MUM 日常野菜料理 (已結業)

由逸東食到新蒲崗，味道都保持到。三項（$100）四項（$125）.今次叫咗兩個三項餐，一個五穀雜炊飯；一個轉咗烏冬（+$18），轉烏冬加$18有啲貴。而烏冬嘅味道一般（熱嘅醬油拌烏冬），熱力亦突顯咗「油味」。口感亦麻麻，應該係熱烏冬同處理手法令到烏冬偏淋。本身期待會有冷烏冬，建議店舖可以係夏天提供柚子冷烏冬，酸酸涼涼在天氣熱時應該會比較消暑開胃。.總共6項餸：＊本菇茶杯蒸🍄蛋好滑，味道剛好，溫度適中.＊南瓜薯餅🎃配搭一流。南瓜當造好甜，咁多個餸入面最好食😋.＊薑蔥汁煮茄子🍆味道適中。如果唔鍾意食薑就避免選擇，因為一入口薑味都頗濃。可考慮涼拌茄子。.＊亞麻籽西蘭花薯蓉🥦正常發揮，可多加西蘭花加強薯蓉口感.＊芝麻秋葵（+$5）之前嘅芝麻波菜比較吸引。芝麻醬味道都唔錯，最後仲用咗剩餘芝麻醬黎撈烏冬。.＊柚子醋漬番茄🍅醋漬蕃茄時間短，蕃茄未有柚子味。.整體來講，唔錯。間中想食素/清淡啲可選擇👍🏼。

今晚大約6點鐘同老公來到MUM食晚飯，中午已打電話留位。6點鐘人流不多，坐得舒服，大約7點便開始多人。我地點咗2份$125的料理，共試了8項不同的熱食，其本上每款都精緻可口。老公選黃薑飯，我揀五穀飯，個人比較喜歡清新的五穀飯，不喜歡黃薑飯濃郁的氣味。整體來說，本人覺得MUM比起一些素食放題店較高質。若要說改善的地方，或者熱食的食物温度可以熱返些少，因為除了本菇茶杯蒸夠熱之外，其他菜式也是微暖，不知道這是否日式料理的特色!

最近假期比較多、又剛剛開始返晚市堂食，好明顯食多左啦😛所以就來呢度食返餐味道清新嘅素食，減輕下自己嘅罪惡感先😂呢度嘅日常定食可選擇三種 ($100) 或四種 ($125) 食物，大約有十五六個選擇，配以味噌湯、麥茶 & 五殼飯或黃薑飯。我揀左金平牛蒡、山葵鮮淮山、南瓜薯餅、蘿蔔冬菇車麩關東煮。食物嘅鮮味都好突出，飯後飽足感滿滿，完全係用心之作👍🏻新蒲崗好多辦公室，午飯時間都好繁忙，不過因為呢度樓底高，所以坐落一啲都唔覺得迫👍🏻

很家常的日式小菜，一小碟一小碟的上菜方式很有地道日本感覺。先講餐廳環境，感覺舒適，雖然要同其他客人坐喺同一張長枱,但係有足夠嘅空間給你用餐，成個感覺好warm。可能要坐高臺嘅比較辛苦，但我見佢哋都沒有感到不舒服,而且同我一樣坐了很久。雖然係自助比錢，服務員亦都很貼心介紹。講返嘢食，三個選項就一百蚊我叫咗南瓜餅紫薯沙律同埋茶碗蒸配黃薑飯，叫完之後我自己覺得太多澱粉，但係又好難忍住唔叫，因為好想食南瓜餅haha, 但果真沒有令我失望因為真係幾好食！！ 茶碗蒸亦都好滑，紫薯蓉就單調咗少少，可以多少少配料或者味道。 但整體感覺都不錯，而且很清新，份量足夠，我碗飯都食唔曬🤣 如果大食啲嘅可以叫四餸㖭

