影片
港鐵銅鑼灣站 F1 出口, 步行約4分鐘
繼續閱讀
電話號碼
28200111
開飯介紹
以世界各地的高質食材炮製一系列西日Fusion菜，配搭咖啡及餐酒均相得益彰；其現代木系裝潢和小盆栽擺設，文青感十足，適合和三五知己聚餐。
繼續閱讀
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
有關獎賞計劃
相關文章
Mozy Cafe & Bar 係一間早啡晚酒嘅西日餐廳～室內裝修感覺溫馨舒適，嚟撐枱腳一流～仲有室外座位添～ 同朋友出去chill下唔錯🍸位於希慎廣場兩分鐘嘅地舖，現逆市推出$208𝓊𝓅 𝓓𝓲𝓷𝓷𝓮𝓻 𝓢𝓮𝓽🍴 *有加一服務費* 我地點咗兩個set:𝔸𝕡𝕡𝕣𝕖𝕥𝕚𝕫𝕖𝕣🥗 《 巴馬火腿蜜瓜沙律 》 清新開胃～🥓《 牛肩肉無花果多士 》 慢煮牛肩肉夠腍，配埋多士添口感～𝕊𝕠𝕦𝕡 𝕠𝕗 𝕥𝕙𝕖 𝕕𝕒𝕪🍄🟫 《 蘑菇忌廉湯 》 富菇香，唔會重奶味～ 𝕄𝕒𝕚𝕟🍝《 蜆肉蒜蓉辣椒意大利粉 》辣得開胃，蒜香味濃，蜆肉多，愈食愈惹味！🍛 《 粉紅汁蝦意大利飯 》好多亞麻籽，仲有瓜粒、爽脆蝦肉、番茄肉，口感豐富，味道微酸，又係愈食愈開胃！𝔻𝕖𝕤𝕤𝕖𝕣𝕥 - ℂ𝕙𝕖𝕗 𝕣𝕖𝕔𝕠𝕞𝕞𝕖𝕟𝕕𝕒𝕥𝕚𝕠𝕟🍮《 自家製pancake 》鬆軟可口，配上鮮果及新鮮即打cream! 𝔻𝕣𝕚𝕟𝕜☕️包 熱檸檬茶/水或熱柚子蜜/咖啡 我地要咁熱&凍檸茶各兩杯，再慢慢傾下偈～呢度店員好nice，亦會主動添水～
繼續閱讀
係銅鑼灣想食西餐，好多時都要動軋幾百蚊，荷包有時都會嗌痛🙈😂係希慎後面嘅蘭芳道竟然有間性價比超高嘅西式cafe－Mozy，晚市逆市推出只需$208嘅四道菜晚餐🤑🤑有齊前菜、湯、主菜、甜品、飲品，夠飽肚之餘味道仲有驚喜🤩佢哋不時都會推出新menu，保持新鮮感。呢度唔單止抵食，環境仲好靚，室外或室內嘅佈置有種好warm嘅氛圍感🫶🏻4-course dinner set $208/person🥗巴馬火腿蜜瓜沙律 Parma Ham & Melon Salad先嚟比較清新嘅沙律打頭陣，沙律放入玻璃球中，有種童話故事嘅夢幻😍沙律菜清爽酸甜，加埋parma ham同埋絕配嘅蜜瓜，開一下胃😙🥩牛肩肉無花果多士Beef Chuck & Fig on Toast +$58牛肩肉肉味濃，搭配酸酸甜甜嘅無花果同埋脆口多士，口感味道豐富👍🏻🎃湯品 Soup of the Day南瓜湯幾creamy，少許薑味為香甜嘅南瓜味增添層次😋🍝蜆肉蒜蓉辣椒意大利粉 Spaghetti Aglio-e-olio with Clam意粉質感煮得好好，爽口之餘唔會太硬太淋🥳每條意粉都沾滿蒜香，香氣四溢😋原來廚師先將蒜片爆香，難怪效果出色。意粉除咗蒜香，仲帶點香辣嘅味道，好惹味😛蜆肉份量不少。🦐粉紅汁蝦意大利飯 Prawn Risotto in Creamy Tomato Sauce意大利飯質素亦不遑多讓👏🏻飯粒裹上香辣酸甜嘅醬汁，令人忍唔住一啖接一啖。裡面有三隻蝦肉，蝦肉大隻彈牙😽🥞甜品 Chef Recommendation Pancake賣相平平無奇，估唔到食落超有驚喜😍Pancake邊位脆口，裡面則好鬆軟，食落富有蛋香😋面頭嘅忌廉味道同平時有啲唔同，原來係自家製嘅tiramisu cream，搭配水果粒，呢個甜品夠晒impressive😎🍹餐飲餐飲可以揀咖啡／茶／柚子蜜等。推介指數（10分為滿分）：8.5分
