影片
返工諗住求其食個快西餐 上菜唔快不過夠哂西本身落單落咗一段時間都未見有嘢食 餐湯又無見隔離枱遲過我哋到個餐都上埋再追一追 先知漏單好啦正式上菜又漏嘢飲 都算 食住先食第二啖睇一睇先發現個豬扒係生嘅 叫佢換過個餐食意粉最safe 不過已經無哂胃口淨係食兩啖諗到自己食生豬扒分分鐘有蟲已經想作嘔埋單問店員點處理皇恩浩蕩咁幫我取消咗個餐？下？我個餐食咗啖生豬扒都無食過 都要俾錢？講到淨係收我意粉錢 : 豬扒貴好多架益我咩依家😂？ ？又話平時啲客食到生嘢都係就咁退返嚟：o問佢生豬扒有蟲架喎 食到人唔舒服咁點職員回應 唔舒服咪睇醫生囉 睇咗先返嚟全程完全唔覺得有唔好意思 個客食生嘢當食生菜街坊見字睇路
繼續閱讀
呢間野真係癡線。年二九十二點入去食，明明仲有早餐，但又唔俾個餐牌我。俾個節日特別餐牌，樣樣加十蚊。再問佢就話都可以叫早餐，但要快。叫早餐A6，有個蕃茄湯通粉。個男侍應就話冇通粉。咁問佢有咩可以轉，佢又攞個餐牌過黎，話得米粉，淮山麵。蕃茄湯米粉已經夠怪，但諗住算鬼叫自己咁晏叫早餐。同個男侍應話米粉okay，佢企响度唔走，又唔出聲，唔知佢做乜。首先黎個多士，見到都覺得好一般。隻蛋煎得好樣衰，但同多士食得落口。三文魚啞色嘅，又唔太凍。唔敢食，怕肚痛。跟住，佢地放低咗碗白色嘅麵。米粉係白色但我冇諗過連蕃茄湯都係白色。個女侍應就話蕃茄湯賣晒，可能同事冇同你講，係得豬骨湯冇其他嘢可以轉！佢係有道歉，同埋錯不在佢。咁我都算照食。但碗粉真係好樣衰，亦都好難食。屋企求其煮都好食嗰佢。劣質茶餐廳質素扮西餐廳收$5X再加一呢下真係接受唔到。俾錢走人。年尾流流開開心之食啲咁嘅野好侮辱！仲要食剩咁多好折墮。希望其他人都唔好墮入惡道。
繼續閱讀
今日朝早10點多到餐廳，一位女服務員幫我地寫左野之後，隔左一陣就上咖啡，過左半個鐘左右，眼見比我地遲梨既客人都已經食飽，然後再望一望果位女服務員，先走埋梨話：‘’整緊架啦，等等下‘’ 然後走去收銀台，女服務員澄清‘’我有落單架，係廚房果邊亂左‘’完美地將責任推左比廚房，唔通服務員冇責任留意下客人係餐係未已經上齊？ 要等客人開始發火，用‘唔好意思就可以解決問題？ 以後都唔會再去呢間餐廳，永久blacklist
繼續閱讀
呆等無野食，有相為證追單：侍應1：出緊，好快，求其耍走你侍應2：有架啦實際：廚房無單出收銀處問返點解：侍應1：己經幫你追左啦，電腦有單架喎廚房：亂左侍應1：有塊包喺度，比你啦一係（施捨）結果，埋單走人，食左啖氣，晨早流流睇全場人食飽10：16--10：53，飲杯咖啡，食左啖氣餐廳不同意可反駁，有更多證明在手
繼續閱讀
呢間餐廳真係「時好時壞」嘅代表！🤨 今次嘅自選全日早餐，體驗麻麻哋🤣首先講個豬肉眼🐷🥩，質素好唔穩定！有時煎得岩岩好，肉汁豐富🤤，但今次就…鞋到震！😫 咬落去好似食緊鞋底咁，失望透頂！😭豬頸肉方面🐷🥓，厚薄適中，算係合格嘅水平啦✅，不過食落有陣怪怪嘅豬味…🤔 唔知係咪淋巴腺嘅問題？🤨 總之食完有啲不安…薯仔雜果沙律🥔🍎呢個就幾好，酸酸甜甜嘅，幾開胃😋！算係唯一嘅亮點🌟啦！奶油豬方面🍞🐷，就…正常發揮啦！無咩特別嘅驚喜，亦都無咩令人失望嘅地方。凍檸茶方面🍹，茶底都幾濃，都幾好飲～最後，個餐湯…粟米火腿忌廉湯🌽🍖🥣…真係…一言難盡！🤦🏻♀️ 麵粉味勁濃，飲落去好似食緊麵粉糊咁！🤮 仲要飲到個底有陣漂白水味？！😱 真係嚇親總括嚟講，今次呢餐全日早餐真係好令人失望！😞 雖然之前嚟食過幾次都好食，但今次嘅質素真係跌watt到谷底！📉 🤔 唔知下次嚟會唔會好返啲呢？#香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hk
繼續閱讀