MOS Cafe

營業中

休息中

我5月20號透過外賣平台叫左外賣自取，佢寫明15:09先可以拎，我15:09準時拎到餐之後大概15:12就開餐，我食第一份雞塊咬落去第一啖係硬到咬唔到完全係放左係度超級耐嘅feel⋯⋯第二份雞塊我叫我男朋友試下同樣都係硬到咬唔到⋯咁我當然就全部雞塊dum曬啦，到食個蝦堡個包係鬆軟嘅但係入面就炸蝦同雞塊係一模一樣硬到咬唔開仲要係凍冰冰⋯洗左80蚊淨係得杯汽水係無問題，認真搞唔掂囉⋯食物質素差到一分都唔想比

隔幾條街去你度買野食,買完返嚟原來畀漏摩斯雞塊,已經唔係第一次,搞到個女冇得食😮‍💨😠,之前試過買黑醋雞漢堡，明明係椰菜絲底畀左我生菜底,都算啦,呢次又要執漏野,唔該睇清楚D

朋友，我今次去咗嗰間MOS Cafe，嘩，佢哋嘅芝士和牛漢堡扒飯真係令人驚喜！🤤 和牛扒超級juicy，每一啖都爆發滿口肉汁，配埋芝士，咸香得嚟又唔會過於膩口。飯仔嘅糯米感同埋照燒汁嘅既甜又鹹，冚家寵晒呀！不過佢哋如果軟熟啲煎蛋，我就更加心花怒放啦！😉另一面，我太太點嘅金平牛蒡珍珠堡，美味得嚟又得意！珍珠米做嘅漢堡包軟綿綿，加上牛蒡腍又滑，佢增加咗一種額外嘅吸引力。對於一啲嚟講可能有啲新鮮，但我保證，一嘗難忘！至於飲品，我個芒果紅茶，甜甜嘅芒果味道夠晒清新，加埋紅茶嘅微苦，飲起嚟夠哂提神。而太太嘅抹茶鮮奶，簡直係完美結合咁，奶香撲鼻，抹茶香甜濃郁，真係平衡得好完美。總括嚟講，MOS Cafe提供嘅唔淨只係快餐咁簡單，佢哋將平日快餐店嗰種「快」同「便利」嘅優點保留住，但又加入咗日式餐廳嘅精緻同新鮮，一啲也唔馬虎嘅！🍽️ 食完嘅我，心情大好，飽嘟嘟地繼續我嘅日子！

康怡的Cos cafe位於太古城往康怡廣場其中一個必經之路，位置非常優越。儘管店面面積較小，但非午餐時間時，這裡相對寧靜。窗外景觀有竹景，落地玻璃為整個空間增添了舒適寧靜的氛圍，增添了一絲雅致🥰最近推出了一款新產品，日本熱賣的摩斯漢堡配上濃厚芝士。這款漢堡使用了四種芝士，兩大塊漢堡扒，非常juice 🤤濃郁的芝士和洋蔥，給人一種豐富的口感，份量十足！期間限定供應！現在購買任何套餐，可以以優惠價加購一款小食，對於下午茶愛好者來說，這裡的下午茶價格在30多元左右，非常實惠。

漢堡即叫即製，全部熱辣辣，雖然好熱氣但又真係好好食。叫左個fish burger 同shrimp burger, 三兩下手勢就消滅哂，老老實實，一個包真係唔夠飽囉！ 收銀姐姐好「強勢」，喝令顧客要嘟安心出行先可以踏入店內範圍，如果細聲啲溫柔啲顧客感覺會舒服啲。

此篇目的主要是分享餐牌而已～哈哈是太古康怡的mos burger喔！本人也很愛吃摩斯^_^最愛的是牛肉珍珠堡♡▲早餐餐牌▲常餐餐牌▲芝士火腿牛角包＋冰凍鮮奶咖啡牛角包酥脆內軟配上芝士＆火腿的鹹味超棒！！這個好吃～～冰凍鮮奶咖啡普通個人覺得凍莫茶鮮奶更好喝～

今天特別想食香口野， 來到了摩斯漢堡店因為疫情關係， 店內座位少了。有位置只能一個一個分開坐。 雖然職員耐心解釋，但是都見到有人發脾氣，希望大家體諒一下。店面係傳統和風木設計，加上窗外竹林十分優雅。 外面點餐之後，進店坐低，等一陣就有staff 送上食物。黑醋雞肉漢堡：甜甜酸酸十分開胃。 炸雞皮脆肉汁多摩斯脆雞：細心地有紙袋包好不會整汙遭手，同漢堡的雞肉一樣juicy咖啡係日系濃度適中對比其他開餐店有特色， 價錢又不特別貴，性價比高

