Mr. Mix 丼丼丼

營業中

休息中

💕派對就像一場人生，每個階段都有不同的樂趣。😆最近天氣咁熱🔥，有時又落雨，真係唔想出街。係屋企叫到會同屋企人朋友一齊分享都可以食得好豐富同滋味😋 今次揀左@mrmixcatering，一站式到會服務，大玩Fusion菜式。西式經典名菜大撞東方醬汁，又或者東方名菜配搭西式煮意，一路食一路有驚喜。😎 Bunny 最鍾意就係香甜柚子蜜燒豬仔骨，豬仔骨味道香濃配上香甜柚子蜜，味道酸酸甜甜，十分惹味。食完屋企人個個都大讚😃

平日每逢食日本丼飯都大排長龍，今次網上搵到一間外賣丼飯，新產品試試佢來歷。一向對牛情有獨鍾，點了個慢煮安格斯燒牛肉切丼加滑蛋、沙律、薯角及水晶珍珠奶茶。先講佢個慢煮安格斯燒牛肉切丼，除左賣相吸引，最欣賞廚師好貼心地將安格斯牛肉切件，牛肉質地嫩滑，食得出係上乘的安格斯牛。醬汁加入洋蔥、冬菇，比起其他淨醬汁的餐廳明顯用心製作。入面附有漬物，似足日本丼飯。滑蛋金黃幼滑，成個丼飯超級豐富。沙律最怕食到底乾身無醬，但呢個胡麻醬蕃茄沙律底部已經加左醬汁，即使食到最底都有醬汁包住，同埋睇得出生菜好新鮮。第一次飲水晶珍珠奶茶，賣相同台灣珍珠奶茶差不多，但原來水晶珍珠食落質感偏粉，只有外邊層衣有Q彈感覺，甜甜地幾好食，由於奶茶本身偏淡，所以整體吾算好甜，但如果奶茶味香濃D會更好。呢間外賣食材新鮮豐富，有高質驚喜，下次可以encore試埋其他丼飯。

話說前排喺九龍灣揾到間隱世滋味漢堡，原來同一個廚房仲有另一個品牌，係賣日式丼飯嘅。由於從未試過呢間，穩穩陣陣叫咗個火辣泡菜安格斯西冷丼($64)，仲加咗隻溏心蛋 (+$8)。外賣返去，打開飯蓋慶幸仲係好有熱度，呢個泡菜丼嘅辣醬無其他韓式辣醬咁甜，好啱個人口味。而辣度方面，食開譚仔5小辣嘅我，覺得有啲刺激，但又唔會食到一半頂唔順。薄切西冷夠晒軟熟，亦充滿肉汁，唔會失望，不過暗地希望可以煎燶少少，咁就再香口啲。另一個驚喜喺隻溏心蛋，其實好少食呢種蛋，所以唔識比較，但就好享受佢半熟嘅蛋汁。如果五個「丼」為滿分，我今次會畀「丼丼丼丼」佢。