影片
營業時間
今日營業
12:00 - 23:30
星期一至日
12:00 - 23:30
以上資料只供參考, 請與餐廳確認詳情
食家推介
相關文章
夜晚11點幾同姊妹睇完演唱會返到屋企個人又攰又口渴。我地戶戶送嗌咗四杯，分別有海棠山楂、原味牛油果、椰子牛油果同薄豬。海堂山楂究竟邊個發明？非常好飲，酸酸地又有啲山楂香味同咬口，整體酸甜酸甜。
繼續閱讀
係旺角周不時都有唔同嘅小食店、手搖茶飲等等今日食完飯見到呢間以乳酪為主題嘅飲品店 即時引起我注意！睇睇menu都幾多選擇，第一個主打牛油果係吸引嘅！但我一路睇見到另一個更吸引我嘅就係薄荷朱古力唔知道佢同乳酪可以有咩發揮～～於是就叫咗黎試一試落完單會係螢幕上見到自己嘅號碼，都幾方便！等咗大概10分鐘左右店員就叫號拎得了望住薄荷綠嘅顏色好治癒呀係用沙冰形式打成一大杯，面頭見到好多朱古力碎入口好冰涼，兼好有口感！之後會有陣乳酪味浮出，又幾得意啵最重點佢唔會好甜，朱古力碎都係濃度較高，所以一路飲都唔會太漏！
繼續閱讀
食完飯周圍行下散步，望到周圍好多飲品舖即時覺得口渴，咁岩又想飲下牛油果就試下呢間。雖然呢間主打牛油果但佢都有其他口味，例如榴槤。我今次叫左原創牛油果乳酪奶昔，落單個時個店員問使唔使小甜，一般奶昔沙冰未必有得揀甜度，因為要有糖先打到起沙。今次揀左無糖因為平時都飲開唔甜或不加糖。等左幾分鐘就可以拎，店員好細心笠左紙套，一見到杯野有小小出乎意料，面頭有唔少牛油果粒，飲落覺得幾足料。雖然無額外加糖但唔覺得無味淡口，可能乳酪本身有糖？牛油果味好同乳酪味都飲到，唔水（有時唔夠糖杯野會好水唔似沙冰），飲飲下有小小似飲緊豆乳，個味幾得意，飲到最後食埋d 牛油果好滿足。鐘意牛油果既朋友可以一試，但杯野一個人飲應該幾飽肚，建議可以2個人share。
繼續閱讀
已經幫襯過好多次，雖然杯牛油果沙冰要$46好貴，但係真係超級足料。久唔久就會想嚟再飲，尤其是天氣咁熱，冇乜胃口，有一杯生果真係太舒服。因為超鍾意食開心果，所以加$8加咗開心果碎，開心果碎會打埋入個沙冰裏面，非常之夾，飲落口感會豐富好多。如果有新嘅產品，有時都會想試吓，今次就試咗桃桃沙冰。白桃非常多，淡淡果味，更突顯咗乳酪嘅味道。非常適合炎熱嘅夏天。每次都會叫少甜，會更突出果味。又懶又想食生果，呢度係個非常好嘅選擇。尤其係牛油果，自己買的話，好多時都會泰山或者太熟，買咗四個可能只係得一兩個食得，即使價錢比較平，最終都係蝕咗。飲一杯牛油果就最有質素保證！
繼續閱讀
📍香港No.1牛油果奶昔 — More Yogurt🥑🥛𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🥑原創牛油果乳酪奶昔 $46呢間好受歡迎嘅乳酪奶昔店喺上年年尾終於登陸香港！！🥺🥺💕喺我心目中真係No.1嘅牛油果奶昔🥑💯我每次去旺角都會叫呢杯奶昔😍😍👍🏼呢一杯絕對係佢地嘅招牌飲品～每一杯都用咗一整個牛油果，非常足料！😭🥑杯奶昔打得好綿滑，而且牛油果味好濃郁💚表面仲有大量果肉粒！！$46就可以飲到新鮮牛油果真係好抵飲！🥑😣依家喺香港求其買杯奶茶都要三四十蚊🙁🧋另外值得一讚係佢地鋪頭可以掃code落單，我覺得好方便🤭唔洗排長龍都可以好快飲到～去到就拎得！🤤🤤真係好推薦！🥹🥹💗✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽賣相：🌟🌟🌟💫味道：🌟🌟🌟🌟💫性價比：🌟🌟🌟💫推薦度：🌟🌟🌟🌟💫📍 More Yogurt （旺角分店） @moreyogurt.hk 🔖地址：旺角豉油街50號富達大廈地舖🕑星期一至日12:00-23:00
繼續閱讀