Mini Club (已結業)

朋友帶上的餐廳，環境比較安靜適合下班放鬆聊天🧀️芝士切肉拼盤每惠顧瓶裝酒一枝會送一份小食就選了這個，有不同種類的芝士，配上火腿、蕃茄、生菜不會太膩，配酒不錯🦪生蠔 $168/6pcs總共嚐了4款(6隻只能選同一品種)，推薦海洋女神，各方面比較平均🍟多重滋味炸薯條 $78沒有特別，只是有三款不同醬汁罷了😂🍖咸豬手 $238這道菜等了超級久才到，店員也送了一些芝士來讓我當下酒菜，當豬手來到時，外皮不是脆，是硬！實在吃不下去可能這酒吧主力還是賣酒而不是做菜的小食還行，主菜就不推薦了

上次同朋友慶祝生日想試試其他酒吧，揾到尼間好多like好似唔錯咁，就去試下。當時我地四個人，一入到去就俾花生我地，係直接放低乜都無講，而我地又唔食花生就無理到，由得碗花生放係枱面，結果埋單嘅時候發現佢收左四個花生錢，我唔記得係5蚊定10蚊一個啦，然後我地就問店d人點解無食都要收錢，佢地口upup咁，講左d廢話然後就走左，咁我同朋友心諗幾蚊雞唔好煩啦，無留心check其他野就埋左單結果我地行左一陣，睇翻張單發現佢錯左野，我地叫左兩杯blacklable，個服務員都同我地confirm左多一次問我地要兩杯定兩支blacklable，我地都有講多次係兩杯blacklable，注意係blacklable！結果我地單睇發現佢俾嘅係bluelable！blacklable係78蚊一杯，bluelable係180-190蚊左右一杯，因為我地飲嘅時候，佢加tonic加太多，我地都飲唔出酒味，根本都唔知原來佢俾嘅係另一個酒！真系搏我地懵，我地都衰，走之前無check清楚張單，但以後都唔會再去！根本黑心店鋪

推薦👍🏻 食物有水準、啲Cocktail都調得好，重點坐得舒服，一大班人黎都唔會覺得好窄，同枱同枱間都有距離，唔會好亂.呢間啲生蠔真係無得輸😍 好大隻，好 Creamy，價錢都OK.個日叫左兩個Pizza，分別係黑松露雜菌Pizza、巴馬火腿芝士 Pizza。落左超多芝士，而餅底係薄、脆脆地😆 個人覺得菌嗰個好味啲，菇份量足，又加啲沙律菜係上面👍🏻 另一個就普通啲.個人有啲唔舒服就叫左茶，但佢啲 Cocktail 係OK既，尤其 Pina Colada，俾好多間都溝得好

社交平台發現呢度有$399任飲3小時加1份德國豬手/半打生蠔，於是訂位黎食啦！旺角店比佢睇你Like & Share post再減$40即係$359食物款式唔算多，酒吧係咁上下，始終都係重點賣酒。價位就進取左少少，不過可以接受嘅可以任飲紅白酒，啤酒1664/Asahi，同汽水。點解話服務有待改善？因為我第一杯揀左紅酒，Free-Flow意思都係任飲，咁即係我轉黎轉去係可以啦，但有位員工聽到O嘴，佢諗左10秒，再話你等等。。。我等等？後來佢又拎左白酒黎斟喎。。。咁其實係可以唔！？咁我唔明呢位員工點解要O嘴兼發呆，因為多左一隻杯要洗要抹？咁純粹我自己諗姐白酒好香，係Sauvignon Blanc，帶草青味，檸檬，梨氣息，唔錯紅酒似乎有咁上質素，Malbec，紅莓果香，帶輕橡木桶味，單寧好薄，易入口黑松露雜菌Pizza $98冇諗過pizza係可以第一樣上枱，點解焗都可以咁快？睇外貌好正，多菇，邊位都睇到好多黑松露醬，芝士都落好多 不過熱嘅位只有外圍，個心位係微暖至凍。。。。德國豬手豬皮偏硬偏靭，豬肉乾，唔熱，上枱係冇冒煙，但係冷氣好大。。。酸菜比主角仲好食，酸椰菜，酸紅白蘿蔔，酸青瓜白酒煮

因為疫情只可以二人一檯我地要分開兩張檯但壽星女揀黎呢度慶祝我地都照黎呀本來睇中的COCKTAIL暫時無供應(應該同疫倩有關,因為連甜品都無了)即場揀左另一款HONEY  BEE賣相好靚好似真係有個蜜糖倒出黎咁朋友點了WHAT'S DUCK真係影相打卡一流全部cocktail都好靚但份量唔算好多結果我地叫左第二ROUND都係飲番BEER送酒一流熟食我地叫左豬手同PIZZA同炸薯條PIZZA同著條都OK豬手就略嫌UN了DD點都好我地幾個度過了開心的一晚

