MORE YOGURT

營業中

休息中

💚🥛【 𝗠𝗢𝗥𝗘 𝗬𝗢𝗚𝗨𝗥𝗧 】 🍼💚⋄ —————⧫♟⧫————— ⋄雖然𝗠𝗢𝗥𝗘 𝗬𝗢𝗚𝗨𝗥𝗧主打牛油果乳酪奶昔，但其實除此之外，其他產品都超值得一試😎 除咗牛油果之外，本人大力推薦「D24榴槤乳酪奶昔」，真係勁好飲‼️以真榴槤果肉加入乳酪打成，頂部仲有榴槤果肉球，濃郁又美味😋 最重要係夠凍，口感一流😚雖然價錢唔平，但啖啖都好豐富，令人滿足，榴槤控必飲啊🫶🏻⋄ ┄ ┄ ┄ ┄ ❖ ┄ ┄ ┄ ┄ ⋄💚「D24榴槤乳酪奶昔」（$48）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：MORE YOGURT (銅鑼灣)銅鑼灣軒尼詩道502號黃金廣場地下5號舖⋄🔥更多同區美食👉🏻 #ccrreami銅鑼灣⋄⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openrice #香港美食 #hkinfluencer #foodiehk #香港 #香港生活 #香港旅遊 #香港探店 #香港美食 #香港打卡 #香港必吃 #銅鑼灣美食 #茉酸奶

「MORE YOGURT 」主打輕盈低負擔 天然好味&低罪惡感 即切新鮮水果 還原食材自然嘅味道😍門口有個大大隻牛油果公仔 主打牛油果奶昔 一杯乳酪奶昔等於一個牛油果🥑人氣之選牛油果乳酪奶昔💚除此之外 仲有其他水果🥭🥥🫐🍌搭配 另有一番風味 值得一試🫶🏻🆕近期推出咗藍莓乳酪奶昔系列 鮮果上新💜💚牛油果控嘅我 再搭配藍莓咁有益嘅嘢 不可不試la😍花青素之王嘅脆爽藍莓 酸中帶甘甜 口感清新 養生極品👏🏻隔離個雪櫃放滿新鮮蔬果 即叫即打嘅水果yogurt好fresh好健康勁大杯 超級足料 飽肚感十足‼️牛油果香濃郁 奶昔好棉滑 味道清新 唔會甜膩 嘢飲上面仲有半個牛油果 店員切到好靚好吸睛 啖啖都食到牛油果果粒好滿足 Jeng🤪#MOREYOGURT #茉＃乳酪奶昔 #藍莓牛油果

happy Friday同事請我飲嘢佢哋揀咗呢一間有乳酪飲嘅外賣飲品店我自己鍾情於芒果，每次叫嘢飲都會叫芒果嘅嘢今次叫呢杯係芒果乳酪奶昔🍼🧋芒果味好濃，有淡淡嘅清甜味，而且乳酪酸酸甜甜，佢嘅味道都幾豐富，下次會再叫嚟飲👍🏻

專注於健康乳酪既MORE YOGURT ✨開咗係銅鑼灣啦🎉🎉環境清新明亮，設計以簡約為主💁🏻‍♀️搭配白色牆面，令人感覺悠閒舒適🥰今日經過就買返杯健康乳酪飲品🥤 🥤🔹藍莓香蕉乳酪奶昔粉紫色好吸晴❤️奶昔質地滑順，酸甜藍莓與香甜香蕉相互交融，清新又不膩👍🏻👍🏻其乳酪味道都十分突出，帶來濃厚乳香，令整體味道更加圓潤😚飲落每啖都感受到新鮮水果香，清爽又香甜，的確係好出色💡特別一讚店員服務熱情又好客，對產品介紹非常詳盡，會熱情推介唔同飲品比客人💕MORE YOGURT✨📍銅鑼灣軒尼詩道502號黃金廣場地下5號舖

