NAM NAM VIETNAMESE CUISINE

營業中

休息中

今日難得收早，就同朋友去啟德airside嗰邊試吓新嘢，知道有間越南餐廳食評幾好就去試吓，地理位置十分方便地鐵站一出行5分鐘就到，我哋嗌咗豬頸肉，生牛肉河，炸軟殼蟹沙律，蒜蓉包同埋nam nam 炒飯，飲品方便我哋嗌咗芒果沙冰同埋青檸梳打，生牛肉河的肉質鮮嫩，搭配滑順的河粉，帶來絕妙口感。炸軟殼蟹沙律則外脆內嫩，鮮香四溢，清新的沙律醬更添風味。蒜蓉包香氣撲鼻，外脆內軟，與蒜蓉的濃郁完美結合，令人一口接一口，回味無窮。簡直一流，炒飯方面有幾種配料一齊炒，加上蝦片脆脆，豬頸肉粒同埋太陽蛋同炒飯撈埋一齊食，簡直係錦上添花，飲品方面沙冰唔會太甜非常解渴，下次可以同朋友再嚟食。

今日airside逛街想找輕食的食店，看到這間餐廳裝修小清新，乾淨俐落。我地點了越南牛肉牛丸河。這碗湯河的湯底清澈而香濃，牛肉的鮮味融合了香料的獨特風味。牛丸彈牙，口感極佳，每一口都令人滿足。搭配新鮮的香草和檸檬，整道菜的味道更加清新。河粉吸收了湯汁的精華，滑順的口感，十分過癮。軟殼蟹青木瓜沙律，這道菜的色彩鮮豔，酸酸甜甜，令人食欲大開。軟殼蟹外酥內嫩，搭配清爽的青木瓜絲，口感對比鮮明。沙律的調味酸甜適中，清爽又開胃，讓人感受到越南料理的文化。燒豬頸肉則是另一道令人食過返尋味的菜式。豬頸肉經過精心醃製，外層微焦，內裡卻保持著多汁的口感。搭配特製的醬汁，味道濃郁。我們點了Nam Nam炒飯，這道飯是公司的王牌，配料豐富，有蝦仁，豬頸肉粒，雞絲，另外再踏上豬肉蝦片，一啖飯雞蛋，色香味俱全。

來到九龍城AIRSIDE，都唔知食咩好，行經1樓時，就被門外那壁畫深深吸引，所以就查看了餐牌，發現價錢經濟，而店內裝潢亦讓人仿佛置身越南街頭的小餐廳之中，所以就入內一嚐。椰汁珍多冰一款清爽飲品，口感滑順，椰汁的香濃與珍多的爽滑清甜互相配合，啖啖清涼。香芒蝦仁米紙卷米紙卷包裹著新鮮的蝦仁和香甜的芒果，外層是薄薄的米紙，輕盈而不油膩，口感非常豐富。街頭沙嗲串燒（4串）串燒香烤後，做到外焦內嫩，肉質彈牙有咬口，輕沾沙嗲醬汁，令味道更香濃。燒豬頸肉（半份）燒豬頸肉肉質鮮嫩多汁，外層微微焦香，肉汁鮮美。馬拉盞炒通菜以馬拉盞炒通菜，帶來濃郁的海鮮風味，味道添加上香辣口感，非常惹味。叁併牛Combo河粉（牛丸、牛展、生牛肉）Combo 河粉可自行加上各款牛配料，這次我便選了牛丸、牛展和生牛肉，他們的湯底清甜，肉質鮮嫩順口，而每一口河粉都吸附了湯汁，口感一流。

朋友介紹話呢間越南嘢好抵食，過開airside就嚟試吓！街頭沙嗲串燒 4串 ($88)揀咗牛肉同雞肉各兩串，雞肉軟嫩多汁，牛肉肉味濃郁，加埋沙嗲醬香口惹味。香芒蝦仁米紙卷 ($78)煙韌嘅米紙包住酸甜芒果、爽脆生菜、清爽青瓜、檬粉同蝦仁，口感豐富，清新又開胃。
燒豬頸肉(半份) ($48)雖然半份但份量都好多，豬頸肉厚度適中，食落焦香爽彈，點埋酸辣醬就更惹味醒胃。
越南湯粉叁併($98)揀咗牛丸、牛𦟌、生牛肉同河粉。湯底濃郁不油膩，牛丸彈牙，肉味濃厚，牛𦟌腍得嚟有咬口，生牛肉軟滑，略帶油脂。

