Mo Mo Kushiage (已結業)

呢間餐廳好值得我貢獻我嘅第一次食評！環境10分日本風，同埋地方乾淨整潔，而且價格相宜!佢嘅串揚新鮮整出嚟， 十分Juicy!! 一定要食佢個蝦同埋帶子！我好後悔冇食到佢嘅蟹腳串揚，下次一定要食！😙😙佢啲特製醬汁都超好味! 但係佢個蓮藕蝦餅就麻麻哋最值得一試嘅係佢嘅關東煮，仲好食過喺日本食！個湯底超甜，超好人，完全唔覺得有味精😌😌一定要食佢個牛肉串，超入味而且服務態度超好，服務員超級友善咁講解😌😌

今日有人請食飯✨佢話任我揀 咁梗係揀啲好嘢食啦！宜家去唔到日本 真係好掛住日本嘅美食 上OpenRice見到有間日式串燒店好正 一於試吓啦😋一嚟佢就俾咗幾碟醬汁 紅酒酸汁就係用嚟解膩嘅 食炸嘢都唔會覺得太油膩👍🏻第一款上嘅係凍蕃茄 夏日炎炎 啱啱坐低就有啲咁fresh嘅嘢落肚 十分清爽又非常開胃✨跟住就上咗兩份定食 一個係串揚野菜定食配冷烏冬 有北海道男爵薯仔 日本山藥 蓮藕同美國蘆筍串燒 而另一個係串揚魚定食配冷蕎麥麵 串燒就有鯑魚同海鰻魚 炸粉好薄 食到魚嘅鮮味👍🏻鹽燒牛舌 趁熱食好爽口 超好食🤩日本門鱔 同樣鮮味✨飲返杯日本酒一杯柚子梅酒一杯梅酒 好飲又消暑啊😇

朋友介紹去咗呢間尖沙咀新開主打大阪炸串嘅餐廳，店內裝修幾舒服，走簡約日本風。坐低嗌左枝空藏生原酒大吟釀，口感乾身爽口，不太甜帶辛口，同炸串食物好配合。前菜南瓜沙律，係薯仔沙律的變奏版，有南瓜嘅清香及少少青瓜爽脆，入口好清甜口感軟糯。炸雞翼，面有少少芝麻碎及日式醬汁，味道似某間日本出名的炸雞翼店。呢度食物似大阪炸串，但外皮絕對冇咁厚，外層比較薄，用了比較細緻嘅麵包糠，所以入口冇咁榎口及熱氣，油温控制得宜，不會油淋淋。炸山藥，口感爽脆，味道清新，有種獨有嘅滑捋捋的黏口感。炸蒜頭，用了日本嘅蒜頭所以口感軟綿，炸過之後冇咁辛辣，有蒜頭香又不喇鼻。帶子三文魚子籽，帶子非常厚身，生熟剛剛好，食嘅時候加埋外層沙律醬汁及鹹香嘅三文魚子，味道互相配合，口感交融。法國血鴨髀肉，入口髀肉非常之柔嫩，鴨肉好細緻，味道清甜，一啲都唔臊。炸西冷，出奇地口感粉嫩，中間依然帶粉紅色，肉汁豐富，肉味油香剛好。炸半熟玉子，滑溜溜嘅玉子加上脆口外皮，口感特別，加上流心蛋漿，有畫龍點睛效果。關東煮揀咗五款嘅食物，有日本蛋，蘿蔔，里芋，年糕福袋及男爵馬鈴薯。昆布柴魚湯底夠鮮甜，啲蘿蔔里芋年糕都非常之入味，湯頭帶出各種鮮甜味。最

話說疫情關係，已經好耐冇去過尖沙咀食飯。今次朋友介紹嚟到呢一間，應該係居酒屋嘅地方。我睇佢晚市應該會做一啲居酒屋嘅定食，今次我哋就嚟食午餐。我哋點左既炸物分別為牛肉同海鮮。我自己個人就比較鍾意食海鮮，因為十分之新鮮，其中包括左炸帶子同埋蝦，重點係帶子係冇散晒，10分正！同時間牛肉都好唔錯，非常嫩滑，而且佢個餐嘅份量亦都十分之實惠，仲可以揀茶漬飯，我個人非常之鍾意食佢個蕎麥麵！最後呢一個甜品亦都好唔錯呀

