Mirage Bar & Restaurant

營業中

休息中

前排同朋友去咗萬麗海景酒店嘅Mirage Bar & Restaurant 試呢個「繽紛果漾幻想曲」下午茶套餐☕️首先呢個set最特別就係有Häagen-Dazs 全新雞尾酒系列雪糕 ─ 菠蘿椰香雪糕🍍🥥（Piña Colada）及青檸摩奇多雪菓🍾（Lime Mojito）🍨不過個人覺得呢兩隻味都普普通通🙈最頂層有下午茶set必備嘅scone 原味幾香牛油味 有埋朱古力味都幾特別 正常發揮～第二層嘅甜點包括「荔枝馬丁尼慕絲蛋糕」、「奇異果馬卡龍」、「香蕉拖肥撻」以及「熱情果軟心朱古力」個人真係唔太鍾意 因為全部都好甜😂 個🥝macaron其實完全食唔出奇異果味 唯一覺得幾好係「香蕉拖肥撻」因為個人好鍾意🍌🍫嘅配搭😋最底層嘅鹹點係比較啱我口味嘅👍🏻 包括「大蝦塔可餅」、「手撕雞肉軟包」、「西班牙白毛豬火腿伴蜜瓜沙律」以及「鬆軟迷你牛角包」牛角包🥐中間夾住芒果片🥭、三文魚同cream cheese 成個食好fresh😌 同埋大蝦taco都幾特別 有幾隻蝦好大方🍤🍤 Overall我覺得呢個tea set唔係好好食😂不過勝在環境舒服 可以同朋友坐低慢慢食慢慢傾 同埋最緊要嘅係依家經Openri

放假同老公去食下午茶。餐廳木地板加木枱感覺舒服。面對住大玻璃窗夠開揚，樓底又夠高，但音樂聲太大，傾計要大聲啲。侍應有禮貌，會自動自覺加熱水落茶壺。 繽紛果漾幻想曲下午茶（$488/2位）Cappuccino香濃，after taste唔錯，相對茶嘅選擇就大路啲。下層咸點煙三文魚牛角包足料唔油膩軟包雞味濃但青檸超酸，切粒會比較好沙律碗其實係一粒哈密瓜，一粒密瓜同一粒西瓜配超咸火腿，夾埋一齊食啱啱好大蝦脆餅好味，有菠蘿粒同牛油果，好夏日，好清新中層甜點（順時針）紅色荔枝味慕絲。唔死甜，有荔枝肉響入面香蕉拖肥撻，食到香蕉同朱古力，隻味好夾，而且甜度剛剛好奇異果馬卡龍超甜，但零奇異果酸味，名過其實萬麗美式芝士蛋糕。啡色係餅底配超濃芝士，比較油膩但真心好食熱情果朱古力會爆漿，酸酸甜甜比例啱啱好 我覺得甜品多元化而且中上級數。老公就話甜品偏甜，睇你係唔係甜品人喇。 最上層鬆餅乾身，配clotted cream and jam會比較好青檸薄荷雪芭似食牙膏嘅感覺，我麻麻地菠蘿椰香雪糕好食。有菠蘿薄脆，黑朱古力殼容器，仲有脆脆餅。係誠意之作，因為製作需時。 總結係，食過好多間酒店下午茶，呢間環境一般但食

今日端午節，諗住成日食糭又好悶，見到有人介紹KK Day呢個Sunday Brunch，就同屋企人嚟食下慶祝端午節。呢個Brunch係90分鐘頭盤任食，再加一個main同一個dessert。一入坐，就叫咗一round頭盤試下先，而main大家都叫咗牛扒！坐咗15分鐘左右（完全唔覺自己坐咗咁耐，我哋坐咗係窗邊，佢個落地大玻璃透咗d自然光入嚟，又涼涼地，感覺好舒服）d頭盤就一次過上晒，都幾震撼！先講講個龍蝦湯，夠味，又唔會太咸，我哋仲encore咗多碗！Green Salad d菜好新鮮，佢撈咗少少汁有d味，好fresh！黃鰭吞拿魚他他佢係用個脆皮裝住，個皮勁脆，他他個味又好，有少少日式嘅感覺！日本油甘魚，佢落咗d豉油，個油甘魚好香好滑，正！個煙熏三文魚就一般，冇咩煙熏味！凍肉芝士拼盤就正常！黑松露薯條勁脆勁好味！我一個人差不多食晒！到個main啦，個牛扒都好有牛味，但係就有啲筋，都煎得好香！甜品就叫咗芒果與椰子，個造型贏晒！味道又唔太甜，好食！至於70%朱古力威士忌，好有酒香味，朱古力都好滑，但太甜，只可以食一半！

