Mee...lemongrass (Megabox) (已結業)

自己幾喜歡Mee...lemongrass喇沙的味道，所以每次光顧都食喇沙～～是日和家姐去MegaBox睇戲，近近地就來了戲院隔壁的Mee...lemongrass食晚飯，偌大的店舖，客人只有小貓三四隻。今次想試試撈檬，撈檬有5款配菜選擇，餐牌推介馬來蜜汁炭燒厚切豬扒撈檬及軟殼蟹撈檬，我選了前者。馬來蜜汁炭燒厚切豬扒撈檬，豬扒的炭燒蜜汁味好香又惹味，惜豬扒稍為乾硬了一點，沒有肉汁。檬粉爽口，不會很碎，與花生碎拌勻再加入令人開胃的酸辣汁，充滿香氣！整碗檬粉的份量很多，食完超飽肚！今次試到撈檬的味道也不差，若然豬扒的質感沒能麼乾柴，這碗檬粉會更好吃啊！

星期三Aeon特賣日緊係要去湊熱鬧啦掃貨前當然需要餵飽個肚先之前食過將軍澳分店覺得幾好味 見咁耐無食就揀左呢間餐廳個餐牌有勁多圖勁吸引 每樣野睇完圖都好想食🤤🤤呢個餐牌做得好成功😂L10 馬來藥膳肉骨茶肉骨茶依舊好大兜 料亦都好足 有杞子 豆腐卜 支竹 肉肉不過藥材味唔夠重 同之前食過既味道差好遠....咸味重過藥材味.....而且肉骨茶底偏咸 好彩無衝動 一上枱就成碗白飯倒落湯到 到時應該咸到食唔到.....L2 無骨海南雞喇沙 （米粉底）碗喇沙係出色既 好香好濃 個湯好味到可以飲哂🤤不過啲雞......肥瘦適中 雞皮唔會成層雞油嚇親人面頭雕花個片雞係雕得好靚但唔夠香....同埋雞肉唔夠滑.....對碟雞有啲失望.....S4 無骨酸辣鳳爪沙律成餐飯最出色既一碟鳳爪入味 多汁 可以再食多幾碟😂到底係餐廳水準差左定分店問題🤔🤔

極度難食及可怕😱🏴‍☠️所以要寫食評提醒下大家。叫咗個黑豚肉蝦湯麵，嚟到未食就發現豬皮上有多粒黑點，外表可怕。諗落唔對路，於是即刻問職員係咩嚟。佢拎咗去廚房話問一問，之後出嚟話換過另一份俾我，但再冇任何解釋說明那些黑點是何事。(睇嚟係真係有問題)之後我驚佢哋會俾返同一份豬肉，所以問佢可唔可以轉另一個餐。之後換咗個同樣價錢嘅炒貴刁。errrr賣相超級一般，而且全部炒燶晒lol。但由於趕時間同費事麻煩佢哋，就咁算數，費事再換。食咗三分二，實在哽唔落，燶晒太難食。呢個炒貴刁完全係差過普通茶餐廳嘅乾炒牛河100倍。冇咩材料之外，蛋同椒都係全部炒到黑晒😟大概一年前食過幾次，嗰陣還可以。但估唔到依家會落到如此糟糕的地步。$78再加一，80幾蚊個lunch居然可以咁差😳今次嘅經驗完全警惕我未來不會再幫襯佢。可以blacklist🏴‍☠️

第一次嬲到要入尼寫食評！間野又貴唔好食，見你食哂食完只飲野，職員陳先生就攞張單埋尼，話比定你都算。杯野係凍飲冇可能立即飲得哂，飲到差唔多我自己都執定野就走，佢又埋尼叫我賣單，其實我見可以自己出去埋就想自己去埋免等你地找，點解重要吹我？可能中午時間人比較多，都唔係咁啫！我已經執緊野起身啦！太過份，間野唔值得食，總之又貴又唔好食，服務態度又差，勁趕人走！

食咗餐飯，激發起我寫第一篇食評。食物質素好一般，咖哩薯仔蔬菜但得一舊薯仔，然後一舊舊菜頭🫠，跟住全碗咖喱湯咁🫣！海南雞得塊皮，皮仲厚過塊肉，又有骨。檸檬茶都可以係苦味！值得一讚嘅係，碗白飯真係夠晒大碗，可能知道餸唔夠，白飯補上啦！