/食咗咁多炸野點減肥呀😭 📍Mo Mo Kushiage (尖沙咀)尖沙咀厚福街12-12A號藍馬商業大廈21樓掛住日本 唯有去#居酒屋 當自己去咗#日本餐廳裝修企理簡潔 以木系為主 坐得舒服 食物都幾高質😋雖然佢係炸串 但炸漿唔厚 食落唔算太油膩👍👍如果頂唔順可以order多幾份日本椰菜同蕃茄仔解油膩我order咗#魔鬼魚燒魚翅邊 #天使蝦 #蘆筍 #鴨胸時菜卷 #芝士豬肉卷 #豚肉 ......其實炸完出黎個樣都差唔多 我認唔到🤣🤣#特別推介😋#饎魚 食落好香脆俾多春魚多咗份回甘味😋#飛魚子昆布 入口嗰時有好濃郁嘅飛魚子味口感好似爆炸糖咁 不停係你個口到爆爆爆Umm 其實佢除咗炸串仲有#關東煮 🍢大家有機會可以去試吓#hkfoodie#hkkol#kolhk#hkinfluencer#香港必食#尖沙咀必食#串燒居酒屋#炸串#炸物

平時大家去日本大阪旅行係咪多數去魚市場食嘢㗎？其實炸串亦係大阪名物嚟晌通天闊一帶都會有好多間炸串店而家晌香港都有得食啦！店家將食材炸到吉列酥脆，一啲都唔油再點自家製紅酒醋嚟食 ～ 非常之正👍🏻邊食邊炸，所以每份都keep住熱辣辣、脆卜卜另外，佢哋嘅開胃小食都好好味😋.🔸前菜新鮮清甜嘅青瓜、紅蘿蔔、葛，點自家製嘅紅麵豉，香中帶辣，好開胃又惹味。.🔸磯煮鮑魚超彈牙！煮得好入味而又唔會過咸，醬油味好香，好好味！.🔸白子口感綿滑、入口即溶、非常鮮味！綿滑嘅質感配開胃嘅酸醋，十分之夾。.🔸凍番茄看似好平凡，但食入口好甜、好juicy、好青新，感覺好清爽，好適合咁熱嘅天氣食呀！.🔸炸雞軟骨炸得酥脆，配檸檬汁好開胃，送酒一流.🔸甲羅燒配多士蟹膏+鵪鶉蛋，蟹味好濃郁，質地好厚、好滑，配脆脆多士食好正！.🔸炸串▪️炸蠔：新鮮肥美，唔算好大隻，但好juicy ！▪️炸豬踭：厚身啖啖肉，口感鬆軟，滿滿骨膠原。▪️炸鵪鶉：食落似雞髀肉，但質地滑啲，而又冇雞髀咁肥。▪️炸蝦餅：厚身、彈牙，面頭有他他醬同粒粒三文魚籽，口感非常豐富，好好食！▪️沖繩蒜頭：食落個質地似有蒜味嘅薯仔，幾得意。▪️炸芝士：拉絲效果一流，味道唔會好咸

