Neway Karaoke Box (已搬遷) 新店位置

放假悶悶地無野做，女朋友話想唱k，想拍拖仔，就順下佢意，陪下佢囉。兩條友唱k真係第一次，諗起都覺得攰🙈去到k房都係例牌點返嗰d唱，其實諗諗下，唱左咁多年k，好似黎黎去去都係唱嗰幾首咁😂😂喺等歌既途中，我發覺有少少唔對路，點解我成粒鐘都未有得唱既👿原來我女朋友一口氣點左兩版歌🙈我又唔夠膽出聲，唉😭唯有睇下個餐牌啦。最後叫左個鰻魚飯食。唔知係肚餓定點啦，個鰻魚飯都幾好食。鰻魚有鰻魚味，飯有飯味咁，都幾正👍🏻

放假突然想唱K就自己一個去唱了1100前入座 只係$35再加一,即係$39包一份午餐+一杯無酒精飲品原本1130就要交房但登記時個staff仲要話唔cut歌可以繼續唱落去心中只得一隻字「抵!」午餐點左個挪威三文魚沙津味道...好失望---勁咸不過我又唔係為左個餐所以就算喇唱到1300左右有個經理話有優惠,問會唔會唱到1800我就已經唱夠最後1330就埋單走人

繼續我的 2010年 4月篇朋友推介.. 星期日最好節目就是唱K + Buffet又平又抵又好玩又可以大班朋友一齊正呀!!早 1日 Book房仲有 9折呢..... Gooooooooooood唱足 12粒鐘都係 $140咋.. 仲包埋 Buffet + 2杯飲品

2010-2-28(星期日)我與朋友一行三人，三人我們可以唱三小時，我們八時三十分入座，可以唱K至晚上十一時三十分)。我已經十年沒有黎過九，食物比起以前有改善，依然很多煎炸食物–我個人覺得是九龍城區既Neway一貫既食物盤的安排。我那天有以下食物︰可能因為二月天氣冷，沒有甚麼菜類(只有芝士忌廉火腿蛙蛙菜配撘)蝦(中型Size)炸物有很多款(哈哈笑、麥樂雞、芝士魚餅、炸魚件–包紫菜)咸菜豬肚、炒飯、炒麵、燒鵝、酸齋有專人職員負責︰燒烤食物(有粟米、香腸、雞翼(好味道『嫩』、墨魚丸、豬扒–很硬)糖水︰紫米露湯類︰忌廉湯、豬骨湯牛根︰十分淋，十分好味道有我喜歡的咕嚕肉(有加青椒及菠蘿)有美味雪糕(口味︰士多啤梨、雲呢拿、芒果、朱古力)有附雪糕筒(像麥當勞最便宜那種)生果︰西瓜、蜜瓜啫喱杯打邊爐︰特色食物–扇貝、黑豚肉、肥牛、鮮美蟹(十分大隻及好味)、牛丸、白菜『湯底有紅蘿蔔或可選麻辣湯底』整體黎講，我都滿意，若果可以改善一下，吾好那麼多炸物

2009-3-25(星期三)現在Neway推廣六折、七折優惠，但發覺很少歌曲可選。Neway原先有一個優惠是3:00pm-8:00pm此時段只收$98(連加一服務費)，此$98亦已包埋食自助餐，即表示可由6:00pm食自助餐食到8:00pm。現在推廣六折、七折優惠，我覺得變咗加咗價…因為我原先與朋友下午四時到達，原先想食埋自助餐，但收費要$98，因為現時自從推廣六折、七折優惠後，自助餐是沒有太多海鮮，很多野食都是平價食品，我覺得是加咗價，食物質素十分差。於是，我與朋友選擇咗（唱兩人K房，可唱3小時–包兩杯無酒精飲品)$60打個六折後是$36(加一服務費是$6)『即每位收費是$42』我心想要待推廣完結後，才敢再去，食物質素十分差啊！！！

昨晚3個人來這裡唱歌兼且食k buffet, 貪佢呢度唔摧房任唱, 食物方面對比其他newway比較差, 太多炸野食, 刺身一般唔係好新鮮, 甜品唔好食, 總括冇乜特別好食, 不過如果喝酒食炸野都唔錯既, 而且buffet是食到1點都抵既, 結果我地只係飲左8枝啤酒4杯冇酒精飲品都可以唱到兩點到, 埋單$518都抵既

今晚去唱自助餐k，發覺好唔掂，d野一開始就比人拎晒，但係好耐都唔肯拎過d野出來，成場竟然空晒都得?? d三文魚又要限時，一到出三文魚就排晒長龍，跟住拎得果幾塊超薄既魚片仔。其它地方既neway都唔係咁，佢地會不停加新野，呢度就唔會。自助餐仲要收貴其它neway$10添，野食又衰過人，仲好意思收多$10，音響又唔得，沙到痺，真係離晒譜，呢間一定要列入黑名單，絕對唔會再黎！簡直係neway之恥。

為左唱新歌，一定要黎neway啦，超級抵呀...每日$108有自助餐加埋唱K由6點半至12點半，唱到喉嚨痛都冇人趕我地走，OKOK呀...值得讚賞呀..YEAH

成日黎呢度唱K家，唱到D職員都識晒我地。不過以前D 食物好差....一點兒也不好食。而家可能改良左好多，轉埋做自助餐，感覺比以為抵好多，同埋食物質素改善左，好味左。不過抵食還抵食，而家就有好多師奶起呢度立足，行經門口也是唱緊【講不出口】。仲要同D師奶搶野食。本人就好討厭同師奶爭。不過為免出旺角同人迫,,只好出茅招囉.....叫人拎黎(笑)....服務真係一流，抵讚佢。