....————————————@miniclubhk 😋有時諗唔到食咩都會去呢間bar&restaurant ————————————#生蠔 $9@1 （必食‼️）每次去水準都keep到唔錯價錢抵食！🔅酒類飲品好有創意 可以問staff有咩好推薦❤️❤️🔅小食主菜味道正常🤪🔅環境幾舒服😌有sofa位坐岩曬我呢啲懶人😚🔅價錢唔太貴 得閒可以黎小酌怡情🌸。。。Mini Club (旺角)旺角太平道6號B地舖Mini Club (尖沙咀)尖沙咀山林道29-31號地下A舖Mini Club (銅鑼灣)銅鑼灣駱克道487-489號駱克駅1樓#winfat#winfat旺角#winfat銅鑼灣#winfat尖沙咀

難得有一間可以飲酒傾偈而氣氛舒服同食物質素令人滿意嘅酒吧，所以近年都幾常去幫襯，稱得上係半個常客啦😁原本佢嘅餐牌幾豐富㗎，就算多啲光顧都唔會有“嚟嚟去去都係嗰啲”嘅感覺，甚至唔食紅肉嘅男友都有唔少選擇，唔會餓親佢😝因應疫情而休業一排，重開之後嚟過兩次，發現餐牌上嘅食物已經由年初嘅“少咗”變成“更少”，底面兩版睇晒😖原本冇咗薄餅都仲有意粉/意大利飯，冇咗咖喱蟹都仲有白酒青口，點知而家搞到唔揀拼盤或main course嘅話，可以選擇嘅已經所餘無幾🙈好在尋晚唔算太肚餓，於是兩個人叫咗半打九州生蠔、白酒煮青口+蒜蓉包、啤酒薯條，加兩杯1664🍻生蠔嘅水準係keep到嘅，都幾新鮮到白酒煮青口+蒜蓉包...味道好泰式，食落差啲唔記得係嗌咗白酒煮青口😂啤酒薯條都不相伯仲，只係有些小調味，但完全唔覺食緊啤酒薯條如果唔係認得部分店員同仍然有佢哋友善嘅招呼，都幾難想像呢間就係之前幾欣賞而又有啲英法格調的酒吧餐廳

呢個時勢想出去飲下野坐耐少少又唔想同人逼，係MK真係無咩選擇…之前三月尾個陣誤打誤撞入左呢間酒吧餐廳，估唔到野飲水準都幾好，我就貪得意叫左杯Fairyland，估唔到一上台係連底盤咁出，有水泡做裝飾，好夏天好得意，裡面有新鮮生果同益力多，完全唔覺得係飲緊酒，好易入喉！我朋友叫個杯Perfume of Roses，仔細聞有陣玫瑰花味，仲有朵玫瑰花係杯裡面！真係好靚啊！味道清清地又唔太甜，酒味唔重，淨係要黎影相都抵啦！收左工又未太肚餓，所以嗌左個薯條黎當小食，原來份量都幾多，新鮮炸起好香好脆！// 總括黎講，呢度既野飲我同我朋友都好滿意！下次會再黎試其他cocktail！

真係唔明而間野d好評點黎830入座, 叫左牛仔骨, 黑毛豬, 同埋薯條,等到1030, 淨係黎到一個薯條,煎個豬扒煎個牛仔骨需要整兩個鐘咁耐?我真係未試過去食飯等個餸要等兩個鐘,個侍應仲要係無動於衷咁.仲有, 原本想叫生蠔, 個侍應話要問下廚房有無先.但問左兩個鐘都話仲問緊真係好痴線!!有就有, 無就無啦!!邊有可能問兩個鐘都可以無答覆!!我相信今日情人節應該唔只我而一檯中伏!!各位, 就算你地有的是時間, 都唔好去而間野浪費時間!!

