Neway Karaoke Box (已結業)

今年年初四和幾位朋友去咗深水埗Neway 卡拉OK食雞煲，配料牛肉，豬肉，蔬菜，肉丸等都係可以任叫任食，當然冇任飲啦，晚市每人有包兩杯冇酒精飲品。雞煲叫咗小辣，都幾辣吓。煲內有好多蔥頭，配合雞㷛醬料，非常惹味，雞煲嘅雞件分量都好夠。當日係假日，多人食雞煲，等咗一個鐘先上，不過依家都7月了，唔知仲有冇雞煲啦。如果仲有，大家要早點叫待應上雞煲啊。打邊爐其他配料，例如肥牛，豬肉，肉丸，蔬菜，麵類都係任叫任食，可以食到10點，當日大家都好飽。每人平均4百幾蚊，假日包唱k到深夜，性格價比高。

今次我和太太二人再去唱K，但今次食雞煲，別有一番風味😋房間略為嫌細，跟住我們就點餐，我們點了原味雞煲，雞塊有十多件，配上火爐仔夠曬熱，加了芫茜幾香幾入味😋食過雞件後再倒入上湯，再慢慢煮埋肥牛，生菜，丸，香腸及麵筋，肥牛略嫌過肥，生菜唔夠新鮮，香腸丸麵筋略嫌太少，但勝在熱辣辣😋椒鹽豬扒飯，豬扒件大細不一有三件，豬扒幾淋唔覺油膩，如果有少少配菜就更好😋凍咖啡及凍檸茶，飲品留待食飽後再唱K慢慢飲，我們在此歡度一個愉快的下午😋

對上一次去好似兩個多月前個時下層酒樓裝修 所以neway面門好多灰塵 因為佢算早開門 為咗爭取時間爆咪就去踩場午餐 翠肉瓜炒肉片出奇地有外貌又有味道 但今次餐牌換咗 我點左椒豬 朋友點帆立貝炒蜜豆 味道不如前 收費$99+10% 唱k時段10:00-16:00 嘩 咁嘅收費 唔跟餐都抵啦飲品叫左回憶剎嘅熱檸蜜 《無錯嘞 係卡拉ok 獨有嘅味道 整體滿意

今次係人生第一次係夜晚唱K平時衹會唱K lunch皆因最平最實際 (中學開始的好習慣)又包飯又有冷氣 以前安達中心CEO基本上沒有人唱Lunch好似可以由10到4點(不負責的破記憶自2019年疫情，我就一直冇唱K最常去的安達中心CEO都褶埋(好挂住大房 同獨立厠所 滿滿的回憶)今次朋友約宇宙商場Neway近以前返工地點 ^w^商場lift好舊 夜晚一個人搭好得人驚商場同neway有點破舊 但不能要求太多^w^星期日黃金時段 可以5點唱到凌晨2點每位包2杯無酒精飲品 $229如果食埋晚餐就加$60不知道以前K buffet咩價錢但加$60又可以無限追加應該都唔求質素 只求飽肚(每位$289; 星期五、六及假期前夕$309)終於來到食評環節~~~~鷄煲份量多~我個人好實際對我來説 比多$60都唔預食到咩高質鷄煲有私家冷氣房 包厠所 有其他配料 比你任食你想點？選擇固然唔多 但叫咩都有d無期望自然唔會失望就算鷄煲得少少味以$60無限任添 我都可能比笑哈哈佢(但應該唔會特登上黎寫Openrice)最驚喜個鷄煲居然好味！！！個鷄煲居然好味！！！KTV個鷄煲唔係ok甘簡單係幾好味！！！！D雞居然入

同朋友食完飯諗住去呢間唱下k，點知啲服務員態度勁差，入到去櫃枱既同事個語氣已經麻麻地，唱到咁上下有個男服務員走入嚟話last order有冇野加，咁我哋就問佢係咪仲有一杯無酒精飲品要嗌埋，佢語氣勁唔耐煩咁話:「係呀所以咪問你哋囉！last order呀嘛，飲咩呀！」大概就係咁嘅回答，本身都唔係特別期望會有好好服務，但啲態度有冇必要咁寸？都係問一句姐😅服務態度絕對有待改善。

好耐無唱K，本來唱K午餐都係無期望，咁平一百都唔洗又有得唱幾個鐘，食物質素不嬲就麻麻地但係今日黎到有驚喜，加20蚊可以有一人雞煲，我地一房全部都選擇左呢個，有得揀原味或者麻辣。雞煲雞味十足份量好多👍🏻👍🏻👍🏻另外包一份火鍋配料，有肥牛生菜腐竹魚蛋金針菇，生菜成棵咁多，咁價錢CP值高！牛肉都幾好，肥瘦均勻顏色鮮明可能佢地依家少左人黎，質素提高左！午餐選擇都有九款同埋加$8蚊可以加小食炸雞翼，泰式鳳爪，炸薯條

今趟黎過之後，下次咪攪我。若非朋友話呢間唔駛等位，我都冇為意過深水埗有間neway。純唱K可以，飲番幾杯都可以; 但若果嚮呢到食野就免問。叫左個炒飯，望落去已經feel到濕笠笠; 仲有泰式生蝦有少少臭味。唔知係咪呢到人流少，所以食材擺到變壞。