想不到新蒲崗也能找到這樣充滿文青風格的日式素食料理🌱。餐牌選擇都算多，每碟細細碟，但系可以食多幾樣。日常定食三項($100)/四項($125)▶️蓮藕五目煮，煮得入味，蓮藕脆口，不過又唔算好特別。▶️野菜天婦羅🥙，有菇、南瓜、蓮藕。哩個味道好多元，想不到蔬菜都可以通過配料做到咁豐富嘅層次。不過炸完後碗底油比較多，略嫌油膩同熱氣。▶️信田卷🫔，哩個賣相真系唔錯，內有蘿蔔、粟米、四季豆、菇類等，真系細心之作，不過美中不足系外面嘅腐皮有少少韌。▶️柚子醋漬番茄🍅，酸酸甜甜幾清新嘅感覺，當前菜好合適，因為夠醒胃。如果唔想有油膩嘅感覺，揀佢就岩曬喇！跟▶️五穀雜炊飯🍚▶️味增湯🥣▶️微糖有機豆乳🥛(+$10)店內環境舒適，簡樸得嚟又有綠色植物帶出點點生機，加上個輕柔嘅音樂，係舒適的一餐。

二訪mum新蒲崗新店。餐牌上嘅菜式同幾個月前黎嘅差唔多，但其中兩款小碟依家要再另外加錢。餐牌上亦多咗3款漬物提供，不過亦係要另外加錢。上次黎嘅時候只有五穀雜炊飯提供，好開心今次可以試到黃薑飯。黃薑飯表面放咗薑絲同七味粉，味道較清淡同埋帶有少少辣味。⠀⠀⠀⠀⠀⠀⠀⠀⠀⠀日常定食 ($125/ 四項; $100/ 三項)冷/熱小碟+味噌湯+麥茶+五穀雜炊飯/正氣黃薑飯⠀⠀⠀⠀⠀⠀⠀⠀⠀⠀熱蓮藕五目煮本菇茶杯蒸 (蛋)南瓜薯餅 (蛋)野菜天婦羅金平牛蒡信田卷⠀⠀⠀⠀⠀⠀⠀⠀⠀⠀推介南瓜薯餅，我每次黎都一定會叫，口感外脆內軟，表面嘅沙律醬同薯餅嘅味道好夾。蓮藕五目煮包括有蓮藕同紅蘿蔔，兩者都煮得入味，蓮藕爽脆。金平牛蒡嘅牛蒡絲好薄身，但味道偏淡。信田卷賣相幾靚，打卡一流，用腐皮卷住四季豆、紅蘿蔔、粟米仔同雞脾菇，味道較清淡，整體爽口，只係腐皮有少少韌。⠀⠀⠀⠀⠀⠀⠀⠀⠀⠀冷紫薯紅菜頭青蘋果沙律

-{💛新蒲崗素食🥙🌮}最近留意多咗素食 今次嚟到重開嘅日常料理！喺依度食咗個晚飯😛🤤四項日常定食🤤 ($125)湯比平時嘅味噌湯多好多雜菜 有蘿蔔洋蔥等等😝以下順序排最推薦嘅餸😛本菇茶碗蒸: 茶碗蒸蛋味勁香再加上有啲菇😎同埋醬油成個味真係好日式😘野菜天婦羅: 野菜天婦羅來講最鍾意係個南瓜做到外脆內軟☺️同埋南瓜好鮮甜😙關東煮: 特別推介嗰個好入味嘅菇🤩浸住晒啲關東煮嘅汁真係好香 冬菇油炆得夠淋😇南瓜薯餅: 可能始終個沙律醬太多 食嘅時候會覺得較為普通🥺👖褲評: 7.5/10🤤蕨餅🤤 ($18)黃豆粉唔會黐埋一舊 舊餅有足夠嘅咬口又唔會好似mochi咁煙韌 係完全日本食倒嘅質感🥳👖褲評: 8.5/10餐廳嘅裝修勁靚！氣氛都好舒服☺️一定要試個蕨餅因為真係好高質🤑性價比: 8.5/10服務: 8/10環境: 7.5/10🚩 MUM 日常野菜料理 🚩地址: 新蒲崗仁愛街34號地下B號舖 #fuudjai #fuudjai素食 #fuudjai新蒲崗 #fuudjai💛

