Neoart 3 Coffee Lover

營業中

休息中

好耐冇入過西貢啦，難得平日有假期，同老公帶埋隻寶貝狗🐶一齊入嚟行吓，有好多舖頭都唔同哂。比呢間Cafe吸引咗過嚟。離遠已經spot到佢好eye-catching嘅黃色外牆，入到店覺得好乾淨好chill，而且服務態度都好好。小店樓高三層，地下層係Cafe，試左佢地個signature Iced Mocha，牛奶味同咖啡味都好香，比例平衡得幾好。另外再試左兩件cake，柚子芝士同榛子朱古力脆脆，兩款都好有驚喜喎😳前者口感好幼滑，柚子同芝士味唔算好重，我覺得剛剛好；後者層次好豐富，朱古力同榛子味道好香濃，個脆脆超好味。我好怕蛋糕超甜，但呢兩款都唔會，好啱我口味。店主係熱愛藝術嘅人，而第二、三層就會不定期舉辦有關藝術嘅活動。

昨天我特別和家人坐車去西貢食中午餐，我朋友特別推介我這家餐廳，於是儘管一試，我們找了一會終於找到，我們入到裡面找了位置坐下，我太太和兒子看了餐牌點了一個法式蕃茄牛肋肉配寬條麵，招牌早餐和六重芝士薄餅，點餐後，我和家人安心等待，在等過程中我們聽到沖咖啡那位人士和我們後面的食客不斷講某某樂隊又講某某演員，其實餐廳不是很大，地方很細，而當時那位沖咖啡的哥哥講到眉飛色舞，我和家人已經覺得不是很專業，因為作為專業沖咖啡的人是不會一路沖咖啡一路說三道四終於等到我們的食物，首先是寬條麵，味道中規中矩，跟住就到我的招牌早餐，說真賣相不是很好，最大問題是那塊煙肉是凍的，連煎也沒有煎過就放上去，最後就是我們期待的六重芝士薄餅，但我們一看就非常失望，因為我兒子講正宗的六重芝士薄餅是不放蕃茄醬而是放蜜糖的，還有我們真係食不到有六重芝士在裡面，而薄餅的餅底都非常不專業，好似出面的急凍薄餅一樣，我們食完結賬是$404，不是價錢問題而是整體給我們的印象和感覺都不會推介給我的朋友

今日終於冇落雨 不過好熱😖黎到市場街比呢件黃色cafe吸引到🤩都聽過朋友話好食😋入到去staff好熱情招待 好好笑容有QR code自助落單 但係佢話可以幫手落埋仲即刻比水我地🫶🏻好少餐廳會咁做🫶🏻🫶🏻兩個人叫左個牛肋肉意粉&帶子意粉兩個都好好食窩！😚🥹牛肋肉好夠味 尤其是啲紅蘿蔔！超入味！帶子意粉少少拉 好香😋歐洲都食唔到呢個質素值得一提：啲意粉真係 al dente！好開心揀左呢間！下次一定再黎試蛋糕！

男咖啡師同客多數講嘢得幾個字，”Ice Latte”，又好唔耐煩，佢戴口罩都遮唔到，另一個男待應態度幾好，又拎水，又拎餐具要QR code 落單，雖然貼咗code 落枱，但唔算好明顯，見隔離枱問咖啡師落單，幾唔好態度地講”枱有QR code”叫咗兩杯啡，咖啡質素中上，奶泡整得幾好，但坐cafe 聽呢啲說話壓力好大，自己覺得食飯飲啡都係求舒服開心不過成日去開西貢cafe ，大部分都冇咩耐性，可能人手少，我覺得甚至隔離飲荼食海鮮洪記，全記，勝記態度仲好

