Moment Cafe (已結業)

上個星期四係我女朋友的生日前夕亦都係我地拍拖一週年記念日，由2月尾開始已經不斷搵地方慶祝。女朋友鍾意熱鬧，想搵個地方同一班朋友玩返晚，但又唔想佢D朋友用太多錢，搵咗好耐，終於係朋友口中得知呢間樓上CAFE。因為本身係港島人，不熟悉九龍區，又想不容有失, 令女朋友開心滿意，於是同朋友預先早幾日去試食兼睇下個場。去到環境都舒服，可以望到海景，而且仲俾我發現佢地有個鋼琴，可以俾D驚喜女朋友。試咗佢地個set dinner，豬仔骨、意大利飯 & 千層麵，味道唔錯，屬中上。食完就決定落訂book場……………到正日我預早打電話俾老闆夾個RUNDOWN，我想係攞個蛋糕出來時彈首女朋友最鐘意既歌”追”送俾佢。老闆好好人，完全配合我，仲幫我預先SET好D音響。女朋友當然又SURPRISE又感動啦~~~食物方面都OK，$175 PARTY MENU有以下食物:1. 田園蛋沙律 (Comment: 菜新鮮, 蛋和沙律醬的比例剛剛好) 2. 薯條 (Comment: 一般小食, 大大碟, 新鮮炸, 點沙律醬OR茄汁一流) 3. 春卷 (Comment: 不過不失, 可接受) 4. 咖哩角 (Comment:

26/12 boxing day要包場(22人) - 又要有環境氣氛,乾乾淨淨,野食唔好太差,仲要就腳......價錢唔要太貴,合理價錢啦~~問過旺角個d cafe都幾貴下~好彩諗起佐敦有間moment cafe.地點係佐敦近尖沙咀又方便. 唔好講笑!開party緊係揀d就腳架啦~5湖4海既朋友都容易黎到同埋搵到正因為我係搞手,個晚搞左化妝party,班朋友仔要玩行catwalk, 好彩老闆都識做!幫我地set好d枱枱椅椅,將d枱枱椅椅擺埋一邊又有得坐,又有得行~辛苦哂佢地,特登整條路比我地行catwalk.(希望佢地唔好介意我地咁麻煩)開始party食野先~~~沙律 : 田園蛋沙律 、煙鴨胸小食 : 春卷、咖哩角、薯條、忌廉煙肉薯蓉、瑞士雞翼-要特別讚係瑞士雞翼. 嘩!d瑞士雞翼又香,d肉又滑, 最重要係d瑞士雞翼汁,超好食!!!我d朋友個個都話好食~-忌廉煙肉薯蓉. 之前我都有整過煙肉薯蓉, 佢整得個味道適中,又唔太咸,唔太淡,整得好好食~因為有小朋友係到, 春卷、咖哩角、薯條岩哂佢地。主菜:牛油蒜蓉時疏 青咖哩雞配蒜蓉飽BBQ汁燒豬仔骨香草烤羊架肉醬意粉西炒飯 飲品 : 凍檸檬茶

呢1晚我地1行11人約食飯~有人建議呢度好食~環境又好!咁我地就一於訂位啦~我地一早已經order定10 人 份量~11個人一齊share食!menu:1. 羊膝2. 豬肋骨3. 卡邦尼意粉4. 茄汁海鮮焗千層麵5. 烤雞凱撒沙律6. 芝士蛋糕7. 薯條上到去7點半~由於未人齊~我地未叫佢"起菜"~玩左一陣~其實我地都好肚餓喇~都叫佢照"上菜"~唔等其他人!!o個陣大約7:45pm~但去到9:45 pm先黎齊晒D野食….呢1餐~我地食左2個鐘~係2個鐘呀!有個半鐘以上係等上菜既時間~食只係用左大約半個鐘….知唔知點解要咁耐??因為佢煮左散客d野先囉之前訂枱時~我已經問過佢1人份量($120@)有幾多件ribs/lamb....佢話唔知點講喎....到最後....個個都食唔飽~而我....餓到胃痛左1晚首先講環境~其實環境幾好~落地玻璃望住警處署、中港城 o個邊~幾靚!!可惜既係~我同另外2個同事都唔知俾d咩咬到隻手1粒粒~好痕....地首先係腳痕~痕到dum晒地~之後到腳板底都痕埋....最後~我同同事既手都有俾野咬既紅印....全晚我地又唔見有"蚊芝仔"~咁你話係咩乜咬我地呢!!?其

經常在佐敦一帶出沒﹐從不知道在繁忙的十字路口某棟商廈的頂樓有這麼一間景觀一流的餐廳﹐望看九龍公園﹐下午時分晒著太陽嘆花茶吃蛋糕﹑與友人們開懷暢談﹐愉快兼注入大量正能量﹐各人無論在生活及攝影路上都繼續努力互相扶持吧~ 0.07