餐廳裝潢以木為主，氛圍幾舒服。第一次嚟叫左個三款菜式嘅定食😋-薑汁茄子🍆略嫌有啲油膩，但味道十分不錯，拌飯好好食。-金平牛蒡無咩調味，只係食到牛蒡本身嘅淡甘，算係清淡之選。-本菇茶碗蒸🥚味道同樣比較清淡，亮點係雞蛋非常嫩滑，蛋味亦頗香。-味增湯🥣味道同普通味增湯無異，但裡面配料豐富，有蘿蔔、野菜、昆布等等，相當有誠意。整體嚟講味道唔差，但亦無咩精彩之處，適合口味清淡嘅食客。$100一份三餸定食性價比不高，唔知區內有無其他素食選擇，否則試一次就可以喇😗

新蒲崗隱世文青日式料理cafe 🙌🏻🍴同同事係openrice搵到依間簡約風cafe 就lunch去左試下啦！環境同食物都相當不錯個料理可以簡三餸/四餸，套餐有包茶同湯三餸就$100到，lunch黎講都貴貴地，但食物質素好好，環境好岩傾下計chill下佢地方細細，lunch time就要預返時間等位 簡好左食物就出去cashier落單！我簡左南瓜薯餅，日式蒸蛋，同薯蓉，所有都好好食，個蒸蛋好滑，個薯餅好邪惡但香👍會再試🙌🏻

該店是早前在佐郭逸東酒店內的food court小店，當時已覺得在空間相對細小的廚房，可以做到如此多選擇的食物，一定是經過很多次的研究和相當的時間去花心思設計餐單，我本身一向不喜歡吃蔬菜，都被mum吸引到多次去光顧。難得今次在新蒲崗重開，而且味道依舊溫暖，希望會有多此人知道這間餐廳☺️很少寫食評，寫得不好莫怪。

友人介紹🥦素菜定食店 ，之前係逸東酒店既foodcourt 食過～最近搬到新蒲崗，小編就趁放假食個late lunch，入座率都超過9成。呢度既環境係簡約既, 配合返日式定食。佢既定食分2️⃣個價錢，3款菜$100，四款$120🍱 3款定食我叫左信田卷，茄子同茶碗蒸。定食仲包括麥茶、味噌湯，配5穀飯，加$15可轉烏冬🍜信田卷既餡料係烚過既冬菇、蘿蔔條同豆角，味道清淡得黎幾爽口。茶碗蒸剛蒸起，熱辣辣又夠嫩滑。茄子就正常發揮。拌烏冬既份量幾多，記得撈醬汁要均勻D，否則食到底有D咸。呢間餐廳既味道比較清淡，連麥茶，味噌湯既味道都唔太濃，健康之選~唔好睇定食細細碗，食晒既話都幾飽肚🤰🏻比較美中不足係想食既關東煮同紫薯已經賣晒，下次要早D到。

一間鋪頭同一時間滿足咗兩個願望又想食素 又想食日本嘢2021年9月7號係農曆八月初一帶兩個大小情人一齊去食素我知道我一定趕唔切中午12點開門就去到所以早一日社交平台 message店主book咗三位午餐set可以揀三個餸或者四個餸配日式雜錦麵湯 和 鷹嘴豆紅米飯用料好靚，啲鷹嘴豆好大粒，紅米飯煲得岩岩好，夠軟熟又粒粒分明炸物好高質，天婦羅、薯餅做得非常好絕對比得上高價位日本料理質素但係呢度係新蒲崗平民價錢唔知大廚出師何處我一個大男人，四餸一湯一飯食得好飽最後一定要介紹佢嘅自家製雪糕首先呢個日式style獨一無二嘅玻璃雪糕杯呢個杯，我估店主係特登揾返黎香港，好有心思，好靚呢個玻璃雪糕杯係一早雪到好凍自家製雪糕冇任何添加劑一食就知係好新鮮一食你就知係自家製真係唔係市面上嘅現成雪糕可以相提並論