2人行午餐,星期六11:30am就去到，叫咗兩個lunch set，2個$18小食，再加2個$10轉飲品，用qr code落單。砂窩老鼠粉 - 夠熱，個鍋都係熱嘅，撈銀針粉黎，好多粉，但味道一般，冇咩味豬扒喇沙 - 勁快上，豬扒味道ok， 但吾夠熱，唔似新鮮燒好，喇沙都吾係好夠熱，應該一早煮好晒，個湯底味道可以接受。牛雞串燒各一串 - 醬汁得好少蝦餅 - 比較正常同好味，應該係新鮮炸起，泰式辣醬都係正常地好味。十勝紅豆宇治抹茶 / 十勝紅豆伯爵茶奶茶- 紅豆好軟熟，可以走冰，叫左微糖但都仲甜，但都好飲嘅

話說 岩岩係 Mega Box黎睇下買咩食見佢外賣7折 咁緊係買走啦點知叫完俾完錢出晒單見到佢張單 外賣盒 x4 =$8咁 做咩唔寫出黎 等客人 可以有選擇 而要 客人俾晒錢重要我地自己睇單先知 每個盒收$2即 收都唔緊要 $2 個職員講咩 人地出邊收$5我話咁兩件事呀 你咁樣 一係8折 一係就 成個餐單 每樣+$2咁 成件事都無咁 oopsss實在令人 感到不快所以 自行選擇 同無選擇下 唔一樣

上個月幾乎每星期都會黎呢度Lunch至少一日, 今次試左個馬來蜜汁炭燒豬扒配菜飯, 呢度既lunch set份量大之餘, 肉同飯量都多同香. 仲有個餐湯+飲品,咁多野都只係$76. 佢都有個version係配喇沙既,但個人認為個豬扒充滿住炭香,好送飯! 如果配喇沙既話,真係兩邊都好濃味,會互相搶大家既風頭喇.朋友叫左馬來一品牛柳粒, 但只配白飯, 不過驚喜係個牛柳粒係以鐵板上, 唔係普通一碟就算, 冬天食就岩哂喇. 鐵板一上時聞到好香好吸引, 朋友試食後話個味似鼓汁味.

兩年前食過，當時既肉骨茶好好食，而且附有餐前小食（紅色墨魚仔）同甜品，而cut晒仲貴左.....講返主菜肉骨茶，得3小舊瘦肉，鞋過煲湯豬肉，有一舊直頭咬唔爛要吐出黎，舊骨頭脆/軟到似係煲左20個鐘咁，完全唔值$70＋再加一呢個價..... 唔會再去食呢樣野.....同事食喇沙同蜜汁豬扒，話有驚喜，喇沙湯底濃郁有椰汁味，豬扒juicy不過真係好肥，所以overall食完好有罪惡感，不過一致認同總好過肉骨茶食左幾舊煲湯豬肉落肚@@註：味道及抵食評分只基於肉骨茶

無骨海南雞喇沙。。 海南雞肉尚算質嫩滑 ，喇沙湯底尤其出色。檳城炒貴刁。。 好夠鑊氣，微辣 ，但嫌餸菜不夠多。午餐連飲品一杯，價格尚算合理，凍奶茶味道一般的正常，沒有驚喜。

難食到爆，仲要唔平本身只係隨便揀，諗住在mega box, 唔會有問題啦， 點知就出事啦。我叫左個海南雞飯餐個湯就咸,個菜就有異陣味的。。。D雞，算正常小小啦一個餐，有咁多食物唔妥，世界級。七八十蚊個餐，仲要收加一，我都唔知食緊咩。。。唔會再去。。。免費都唔會再去。枱同枱之間，超迫。支付方法， 貼住晒的電子方法，都暫停，俾錢先同你講， 好彩有現金起身，唔係就出事。。。其實megabox 有好多野食，唔需要揀呢間。

