nana's green tea

營業中

休息中

新開幕的啟德AIRSIDE商場，大家去了沒有？前陣子為了一杯每天限定10杯的芭菲去了一趟呢。就是在 nana's green tea 有賣，只賣到10月31日。Nana's Green Tea 是一間東京的人氣茶室，以抹茶為主的飲品和甜品吸引了不少人慕名而去。香港分店如果堂食，需要拿籌等安排入座，之後用 QR Code 下單。✨金箔生朱古力芭菲 (HKD 98)是香港店限定的喔。滿滿的金箔是打卡必須的吧!?抹茶雪糕、抹茶寒天&布甸和四片的生朱古力茶味都非常濃，但十勝紅豆蓉、粟米片加起來則甜甜的，不論口感還是味道都很豐富。🍦抹茶軟雪糕朱古力脆脆 (HKD45)堂食會有個雪糕架。入口幼滑香濃的抹茶雪糕，甜度剛好。配上朱古力脆脆讓雪糕的味道豐富了一些。

豆乳擔擔烏冬 $102估吾到個豆乳擔擔烏冬其實都幾好食🤭初初以為佢無乜豆味，點知個湯底都算幾濃郁，飲完一啖又一啖，真係無改左名，係啖啖！仲要$102都吾算好貴，無加一係咁上下！佢係手打烏冬黎，叫左個熱既黎食。有興趣下次試下個凍既烏冬，可能會仲正🌺🌺🌺😍抹茶軟雪糕抹茶朱古力蛋糕基本上日本雪糕都係差吾多味，都係綠茶幾滑既雪糕，但係佢個蛋糕係脆邊，依下幾有新鮮感，食落幾開心😂不過個蛋糕少甜，45蚊雪糕連蛋糕🧐性價比算高！有綠茶雪糕，有牛奶雪糕，有紅豆，有粟米脆片，仲有綠茶jelly，但我都係中意食個雪糕多d🧐其實我覺得間餐廳服務態度算幾好，佢地好主動幫你收起食完既碟，話驚整污糟你，我覺得算係咁！

📍Nana's Green Tea (九龍城)九龍城啟德協調道2號AIRSIDE B1樓B128號舖💚日本人氣京都宇治綠茶甜品店黎左啟德，主打甜品，和風料理，茶飲，抹茶控記得去試下。店舖坐位多，大約等左十分鐘就入得，熱食選擇比較少，但飲品同甜品都超多款😋☁️抹茶軟雪糕配上抹茶朱古力蛋糕$46抹茶回甘，雪糕柔軟細滑，蛋糕外層是朱古力味，口感豐富，好好食，必叫☁️ 熱擔擔豆乳烏冬湯底似四川擔擔麵，有濃厚花生味，豆乳香濃，烏冬是粗身，有大量肉碎，好食😋☁️壽喜燒牛肉丼，麵豉湯牛肉入味，白飯真的太濕了，變咗糊仔，旁邊有豆腐和野菇

有人話黎到airside 一定要打卡係呢杯雪糕。基本上，我睇過最少十幾個朋友都同呢杯雪糕打過卡，個個都話佢個綠茶味好濃郁。抹茶軟雪糕可以配唔同嘅野，生朱古力、軟雪糕蕨餅、朱古力蛋糕、白玉紅豆、仲有朱古力脆脆，全部都好似好吸引，不過我哋選擇最京都風的白玉紅豆。過得黎airside又愛甜品，點可以唔打卡，不過提提大如家食完飯九點多來到，隨時有機會賣哂，好彩個晚啱啱趕到食到。聽講佢嘅金箔生朱古力芭菲非常好食，係Nana 香港店exclusive 先有，每日得十杯，可惜來過幾次都無乜緣份食到。

呢間Nana 應該係airside 開檔以來最多討論度嘅甜品店，基本上頭兩個禮拜鋪天蓋地都係呢個綠茶雪糕嘅打卡相。好多社交平台群組都又話一定要嚟食，愛綠茶嘅我當然要試吓。佢嘅雪糕都有幾多選擇，有唔同嘅配搭，一睇相就知一定係食綠茶雪糕配白肉紅豆。另外朋友食左配個朱古力蛋糕，生朱古力同軟雪糕蕨餅味都好似好好，個個都好似好好食，不過一攞起手太快冇影相。另外聽聞佢嘅抹茶飲品都幾好飲，下次再約朋友去食個下午茶。