🍍MIRAGE繽紛果漾幻想曲下午茶 ($439/2位)🍍🏩今期Mirage Bar & Restaurant同Häagen-Dazs🍦聯成推出既下午茶有兩款全新雞尾酒系列既雪糕, 🍧佢地用左青檸摩奇多雪菓同🧉菠蘿椰香雪糕整既甜點都幾正, 👐🏻但係食其他野前要快快手食曬D雪糕先啊! 🧀個人認為個迷你芝士蛋糕同馬卡龍最好食, 💁🏻‍♀️唔會太太甜太漏. 總括黎講, 響酒店呢個環境食到呢個Tea Set性價比真係高既, 🧳佢外賣仲抵添, $390/2位, 🍨仲有4杯雪糕比你帶返屋企慢慢嘆, 正!😎😋總體 (味道, 性價比, 環境, 服務態度) : 8/10——————————————————————————————🍍Mirage Tropical Fantasy Afternoon Tea for Two ($439/2 people)🍍🏩Mirage Bar & Restaurant cooperated with Häagen-Dazs🍦and launched this Tropical Fantasy Afternoon Tea Set, they used two cocktail-

Dinner menuLove their welcoming snack and appetiser!The ham was fruity and rich just right. The appetiser, with cherry tomatoes and strawberries, was really fresh and served its function well to wake up our taste buds😋SteakThe portion was HUGE, we were simply shocked😳Yet the steak wasnt of particularly high quality☹️- rough to chew and not beefy enough.Potato mash was super creamy and buttery, which was such a pleasant indulgence😋DessertChocolate tart with whiskey jelly - you wont be disappointed

本身卜左萬麗酒店同女朋友過返晚😄上網見到有個package 係可以酒店費用用返係餐廳到消費😜見咁抵就即刻買左因為都比較遲booking,網上一早就無晒堂食位🥺但係諗住都係同一座酒店姐 拿上房食都是彈無所謂啦🤣咁我地大概730左右打去order，咁就order左四樣野兩個人食1. 安格斯牛扒10oz medium2. 黑松露薯條3. 西班牙冷盤4. Burger一個咁order左之後隔左20定唔知30分鐘就打上房話有得拎🥰心諗咁有效率想比個大大正評咁我5分鐘都無就由樓下拿左上樓一打開，全部都凍冰冰唔熱....已經心諗做乜野...首先講個牛扒，medium 都切唔開咬唔斷 唔知想點咬落口鞋又un 完全唔知點食...跟住到個黑松露薯條，真係失望到極點平時出面食都係薯條 點下d黑松露醬咁，都唔係d咩特別野點知呢到嗌就係薯條 加幾粒黑松露？？ 我都唔敢肯定係咪黑松露，定還是係純粹炸濃左小小因為個burger餐都有薯條，食落同burger送既薯條係完全無分別西班牙冷盤 burger都正正常常，但真係好好奇 點解可以全部d野食都咁凍 好似擺左幾個鐘頭咁餐廳整好晒d野食我都明 但係咪都應該整返熱先比客

今次黎到萬麗海景酒店staycation，包左呢到嘅趣意四道菜雙人晚餐，環境好有情調，幾岩同另一半食飯飲杯酒傾下計👍🏼Staycation with dinner menu🔅Welcome Snack：西班牙火腿、曼徹格芝士配酸麵包及蕃茄火腿肉質細膩，肉香濃郁，加埋曼徹格芝士呢個配搭無得輸！酸麵包外脆內軟好香口，食完真係意猶未盡☺️——🔅Appetizer：莫薩里拉芝士沙律配草莓、草莓凍腸、羅勒醬及煙燻沙丁魚酸酸甜甜好開胃，純白色莫薩里拉芝士食落口感柔軟濕潤，有淡淡嘅乳香，好中和嘅感覺！👍🏼——🔅Main course：香煎比目魚、蒜蓉波菜、小紅蘿蔔、薯蓉、水瓜柳汁比目魚一上碟香味四溢，煎至金黃色。魚肉特別鮮嫩，非常好消化！菠菜帶點回甘，水瓜柳汁對於烹調魚係非常常見，帶微酸嘅味道。或🔅Main course：烤安格斯西冷、薯蓉、烤蘆筍、花椒白蘭地汁七成熟嘅西冷肉汁豐富、脂肪平衡很好，外皮烤得好香，食落口感紮實。薯蓉好重奶味，一啖西冷一啖蘆筍，好解膩👍🏼——🔅Dessert：菠蘿芝士撻配燴菠蘿、忌廉芝士慕絲、牛油脆餅好清甜嘅口感，加左面頭嘅cream整體入口即溶嘅感覺，芝士撻加咗菠蘿即刻冇