早前在專門介紹日本餐飲的網上傳媒當中，看到介紹這間新開的炸串日本餐廳，稱聲是香港首間串揚專門店，所以相約好姐妹前來吃個午膳。餐廳提供少數吧枱和大量的普通座位，可讓顧客入座時多個選擇。裝潢方面可見從門口以至於內部整體，皆是一致使用上木系設計，再配襯上柔和黃調吊燈，環境讓人感覺溫馨舒適。現時餐廳有推出限時優惠，從即日起至 5 月 31 日，只要有追蹤讚好餐廳的 社交平台專頁，即可於堂食消費任何產品後，以每人 $1 優惠價加購任何款式串揚，價格着實是極為吸引。午市串揚定食套餐選擇了 5 號餐的串揚牛肉定食，可享有安格斯牛西冷 4 串，並且包含有沙律、麵豉湯、白飯。主角串燒色澤炸至金黃，外層粉漿厚薄適中，食用時酥脆爽口，甘香不膩，內裏肉質牛味濃郁，嫩滑多汁。沙律爽脆甘甜，清新開胃。麵豉湯鹹香味濃，鮮味十足。白飯甘甜黏稠，鮮香綿嫩。日本海鰻魚海鰻魚又名虎鰻，是屬於一種底棲兇猛的魚類，主要生活於深50公尺以下的水底之中，其特色是膽固醇和脂肪含量較低。師傅把兩件魚肉拼作一串炸製，食用口感肥美不膩，紮實香滑，鮮嫩清淡。日本冬菇冬菇同樣選用來自於日本的產品，其外層炸漿製得恰到好處，味道鮮香脆口，而內裏的

今日去開尖沙咀，就去到厚福街試吓一直想試嘅日本串燒。厚福街真係冇改錯名，成條街都係好多高質素嘅餐廳。今晚就去到Mo Mo Kushiage，好多串燒種類，花多眼亂。首先叫咗薯仔沙律，磯煮鮑魚，同埋燒鱈魚乾。我好鍾意個鮑魚，吸收晒甜甜地嘅汁，非常咬口嘅鮑魚。燒鱈魚乾配，脆香魚乾配mayonnaise 醬，特別開胃。然後就係一輪嘅串燒，有巷島豆腐，山藥，日本蠔，炸豚足，鴨胸金時草卷，日本鱔魚，日本年糕等等。日本蠔非常多汁肥美，炸完都彷彿仲有海水嘅味道。炸豚足肥膏分布適中，鹹鹹地，但入口即溶。而我最鍾意係日本膳魚，魚紋分布令魚肉保持水分，味道突出。而最後有一個有五款食品嘅關東煮作結，有雞蛋，豆腐，蘿蔔等等，感覺就好似喺日本食到嘅關東煮一樣。店員非常專業有善，餐廳環境有居酒屋嘅感覺，很美好嘅一晚。

無意中見到呢間試業中嘅日本炸串店 去咗食午餐定食 止下去日本癮我同朋友分別叫咗串揚雞肉定食同串揚豚肉定食雞肉炸串 每串上面都有唔同醬汁 包括有明太子 芝士 芥末 梅子 而豚肉炸串係西班牙黑豚肉 跟咗兩款醬汁 分別係味噌同芥末 我自己就比較鍾意食味噌味 因為酸酸甜甜更加開胃兩種炸串個炸漿都唔厚 食落唔油膩 配搭呢間店自家製嘅紅酒酸汁 更加解膩 我自己就鍾意食豚肉多啲 因為口感爽啲 男朋友就鍾意食雞肉串多啲 因為覺得雞肉嫩口啲 個Set除左有炸串之外 仲有沙律 麵豉湯 同時亦可可揀配茶漬飯/凍烏冬等作主食 我哋分別叫咗一個銀魚仔茶漬飯 一個凍烏冬 茶漬飯食落幾暖胃似中式食開既泡飯 凍烏冬係讚岐烏冬 超級煙韌 而且會配埋生嘅鵪鶉蛋汁芥末蔥花等畀你撈埋D汁一齊食 男朋友就好鍾意喇野飲叫左Ginger highball同柚子檸檬梅酒 一路食串燒一路飲下嘢傾計 加上環境都唔錯 感覺都幾relax最後叫咗個椰子雪糕 好有椰子味亦好滑 為呢餐畫上完美句號