呢次係我第一次係openrice leave comment。特登為左呢間cafe 開account為了慶祝生日，搵地方搞party, 我行左成個銅鑼灣的cafe 又上網seach 過。結果間間都唔o岩心水，唔係價錢太貴，收哂各樣雜費，就地方唔夠大唔夠靚，而且有好多間仲係已經係好"媒"cafe有幾次同cafe 問資料，仲谷到我成肚氣!一Ｄ都唔想係o個Ｄ地方慶祝我的生日。今時今日，同一個價錢，我搵到呢間MOMENT CAFE 真係好好彩最初睇到openrice 上面d 留言　真係有Ｄ擔心因為好多CAFE 搞PARTY 都諸多限制　overrun 要收錢　野食又少種類又唔得不過原來呢間CAFE 剛剛轉手　同d comments　真係好唔同一開始老闆娘仲就好易話為，唔收加一，唔收切餅費，仲反而問返我地想玩到幾點好到令我有Ｄ介心，係咁真係咁荀呀？地方：呢間cafe, 係我搵ge 樓上cafe 最靚ge一間　有落地大玻璃，有bar 台個FEEL 好好　又有Ｄ LIGHT EFFECT影相都效果好正! 而且我搞ge係Theme Party 佢夠private 洗手間好乾淨!娛樂：呢到有Ｋ　唱　有好

已經幫襯呢間Moment Cafe好幾次, 每次都享受到嗰兩位姨姨好友善的招待 雖然小妹及同事們通常只能在平日一至五大老世出差日子的午膳時段老遠坐車出佐敦幫襯此Cafe, 但每次去到都好似包場咁(因午膳時段少) 食物方面Cafe內全是即叫即煮的. 但因屬小本經濟, 所以選擇款式均有限(通常有5款). 興幸每次都一樣般美味 用膳後的飲品定必選擇香濃咖啡. 但如果不懂欣賞店內提供之專用咖啡奶(因少許帶點騷味), 可自攜獨立包裝奶(Pacific Coffee內有提供)或另選可口朱古力 值得一提是Cafe內設有多種玩意如Karaoke及無線上網,不失可成為一個私竇的好地方

因為要去童軍中心seminar, 所以約了友人到附近食lunch ~未上去之前 .. 還以為這是一間普遍的樓上cafe 一食 ~ 嘩 .~ 個三文魚忌廉意粉 ~ 好好味 ~個汁cream同sour cream較得剛剛好 ~杯coffee係 vietnam style ... 幾特別 ... 但我唔太識欣賞 =p風景也不錯呢 ~p.s. 老闆唔識中文ga ~ 不過好nice ~

興致勃勃咁同20個朋友上去攪party,因為唔小食評都話呢間cafe唔錯.book場要俾訂$200,這是什麼理由..不打緊.但為何會是如此的食物.........20個人的食物是.......一盆咖哩角加埋春卷一盆海鮮意粉一盆芝士西蘭花一盆雞塊(大細係西蘭花既一半)一盆雞扒(大細係西蘭花既一半)一碟芝士腸(得20條)汽水6渣+每人一杯茶餐廳野飲(當晚只有檸茶,檸水,咖啡.)就是這些問老闆娘點解得咁小野食,而老闆娘答案係: 係咁多ga la,你俾咁既價錢係咁上下.作為食客基本要求係:夠食,美味呢間cafe一來唔夠食,二來有既野食係蒸煮多過炒焗,難有食物味道上既特破.總括來說,未去過既盡量唔好去,而我唔會再去.ps. 呢間cafe有加一服務費.雖然有明星去過,但唔知幾多年前既事.

琴日我地一大班廿個同學去個度攪生日party, 聽朋友講幾好, 又話老板娘點點點, 但事實係兩回事, 我個朋友話唔會收加一, 又話食物可以任食, 任條毛啊!!! 今日見到個朋友俾呢條link我睇睇, 剛剛第一次係openrice睇到間野詳情係點, 先知得個3.4分, 見到好多人係度留言讚(老板娘好好人, 唔洗收加一, 又話送蛋糕, ) , 我覺得以上既言係做妹既, 實情如下:我朋友話....係電話度已經同老板娘傾好架喇, (老板娘話唔收加一, 又話可以提供好多扒類, 飲品可以任叫, 除酒精類)事實上食物又少,我地20個人, 埋單$2200 有咩食呢( 豬扒約兩磅半), (雞扒約兩磅半), (鴨胸約20多塊), (芝士腸炸薯條咖哩角共約四磅), (芬達忌念可樂各兩支1.5公升),我地飲哂喇, 佢話用哂汽水@..@簡直大話 (意粉約五六磅), (再加埋兩磅幾既菜)跟著..........無喇@@( 以上既磅數我懷疑自己可能俾多左) ( 味道方面跟本同出面我係街度食既差唔多, 無咩分別 , 可能篤串魚蛋仲好味) 每人另有一杯野飲(號稱咩都可以飲, 但只有........凍檸茶,