一早知道 茉 嚟咗香港開咗好多分店 今日終於可以試到啦😋 知道朝頭早會好多人 特登夜晚先嚟飲😬 見到香港呢個餐牌都有唔少其他嘅選擇～ 平時飲開牛油果 今日就決定試吓其他嘢啦😗見到佢有鮮果上新 原來係我喜歡嘅藍莓😋 即刻決定要試試佢～ 落咗單都要等一陣 因為佢每杯都係即叫即做 超級新鮮👍🏻呢個牛油果仔好得意🤣 原來由11月2號開始 每日頭100杯有雙倍嘅牛油果😍 搵日要再嚟試吓先～ 藍莓乳酪奶昔 $45乳酪奶昔打得好幼滑 叫咗走甜 飲到新鮮嘅藍莓味 乳酪上面仲有幾粒新鮮藍莓 酸酸甜甜好好味😋 臨走嘅時候仲見到乳酪杯系列 下次買嚟當係甜品都係唔錯嘅選擇😌 整體嚟講 呢間 茉 店員服務態度好 嚟咗香港都一樣咁好味😋 味道選擇都好多 一定會再嚟試佢其他口味😌

喺大陸好紅嘅More Yogurt 嚟到香港，以牛油果乳酪打響名堂，喺大陸超過1000間分店。依家喺香港嘅分店愈嚟愈多，港九新界都有佢嘅蹤影，平時乳酪雪糕就食得多，乳酪奶昔就真係第一次試。乳酪奶昔個質地有啲似冰沙咁，加埋乳酪個口感更加smooth😝😝今次試左芒果乳酪奶昔，乳酪同水果好match，食到底仲啜到粒粒芒果粒，飲到底都好厚實。另外，都有得揀甜度，我揀左唔加糖，感覺更加健康。飲完都幾飽肚，好滿足！！！！😋😋😋

以前係內地飲過，覺得好好飲。今次晚上九點九左右去香港新開係銅鑼灣的鋪頭，估唔到咁夜都幾多人買，見到都有一啲人排隊。店鋪位置巴方便，係正sogo對面希慎外面好多巴士站嘅大街上。menu:我今次試左杯椰子岩鹽牛油果乳酪奶昔。大大杯，一飲就覺得椰子同奶味好香濃呀，再慢慢飲到牛油果味。整體味道和囗感不錯。我自己個人都係中意純牛油果多啲。但如果本身喜歡椰子味的朋友們，應該會很喜歡依款，因為椰奶味真的很突出。

最近好中意食yogurt! 黎到more yogurt個個都大推牛油果。但係我已經飲左太多次牛油果。見到新野就想試下!   🔺藍莓香蕉乳酪奶昔($47)  本身自己都好期待試新野, 因為我都好中意飲香蕉乳酪，見到佢加藍莓都期待佢夾唔夾。     因為減肥所以都揀左無糖，一見到杯野飲有好多大大粒又甜既藍莓係面! 好好味! 雖然$47 唔係特別平，但係真係好好味!     下次再有新野都可以試下, 唔止得牛油果好味! 同仲會裝到滿一滿!!  最近仲有榴連, 下次都可以試下!         ➡️ 整體Lamlam脷指數 😋😋😋😋 😋(5/5)       ➡️ 整體評價: 大大杯,好岩夏天 ➡️Encore指數 ⭐️⭐️⭐️⭐️⭐️ (5/5)

🤍More Yogurt🤍 ，已經光顧多次，每次經過都被新鮮水果的香氣。店舖主打用新鮮的生果混合乳酪，打造成清新鮮甜的沙冰。繼早前熱門的牛油果味後，今個夏天又別出新意推出藍莓口味。藍莓配合不同的水果，春上甜甜甜，啱晒夏天消暑清涼。今日下午茶時段咁啱經過，又比榴槤的香氣吸引。他們的 D24榴槤乳酪奶昔，讓人印象深刻。每杯奶昔都是用新鮮的榴槤和乳酪混合打製而成，絕對是榴槤愛好者的最愛。鍾意榴槤嘅朋友必定要嚟一試，冇諗過榴槤同乳酪的酸味可以夾夾！ 乳酪剛好平衡了榴槤的天然甜味和乳酪的濃郁口感，讓整體風味更加豐富。乳酪上面仲有大大粒的榴槤果肉，鋪滿整杯，增添了口感的層次。此外，店內環境舒適，裝潢簡約，給人一種清新的感覺。店員服務熱情，主動介紹新口味。對於那些喜愛飲品，又怕肥的健康人士！

內地知名酸奶飲品店終於進駐香港! 作為喜歡喝手搖飲品的粉絲, 當然要買一杯先喝為快!!!店鋪推介原創牛油果乳酪奶昔, 當然要order呢一杯試下啦~固定冰塊 & 推薦7分甜的糖度, 飲落去好creamy好順滑, 而且甜度剛剛好表面更放上切碎後的牛油果粒, 除左飲奶昔之餘, 仲可以食到粒粒牛油果, 層次感非常豐富~非常適合炎炎夏日來飲用~由於地理位置屬於銅鑼灣核心地帶, 而且都幾多人, 所以weekend想飲既朋友可能需要稍為等等不過絕對值得黎排隊一試! 價錢亦對得住飲品質素, 性價比很ok!