繼續閱讀
今晚喺公司附近嘅 Mozy cafe & bar 食晚餐，呢間位於銅鑼灣蘭芳道地下嘅小餐廳，燈光柔和，氣氛有格調。雖然冇咩客，但店內播放住英文老歌，當中一首 Queen 嘅歌勾起我好多開心嘅回憶，令人好放鬆。我點咗一個 4-course dinner，包括吉列炸蠔、羅宋湯、香煎比目魚扒（加 $38）同甜品班戟。出餐速度快，唔需要等太耐。炸蠔外皮酥脆，唔油膩，入口仍保留鮮味；羅宋湯酸甜適中，有齊紅蘿蔔、椰菜等材料；魚扒煎得金黃，魚肉嫩滑，唔腥又夠入味。最後上嘅甜品係班戟，賣相唔錯，配上少量糖漿，味道香甜但唔膩，為整餐劃上輕盈嘅句號。不過整體份量偏少，對於食量大嘅人可能未夠飽。加埋服務費共 $271，價錢唔算平，但享受咗一個靜靜地嘅晚上，都值得偶爾嚟一次放鬆下。
繼續閱讀
今日同朋友去銅鑼灣行街，行到累就去左《MOZY cafe and bar》食晚飯。呢度以木系為主調仓，牆上有植物裝飾。店內有度玻璃門，推開可見室外後園。整體環境令人感覺舒適。✨️黑松露忌廉湯飲落陣陣黑松露香氣，忌廉湯味濃郁。湯上面仲有少許忌廉和香草，倍添口感。✨️澳洲牛肩肉配無花果多士薄勿牛肩肉片超級軟腍，下面無花果溢出淡淡果香，令人有清新開胃之感。✨️吉列炸蠔炸到熱辣辣、脆卜卜，好香口。✨️蜆肉蒜蓉辣椒橄欖油意大利麵蜆肉冇沙，蒜蓉味遇上辣椒味，就係超級惹味。✨️粉紅汁蝦意大利飯用龍蝦汁煮過嘅蝦，特別香濃。意大利飯煙煙靱靱，好好味。✨️原味班戟配雜果慕斯班戟起成厘米厚，慕斯香滑可口。
繼續閱讀
最近去咗MOZY cafe & bar 試咗佢哋嘅假日自選Set A，我揀咗慢煮雞胸沙律、赤身吞拿魚同埋咖哩雞腿肉配麵豉湯烏冬。講講我嘅用餐體驗啦：一開始點咗「慢煮雞胸沙律」，沙律入面得一款菜，感覺上雞胸有啲煮過咗，唔夠鮮嫩，但味道還算OK。再嚟就係「赤身吞拿魚」，吞拿魚本來應該係亮點，不過有部分燒得過熟，失咗生魚片應有嘅新鮮口感，而且食落冇乜味道，有啲失望⋯⋯「咖喱雞腿肉配麵豉湯烏冬」就好啲，味道幾好，咖哩唔會太辣，雞肉煮得啱啱好，唔會太乾，加上麵豉湯烏冬都幾得意。不過其實咖喱雞配麵豉湯有啲唔夾，如果配飯應該會好食好多，因為咖喱汁真係幾好，撈飯一定好好食。不過要特別講嘅係，所有菜都一齊上枱，搞到唔知食邊樣好。為咗唔好浸淋晒烏冬，最尾決定先食烏冬同咖喱，但用餐次序有啲亂。最失望嘅係，最早上枱竟然係甜品 -「Dirty Cat Tiramisu Latte」。等咗10分鐘先上主菜，所以等到食完主菜再飲，手指餅已經變腍，奶油都開始縮，冰塊都溶咗，影響咗整體嘅口感同味道。不過呢款飲品本身味道幾好，上面嘅泡泡充滿咗提拉米蘇嘅香味，奶油好綿密，用手指餅點嚟食好正，之後將奶油同咖啡攪埋一齊，飲落去香甜同味道層次豐富，咖啡底都幾好。人均消費約百幾至200元，所以對食物嘅期望自然會高啲。值得一提嘅係，店內環境整潔，光線充足，而且坐得好舒服，係一個同朋友聚會嘅好地方。希望下次嚟可以試到其他好食嘅嘢，對佢哋嘅甜品都有所期待。總結嚟講，MOZY cafe & bar 嘅食物質量有啲波動，有啲菜式可以改善，但亦有啲菜式表現唔錯。如果你想試下唔同菜式，可以考慮去試吓，但唔好對每一道菜都有太高期望。
繼續閱讀