Mega-1 (已結業)

Happy Father’s Day慶祝父親節🥳🥳.呢間酒吧餐廳因為疫情無開好耐啦.見佢開返一於去幫襯下.美國夏威夷Pizza $118煙三文魚伴卡邦尼意大利麵 $118焗芝士白汁吞拿魚意大利麵 $98水牛城雞翼 蜜桃梳打 $48玫瑰梳打 $48藍橙皮梳打 $48青蘋果梳打 $48.所有食物即叫即製，所以都要等下.美國夏威夷Pizza🍕係簿底pizza，好脆好香口煙三文魚伴卡邦尼意大利麵，首先讚一讚意粉🍝軟硬程度適中，卡邦尼汁濃稠度都係適中！好味道！😋焗芝士白汁吞拿魚意大利麵，意粉係最底，面層鋪滿吞拿魚，上面鋪左芝士焗，咸咸嘅呑拿魚配搭清清嘅意粉水牛城雞翼係老細送比我哋試，可能係父親節禮物🤣🤣，熱辣辣，表面好脆，內裏好juicy，Yum Yum Yum😋 Soda類10點前買一送一，超抵啊！特別介紹，藍橙皮Soda打卡一流，係勁靚嘅藍色，靚到父親節主角竟然叫我要影埋佢（明明影緊食物，都要亂入做配角）

屯門的酒吧為數不多，有正餐提供的酒吧更加少之有少，而Mega卻是其中的一間酒吧。好友今晚需要談心，我們便決定到這間酒吧一試。這間酒吧其實很多街坊有大有細。一入到酒吧便看見一家人在玩桌球，十分溫馨。前菜我們叫了水牛城雞翼，上菜時熱辣辣是剛炸好的外脆內軟多汁，配以辣醬10分美味。雞尾酒叫了snowball。正餐我們叫了個龍蝦海鮮汁意粉以及一個牛肝菌意粉，好夠芝士味。個人比較喜歡龍蝦汁海鮮意粉，有海鮮味，又不會太膩。反而牛肝菌意粉不夠味，芝士味太濃蓋過原本黑松露和牛肝菌的香。

點評:-酒吧類餐廳，有桌球，飛標同足球賽事，適合同老友大群，同類形餐廳，算係屯門較少見-雖然係酒吧，但當日晚飯時段，環境未見太雜，或有吸煙情況-食物種類適中，價錢同味道水平合理服務方式:落單，等上菜座位:酒吧式卡位餐牌:晚市時段，未見有dinner set需散叫語言:街坊生意，廣東話就ok等候時間:星期日晚市時段，場面太約半滿不需等位食物種類:有沙津，小食，薄餅，意大利粉/飯，Burger， 扒類同豬手飲品都有酒同非酒精類價錢:小食,4x-8x薄餅，Burger，飯粉,約100-150扒類豬手，約150-2xx相:

世界盃處處都係聚脚地，就算三五知已约埋樓下餐廳睇下波，傾下偈，食下飯一樂也，何况間西餐廳坐得又舒服D野都唔錯啦！尤其德國有骨鹹猪手我至鍾意皮脆肉嫩，肉質鮮嫩厚實，食落唔覺油膩，味道鹹香適口，醮上特色酱汁，另有一番風味。香草大蝦意麵大蝦鮮嫩彈牙，麺條爽滑，淡淡的香草味道，令到意麺有種特殊的清新口感，十分好味。Green mint soda飲一啖特别冰凉爽口，薄荷清香怡神。特式海鮮意大利飯意大利飯用咗特式既酱料，口感柔軟特别入味，海鮮食材豐富新鮮，仲有搭配番茄仔酸酸甜甜十分開胃。豐富晚餐加上精彩賽事，好友相聚，人生何求。

好耐冇見既舊同事突然约我去佢屋企附近食飯，位置系偏咗D，冇計啦叫到就應约啦，屯門屋邨諗到都吾會有乜好野食，估吾到去到竟然有D驚喜，餐廳環境寧静優美, 食物質素意常好味。介绍我食龍蝦果汁海鮮麵，麵條硬度適中，龍蝦汁鮮甜，大大隻蝦肉爽甜彈牙，新鲜十足！我地又試左出晒名既德國咸豬手，果然名不虛傳，外皮炸到外脆内嫩，肉質厚厚地但食落又不油膩，美味之極，吾系間間餐廳有咁嘅功架，估吾到屋邨食到咁正菜式，可惜地區問題。正........