星期六晚收工諗住同屋企人食飯去左呢間從未試過咁差既餐廳........等咗起碼九個字啲嘢食都未嚟， 好啦....嚟到啲食物凍冰冰( 重要 逐樣到) 服務態度激差， 衛生環境 惡劣， 價錢又貴， 下次一定唔會幫襯。

10月31日halloween唔外出好似好boring，近近地就去旺角嘅Mini Club過下節目氣氛就算，點知無氣氛仲要等到兔子一肚氣！話說8點入去坐嘅時候，成間店都無1/3人，晚餐時間來說真係好少人。不過兔子都明旺角黑夜係比較亂，大家都唔敢亂出街。好啦，見人少少應該好快有得食啦！點知除左啤酒同花生外(happy hour做買一送一)，兔子叫嘅炸雞同烤雞泡魚乾，仲有德國腸，竟然，係8點50分我都仲係一樣都見唔到！到我真係頂唔順問下發生咩事嘅時候，佢先上第一份嘅炸雞...好啦，食左先再講啦，都好餓啦...個薯條係熱嘅，但係...OMG點解係凍嫁？！兔子等左成個鐘，最後竟然係食凍雞...我接受唔到！過多10分鐘左右，再上埋個雞泡魚乾拼魷魚乾...問題又黎啦，又係凍嫁！完全唔明呢個有無需要咁耐時間先上呢？最後去到9點25分，德國腸都係無出現。兔子嘅耐性已經用完，我決定埋單走人。無人嘅情況下等咁耐，仲要d食物係凍嘅！！！雖然waiter哥哥仔係有禮嘅，但兔子都真係唔會再幫襯。Once and never.

和朋友放工後想放鬆一下，所以就來到這間club,想不到也相當多嘢食，這些食物很配送酒，生蠔相當之鮮味和大隻，環境也令我和朋友聊天相當輕鬆，我見還有一個巴黎鐵塔放甜品，下次會再試試

Friday 被酒吧破壞⬇️事源就係叫左杯Lemon beat 同Hoegaarden仲有芝士焗薯條同黑毛豬鞍扒等左45分鐘 先有第一杯Hoegaarden 出泥。。。是滴出來的嗎？更嬲的是=> 由Lemon cocktail變成了mango...對面枱有個女士不停望住我杯mango...我問女Waitress佢 竟 然 話 呢 杯 係 Lemon我飲左啖 我話係mango...佢終於換反比我然後隔左陣對面女士泥左杯mango..等左一小時十分鐘 芝士焗薯條泥左 但無比餐具。女Waitress 話等等拎餐具比我地。。餐具一等就已經係十分鐘，仲要係我地再提佢拎而唔係佢記得要比餐具我地黑毛豬鞍扒等左一個半小時靈魂都餓到飛左出泥前所未有咁差既一次體驗講真咁惡劣既service ， d cocktail點特別都救唔返！Mango...Lemon 都不同樣吧。。。都可以搞錯？

本身諗住開開心心既黎飲下野但d服務實在太差，差到離譜第一，唔會自動refill花生 叫佢refill就轉頭無左件事 服務態度同銅鑼灣分店差太遠第二，同餐廳講想轉個rib ，因為太燶 直情係苦嫁， 點知但經理用d勁串態度話要做到熟就係咁燶，咩事先。重要淨係叫佢換件燶既rib，佢就堅持連無燶既食物都掉左，勁唔環保，仲要收野既時候態度粗魯，跌到成台都係，好似發脾氣咁。真心好失望同好嬲嬲住離場比錢黎飲野仲要包埋受個經理大哥既氣同睇佢面色。🤬🤬🤬

如果食生日飯或者朋友聚會呢間係幾好嘅選擇，呢間係專玩gimmick嘅酒吧餐廳，佢嘅signature cocktails 造型相當吸引，價錢小貴但係食物質素唔錯！1️⃣ What the Duck $118造型係超級可愛💛, 上面啲泡泡加爆炸糖嘅口感幾過癮, 青蘋果+蔓越莓+奇異果汁嘅味道酸酸甜甜幾清新➖2️⃣ Perfume of Roses $118個香水樽已經加哂分，有好香嘅玫瑰味🌹， 再加埋青檸汁同蔓越莓嘅點綴， 味道都幾好外貌真係好精緻好適合去打卡, 不過就貴咗啲➖3️⃣ 狂野摩天輪 $128又係一個非常適合打卡嘅小食拼盤， 其實都係一啲好普通嘅炸物，都唔需要點詳細介紹🍤➖4️⃣ 火焰西班牙黑毛豬鞍扒 $158店員一上菜就會淋火落隻豬扒度，豬扒都幾軟熟，肉汁豐富，配上蘋果蓉進食冇咁油膩， 又或者點沖繩鹽麴都好好味➖我哋仲加咗$168嘅生蠔拼盤， 生蠔質素都唔錯，唔會好腥 有啲海水味➖整體食物嘅味道唔差但唔算有好大嘅驚喜，但係每款嘅造型相當有心思，淨係造型上其實都已經值回票價：）