青木瓜柚子蝦沙律：見旁邊有叫覺得好吸引。味道酸酸地，食落鮮甜，醒胃，青木瓜夠新鮮，同朋友仔食得津津有味。香葉肉碎生菜包：味道唔算好越南，似係港式菜，但好好味。肉碎帶點咬口，肥瘦均勻，生菜可以添加，搭配食降低油膩感。咖哩牛肋條配法包：可以轉白飯但法包絕對值得一試。淡淡麵包香氣，一定要點醬汁。咖喱惹味，微微辣度小朋友都接受。牛肉嫩滑，吸滿醬汁，整體搭配好好，性價比高。銀芽豆卜雲耳炒金邊粉：份量比想像中少，但勝在炒得夠入味而且感覺得到有鑊氣。食完都唔會覺得好油，唔錯。燒豬頸肉撈檬：夏天食最適合，冰冰涼涼十分開胃。上面有唔少肉，嫩滑可口。撈檬軟硬程度適中，搭配自家製酸甜醬汁，正。

餐廳位於AIRSIDE，顧名思義主打多款正宗越南菜式，由前菜、小食、主食到飲品一應俱全。店內廚師全部來自越南，聽聞連門外副畫都係請學生登門拜訪一筆一畫畫出嚟！前菜有青木瓜柚子蝦沙律，菜品新鮮，冰冰涼涼，醬汁調味適中，酸酸may may，開胃又健康。私心推介香葉肉碎生菜包，可以按個人喜好選擇辣度、鹹度同油度，肉碎入味，包埋生菜超級夾，可大大降低整體油膩感。咖哩牛肋條配法包同樣出色，肉質嫩滑，仲有薯仔，法包散發著淡淡麵包香氣，點埋咖喱好出色。燒豬頸肉撈檬份量適中，豬頸肉滑嘟嘟，麵條掛汁、銀芽豆卜雲耳炒金邊粉都唔錯，炒至乾身且唔油，整體性價比高。

食物一般，叫了一個豬扒清湯麵，豬頸肉清湯，蒜蓉雞翼，啲湯好似我喺屋企用雞粉開嘅，都唔緊要，最緊要係佢哋啲服務太差仲要收10%服務費，以後都不會幫襯，未食完即刻係咁收碟，食一餐飯都未食完碗面已經要話收咗我兩次，我枱面嗰陣時仲有四隻雞翼四件豬扒三件豬頸肉都未食，碗麵都仲有半碗，只係比湯遮住佢已經係咁要收，第一次收我已經話我未食完到第二次佢又話要收，我嬲起上嚟問佢係咪唔夠碟用啊，跟住佢就走咗去，咁算咩態度呀，我知客多都唔係咁樣㗎，我都有俾錢㗎嘛，已經坐喺中間走廊位已經唔係好舒服㗎啦，左右啲侍應行嚟行去，你仲咁嘅態度唔怪之得香港啲食肆咁差啦又唔係平喎。

嚟到九龍城唔一定係食泰國菜嘅，呢間越南餐廳嘅裝飾好有特色，入口嗰幅畫真係好吸引，令人一睇就覺得想入去試吓。越式拼盤就係我今日嘅主菜，真係好豐富，入面有豬肉蝦片、炸雞翼、春卷、蔗蝦同埋粉皮，樣樣都好好味！每一樣食物都有佢自己獨特嘅味道，特別係炸雞翼，外脆內嫩，口感一流。春卷又香又脆，令人越食越想食，完全唔會膩。整個拼盤真係好適合同朋友分享，大家可以一齊享受唔同口味，實在係一個好選擇！另一樣推介菜式係Nam Nam 特色炒飯。材料包括豬肉蝦片，蝦肉、雞肉、雞蛋及冬菇等，味道亦都係非常惹味👅

到Airside 1樓看到有越南菜，心想越南菜不會有中伏的情況，落單叫了牛肉撈檬和越南特色拼盤（小），牛肉檬粉據我認知應該是有燒牛肉放在檬粉旁邊，加上碎花生等，實際上枱的牛肉是日本牛肉丼牛肉和檬粉一起，食落也是牛丼味道，感覺非常奇怪和不好吃．之於越南特色拼盤，有豬肉蝦片：又是牛丼味道不過用了豬肉蝦片不脆中間遠外邊少少硬，香茅雞翼：中間醃未入味，堤岸蔗蝦：雖然有蝦的顏色，但是味道似獅子狗卷，其他只是正確不是好食，好在價錢不貴，但不會再幫襯

