影片
港鐵太子站 B2 出口, 港鐵旺角站 D2 出口, 港鐵旺角東站 B 出口
繼續閱讀
特色
適合大夥人
包場派對
營業時間
星期一至日
10:00 - 05:45
以上資料只供參考, 請與餐廳確認詳情
食家推介
疫情依舊，仲破埋新高，生意難做，而家連Neway卡拉ok都要變陣，話說係想住去唱k buffet的，點知當日突然收到電話因為疫情關係，當晚唔會有buffet提供，反而可以計埋人頭費，提供韓式燒烤，想住幾抵下，咪試下呢個。開頭想住韓式燒烤呢個套餐係佢燒埋啲比我地，點知突然服務員搬曬爐具，生肉入曬來，仲點埋火😂，我個刻先醒覺原來係我地自己燒，真係未試過一路燒烤，一路唱k。個韓燒套餐有，牛小排，牛板腱，封門柳，五花腩，同埋蔬菜等，如果你想再加肉，只要加$48，就有一碟，再送多2碟其他自選肉比你，肉質都ok，算新鮮。服務員態度好好，又幫我地燒，又拎除臭劑，又送白飯，同埋好有耐性講解👍
繼續閱讀
ahhh好耐冇唱k啦😝收左工緊係要大叫輕鬆下今次揀喺neway食埋晚餐一直以嚟覺得唱k嘅野食都唔會好好😅但$88嚟講 牛扒唔係好韌 都幾香口脆薯皇份量唔少 仲有大量沙律做配菜我就覺得好抵💜🤑 (學生價) $119 包兩杯無酒精飲品🤑 (正價) $209 🤑 美國肉眼牛扒 $88
繼續閱讀
最近都好少人唱K，今次試左K buffet連晚餐放題$240連加一，一個人價錢，呢間有好多房。音效唔錯，歌都多。有驚喜既係有龍蝦有生蠔，仲有酥皮湯，都幾足料，幾好味。仲有魚生刺身，熟食，自己可以煲火鍋。還有片皮鴨，燒賣，茶葉蛋，焦糖燉蛋，都好多野食，熱食都有麵，菜，茄子，串燒等等。建議九點前去攞比較多嘢食。一個人仲包兩杯無酒精飲品，可以唱到11點，都幾抵。所以我經常都揀旺角中心呢間唱K, 一大班朋友更開心！
繼續閱讀
八號🌪既活動 🎤 當然要去唱K 由細唱到大支咪太近會干擾十幾年都仲味改善😂#誰人不曾MK過講番野食先，K LUNCH 🍴午餐供應時間： 11:00 -13:00 ,收費為每位HKD 84 起，學生👩🎓尊享HKD 75 起。我同朋友都叫左1.安格斯牛肉眼排 🥩 配黑椒汁跟薯菜：一上菜，嘩 ， 塊牛排大個你隻手， 仲要係兩隻手咁大😱切🔪都算易🔪，入口有牛味，吾太硬，牛筋位有點煙韌，又吾會煎得太乾,佢配埋既黑椒汁辣辣地，幾惹味👻重點佢配薯格竟然係,N年之前仲係薯角，薯格脆到似KFC 買番黎個種，比埋茄汁🍅 超Match 🍟旁邊配既沙拉🥗好新鮮仲要有埋胡麻醬，誠意可加。香矛雞翼 （3件） 加12 元： 無咩香矛味，比較乾身，不過皮好脆，加泰式辣醬好夾。麥樂雞 （4件） 加12元： 好似M記咁，不過無M咁有UP味，咁既價錢算係咁。好耐無黎旺中呢間，食物質素明顯提升，希望可以保持質素，不過音響系統要再改善下。
繼續閱讀
K lunch包含嘅一份午餐好多時都唔太吸引, 就算加錢升級其他野食, 食物嘅質素同味道好多時都同外面餐廳食嘅有一段距離, 所以我都只抱住希望唔會難食嘅心態去食呢份午餐。我揀左睇落最唔"伏"嘅雞扒, 加大蝦配薯菜。 侍應哥哥一送餐入嚟,就聞到好香嘅煎蝦碌味, 個餐望落都好吸引, 有少少沙律菜, 薯格, 兩隻大蝦大到遮住左塊雞排。兩隻大蝦都煎得好靚, 仲有肉汁唔會太乾, 咬落去蝦肉好厚實, 彈牙👍🏻👍🏻薯格夠脆, 又唔會太重調味👍🏻👍🏻😋雞扒都煎得啱啱好, 外皮少少脆, 雞肉嫩滑,唔會太乾😋😋K lunch嚟講算好高質👍🏻👍🏻每樣材料都煮得好食🤤👍🏻👍🏻👍🏻唯一覺得個沙律菜同扒餐唔太夾, 轉做燒菜會更好👍🏻👍🏻朋友叫左同一個餐配意粉, 佢話個意粉都煮得好食, 我哋都覺得k lunch食到呢個味道同質素嘅食物好有驚喜😻😻😻
繼續閱讀