32
8
3
港鐵油麻地站 A1 出口, 步行約3分鐘
繼續閱讀
電話號碼
65570724
附加資料
星星主題cafe
營業時間
今日營業
12:30 - 23:30
星期一至日
12:30 - 23:30
公眾假期
12:30 - 23:30
公眾假期前夕
12:30 - 23:30
以上資料只供參考, 請與餐廳確認詳情
-
網上訂座服務暫停
剪片剪到天昏地暗9點幾不想煮飯於是又跑上來這時段客人已經走晒,意外地包場更意外的是老闆娘竟然認得我還問我想吃什麼,是否照舊(我才上過去4,5次!計都未傾過太多)自問不算是太偏食的人但老闆娘竟然記得我喜歡的食物和小習慣所以說小店比較人情味是沒錯的突然好想食炸豬扒最後就沒點上次的蛋包飯店新加了好多裝飾碟都換了新的加上桌上的燈職業病又發作左調右影的影到碟飯暖咗先食味道不過不失店做緊周年活動食完飯食不到6折窩夫加9蚊要了件曲奇芝士蛋糕餐後甜點唔太甜為今天的疲累劃上完美句號
繼續閱讀
有台灣同上海朋友嚟香港參加我嘅婚禮,佢哋搭飛機過嚟,婚禮後隔日就走,所以我搞完三朝回門同埋還衫,就同佢哋聚餐一下。因為搞婚禮太忙,完全冇時間去搵地方食飯,上次嚟過坐得舒服,冇限時又唔貴,就直接再嚟呢度。本來book 6點,但我太多野搞,搞到遲晒到,坐低都6:45了!今次得4個人,人太少,冇得用上次兄弟姊妹嗰個餐牌(上次個餐牌好抵食),不過都有多人餐,又有沙律又有小食幾豐富。老闆娘見我哋講國語就搭嘴問邊度嚟、去咗邊度玩咁,講講下先知我上海朋友原來係今晚9點幾飛機,旺角入機場都應該要一個鐘左右,嚇到即刻同我哋加急整野食!但因為今次係即叫即整,上菜速度比上次慢,結果出到第一個主食,大概7:20,我朋友食兩啖就要趕去搭車入機場!沙律揀番上次好好味嘅凱撒沙律,婚禮完咗我唔使戒口,可以狂食煎炸野!粗薯條即炸熱辣辣,外脆內軟,好正!原來台灣人唔知乜野係咖喱角,就叫咗咖喱角俾佢試吓,佢話細細隻三角形咁,好得意!個餐冇瑞士雞翼,就叫咗蜜糖雞翼,甜甜地幾好味。主食叫咗粟米蜆肉飯同雞肉茄汁意粉,一紅一白,一飯一意,今次冇汁怪,但個飯都好多汁,同埋份量真係好多,我哋食完個飯(加上得返3個人),個意粉食咗少少已經食唔落,結果又係打包拎走!最後大家都好好奇朋友趕唔趕到飛機,可能因為冇行李,所以係趕到嘅!多謝你哋專登過嚟參加我嘅婚禮!