餐廳地點樓高三層，因為油上了黃色漆油，好容易搵，遠遠睇到，有種歐洲小鎮氣氛。一間餐廳最重要係食物，坐低叫咗蕃茄牛肋肉闊條麵，仲有帶子香辣蒜油意粉，餐廳非常貼心，因為有小朋友唔食得辣，主動提出可以走辣。牛肋肉入味好食，帶子意粉帶子鮮甜，意粉亦整得好香，小朋友食得好開心。意猶未盡，加多一個牛油果sourdough, 呢個更加係意外驚喜，個sourdough 本身整得好好，麵包亦烘得香脆，對於我呢啲麵包控，一食就忍唔住再食，轉眼清晒。叫咗杯Americano，好飲喎，於是再encore一杯手沖咖啡，佢沖得好細心，坦白而家間間Cafe都做手沖，其實唔係間間都好飲，呢間質素係非常唔錯，有層次感，尾韻回甘，好啱我口味，原來老闆對水質等等都有嚴格要求，咖啡豆仲係每日新鮮嚟貨。總括餐廳食物同咖啡質素，俾佢外表更加驚艷，朋友食完大讚，非常愉快的一餐。

星期日大概11:00到餐廳，因為落雨所以唔使等位。喝了Mocha ，朱古力同咖啡味好平衡，不錯。手沖咖啡也值得一試，口味適中，果味加一點點酸味，個人覺得剛剛好，有水準，是一款非常平衡的咖啡，與甜點搭配都合適。 Egg benedict個蛋熟咗少少，不過賠返佢個麵包係幾好食。試了蛋糕，外觀好靚，重要是味道比較獨特，甜度適中真的不錯，可以一試。樓上2樓可以私人聚會，天台可以book BBQ， 地方好乾淨overall 每一樣都有特式，老闆好nice, 會再幫襯 ! 

好耐冇入西貢，偶然發現呢間 門面非常搶眼嘅coffee shop，無論菜式及甜品皆走精緻路線，甜品及咖啡尤其出色，非常好打卡，配合充滿藝術氣息嘅環境，渡過一個悠閒嘅下午🥰

我每次返嚟都會飲至愛的Ice Mocha，打咭一流，尤其宜家天氣咁鬼死熱，好refreshing，朱古力同coffee味好balance, 之前試過coffee tonic同皇家冰滴，都有驚喜 近期睇咗佢哋IG的班尼廸蛋加三文魚，好似好吸引，不單賣相、味道，特別係個醬汁，喜出望外，性價比高，必食之選。但每日供應有限，先到先得今朝悶悶地又返去食signature breakfast加杯冷美式，過咗一個好Chill的周日早上

餐廳佈置十分精緻，餐具設計獨特，老闆態度友善，清潔衛生一流，我已經幫襯了第八次，我十分喜歡他的帶子意粉，帶子完全沒有冰鮮味，直接西貢進口，原汁原味，其他餐廳完全不能做到，拉花咖啡十分有特色好好飲，拉花師傅手藝一流，另外特色蛋糕，大件好食，好有質感不重奶油味，價錢十分合理，入西貢遊船河時或遊玩時，一定要一識！我覺全西貢真係最好就是此餐廳！所以入西貢我一定到店幫襯！值得推薦大家試一試！

今日再一次入黎呢間coffee shop❣️佢地啲咖啡真係全西貢最最最好飲🥹🥹🥹其他地方都飲唔到類似嘅咖啡今日叫左Dirty🤎坦白講 香港冇咩coffee shop做到靚/合格嘅dirty呢個黎到我真係嘩一聲😳真係兩層 飲落去仲要好滑好香espresso一啲都唔苦飲到後尾都唔淡🤍🤍🤍🤍今日仲試左Signature Breakfast多士好食😋香腸超級好食🤓🤓🤓連個沙律都好有心 撈得好好食🤤大滿足！