🌱💛 MUM 日常野菜料理終於歸來了😭！我等待多時的它，I miss you so much ahh由之前逸東酒店，經過數多月的沈靜，終於新蒲崗落地了😳（係遠左好多）簡直激動到不得了！⁡佢哋走嘅風格係完全日式，可以自由選擇要邊幾款菜式，我幾乎每一種都食過🙈強烈推薦以下選擇！🥺🥺⁡南瓜薯餅濃濃嘅南瓜味，食落去仲會見到一條條綠色南瓜皮，好足料，夠大件。⁡信田卷🥕之前一路都無試，點知一試，佢就成為左我最鍾意嘅一款菜式，好似壽司卷咁，咬落去好有口感，既清爽又豐富，入面有唔同材料，好健康😂⁡赤味噌田樂豆腐佢揀左發酵時間最長嘅赤味噌，比起其他味噌，味道會濃好多，偏咸🧂。作為蘸醬伴本身淡味嘅豆腐，反而可以平衡返。⁡Staff Secret Menu - Curry ($75)呢個好似係新野，之前都未見過！滿滿嘅日式咖哩🍛好大碟，超級飽！同埋，都好好食😋入面含有好多唔同種類嘅豆，就好似食緊咋喳咁，不過就冇咁甜，送飯一流😆⁡

周日光顧，等了10分鐘左右就有位置了(*¯︶¯*)🍱食物款式甚多，有冷有熱，$100 可選三款菜，套餐包括了味噌湯、麥茶及飯（飯有薑黃飯及五穀飯選擇），也可另+$15配烏冬（＾ｖ＾）❶ 柚子醋漬蕃茄 + 野菜天婦羅 + 蘿蔔冬菇車麩關東煮 + 薑黃飯第一次食車麩，質地有點似肥豬肉，幾得意的口感。天婦羅炸得鬆脆，而且表面灑上了鹽，會忍不住再追食下一塊。薑黃飯的味道甚濃郁，超喜歡！❷ 芝麻波菜 + 信田卷 + 山葵鮮准山 + 烏冬芝麻波菜是甜味為主，反而烏冬很香芝麻味，配合了海草絲，很不錯呢！信田卷則是蔬菜卷，甜甜的腐皮配上似壽喜燒味道的醬汁，很有吃著腐皮壽司的感覺。鮮准山原來是生的，感覺有點似白蘿蔔。裝修以日式為主，但也帶有一點簡樸味。喜歡每一道菜的味道都不同，而且會以不用形式呈現素食，令素食變得更美味 💛💛💛

星期六下午約一點四十分，自己一個不用等位，裏面還有幾個張空的Bar枱。有人遞上餐牌，然後自己到收銀處下單。食物等了大約十分鐘。柚子醋漬番茄：冷盤。番茄原有的味道被柚子味代替，不會覺得在吃番茄，是在吃有汁的柚子，夏天吃應該很醒胃。我個人怕冷，咬落厚身的凍番茄，牙齒有點頂不住，還是喜歡熱的蘿蔔冬菇車麩關東煮：蘿蔔煮到很稔，一咬很易就分開，不是車仔麵店的爽口感覺。關東煮味道偏淡野菜天婦羅：咬落又脆又夠乾身，有一陣輕輕紫菜香，好味黃薑飯：秋天吃很不錯，有輕輕的薑味食物擺盤日本風，令人感覺平靜及享受