一直bookmark左呢間餐廳，見佢環境幾好，咁岩朋友生日我就提議食呢間慶祝。去到食客唔多，好寧靜，樓底好高同環境唔錯，諗住自己果然無介紹錯啦。。之後order左龍蝦湯，同salad做前菜。龍蝦湯只係暖暖地，唔熱，愈飲愈咸，飲左唔夠一半就放棄左。Salad正常，但Salad都幾難唔好食既，不過入面既配料麻麻，特別係面頭果2條疑似canned food沙甸魚，好腥好酸。。。主菜叫左羊同安格斯牛。。安格斯牛扒($418)，一黎到個樣好似日本快餐出面d 食物模型咁，一睇就覺得勁乾隻色好無食慾，下面用左filter影已經係靚左咖喇一入口.. d肉霉既。。未食過咁霉既牛扒，完全唔覺得係grill，似係蒸或者水煮，仲話係安格斯。。？羊膝正常dd，肉質一樣霉霉地咁，同埋幾騷下，怕騷唔建議叫喇食物唔好，希望環境搭夠啦，點知食到一半隻腳好痕，一睇就見到紅左同鼓起左，咬左成4,5達蚊難。。係酒店餐廳食飯俾蚊咬都係第一次試。。服務方面，職員見到客人企起身'洋'蚊，坐出凳仔避蚊都唔會有人理你咖，亦唔會主動上前fill水，只係普通服務咁囉最後甜品都唔食喇，急急腳走人，大家都失望咁離開

經OpenRice book 有75折優惠。2位埋單$400. 食物質素還好，但無咩特色。飲品我叫左杯iced mocha. 勁淡，無咩味。另外一杯係熱cafe latte就正常。服務都算好。算醒目。

位於香港會展旁的萬麗海景酒店坐擁維港美景，大堂Mirage餐廳的格局開揚，裝修摩登，枱之間的距離還很闊，私隱度十足！沙發椅坐得舒適，在這裏用餐讓人心情愉悅 ¨̮♡︎✧ ✧︎ ︎ ᴛʀᴏᴘɪᴄᴀʟ ꜰᴀɴᴛᴀꜱʏ ᴀꜰᴛᴇʀɴᴏᴏɴ ᴛᴇᴀ $𝟒𝟖𝟖 𝐟𝐨𝐫 𝟐☻ ☻ ☻ ☻ ☻說真的，吃多了下午茶有時都很怕過甜的甜品，而且一般覺得咸點會比甜點出色，但這裡是相反，咸點好吃而甜點更好吃！甜度掌握得剛剛好，甜而不膩！賣相精緻而味道層次豐富，主打夏天清新果味還用的Häagen-Dazs產品，不得了不得了✨✨ 唯一真的要說的話就是scone如果再好吃一點就好了。✧ ✧𓎤𓏯 Häagen-Dazs Mojito & Pina Colanda Icecream infused drinks ☻ ☻ ☻ ☻ 是Häagen-Dazs新推出的雞尾酒味雪糕調出來的飲品，個人偏好重椰子和菠蘿香的pina Colanda，喜歡酒的朋友不妨一試～ 此款需額外付費。