我們第一次去這間Cafe~我們每人一個Dinner Set以食物及飲品方面：食物主要為~肉眼扒、魚柳、羊仔骨、鴨胸意粉、Oreo Cheese Cake肉眼扒-肉汁多，生熟到達到客人要求魚柳-很軟口，入口化~羊仔骨-比想像中好~個人很怕那些羊蘇味~但這次吃不到一點羊蘇~鴨胸意粉-意粉爽口~而Cheese Cake個人覺得一般飲品方面：菠蘿沙冰~夠味~比想像中好!~環境方面：可能因為我們去的時間是8:30pm~加上位置偏一點~所以那天我們可說是"包場"那兒有K唱~有電視睇~有迷你麻雀~及一些牌類~=w=+下次一定會再去幫襯!!!以這種食物質素，個人覺得是很抵！P.S.:8人 $1000多結單~

7月3日 同朋友一齊去moment　ｃａｆｅ！　食完晚飯想走時．．．．廚房有一好香好香的味道！我就過去睇睇～～～！原來佢地焗ｐｌａｚａ食真係好香，他們仲請我食tim真係好好食！可以一試我仲食左個　ｏｒｅｏ　芝士ｃｈｅｅｚｅ　ｃａｋｅ　

(15/12/07)報章的相片看到環境、飲品、食物都幾好,我建議朋友一起來。上到去無客(後尾有班訂左枱既人客)。枱椅、各樣擺放感覺求其。餐牌食物多是煎炸、意粉多是海鮮類,朋友皮膚敏感,無野o岩食。其實我都係想試佢既咖啡咋。求其叫左兩個tea set:潛艇熱狗、芝士腸+秘製雞翼。朋友要果仁咖啡,佢話同普通咖啡無兩樣。我的香蕉汁咖啡就很好味喇!很似smoothy,而且很有香蕉料!不過賣相就完全唔係報紙個靚樣o羅!又被騙了!!秘製雞翼,就係好細隻既炸雞翼之麻!樓上cafe間間都係油氣沖天,走時成個人都好臭。no next time lar!

28/8 (星期一)朋友老公出外公幹,於是相約晚飯,想起她侄仔在這裡做暑期兼職,於是來捧場,8:00pm來到無人客,感覺像是二人包場一樣,我並不太喜歡這裡的梳化,其一不好坐,其二有些陳舊,不過我們來都只是吃並不久坐.今晚二人點了一個set dinner 煙鴨胸肉薯蓉,紅豆米網春卷,餐湯是綠豆湯味道幾清不過稠了些,鴨胸肉配上大廚自己調製的黑醋汁,味道好夾好味,而薯蓉是用原個新鮮薯仔煮成蓉並不是薯粉,咬落還有薯仔碎粒,至於紅豆米網春卷雖然不是自家製造,但即時炸,熱辣辣,外脆內軟,紅豆蓉又不太甜,連平日不太喜歡吃甜點的朋友一來到就說要吃這個,因上次吃過後她說好好味,還有一杯餐飲要了熱朱古力奶,可能加了奶的關係,朱古力味自然不夠濃,不過這是我個人偏愛,朋友侄仔告知原來已經換了大廚,今次吃到的綠豆湯,黑醋汁,薯蓉等食品都是這位新廚自己創意的,雖然並不是人人都受落,但起碼對食物製造有誠意,值得鼓舞.是晚我們有幸免費試食他們自製芒果凍餅,好味而且比起外面的某些餅店一樣有水準,今晚除了有甜品送還有折扣呢,我們二人吃得飽之餘又好滿足.

告解告別會。這晚的天台餐室格外寧靜：對於兩個心事重重的少女，和其他零星的少女組，倒是件好事。這裏的食物，用的不是甚麼上盛材料，也沒有花巧的餐牌、烹調來陪襯- 倒有些私房菜的意味。吃著說著，話到半路，突然語塞；不約而同，眺望維港夜景。雖然景觀不同，客路也也許不同，這倒像九龍半島上的山頂PCC。

生日晚餐由baby同honhon們策劃,神秘到自己連地點都唔知,只係知係佐敦等,最後一分鐘由baby帶我由街口向左行,我已經估到係moment cafe!環境暗暗地,好似幾好feel,而且位處頂樓,好有居高臨下感覺,仲有少少維港夜景,景觀又幾好bor!由於有訂位,所以可以坐到大梳化,舒服!!最特別係檯面放左好多baby至愛黃色膠鴨仔,初時我仲以為係honhon們搞既佈置,原來唔係喎。晚餐選擇唔多,我地都係揀左雞扒同鴨胸,分別配意粉或薯蓉。西蘭花忌廉湯: 一碗淺綠色既湯,如果唔係睇到係西蘭花湯,我會以為係青豆湯lu,味道ok,口感幾滑但唔夠熱。雞扒意粉:份量真係幾細,男仔未必夠,女仔勉強還可以。雞扒用香草醃過,味道ok,煎得外表金黃香脆,入面就仲有肉汁,幾好;意粉係較幼身個款,不過未至於係天使麵,口感唔錯,有咬口,不過有朋友認為稍硬;茄汁就普通左少少,聽其他食鴨胸朋友講,鴨胸個黑醋汁好正,如果可以轉黑醋汁,應該會更加好味。iced latte: 用紅酒杯上,視覺上幾ok,只係味道偏淡,咖啡味道唔濃,唔係我杯茶。我的生日蛋糕--芒果芝士蛋糕,味道真係幾好!我自己覺得好似食緊芒果布丁/楊枝甘