請朋友食生日飯，揀咗屯門呢間餐廳，因為甘啱係父親節，周圍都滿座，好在呢度訂到位！原來係一間酒吧仲可以睇世界盃😍😍😍炸軟殼蟹好味道熱辣辣！巴馬火腿pizza好似唔夠香！梳打買一送一超級抵😎😎🤩🤩隻德國豬手外脆內軟勁多骨膠原😌😌食完人都靚左！豬肉卷腸就麻麻哋，但配菜薯條超好味🤗🤗🤗

世界盃開鑼食飯睇波好去處，真係好有氣氛坐得又舒服🤗食咗個豬手，有pizza食，仲有德國腸，最鍾意都係嗰個軟殼蟹🤗除咗飲啤酒又有沙冰飲🤗員工態度又好無論食物服務態度都值得再去👍👍👍

今天和茶友飲茶後，晚上來這裡吃晚飯。酒吧格局，一班良家婦女走進去顯得格格不入。凱撒沙律，普通，很普通。燒雞泡魚干，感覺是炸出來的，尚算美味，合格。芒果沙冰，賣相很美，沒有試，評不了。Parma ham pizza，餅底超薄，配上酸酸的蕃茄醬，不像一般的pizza飽滯，讚。牛扒，茶友怕生，叫了5成，但出來是well done，像吃牛肉乾，0分。豬手，皮脆多汁，夠咸味，不錯。海鮮意大利飯，汁偏甜，還可以。德國腸，很長。薯條香脆。

早排同朋友食生日飯，約咗佢嚟呢到食😝近近地約佢係屯門食飯，其實我自己都係第一次嚟，有啲擔心會唔會點咗佢嚟食嘢🤣一入到去店員都好nice，推介我地食啲咩，仲話有啲餐牌上面係未有🤔#水牛城雞翼 ($68)😋好味指數：(6.5/10)雞翼大概有六隻🐥即叫即炸熱辣辣，雞肉唔會話乾😚水牛城汁係分開上，唔食得辣嘅都唔使驚😝#煙三文魚pizza ($138)😋好味指數：(6.5/10)係薄批嚟嘅，食落去似餅乾，我都幾中意呢隻批底，不過今次呢個pizza批邊係脆，但中間好淋，一拎起個pizza啲蕃茄醬就跌晒落嚟😭呢個pizza有啲蕃茄醬、芝士同煙三文魚。有好多芝士😆不過因為有啲酸酸地嘅蕃茄醬所以唔會覺得太漏🍅#龍蝦汁海鮮意大利麵 ($98)😋好味指數：(7/10)唔係好食到龍蝦味，只可以話似蕃茄汁意粉🍝🤔意粉軟硬度適中😝海鮮都幾多，有蝦、青口、蜆肉同墨魚仔😚有一隻蝦係上面，基本上的殼已經拆好咁濟，只要輕輕一反就夾到蝦肉😆#藍橙皮梳打 ($48)#蜜桃梳打 ($48)😋好味指數：(7/10)買一送一都幾抵😚普普通通嘅梳打🤣#手工啤 ($88)😋好味指數：(7/10)睇張圖覺得隻色幾靚就嗌咗杯嚟飲🍻冇記錯

我日想寫低的餐廳是我在這區比較少有的，因屯門地區來說有點遠啊!  餐廳門面似酒吧的款式，但內裡其實是一間美式餐廳。食物當然以美式食物為主，我和兩位好朋友就點了此處主打的菜式喇。小食有炸雞軟骨，入口非常香口，味道香脆，咸味適中。當然有食水牛城雞翼啦，炮製得外脆內軟，重點係醬汁，夾起來特別好味道。另外，點了客香草大蝦意粉，麵身硬度適中不太硬，加上香草味及大蝦配搭，大蝦肉夠爽口而算是大份啊，整體味道有85分的。跟隨的就當然是主角出場，就是夏威夷pizza，價錢算是非常抵食，味道比連鎖店既pizza帽 好味有很多。先看芝士已經鋪滿整個pizza , 上面既材料非常足，pizza 底既厚度剛剛好，不過我就拉吾到好長既芝士絲喇!第二主角就是西班牙黑毛豬鞍，黑毛豬肉入口夠哂軟滑，而且聞到非常香噴噴既黑毛豬味，非常新鮮的感覺。味道帶清清地，肉質爽口好呼，值得一試啊!