樓底高之餘，仲有個落地大玻璃，外面既陽光滲透入黎，感覺都幾舒服😌午餐時段有個Express Lunch Menu，選擇比預期中多😗▪️ Appetizer - Sustainable Salmon Rillettes Wonton Tacos（8/10）(Express Lunch)個皮係好脆身既米餅，包裹住加上沙律醬既三文魚蓉，同埋陣陣鹹香既三文魚籽，底下有啲碎牛油果粒莎莎醬，微微帶酸，成個感覺新鮮得黎好夾😍▪️ Mains and Steaks - Mirage Deluxe Balsamic and Mixed Green Salad Bowl（7.5/10）with Australian Cooperative Farmed Lamb Chop（7/10）💲208 (Express Lunch)上檯少少嚇親，個兜大到成個臉盆咁，有超香既松子仁、生熟度啱啱好既牛油果、番茄、青瓜、雞蛋、大量沙律菜，淋上適量酸醋，整體幾開胃😚羊架擺盤比預期中馬虎，五成熟，入口都軟腍，不過太多肥膏，變相超重油脂香，完全無羶味，但係就無咩肉位咁，唔夠滿足😅🔎 整體評分（7.5/10）

2021年4月28日 呢間餐廳最出名當然係食牛扒，見到餐廳門口有隻一比一嘅牛喺度坐鎮就知。牛扒全部都係來自美國，有西冷丶肉眼扒丶牛柳丶斧頭扒，任君選擇，應有盡有。呢間餐廳不論係價錢丶服務質素丶環境丶衛生方面，全部都絕對物超所值！今次黎到點左好多野食，多謝Kelvin介紹，今次食美國和牛牛板腱丶香烤露筍丶脆炸薯條丶龍蝦濃湯丶招牌凱撒沙律丶法國走地雞胸⋯⋯甜品揀左造型神似的芒果與椰子。牛扒肉質鮮嫩，走地雞胸好嫩滑，魷魚圈呢個小食整得好好味，次次都要食，必食推介！龍蝦湯都唔錯，凱撒沙律d菜好新鮮，基本上全部都好出色。

少有高質數，外賣自取下午茶外型已經夠晒吸引，屋企都可以食到三層英式afternoon tea☕️ 鹹點係我近排食過嘅外賣afternoon tea質素最好煙三文魚牛角包🥐夠大件青檸雞絲包 味道清新牛油果🥑大蝦🍤墨西哥卷🌮️個皮又脆，啲餡個調味有啲泰式feel, 正😋蛋糕🍰的話個朱古力蛋糕最好食，入邊仲有香蕉，兩個味道好夾。紅色個蛋糕入邊係荔枝味，都好配合而家夏天嘅口味外賣都仲有4杯Haegen Dazs拎走（有曬乾冰唔怕溶）

佢既三層架下午茶好豐富，食完飽到都行唔郁。味道不錯，唯獨甜品太甜太膩。食完仲有Haagen Dazs 雪糕甜品食，都係四百蚊有找，CP 值高，平民價錢，酒店享受。服務方面，職員都好耐心攞住個餐牌介紹個三層架有乜食。三層架未到時，我地要暖水佢都比到暖水，要熱水佢都比到熱水我地。總括佢地服務專業及週到👍🏻👍🏻。位置都叫寬敞，坐得都幾舒適，可以回頭再食。個人推介食物：1）蜜瓜沙律配西班牙白毛豬火腿2）煙三文魚牛角包配芒果及忌廉芝士3）原味英式鬆餅個人不喜好食物：1）香蕉拖肥撻

Häagen-Dazs 聯乘萬麗海景酒店，推出雪糕主題下午茶，用咗最新嘅Pina colada雪糕丶Lime Mojito雪葩，前者係椰子加菠蘿加冧酒，後者係青檸薄荷加薄荷醬加冧酒。繽紛果漾幻想曲下午茶有四款鹹點丶八款甜點，鹹點有大蝦脆雲吞米餅配菠蘿莎莎及牛油果丶手撕雞肉軟包配青檸及青蔥丶蜜瓜沙律配西班牙白毛豬火腿丶煙三文魚牛角包配芒果及忌廉芝士。甜點有茘枝馬丁尼慕絲蛋糕丶香蕉拖肥撻丶焦糖熱情果朱古力丶萬麗美式芝士蛋糕丶奇異果馬卡龍丶Häagen-Dazs青檸薄荷雪葩丶菠蘿椰香雪糕丶朱古力及原味英式鬆餅。匯豐信用卡可享七折優惠。全部都整得好精緻丶好好味，好抵食。呢款期間限定下午茶至到6月30日。服務態度好，環境舒適。