尋日一行4人去唱K, 食埋k buffet, 因平日既關係,4人以上唔駛限時, 我地由7點半唱到2點,飲左打半啤酒,幾杯熱檸茶, 地方方面唔係好大, 不過音響都唔錯, 食物方面都幾多野食,不過煎炸野好多,唔知係咪想人叫多d飲品, 有春卷,炸魚,椒鹽骨, 牛仔骨,蒸魚,小龍包,好多款菜,燒賣,乾蒸牛肉, 炸雞堡, 咸水角, ,一口種,串燒,豬皮魚蛋, 火鍋蝦肥牛, 豬骨粥, 羅宋湯, 沙律, 螺, 青口, 大頭蝦, 壽司,魚生,蒜蓉多士, 甜品,蛋糕,雪糕, 其實都幾多野食,好過我上次去酒店食宵夜buffet, 魚生好多款唔錯, 有蝦, 北寄貝,墨魚,三文魚, 魷魚, 亦貝,吞拿魚,立魚, 仲有冷盤, 白雲鳳找,泡菜, 其實甜品都有好多,不過因為太飽既關係,所以只係食左笑口組,同雪糕, 其他冇乜點食, 埋單都係6佰幾蚊,下次會再去過呢.

長假期最後一日已經一早俾我鍾意唱K嘅媽咪約定由下午茶時段唱到夜晚. 佢選擇九龍城廣場一來貪佢有得泊車,二來因為冇咁方便,人會少d.前一晚打定電話book位,仲有booking number. 去到雖然都等咗一陣,但俾咗個二十人嘅party房我地四個,咩都抵哂啦,仲有投射大電視,獨立廁所,都唔錯. (因為佢本身唔係CEO,只有大房先有獨立廁所)由於假日關係,所以下午茶係$59一位包兩杯飲品,但就冇果盤,nuts收費. 我地都叫咗只係$12一款嘅下午茶餐. 咖哩薯餅沙律好味,因為好香咖哩味,而且又係我最愛嘅炸物,脆而不膩. 牛肉粒炒飯炒得幾乾身,以$12嚟講就係超值水準. 仲有煙肉蛋公仔麵我冇食,不過咁嘅價值,交足貨.六點後每人加$30就可以享用自助餐. 當然我就冇要求,為求醫飽個肚. 冷盤有荀,蓮藕片,冷麵,泡菜...有啲奇怪嘅組合. 好似仲有各款沙律. 湯類有洋蔥湯,冬瓜湯,碗仔翅,仲有海鮮粥.又有一個小焗爐俾你自助焗蒜蓉包. 熟食有炸蝦丸,咖哩角,燒肉,椒鹽三文魚魚頭(幾好味),炸雞棒,蒸魚,咸水角,炸雞卷,燒墨魚丸,豬扒,腐乳蒸雞,各款蔬菜,仲有好多,唔記得喇. 即燒串燒有豬,牛,

(11/4)家人突致電外出用膳，必然出席。一行五人經商議後選擇此地，因家人喜歡唱歌，兼方便泊車。沒有期望，何來失望？大約九時，家人旨在唱歌多於吃飯，見食物供應量有增無減，熟食、火鍋、日式食物、甜品、雪糕源源不絕，但質素則因地制宜，相信兩間"CEO"的食物質素應該是各分店之上；此間的瀨尿蝦黏殼，相信是不新鮮所致，其餘點到即止，反而是夜的碗仔翅及車厘茄是有重覆。喜樂聲不絕，歌曲一首接一首，由新馬師曾、任白橫跨至今天的光良，老少咸宜，在下只唱了兩首，但已感覺良好。附記：侍應服務態度殷勤兼特別，一邊執拾、一邊"撩"客人對談，可能工作乏味苦悶。還記得某首MV的女主角激吻後流鼻血，我說：「嘩！流鼻血？」接著他以唱著歌回應：「血癌已帶走她...」好，敬業樂業。

星期一晚我一行五人去到九龍城唱K，可能因商場裝修，感覺上D K 房更加殘舊，好似去左D舊式卡拉OK咁！玩至約12:00，我們結賬離去時，在走廊遇到一位經理，戴眼鏡的，從外表看來，他好像飲醉酒，說話時很大聲，我們從他旁邊走過，他視而不見，連說聲（多謝，再見）也沒有，反而其他員工會上述的禮儀。而整體的員工也很有禮貌，服務都O.K.食物就還可以的！

lunch time 黎唱K﹐有salad bar, 個雜果沙拉都唔錯﹐仲有D大樹菠蘿都幾好味~熱湯就唔多掂﹐好水。。。叫左個龍唎柳焗通粉﹐D粉煮的岩岩好﹐唔會太過腍﹐不過D白汁比較溜

20041006 10pm打完邊爐再唱K3人, 10pm 唱到12am.無飲酒. 齋飲o的普通drinks (btw, 個fruit punch 好難飲)用埋credit card 9折, 都仲要$315!!!!2粒鐘咋wor! 勁貴! o的房又殘!送<身嬌肉貴> 電影coupon, 你睇埋我果份.