大份，而且內餡豐富！驟眼一看，滿滿龍蝦肉和蛋沙津❤️❤️外面吃份龍蝦包或龍蝦有關的套餐動不動都要上一二百塊，這個完全可以止止癮～

返晏前先去食個早餐，近公司嘅選擇唔多，去呢度因為快手啲！先去櫃檯落單，當時無其他客人，八達通比錢方便，店員之後慢慢整出來，然後搵位，座位同快餐店嗰邊共用！呢度地方比較窄，所以唔算好坐朱古力泡沫咖啡（$23.5）有朱古力灑出字母商標！細杯裝，白瓦杯，不過太滿，攞到位已瀉出少許！攪勻之後，先𢳂起啲泡沫，好滑！再飲咖啡，可惜朱古力漿太多，結果朱古力味蓋過晒啲咖啡味！飲緊糖漿一樣！最後甜到只能飲到一半！煙肉碎蛋芝味多士（$13）多士賣相靚，麵包烘得香脆！碎蛋沙律好滑，芝士濃味半溶狀態！煙肉其實似火腿多啲！鹹香好味！正！店員唔算殷勤，不過態度正常，而且非常爽手！快快又一個甜早餐！