繼續閱讀
呢間cafe個大廈入口係條巷入面,都幾難搵!搵左好耐結果要打去cafe問先搵到!平日夜晚去到發現我地係包場!有選擇困難症既我地揀左好耐先決定到要食乜!叫左豆腐沙律🥗 好fresh,豆腐滑嘟嘟,同芝麻醬好夾~ 👍仲有柚子雞翼! 呢個係期間限定既,d柚子蜜唔係就咁擦喺雞翼上面,而係d柚子醬包住晒成隻雞翼,鹹鹹地但又唔會死甜!😋另外叫左煙三文魚忌廉意粉🍝 意粉有d硬,不過就唔係茶記意粉!碟意粉有好多菇,煙三文魚份量都算多,砌成玫瑰花咁 睇起黎好靚!🌹蛋包飯配咖哩雞肉🍛 半熟滑蛋好吸引!d飯量好多,多到塊滑蛋都包唔晒d飯,咖哩就係唔辣既、甜甜地!雞肉都好多,但就切得比較細粒,如果原塊雞扒切件上觀感上似乎會好d!跟餐加左2個湯,係周打蜆湯,有蜆肉又有薯仔,都好鮮味!我地特別鍾意湯上面個d脆卜卜既包粒!煙三文魚pizza🍕 以為d煙三文魚會好似意粉咁放喺面既,點知原來係焗熟左,同想像中有d出入,不過熟左既煙三文魚又幾香!pizza底好脆,仲有大量既拉絲芝士!好好味!飲品就叫左玫瑰朱古力同特濃朱古力配朱古力雪糕!玫瑰朱古力有淡淡既玫瑰味,而特濃朱古力再加朱古力雪糕真係好邪惡,岩晒朱古力控!😍因為食得太飽叫唔到甜品,但見到menu有蛋糕有燉蛋有窩夫仲有芭菲,有機會要再黎試下!全晚冇限時仼坐,由6點幾坐到11點幾,岩晒我地傾計傾唔斷氣既人😁
繼續閱讀
放復活節假就要約出來見面!抓住lunch的尾巴!傍晚來到才5點多,先點了3客lunch🍝(中中)蜆肉忌廉汁意粉($68)- 蜆肉如常的很多,就是這次的汁感比較少,剛好能拌勻意粉🥗(下中)蟹柳沙律($60)- 這個是油醋汁的(以為是芝麻醬!),酸酸的很醒胃!想不到跟蟹柳滿夾的~(後來店主說這預設是油醋汁,如果是要求芝麻醬也是可以的,下單時說明就可以!)🥗(上中)凱撒沙律($61)- 本身鍾意凱撒沙律的醬,沙律來到吃到一半才發覺忘了加温泉蛋!吃剩一半才加一隻蛋感覺有點多,所以就沒加!下次一定一定一定要記得加温泉蛋才行!(右上)周打蜆湯(跟餐+$12)- 這個是朋友女兒說要喝湯點的,小朋友自己飲光!😳朋友帶女兒下了興趣班一起過來後(小孩子長得好快,才沒見半年長高了好多!😳),清理好沙律和意粉,然後我們只點了小吃,因為之前一直都點太多主食沒辦法吃到甜品,所以這次絕對少吃主食,主攻甜品!😋🍡(左下)小丸子($35)- 每次必吃的小丸子,外脆內軟,小朋友最愛 (也包括我🤣)🥟(左上)餃子($42)- 即點即煎,等了滿久才上,外皮煎得香脆,餃子本身不會很鹹,加上那個醬吃就剛剛好~(中左)牛油蒜蓉扇貝($59)- 一客4隻,剛好一人一隻,每隻都好多蒜蓉和牛油!我喜歡吃橙色那舊,朋友卻說她通常不吃那舊,只吃那“帶子”,是這樣的嗎?🐥(中右)蜜糖雞翼($54)- 也是每次必吃的項目~雞翼也是小朋友的最愛~終於來到今天的主角-甜品!🍨🍰(左下)豆腐芝士蛋糕(跟餐+$28)- 這個蛋糕不得了!表面上看起來一點都不好吃的樣子,一口吃下去先是淡淡的豆腐味,然後芝士味慢慢的滲出來,中間還會吃到粒粒的豆腐粒,又不會太甜,好清新!