去左megabox 睇戲 好多選擇，太多人等個d 就唔等啦。搵左間唔太多人既星加坡嘢。而且見佢台店面好靚,就入左去...點左星加坡菜入邊比較多出名嘅喇沙。兩個餸一齊嚟到，一個好多湯，一個冇乜湯。冇乜湯嘅個就係豬扒喇沙，我朋友飲完個湯話唔熱係暖嘅。而我個湯係熱嘅。當時心中已經覺得唔係咁妥當。叫侍應俾啲熱湯我哋，加落去就好啲嘅。跟住再望吓塊豬扒，燶得好犀利，我有諗過叫佢換一個，但係朋友話唔使啦試吓先。食落去，塊豬扒凍嘅，啲皮勁厚，感覺似係翻炸。其實齋講味道，佢個味係可以嘅，但係佢個質素實在太差啦。好凍好硬。另一個係海鮮味，反而呢個正常，個蝦都係鮮既。但我見朋友食得咁辛苦，我分左d 我既食物俾佢食😣d 服務都好參差不齊舉手叫侍應, 但企係度當睇我唔到, 你問佢野佢都唔係好答你不過有個斟水既姐姐幾好禮貌加一89$ 一個, 我食好味魚旦粉都係三十幾....真係冇下次

最初聽過Mee的名字是因為有位朋友久不久會光顧她們的銅鑼灣分店，今日有機會來到九龍灣分店一試究竟。餐廳空間不算很大，午市時間都幾受歡迎。餐牌的選擇都有不少，決定后可掃描QR code落單。馬來蜜汁炭燒厚切豬扒配喇沙($78)，喇沙樣子不錯，豬扒也大大碟幾吸引。先試試湯底，喇沙味道香濃，椰奶味突出，是椰奶味較重的喇沙，不會太辣容易接受。滲滲吸收了湯底的味道，喇沙的配料還有豆卜、芽菜、雞蛋，全部都變得很濃郁。豬扒是炸過才上菜的，所以比較油膩。豬扒外面比較甜，蜜汁加得有點過火，裏面的豬肉是幾淋，可是 吃著吃著覺得不太對勁。看樣子會以爲豬扒很大碟，曡得高，誰知整碟肉跟脂肪的比例是1:1，脂肪部份不斷滲油，同時豬扒上菜的時候已經不熱，冷掉的脂肪還會凝固，感覺就如硬了、失去彈性的jelly，實在令人失望豬扒裏還有一條很大的骨，因此最後能夠食的肉大約只有整碟的三份之一餐飲我選擇了熱泰式奶茶，外表跟港式奶茶是一樣的，味道都有點像泰式奶茶的，但茶底不夠滑，也有茶渣。雖然喇沙的味道幾好，但是豬扒的表現沒有誠意，很懷疑究竟負責入貨的同事有沒有試過、知不知道、是否想減低成本、還是沒有做恆常品質控制，這個價錢不

🇹🇭 Mee...lemongrass 平民版龍蝦喇沙 打卡一流🤩🦞波士頓龍蝦喇沙 $88原隻龍蝦 肉質彈牙 配香濃喇沙一流👍🏻🐓無骨海南雞喇沙 $84海南雞肉質嫩滑 味道正常😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💸💵💵💵——————————————————店舖資料📍九龍灣宏照道38號MegaBox11樓11號舖📍將軍澳唐德街9號將軍澳中心L1樓135號舖📍上水彩園路8號彩園廣場地下G10號舖📍香港仔南寧街ac四期1樓15號舖#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #foodporn #discoverhongkong #foodlover #hkrestaurant #asianfood #thaifood #mee…lemongrass #laksa #lobster

九龍灣MegaBox•mee lemongrass 依間餐廳既海南雞飯同喇沙都係好多人食😋😋😋平時放lunch 同假期時間 都勁多人排隊 今日平日夜晚就冇咩人試吓其他野食🤭🤭✔️蜜汁炭燒厚切豬扒撈檬👍🏻👍🏻👍🏻豬扒好林 好入味 但今次啲檬粉煮唔夠透 有啲位硬身 咬唔到 但整親黎講 味道都幾好👍🏻👍🏻 加埋啲汁 撈埋食 好開胃✔️檳城炒貴叼味道有少少似干炒牛河 但個口感都幾特別既 👍🏻都可以試下😩😩最唔開心係個芒果糯米飯賣曬 果個係好好味嫁😋😋#meelemongrass