黑醋SakuSaku雞肉漢堡和牛漢堡2個包都加錢轉set一杯飲品 一份係炸雞 一份係薯餅先講炸雞 底層有沙律菜絲,上層係炸香同沾左黑醋醬既雞扒咬起來有脆感,麵包夠鬆軟,加上菜絲有一分清爽感味道特別豐富,有酸,香,脆,口感大滿足份量也不少！和牛漢堡放了一片芝士，菜絲，一口咬下滿滿都係肉的口感，和牛漢堡夠厚身，煎得剛好，仍有肉汁好想要雙重和牛堡呢!好食! 單個包賣$30,也不貴屯門屯隆街1號錦薈坊2樓206-208號舖

媽媽話難得阿爸同細佬都唔返屋企食飯，就約我去太古城行街shopping啦！順便可以放鬆下心情！🥰✌🏻去到太古城，媽媽就話想試下mos cafe，於是就帶媽媽去食喇！媽媽話要試新包，揀左吉列野菜八爪魚漢堡，而我當然就揀返最傳統ge mos burger 啦！套餐我一定會配薯條，因為勁鍾意食粗薯條🍟😂而媽媽就配沙律菜跟芝麻醬。媽媽話吉列野菜爪魚漢堡口感豐富，食落不算太油膩，而沙律菜都好新鮮，加上芝麻醬絕配呀！

經常去康怡廣場醫肚，但到這家吃還是第一次。無他，位置不就腳，不當眼，自然第一時間就很少會想起這間MOS cafe。今次兩個人吃，叫了個黑醋雞肉漢堡和摩斯芝士漢堡，另加了薯角和可樂。味道不錯，而且漢堡層層分明，明顯是新鮮製造。尤其喜歡吃黑醋雞肉漢堡，口感不油膩，味道亦非十分濃郁，恰到好處。

我一路都知MOS Cafe有飯食，但係今次其實係我第一次係度叫飯黎食。叫左個牛油果照燒雞肉飯，開頭以為會同其他日式丼飯差唔多味道，但係食完第一啖佢就比到個好新鮮既感覺我。面頭個啲我以為係普通沙律醬，但原來係wasabi沙律醬。Wasabi味好突出，又唔會太攻鼻，同照燒汁個味幾夾，呢點比到驚喜我。另外雞塊幾滑幾好食，不過個人覺得得四舊有啲少。

Mos burger 就吃得多，這次來到太古恰巧碰上Mos Cafe。除了大家熟悉的漢堡外，cafe還有飯供大家選擇，便和男友一試。男朋友選了吉列三文魚飯($49)，三文魚扒配上面頭的沙律醬味道不錯，但除了扒上的沙律醬外就沒有其他醬料可以送飯，單吃白飯感覺太乾較難入口。如果能增加醬汁澆在飯上會更好。而我則點了吉列蝦漢堡($27)，加錢升級要了薯條。蝦餅外層的炸漿不厚，炸得脆口。內裏的蝦膠彈牙有口感，咬開還能看到一隻隻的小蝦仁，十分足料。薯條依舊炸得香脆可口，沾上茄汁愈食愈滋味。加錢額外點的粟米湯味道偏淡而且較稀，沒有粟米粒，與想像中的日式粟米湯有落差。

約左朋友去太古睇早場，入場前先食d野，大家分別叫左魚柳包配咖啡（$28），煙燻雞肉早餐現粟米湯（$30），魚柳包好食，呢度既魚柳包會有洋蔥粒，而且魚柳唔會死實，比起某老字號外國品牌出品優質好多，雞肉早餐set有煙燻雞肉，煎蛋，沙律菜同埋兩件厚多士，味道唔錯，以呢個價錢再配埋粟米湯係非常可接受~

Burger都有意粉？甚麼玩法？😂見到Mos Burger出左薯餅漢堡，裡面有薯餅仲有意粉，全部都係我鐘意嘅野，梗係挑機啦！呢個漢堡都幾飽，薯餅好大塊，咬開脆卜卜嘅外層裡面有大大粒牛肉同埋濃味嘅薯仔，最正係有甜甜又彈牙嘅意粉響上面，好似點左醬咁，一啖要落去多重享受真係大大大滿足呀～～～～跟餐仲有又脆又厚嘅粗薯條，飽肚感十足，值得一試！😋

食mos burger真係食個環境，好似康怡呢間mos cafe真係正中我心！不過中午時段就唔好去喇，同啲打工仔爭真係你爭埋我個份。窗外個景無咩特別，但係好平靜，望下啲草咁。講番啲食物：呢間無我最中意食嘅元氣漢堡真係差咁啲，但我有食過佢個啲飯，我會覺得多汁得黎食到喉嚨有啲kok，麻麻地，所以如果大家食嘅話都盡量唔好揀飯食喇，除非真係好肚餓啦～～食物：⭐️⭐️⭐️環境：⭐️⭐️⭐️衛生：⭐️⭐️⭐️⭐️服務：全球mos cafe都有送餐服務，而且佢地都會幫手搵下位，幾好⭐️⭐️⭐️⭐️抵食：唔抵，永遠無得就咁加野飲，局你嗌餐⭐️⭐️