❤️🍰(左上)巴斯克芝士蛋糕(跟餐+$28)- 芝士味好濃好滑,明明這個的芝士味比較濃,也是我比較喜歡的焗的芝士蛋糕,但一對比起豆腐芝士蛋糕就明顯的被比下去!感覺豆腐那個的芝士味更讓人難忘!😋🍮(右下)西班牙焦糖燉蛋伴雪糕($48,跟餐減$7)- menu上寫着那個漂亮的名字-卡達拉娜,上桌是一大件比手機還大的燉蛋!😳 燉蛋冰凍,焦糖是即燒的,在冰凍的燉蛋上形成一層脆脆的表皮,用叉也要稍為用力才能擢破。燉蛋本身蛋味算濃,不算甜,配上脆脆焦糖吃剛剛好,而且入口即化的口感真的好幸福~🥰🧇(中間)Oreo麻糬窩夫($98)- 窩夫是新推出的,今天終於試到!本來想試焦糖香蕉或桂花的,但小朋友要吃Oreo 的⋯加上店主力薦鮮奶麻糬款,就點了Oreo 的。即點即夾的要等20分鐘!等待時,廚房已飄來陣陣窩夫香!🤤 窩夫上桌時,上面那鮮奶麻糬還被我們誤以為是芝士!😂 窩夫表面脆,裡面軟,不太甜,夾有Oreo 餅,也有蛋香。鮮奶麻糬是一pat軟軟拉絲狀的台式麻糬(沾黃豆粉或餅碎吃的那種),麻糬跟窩夫一樣是即煮的,所以熱騰騰的!雪糕是Oreo的,一口脆窩夫一口軟麻糬一口凍雪糕,冰火軟脆的實在太好吃!🍴(這個要趕快吃,不然麻糬把窩夫弄“林”了就沒那麼好吃了!)4個甜品4種口感和味道,好滿足!讚讚讚!🍹(中左)草莓乳酸(跟餐+$9)- 小朋友點的,下面有不少草莓肉☕️(右上)玫瑰甘菊花茶(跟餐+$22)- 朋友好養生的點了花茶,偷喝了一點,好香玫瑰和菊的味!還有一杯咖啡沒影!今天從傍晚一直吃到晚上,又終於吃到心心念念的甜品,正正子!埋單$684,小孩不計,每人$228~惟一不太好就是東西都即點即做(這好像應該是優點?😂),只有店主一人在團團轉,等待時間有點長,不過我們一面傾計也沒特別覺得等太久就是,店主說生意麻麻,只能自己捱住,沒辦法請parttime⋯⋯的確,這時勢誰都不容易!聽店主說之後會裝修和改menu!好期待呢!🤩
繼續閱讀
朋友終於係外國返嚟,3年幾4年冇見,r爆頭諗唔到食乜好🫣但竟然佢個女原來鍾意Sailormoon,於是就去咗呢間啦~哼~果然冇揀錯,囡囡一去到好興奮好開心!我哋叫咗2個主食套餐1個沙律1個雞翼2個甜品😋(甜品係另一個胃,肯定食得到嘅😆)雞翼本來想叫蜜糖,但囡囡要求要唐揚,人仔細細竟然食咗4隻,我同朋友先每人分到一隻,不過熱辣辣炸好脆卜卜,唔怪之得囡囡食唔停啦🤭!要食返啲菜所以就叫咗個沙律,想要雞肉沙律,但又想要凱撒汁,咁就要咗雞肉凱撒沙律,脆麵包粒簡直係點晴之筆🤩!主食就叫咗卡邦尼同蛋包飯,囡囡係外國長大對飯一啲興趣都冇,只肯食意粉,鹹香芝士香同蛋香都有。蛋包飯個蛋超級滑,芝心漢堡略嫌細咗少少唔係好夠喉!飲品叫咗熱朱古力和柚子蜜,朱古力寫了2024,又畫咗心心,好靚好surprise 呀🤩!最後套餐加甜品叫咗主題芭菲🍨同Oreo 芝士蛋糕🍰杯芭菲堅靚,囡囡食得好開心,食到飽到食唔晒先俾我哋食🤣!我哋個芝士蛋糕不會很甜,為聚會劃上完美句號!好朋友係要見嘅,下次見唔知又要等到幾時了⋯⋯🫣呢度環境食物味道都唔錯,係服務因為得店主一個人所以要啲時間,但係cafe傾住食,食住等下一道,都差不多時間啦,所以俾住4粒星啦🤭
繼續閱讀
您可能會有興趣的...