今日黎朝聖，去airside 既nana食野，好多人都話個甜品好食，通常日本過江龍都係有保證派！叫左一個番茄蝦意粉，同埋豆腐沙律，再加上黑芝麻芭菲甜品。個沙律有得俾你揀柚子汁定芝麻汁，揀咗柚子汁，有柚子皮，食落較fresh。個蕃茄意粉，個汁比較濃，蕃茄味重，仲有好多隻蝦， 但太多汁，食晒一個都幾飽。揀左個黑芝麻芭菲， 中間有雪糕， 粟米片，紅豆蓉，黑芝麻凍， 芝麻雪糕，個芝麻雪糕好香芝麻味， 中間雲呢拿雪糕部分都好滑，成杯好大杯咁， 但食食下都食晒。呢度最好嘅就係有熱水凍水任飲。

日本過江龍茶室Nana’s Green Tea係啟德新商場Airside其中一間人氣必試嘅餐廳之一，店家選用來自日本京都嘅「山政小山園」合作調配獨有嘅抹茶，味道醇厚又帶少少回甘👍🏻抹茶控表示要第一時間去試下😋🔸抹茶蕨餅芭菲 $88芭菲層次豐富，每層都有唔同嘅配料，打卡一流📸頂層有灑有抹茶粉嘅cream、紅豆蓉同綠茶雪糕，並以穀物脆片增加口感同分隔開底層嘅雲呢拿軟雪糕同手工製作嘅抹茶凍，抹茶凍茶味濃郁帶回甘，全部配料一齊食非常滿足🤤🔸抹茶牛奶沙冰 白玉綠茶雪糕 $58每枱必嗌抹茶牛奶原來都有沙冰version🧊沙冰質地非常綿滑而且入口即溶，夏天飲非常透心涼👍🏻白玉質感煙韌有咬口，煙韌控必試😋🔸熱抹茶牛奶 白玉紅豆 $48熱飲嘅抹茶牛奶口感順滑而且茶味更香濃，配埋香甜嘅紅豆蓉完全係perfect match🤩#FEVI_cafe #FEVI_九龍城

試食員試食完日本人氣茶室 Nana’s green tea 山政小山園抹茶，茶室以正宗日本茶道文化炮製各款上等茶飲和甜點。除了宇治抹茶外，茶室亦有現沏焙茶及玄米茶。店內有多款特色飲品選擇，另提供一系列經典蛋糕、甜點和輕食，種類繁多。為慶祝首家香港分店開幕，Nana’s green tea 由即日起至2023年10月31日推出香港店限定版抹茶金箔生朱古力芭菲，每日限量供應10份。🥢香港限定版抹茶金箔生朱古力芭菲 限定版菲揉合生朱古力及鮮忌廉的軟滑口感，綴以點點優雅金箔，賣相精緻，層次豐富。🥢豆乳擔擔面 以豆乳及傳統擔擔湯底入饌，烏冬掛上湯汁，食落濃郁辛味又彈牙，富創意之作。📍 Nana’s green tea地址：九龍啟德協調道2號AIRSIDE

今期最紅一定係佢🤣 啟德新開商場Airside 入面既 「nana's green tea」 ！「nana's green tea」大有來頭，在日本坐擁近80間分店，嚟到香港開分店一定要試吓啦💚香港限定抹茶金箔生朱古力芭菲依款香港期間限定每日限量10杯，除咗有抹茶生朱古力，紅豆🫘，抹茶啫喱之外，頂層仲有抹茶金箔忌廉！有金箔加持即刻高級左好多🤭紅豆冇想像中咁甜，生朱古力都好重抹茶味同好滑，中間層嘅粟米脆片都好好食！不過抹茶雪糕就比較淡味同碎冰感多啲，最底層嘅抹茶啫喱都一般😞焙茶生朱古力芭菲反而焙茶非常有驚喜，焙茶味好重雪糕比較細滑！其他配料就同抹茶味相同！今次有少少失望原本以為抹茶味會比較突出，因為餐廳話用招牌宇治抹茶嚴選京都百年茶農「山政小山園」的抹茶，但唔覺得很突出☹️唔知道會唔會軟雪糕口感會比較好？ 下次再去試試🥰同埋好彩嗰日平日下午 好好彩去到唔洗排隊🤭🤭Nana's Green Tea 回顧率🌸：6/10食物質數🤤 ：6/10環境⛲️：6/10服務👩🏻‍💼：6/10地址: 九龍城啟德協調道2號AIRSIDE B1樓B128號舖

