影片
營業時間
今日營業
08:00 - 21:00
星期一至日
08:00 - 21:00
以上資料只供參考, 請與餐廳確認詳情
相關文章
唔。。呢度係我第二次食，同首次一樣個飯都係偏咸。咁啱今日想食西，同款食物喺另一間要百幾蚊起，份量都多啲嘅又。見今日妟咗又唔太肚餓，再俾機會大家囉 😆！落完單說要等十五分鐘，方知前面有好幾張單，幸好都準時完成。至於隻蟹，沒有去鰓？！我見有啲餐廳也沒有去鰓 🤷♂️。成泡嘢咁，好食又唔係，唔好食又唔係，應該都無下次 😛。提到個飯偏咸亦帶酸，冬蔭公嘛；飯質感還好。餐牌選擇多或否也不太清楚，只想揀呢個飯 🤷♂️。這路線這價錢不要期望太高吧 😛儘量都不會選擇堂食呢，食完都周身油煙味 😅
繼續閱讀
本來好鍾意佢地D burger同薯條，今日揀咗雞翼，小妹自己一向煮開飯，所以個雞翼上台後一叉落去就知佢無煮熟，熟透嘅雞翼應該係slim D 同松軟D，咬開果然有血，而且幾多下。我好心唔想太揚細細聲同收銀個阿姐講（因為唔知點解其他職員唔見曬），阿姐攞去同後廚講，後來上咗個burger就黎食完個雞翼都未返歸，幫我落單個阿叔問廚房搞咩咁耐嘎。跟手突然有個阿姐喺我有後方出現，就黎貼住我咁勁有骨勁大聲咁講：”炸耐D啦，唔係有血絲有D人唔鍾意嘎！”🙄你估我黎食白切雞咩阿姨，雞唔熟會有寄生蟲嘎，無常識就唔好咁大大聲，你仲大聲過我好驚人地唔知你地自己煮野煮唔熟咩，黐線以後都唔會再幫襯
繼續閱讀
去觀塘掃完戰利品諗住去搵食，行到東廣場見到一間價錢又唔貴嘅小店，結果竟然喜出望外！我哋兩個人叫咗菠菜汁煙三文魚意粉🍝（$68）同經典牛肉漢堡🍔（$52），叫set連嘢飲，埋單只係$150。《菠菜汁煙三文魚意粉》佢真係用菠菜汁加上菠菜葉，絕對唔係hea我；加上蒜容同洋蔥碎，令到成個意粉嘅香氣非常突出，加上意粉有Al Dente嘅口感，比起一般西餐廳對意粉嘅處理更加一流。大前提係，只係68蚊！《經典牛肉漢堡》一般出去食漢堡都唔平，郁啲都成舊水，見佢呢個經典牛肉漢堡只係52蚊，就試一試佢。成個包好厚好軟，牛肉好juicy同好香嘅牛味，麵包嘅口感好好，唔會好似某大連鎖店嘅包既汁多到變咗一Pat嘢咁。有機會會再試其他嘅嘢食，雖然感覺係好家庭式嘅小店，但食物質素、味道上我覺得媲美一啲高級餐廳。結論係性價比高既小店，值得試！
繼續閱讀
喺觀塘俾我搵到間食burger嘅小店，款式非常多！龍蝦漢堡($128)菠蘿煙肉牛肉漢堡($65)漢堡都可以搭到咁高🤣 睇落都覺得足料！包身外脆內軟，好啱我口味😍龍蝦漢堡估唔到真係成條龍蝦尾放落去🤩 好大條好厚肉！而菠蘿煙肉牛肉漢堡就非常豐富，漢堡扒係手打，所以肉質都比較鬆軟好好味，配搭加埋菠蘿仲冇咁漏！香辣茄汁大蝦意粉($68)乾蕃茄黑醋雞肉意粉($65)蒜香蟹肉意粉($70)意粉款式都幾多，仲有唔同嘅配搭！茄汁大蝦大大隻非常爽口彈牙～😋黑醋雞肉估唔到有幾夾，食落多咗一點酸味，層次豐富咗！😍最後蒜香蟹肉都好都蟹肉，炒得幾惹味🥳煙三文魚沙律($48)估唔到仲有沙律，用煙三文魚切咗玫瑰花真係好靚😚 而且都幾多三文魚！食落都好新鮮，感覺清新😍泰式魚餅($24/3塊)番薯條($35)炸洋蔥圈($35)食漢堡點可以冇小食，泰式魚餅食落都幾辣！番薯條同洋蔥圈就好香脆，而且份量都幾多😋😋
繼續閱讀
相對上一次光顧, 已有一段時間, 是日路經見有下午茶餐, 當中更有漢堡包選擇, 便入座回味一番。1) 下午茶- 經典牛肉漢堡 $42- 奧利奧朱古力奶昔 $19 (原價$38, 跟set半價)2) 小食拼盤 (春卷 x 3, 泰式魚餅 x 2, 薯角) $38經典牛肉漢堡採用的包, 賣相並不討好, 但入口甚香, 又鬆軟, 一問之下, 原來這款包叫風車包。經典牛肉漢堡材料豐富, 有牛肉, 沙律菜, 番茄, 酸瓜, 芝士和洋蔥, 由於甚有厚度, 一口很難把所有材料吃下, 但依然美味, 既Juicy, 口感又豐富。小食拼盤有春卷3件, 泰式魚餅2件和薯角。春卷外表香脆, 餡料份量適中。泰式魚餅香辣, 即使喝一口奶昔, 辣感仍充滿口腔。薯角炸得脆口, 啖啖薯肉, 份外滋味。奧利奧朱古力奶昔味道濃郁, Oreo打碎混入其中, 質感幼滑但不會過稠密, 滿滿一杯, 十分滿足。
繼續閱讀
您可能會有興趣的...