成日經過望到店入面既大屏幕都心思思想黎Mega-1好耐😍 遠睇望落係一間普通bar但其實入面係有內涵🤟🏻唔會好似啲酒吧好重煙味，裝潢都好有feel，可以掟鏢，督波（要收費的）店員超有heart，主動埋黎介紹menu，有新出既食物menu未有都拎埋手機俾相出黎介紹👍🏻 仲講定鹹豬手同漢堡包可以影完相先，再叫佢地切都得，非常細心👍🏻見有人帶埋小朋友黎食 就知道呢間野唔簡單🤤🤤🤤 我同男朋友黎食 嗌左3樣野食 2杯酒 係飽到不得了🤣- 黑松露意粉超好味！俾滿分！黑松露味超香，啲汁好creamy （可能會有人會覺得好漏），會有令人食唔停既感覺🙈 本身食到好飽，但都要堅持食埋碟意粉🤣- USA hamburger又係俾滿分！有埋炸得好好既粗身薯條，好食過M餐廳百倍🤭 漢堡包超級juicy啖啖肉，啲醬汁仲好好味！好彩淨係嗌呢個冇叫Mega-1 hamburger，如果唔係仲飽🤣 如果多人黎食可以試下，會有埋蛋煙肉果啲😆- 德國鹹豬手原隻鹹豬手超大😳 啲皮仲好脆好好味，本身自己唔太好鹹豬手，都食左好多舊😝👍🏻 肉夠腍🤤- CocktailsSex on the beach：比較甜，似果汁多啲，但ov

今次呢個朋友聚會真的約了很耐，由新年到今日才聚下來，難得難得。今次我們選擇了這間餐廳，見到門面幾四正，又想食下美式大餐。我地點了呢度既主打菜式，有蛇腸，望落去都幾得意，味道似普通既香腸味道，ok. 水牛城雞翼就味道精髓係醬汁度酸酸辣辣的，仲有整番兩串五花腩串燒，Good香脆可口，要試下喇！跟住就梗係美國漢堡包啦，當然吾係麥記果款，呢塊牛扒肉汁多又香，加上塊芝士真無一流。最緊要就係有埋粗薯條至正。烤美國肉眼牛扒。烤得有5成熟，剛剛好，入口有牛味但吾覺有蘇味，點上醬汁帶少少咸，份外好味。下次再期待有新菜式。

屋邨拍拖好去處，食下野又幾有情調，近近的落脚西餐廳。蒲燒鰻魚薄餅:薄薄脆餅與脂肥丰滿的鰻魚搭配十分美味。鰻魚外焦里嫩，入口窜香；鰻魚肉質綿軟，嫩滑鮮濃，令人大飽口福。海鮮蕃茄龍蝦汁意大利麵：酸酸甜甜的口感，誘人的色澤，麵條爽滑而有韌勁，海鮮食材豐富鮮嫩。美式漢堡： 漢堡份量很足，食材豐富，厚厚的肉餅、豐沛的醬汁和各種主料堆叠而成，一口咬下去，即刻能嘗到肉汁的香味，與肉餅鮮嫩多汁或麵包鬆軟的口感。peach  soda：冰鎮後的桃子口味苏打水味道非常棒，一直很喜歡桃子的清甜香氣，加上檸檬清新，飲一啖口唇滿滿果香。

三五知己其實要搵地方食飯聚一聚都要花心思，我地基於吾想出市區但又想食下西餐，於是乎就係屯門搵，終於比我地搵到呢間酒吧式餐廳。店內都幾整潔，裝修四正。我地幾個人點左2客pizza 試，有煙燻三文魚pizza。塊煙燻三文魚帶少少咸，咸度適中，pizza底咬入口香脆，若芝士濃度岩岩好，不會太多。另一個是Hawaiian Pizza，呢款係正宗口味既pizza，整體都幾好食。佢地既招牌美式漢堡包，牛肉夠哂厚又多肉汁，都幾有牛味，好味過快餐漢堡啦。吾少得梗要食番一人一隻炸雞翼，同大家飲番杯先。

當天黎到 朋友就話介紹食 豬手 可惜餐廳個炸爐壞左 所有炸野都冇得食環境都舒適 有大屏幕播歌 有得掟飛標 仲有得篤波 當然不是免費 但價錢亦可接受 因為平日 所以冇人 成個場 自己包晒咁生蝦刺身 好大隻 都鮮甜 不俗德國腸 賣相有d搞笑 哈 但係可以的之後到一d串燒 雞翼好食 其他冇乜特別佢個漢堡最好味 肉嫩多汁 入面的肉仲好大舊 令人非常滿足 最窩心係 佢已經切好俾你 咁多個人 唔洗自己切到散晒牛扒都煮得適當 不會鞋 你見d顏色就知不錯！意粉一般！Pizza都可以梳打買一送一！