新開張好多人 ，我12點左右一開門就要黎拎位。哩個海老番茄豆乳烏冬，好好食 ，好creamy但又唔漏，食晒成碟份量岩岩好，推薦，不過價錢就少貴，淨係個烏冬加埋一已經$140左右。因為無套餐所以飲品要另外再叫，值得一提哩間的雪糕好好食 ，叫飲品的話一定要叫on top有雪糕的😎但位與位之間係有d近，會聽到晒旁邊台的人講野😂服務都幾好 ，我未落單前要求過調一次位因為冷氣太凍，之後又要一杯滾水 ，店員態度都好好。

之前睇到消息話nana’s green tea 終於開到香港已經超級期待！特登等耐少少 避開開張頭一個星期 因為驚好多人 唔想同人逼 果然冇錯！第二個星期其實都係要排隊嫁啦 不過都預左呢間會好多人食 純粹遲黎唔洗排咁耐講番正題先 今次食佢香港期間限定既抹茶金箔生朱古力芭菲 同熱食芭菲既抹茶茶味濃郁 紅豆蓉食得出唔係罐豆紅豆蓉 生朱古力幼滑 個底仲有啲抹茶果凍 好似食緊抹茶河粉咁滑熱食叫左柚子胡椒豚肉烏冬 好清爽 烏冬煙韌 遲下約埋啲fd黎再試埋其他先

公眾假期去到新開張嘅Airside. 堂食要自己排隊買食物，排成咗50分鐘。得一個收銀，咁長龍收收下銀居然去唧雪糕。有員工送餐，但係冇員工落單。唔明白依啲係什麼安排！食物沒有什麼特別，但係收費唔平，仲要冇服務提供、等咁耐簡直係嬲到爆！

排隊沒有指示，首先排了半個鐘堂食隊伍，進入餐廳後服務員隨口告知點餐外面排隊，去到外面又排了半個鐘，才發現是take away隊伍，此時又被要求重新排堂食落單隊伍。總共排隊超過一個鐘。餐廳裡完全沒有服務，四位的食物隨手堆埋一起，和服務員說話也愛理不理⋯⋯小小的餐廳裡服務員有3-4位，目測並沒有出現人手不足問題，沒有理由服務那麼差。食物質素一般般，沒用甜度可以選，上菜速度倒是非常快，但是不值得排隊咁耐。。

新開商場人多很正常，一行三人下午3點後排隊大約20分鐘可入座。要自行到收銀櫃點餐，水也是自助，但堂食會收10%服務費😑和朋友一行三人點了兩碗烏冬和三杯飲品，烏冬正常發揮，沒有特別，作為以抹茶做賣點的餐廳正常，所以也ok。問題出在飲品。一開始因點餐收銀的男生說加雪糕是直接加在杯內，所以熱飲不能加雪糕，於是我們全部人都叫了凍飲。第一杯芝麻雪糕綠茶沙冰正常滿杯，朋友另加$10要了一球焙茶雪糕，因為杯已滿沒有位放所以另上很正常，味道也還好。但我和另一朋友點的焙茶牛奶和冷泡焙茶就出現問題。我們是有另加$18要綠茶軟雪糕，結果送上桌的是沒有了三分之一的飲料，軟雪糕失蹤，送餐的女侍應什麼也沒說放下就走，要我們自己叫她回來追問加的軟雪糕在哪🤦🏻‍♀️然後女侍應才研究我們放在桌上的收據，拿去問廚房。結果回來跟我說軟雪糕會另上給我們？？？😧(另上的軟雪糕請大家自己睇相，如果想打卡奉勸唔好咁叫🫣）說的和做的完全不一樣，如果加錢加雪糕是另上為什麼要把飲品份量扣掉三分一 (我們入座前見別人的飲品全都是滿的）？這服務真的不了🙄最後重點是，焙茶類的飲品味道淡到嚇人，只有抹茶軟雪糕正常一點，說是日本過江龍但食物質素真的

去咗兩次 試咗兩款甜品都唔錯❤️第一次食咗焙茶蛋捲 蛋捲十分之軟熟 原味忌廉口味偏輕盈 入面再包有有濃濃嘅焙茶忌廉 十分之好食 去嘅時候平日中午唔知點解冇乜人排隊 所以食完飯就入咗去食甜品 如果甜品內用嘅話收加一 拎走就唔使第二次綠茶蕨餅軟雪糕🍦綠茶味幾濃蕨餅係軟冧冧個種 但帶有口感 好味 堂食嘅話要排隊中間都有經過過呢間店 經常有人排隊（包括買雪糕拎走）因為我唔係好鍾意排隊 所以嚟咗幾次先至食到 如果想嚟食嘅話要有心理準備