你喜歡吃日本料理嗎？今日我們到的那店，可能會給你驚喜！因為今日下午到尖沙咀逛逛，途中經過藍馬商廈的Mo Mo Kushiage招牌，價錢也滿意，所以就去這地方吃個午飯。看見餐牌除了有定食，還有不同款式串揚、前菜、一品料理及關東煮。經防疫手續後，便被引令入座，十分幸運坐在我喜歡的窗邊卡位。木製座椅，有格調的佈置，十分舒適。喜歡所播的歌曲，有悠閒舒適感覺。我們叫了串揚魚定食（日本海鰻魚2串丶日本鱚魚2串）定食及串揚豚肉定食（西班牙黑豚味噌豬柳2串及西班牙黑豚芥末豬柳2串）定食。另外加了飲料及雪糕。首先待應生端上自家製的紅酒酸醋汁（以減低串燒的油膩度！）、辣噌味醬及芝蔴醬。很細心啊！串揚豚肉定食：（西班牙黑豚味噌豬柳2串及西班牙黑豚芥末豬柳2串）定食銀魚仔茶漬飯剛熟小小銀魚仔佈滿了飯面，撒上海苔和蔥花，攪拌後吃，啖啖都有小銀魚，有蔥心香味，肥嘟嘟的飯粒，很喜歡它咸度適中，滿足！🐷味噌、芥末豚肉：豚肉串炸得恰到好處，潤嫩不乾，外脆內軟，配上不同醬汁，感覺清新美味，蘸不同的汁，豚肉給你的感覺又不同，每口試著試著，不經不覺，肉串一掃而空！🥗前菜：新鮮沙律菜和蝦肉，成功的挑起你的食慾。🥄味增湯：熱辣

一入座看到有我喜歡的淺間蘋果甜酒，二話不說先叫了一杯，甜甜的蘋果香，酒味不重。前菜叫了燒鱈魚干微暖且脆卜卜，食落有陣陣鱈魚香。冷盤則叫了日式凍豆腐和蕎麥麵。凍豆腐上面有些薑蓉和木魚碎，入口冰涼口感滑。而蕎麥麵味道偏淡，爽口彈牙，加了鵪鶉蛋後口感變滑味道不錯。什錦飯有很多三文魚籽還有帶子和蝦，份量很足，味道也很新鮮。炸蓮藕爽口且不油膩。日本天使蝦肉質結實爽滑彈牙，連炸蝦頭有蝦膏，炸到脆卜卜。炸豚足亦即是炸豬手，外皮脆口，豬手肉質腍軟。而炸雞翼都是外脆肉軟，很好吃。荷蘭豚肉卷(蔥)由豚肉包裹著數條蔥，咬落去時入面的蔥令豚肉充滿水份，味道不錯。唐揚磯煮鮑魚我最為喜歡，非常入味亦不失鮮甜味。松葉蟹腳鮮甜之餘有蟹味又不油膩。關東煮選了牛肋肉兩份、蘿蔔、炸豆腐和板魚蛋。我喜歡較入味的牛肋肉夠腍軟和蘿蔔的清甜。最後想提一提店員安排入座後奉上的紅酒燒汁，個人很喜歡它令串炸更好吃。另外還點了京姬柚子x檸檬酒的檸檬味道較重，後勁是柚子味感覺很清新。

星期五試新野 食炸串！叫左幾款炸物 有流心蛋 魚子蝦餅 蟹棒 仲有廣島蠔 每款炸串都要2串起跳 如果2個人黎食就只能夠試幾款。。味道一般般 勝在新張期內有8折 仲可以加$1換一串串燒 而且所有串係即叫即炸 逐串逐串上 都試得過既。。反而最驚喜係有最試好耐既白子 次次去日本都食唔到 估唔到第一次食竟然係香港 加埋酸梅紫蘇好特別 又開胃🥰另外叫多左個茶漬飯 同魚生飯 細細碗 唔會搶左主角風頭