本來一心嚟想飲招牌牛油果乳酪奶昔，但去到見到有D24榴槤味💛，仲有一舊榴槤球，即刻改選😆馬來西亞 D24榴槤 乳酪奶昔💛：真係十分足料，仲十分…好好飲第1次飲，冇order 少糖，叫左最佳建議7分糖，飲落唔會太甜，又唔覺有 yogurt 嘅酸味，係重榴槤味💛，好濃郁，甜甜地，下次會試下走甜或者少糖鍾意食榴槤嘅真係唔好錯過❗現在即 order 即做，透明度高，乾淨衛生本來食晚飯前去買嚟飲，但比較多人排隊，所以early 晚飯後再嚟買。

見到呢間人氣乳酪奶昔出左新口味藍莓系列同榴槤口味都係新出😍同yogurt估唔到都可以咁夾以前榴槤奶蓋嗰啲就飲得多呢杯D24榴楗乳酪奶昔 $48榴槤嘅香同甜味混合埋yogurt一齊飲帶有好少yogurt嘅酸榴槤味十分香甜✨好濃郁，榴槤肉好甜好滑榴槤球嘅size都好大舊🤣鍾意食榴槤嘅真係唔好錯過！之前飲過佢嘅牛油果乳酪奶真係十分足料好好飲見到佢嘅櫃入面咁多牛油果就知道幾多人飲🔥🥑仲有藍莓香蕉，OREO，芒果都睇落十分吸引😍😍😍下次黎一定要再試試佢👍🏻🥹

好嘢自然傳千里。遍地開花。續旺角、中環、尖咀、大埔、聽講屯門都就嚟有。呢間就喺SOGO對面馬路，新開應該係啱啱趕得切中秋消費檔期。好多人幫襯，好多外賣單，好好生意。等咗大約10分鐘。睇住佢親手逐粒逐粒生果切出嚟，加Yogurt、冰…… 沙冰機打一陣，再加多D生果喺面。全部都係新鮮蔬果真材實料，佢主打嘅牛油果，仲要係 喺香港買到嘅香港品牌 MR. RIGHT® 熟成 紐西蘭 Avanza 牛油果。佢出嚟嘅成品又滑又香，有啲似 印度 Lassi + 泰式沙冰 嘅混合體。唔會話太甜，夏天飲清爽健康低脂 super food。

做完運動經過銅鑼灣新開既More Yogurt ，買左一杯填下肚，感覺上係健康飲品。聽朋友講佢既牛油果奶昔好出色，見到有新口味，忍唔住想試吓！期間限定 - 水蜜桃乳酪奶昔 $43點左杯水蜜桃乳酪奶昔，份量好大杯。飲落去無死甜，淡淡水蜜桃味好Fresh ，仲食到粒粒水蜜桃。 自己一個飲完好飽肚，又即時補充番少少糖份，冰冰涼涼成個人精神哂。Yogurt 主打既飲品係香港唔多，好彩呢間分店多，行過順手都好容易買到。下次可以試試其他味道👅

今日喺銅鑼灣行街，發現咗內地連鎖手搖飲品牌的店舖More Yoghurt 原來喺香港都開咗分店，佢哋最出名係「真鮮果乳酪奶昔」之前喺內地一路都未有機會試，今次終於叫咗杯嚟試吓😆我選擇咗芒果乳酪奶昔🥭，呢款飲品係店舖top 2 一口飲落去，芒果味道濃郁，搭配滑順的乳酪，味道有驚喜，完全係夏日必飲😀 消暑一流佢哋使用的生果都好新鮮，令人放心甜度又可以選擇，我選擇咗不加糖健康又好味👍店舖入面仲有好多新鮮生果🍑，睇到都忍唔住想試其他口味店舖最出名係牛油果乳酪奶昔🥑一杯奶昔等於一個牛油果，營養又滿足✨下次一定要試吓！而且，店舖提供手機落單服務📱去到就可以即時攞飲品，完全唔使排隊，真係非常方便👍🏻