MEAT BRO

營業中

休息中

喺threads見到有人推薦，comment都好多正皮，第二日即刻試下，嗌咗照燒汁雞扒飯，講真，都頗失望。賣相睇落去就完全唔吸引，正常嚟講雞皮應該係向面，但係唔知點解會向下擺😂不過外賣就算啦，可惜食落去係令人更加失望。雞扒嘅質地偏硬，都真係幾鞋。雖然飯量好足，用嘅係珍珠米，但係啲雞太鞋，已經無胃口食白飯。至於照燒汁，份量係完全唔夠，根本就撈唔到飯，食到一半，雞又鞋，汁又冇，勁dry😂最離譜係嗰啲西蘭花，煮得過熟，仲燶晒，完全冇咗新鮮感同脆口😂除咗照燒汁雞扒飯，同行朋友都試咗鰻魚、豬頸肉飯大家都話好普通。總括嚟講，雖然性價比高，但係味道同口感實在令人失望，應該唔會再試第二次。

喺荔枝角趕去上堂，之前食一個非常快嘅便當餐，行來行去全部都係跟飯或者跟面，之後行到一間雞扒可以轉沙律，又有炸蠔食！價錢唔貴所以買嚟試吓，雞扒好大塊，好彩轉沙律補薯仔之類嘅全部都係沙律菜，跟好多沙律醋汁，又有雞蛋，再配過炸蠔，叫咗杯熱嘅齋啡都係70幾蚊非常之平！啱晒，我而家減肥嘅食量！叫咗個雞扒餐配沙律都係50幾蚊另外兩嚿炸蠔20幾蚊熱嘅即磨咖啡$18

好少寫食評！今次都想支持下小店！$68鰻魚飯算抵食，仲有少少配菜係側邊都好有心！之前食過手撕豬墨西哥卷，個皮略嫌太厚，但入面既餡係好食！收銀既男仔好有禮貌，呢區做外賣店好難，所以想比個好評你地，加油！