大熱天時最暢快就係同朋友飲兩杯～今次去左食炸串燒嘅居酒屋～薑味highball同生啤都係唔少得～一飲真係透心涼啦～爽呀～前菜薯仔沙律同鮑魚，食得好滋味～🍗｜法國血鴿髀肉｜$58鴿髀肉做炸串燒我第一次食～西式日式融合又無違和感喎～肉質好嫩滑😃🍤｜天使蝦｜$68不同一般的蝦肉，超級爽口～可以吃掉整個炸脆左嘅蝦頭～🦪｜日本帶子｜$48超巨型帶子，加上三文魚籽，個種美味可口非筆墨可以形容～🥓｜鹿兒島豬梅肉｜$48燒出豬肉濃郁香味，質感腍滑但有嚼頭～🥔｜炸蓮藕｜$28蓮藕好鬆脆，脆粉唔會太厚，所以食落都唔會太油膩～🍲｜關東煮｜$118五款材料包括日本年糕、蒟蒻、豆腐、薯仔、蘿蔔～煮得入味，湯汁好清甜～🍚｜明太子茶漬飯｜$58🍚｜銀魚仔茶漬飯｜$58食完炸物，兩杯落肚，最好就係食茶漬飯～一來夠飽肚、二來又可以清除油膩感～

今日忽然好掛住日本🇯🇵，所以就約朋友仔去食日式炸串，呢間位於尖沙咀厚福街新開有關西的特色日式串炸專門店。店員同我地傾計時有提到，佢地既食材有八成材料由日本新鮮直送，即點即炸。未食炸物之前先試下佢地既小食燒鱈魚干 ($48) - 鱈魚干燒得很香脆，不點沙律醬會食到燻鱈魚味，點了加咗七味粉的沙律醬，又會有另一番風味炸雞翼 ($58) - 肉嫩又多汁南瓜沙律 ($48) - 南瓜蓉配上雞蛋碎、南瓜粒，食落好綿密，不錯不錯酸汁白子 ($98) - 白子獨特的味道及口感，不是人人都喜愛，配上酸汁去腥氣，口感嫩滑餐廳主廚好有心，自家製作醬汁，用了紅酒、果醋等調配而成，可減低油膩感，提升食材鮮味。松葉蟹腳 ($48) - 炸蟹腳外脆內鮮，炸漿不會太厚，蟹肉鮮嫩日本天使蝦 ($68) - 天使蝦的蝦肉彈牙，蝦頭也炸得很好味 美國蘆筍 ($28) - 蘆筍爽口，炸完也可以補留蘆筍的水份，高手，一串有三條青森蒜頭 ($28) - 今次第一次食炸青森蒜，原來味道不錯，甜甜的，一點都會嗆日本鯡魚子昆布 ($58) - 鯡魚子有脆脆的口感，中間夾著昆布，食落好有層次，值得一試日本鹿兒島黑豚豬梅肉 ($48) -

放假男朋友話想食日本菜找來了這一間位於尖沙咀厚福街的 — Mo Mo Kushiage 一起吃午餐下午有午市定食 和男朋友一人一款味噌醬料和紅酒燒汁最特別是自家製秘製醬汁緩和油膩感餐廳限時優惠Like FB / Follow IG +$1 任選四串半熟玉子 第一次嘗原粒炸雞蛋 挺過癮日本蠔 炸吃得出新鮮蠔香 正蘆筍 鮮嫩香脆 不錯不錯蝦餅三文魚籽 彈牙蝦飯帶鮮蝦香 配上醬料和魚籽 多種滋味 必點推薦串揚牛肉定食定食均配有開胃漬物、芝麻醬蝦仁沙律、清甜味噌湯串揚牛肉四串 和自家紅酒燒汁最搭主食選了銀鱈魚仔茶漬飯 香香的 不錯不錯串揚海鮮定食串揚海鮮包捨帶子兩粒、鯡魚子餅和蟹棒兩串帶子大大粒 入口啖啖肉 正鯡魚子口感彈牙帶魚鮮香 好喜歡蟹棒不用點醬汁能吃出蟹香 好味道這款配上熱烏冬 彈牙清甜又好吃關東煮選了魚蛋 蘿蔔 炸豆腐 年糕福袋 蒟蒻選用日本食材魚彈彈牙 蘿蔔清甜 炸豆腐豆香濃濃年糕福袋沾上湯底清甜的湯汁 好滋味蒟蒻爽彈 口感不錯淺間 梅子 甜酒梅子味香濃 和這一餐很搭烏龍茶割燒酌主調是烏龍茶香帶點點燒酌酒啖 挺特別