已經幫襯過大約五次，極力推介 *法式蕃茄炆牛肋肉闊條麵* 同 *帶子香辣蒜油意粉*！闊條麵非常入味，索晒蕃茄及牛肉味，牛肋肉超軟🤤🤤🤤物超所值！如果兩個人一齊去可以叫埋帶子意粉，帶子好靚，冇冰鮮味，有少少辣帶蒜香味。另外同老闆傾偈得知舖頭常有幾位咖啡拉花師，沖咖啡都好有心思。雖然本人唔係特別鍾意咖啡，但係都覺得好飲～另外仲有幾款好有特色嘅蛋糕，雖然size唔大，但係好足料，女仔應該食一件就夠飽肚🤣其中有一次同一位朋友一齊去，減緊肥嘅佢叫咗一份煙三文魚沙律，沙律菜種類多元（好似有羽衣甘藍），怕食肥嘅朋友都有選擇！最最最後，間Cafe嘅外牆係黃色，好易認，而家每次入西貢嘅首選都係NeoArt~~~(第一次寫食評，請多多指教🙇🏻‍♂️)

這家咖啡店位於西貢市區，是一家非常時尚和現代的咖啡店。店內裝潢非常精美，有著現代藝術風格的裝飾，讓人感覺非常舒適和放鬆。他們的咖啡是絕對不能錯過的，味道非常濃郁和芳香。如果你喜歡冰咖啡，他們的冰咖啡也是一個很好的選擇，非常清爽和提神。此外，他們的餐點也非常精緻和美味。我推薦試試他們的牛肋條意粉，超級好味！煎帶子意粉，也很不錯，有點辣辣的很開胃。最後一定要配上他們藝術感十足的蛋糕餵飽自己另外一個胃，我自己偏好抹茶和巧克力味，對於我一個不喜歡吃甜的人來說，卻忍不住一口接一口！店員非常友善和熱情，讓客人感到非常舒適和受歡迎。而且是pet-friendly，可以帶猫猫狗狗甚至鳥兒去。此外，店內還有一些藝術品可以欣賞，增添了一份文化氣息。如果你喜歡拍照，這裡也是一個非常好的打卡地點。

失望！失望！與宣傳相片完全不符！😤😤味道都算可以，但買相超差！用外賣膠杯，紙碟，毫無性價比可言！本來咖啡店應該係環境比較優閑，寧靜，但今次撞到一班品頭論足，高談闊論八個港男港女！環境！餐具！使本來靚靚的心情都變到跌至零點！

這間新開了一段時間的咖啡店加上吸睛的黃色外牆，今日終於可以去試一試！首先讚一讚店員禮貌的款待，還就個人的口味和喜好介紹店內的咖啡和蛋糕，真係有驚喜我們點了Americano 和Matcha cake 。清香的黑咖啡加蛋糕是絕配！如果你喜歡飲黑咖啡又唔喜歡太濃，這個就應該適合你！所以我建議去到將你的喜好和店員溝通一下，相信他們一定樂意推介合你心意的食品臨走時更有機會同咖啡師交流，我已經諗定下次想試的咖啡和蛋糕啦值得一試

我好鍾意飲咖啡嘅 但係係西貢真係冇一間cafe嘅咖啡好飲 好多都係比人打卡呢間新開冇耐 一直都未有機會試最近平日放假特登行過去 試下咖啡☕️一座低就有一杯水比我 好多cafe都冇 呢點要讚仲有咖啡師推介我咖啡佢好細心問清楚我preference先推介比我話佢地signature係iced mocha睇相我都覺得幾靚不過我麻麻地甜嘅咖啡 又想試佢地咖啡豆得唔得就叫做杯熱cap黎到嘅時候我好開心 因為終於見到有一杯cappuccino係冇拉花全香港好多cappuccino都貪靚拉曬花 但係就唔夠泡 呢杯個樣正宗喇飲落口好舒服 所有味道、奶比例都好平均唔會太濃 亦都唔會太淡 味道岩岩好好滑 咖啡豆唔會過酸 呢點好多cafe都做唔到呢間一定係全西貢最好飲嘅咖啡如果大家對咖啡有要求 一定要黎呢度飲下次我會返黎試手沖