之前已經食過呢度嘅姊妹店Asian Lab，今日特登試吓越南嘢菜！叫左拼盤炒飯同呢個金邊粉，雖然拼盤炒飯都唔錯低特別推薦呢款越南大頭蝦配蝦頭油炒金邊粉，真係好好味！餐廳話呢個菜要多啲時間準備，但做出來嘅味道真係一流。大頭蝦大到足足有半隻手掌咁大，肉質鮮嫩，蝦膏十足，口感超級正。炒金邊粉用咗蝦頭油，好香，味道好入味，蝦同粉配搭得天衣無縫。呢個菜式有種避風塘蝦嘅感覺，咸香味濃，食完之後真係令人回味無窮。絕對冇令我失望，下次一定會返轉頭🥰🥰

啟德人食過勁多次 真高質據說全部係越南師傅 質素非常好店內的裝飾都是從越南購入門外仲有一幅好搶眼的油畫好有越南風情不少食物原料都是由越南空運到港 例如珍寶size大頭蝦 真係勁好食頭盤揀咗越南特色菜蔗蝦，大大條 總共4條仲有少許甘蔗的清甜-強推：咖喱牛肋肉咖喱味香，比較濃稠，仲有薯仔牛肋條好入味豬頸肉燒得香 夾住幼身的濱海正宗好食飲杯越南咖啡 最夾！好香濃咖哩汁夾法包食，好滋味生牛肉河好大份量 牛味足 食完勁飽-春卷係廚師自己包 唔係預製 外層薄脆

Nam Nam Vietnamese Cuisine裝修很有越式風格，色彩繽紛又整潔，侍應熱情又友善。勁多款菜式岩晒一家大細，越南風情，又適合打卡。越南特色拼盤，擺得非常靚，菜式多樣，包括香茅豬肉、蝦片、越南春卷、扎肉蒸粉包、香茅雞翼同埋堤岸蔗蝦，每一樣都係正宗嘅越南美食。特別推介蔗蝦，蝦膠彈牙，沾上酸甜醬更添風味。Nam Nam炒飯，底部乾爽而且香氣四溢，裡面有扎肉、雞絲、豬頸肉粒同蝦仁，加上煎蛋，味道層次豐富。香茅豬扒，肉質入味，份量滿足，豬扒煎得香口，非常抵食。蝦餅撈檬：撈檬有好多款揀，其中蝦餅大大粒，彈牙香脆，沾上酸辣醬勁好食。香茅薏米水，估唔到香茅同薏米咁岩，香茅清香、薏米有口感。

Airside 新開嘅越南餐廳Nam Nam Vietnamese Cuisine，店面雖然唔大，但餐廳充滿越式風情，色彩繽紛的彩繪都好適合打卡。值得一提嘅系，餐廳侍應態度非常親切友善，主動介紹各種菜式，有種賓至如歸嘅感覺。越南特色併盤擺盤精美，菜式豐富，有香茅豬肉、蝦片、越南春卷、扎肉蒸粉包、香茅雞翼及堤岸蔗蝦，每一樣都系地道嘅越南料理。尤其鐘意蔗蝦，蝦膠彈牙而且啖啖肉，沾上酸甜醬更有滋味。Nam Nam 炒飯 炒飯底乾爽香糯入味，混合扎肉、雞絲、豬頸肉粒及蝦仁，搭配煎蛋，味道豐富，賣相出眾。蝦餅撈檬蝦餅炸至金黃，外脆內嫩，口感彈牙，搭配檬粉，淋上檬汁，酸酸咪咪開胃好味。香茅豬扒抵食之選，豬扒惹味，肉質入味夠冧。

呢間嘅越南餐廳，其實都唔差，所以專登再帶同事一齊嚟試吓。我揀咗啲午餐時間,咁我哋就點咗咖喱牛肋條配法包呢個咖喱牛肋條真係好入味,牛肉味幾好，嗰啲咖喱真係夠香,同牛肉真係夾。仲有呢個沙嗲串燒雞肉煎蛋（日本蛋）配白飯整體上算不錯！特別有個牛肉湯河都好好食，湯底清而不膩，而且味道係好好。可能鍾情食越南食物關係，覺得可以再試，雖然繁忙時間比較忙，好多客人，見員工都盡力招呼客人，呢間嘢可以回頭再試，以後多個落腳點^_^

難得和家人逛逛新的商場，試吓不同的餐廳，見到一間幾雅致的就進去試試，雖然地方唔算太大，侍應有禮，亦詳細介紹食物海南雞好嫩滑，串燒惹味，拼盤也很香口，質素不錯👍