前晚跟家人嚮宇宙商場酒家飯局後，上一層既Neway唱K，去得唱K就點都叫幾款小食，過吓口癮。Order左魷魚鬚、雞中翼、生蝦同炒烏冬。我們明白呢到係卡啦OK，始終不是真正的食店，食物只是附帶的選擇，但也不能太過差。首先，魷魚鬚比較乾身，似是炸得太久所至，面層炸粉也比較厚，勉強也可接受。雞中翼也有同樣情況，表皮炸得太乾而且有點硬，須知道火喉掌握得好的話，雞皮應該是香脆的。至於生蝦， 外觀及味道沒有不妥，底層雖有墊冰嚮，但進食時感到的是室溫，沒半點冰凍。最後亦因擔心出品前已放了一段時間而寧願唔食---未經煮熟的食物，嚮沒有冰鮮或冷藏是很容易滋生細菌的。來到最後一味炒烏冬，淡而無味兼太濕.... "慶幸" 的是我們來之前，已經食飽，今次真的無話可說。

跟朋友一行6人來唱夜K，由晚上9點開始唱。門口接待說可以12點交房，如果到時想延長時間可以加幾十蚊extend. 我地每人叫左晚餐同半打啤酒🍻張單11點幾就交左入房比我地埋，我仲好奇話如果想加單咁點。去到差唔多12點果陣，半打飲完想加多半打時，佢話夠鐘所以要cut.去左門口同接待理論。他說正逢交更，對於上手接待說的話不認數。如果要繼續唱就比多每人209+10%最低消費，最多可免10%。利申，本身已經比左每人268。再比多209就每人4百蚊唱K, 仲貴過大時大節唱通宵K. 傻的嗎？P.S. 唔認數果位員工身穿疑似經理打扮。早知就去唱Red Mr. 真心無奈。此情不再。

中學時期會去既宇宙NEWAY 個時去既原因當然係貪佢唔會CUT歌啦當然啦 而家冇呢枝歌仔唱啦 此情不再呀 同埋而家食個L LUNCH係接近一百蚊一蚊呀唔知學生有平幾多啦 但K LUNCH已經加到一百蚊一位其實都幾貴下而家K房入面啲設計先進咗既 點歌都方便咗 仲有叉電位比你叉電 都唔錯午餐都算有幾多嘢揀但頭幾款好似係沙律黎所以有得揀既飯意粉唔多黎NEWAY當然唔會預佢啲嘢好食架喇佢地不嬲既作風都係咁其實 但當佢愈加愈貴既時候 同其他有對比個陣 就會有比較架喇 佢啲飯全部都整定晒 連個焗意粉都好似整定晒咁 以前五六十蚊就接受到既但食落都唔算話太難食既 只係唔熱既 雞扒個汁怪怪咁 到個焗意粉 又係唔熱既 但真係有芝士焗過既牛肉麻麻地 CHEAP貨黎 不過正常既 所以我覺得冇乜問題意粉比較脹 可能因為整定 佢放得太耐既關係 意粉脹到去到有啲難食既地步總體黎講 飯唔得 意粉唔得 再當佢有額外有娛樂活動 但都彌補唔到啲嘢難食但有杯嘢飲叫咗熱檸蜜 冇檸檬味 比較甜差唔多一百蚊 食呢啲 好唔掂 單計佢可以唱K 好多PARTY ROOM都冇 甚至酒吧唔怕醜都得所以唔值啦 

朋友約出來食飯，想不到食什麼，又想起已經很久無唱過k, 擇日不如撞日，就立刻找找在附近有冇k場。原來近長沙灣地鐵站係青山道有個叫宇宙商場入面有間Neway.以前夜晚時段唱K, 一定係k buffet.依家可能人客少左，所以轉個最低消費每人最少$159，可以叫廚師拼盤或者散叫小菜小食。因為有太多選擇的關係，又係萬能openrice 出動的時候了！看到人家強力推介焗豬手，所以就點了個豬手拼盤試試。上菜時就聞到香噴噴，嘩，隻豬手真係好大，佔人左隻碟一半。一切下去豬皮呱呱聲，真係皮脆肉滑。果然值得推介。飲品我就試左圓肉菊花枇杷蜜(右)，朋友叫左熱檸蜜。 像我這種喜歡念慈奄的人，對於枇杷的味道太熟悉了，再加上菊花的香味，不會覺得難喝。相反，朋友只是嗅一嗅就立刻推開。Neway真係多左好多韓國歌，反而佢d 新歌真係唔係好識，最有印象的就是tvb 成日播的主題曲。P.S. 房間的音響及咪是不一樣的。第一次給我們的房間，用的是黑色舊咪，一開咪就温温聲，換左房就好好N多，用的是銀色咪，音響都比較新一些。滿分為10分(1分最低，10分最高)食物：8環境：7衛生：7服務：8價錢：7舒適度：7總分：7

前台個位女服務員，服務態度超差，差得離譜，一入門講左3位唱K，她眼都唔望一下咁講左句依家要等半個鐘先有房，咁我地就坐左15分鐘，見到有一班人入來，一入來就有房，咁我地就去問佢有房味啦，佢好hea咁話有無會員卡or身份證，如果有埋學生證就出示埋，然後我搵左一陣學生證，3分鐘都無，我發現原來無帶，跟住佢好大聲咁話「下一位！」，態度係超差，無野好講！！！！！！！！！！！！！！！！！！！！！！！！！！！！！！

今日約好耐無見的朋友S，大家都喜歡唱k , 於是大家一致決定去深水埗宇宙Neway唱K Lunch。今次是我第三次來，喜歡佢d 職員服務好，唱開k 的人都知，無幾多間分店職員有好面口俾客人睇。同埋之前兩次都大讚它的豬手餐，今次都繼續食豬手餐$108,送香檳，朋友S話支香檳好好飲，其實是沒酒精的有氣果汁，我都喜歡，唱到口乾有野飲下。今次的豬手超大隻，比之前兩次仲大隻，食到我好開心！不過今次整得乾左d, 層皮硬左少少，但點蒜蓉汁食都可以接受。中華沙律也不吝嗇地一大堆給你上碟，食肉多，中和下，好味！切開啖啖肉，真係食足全場，早餐加午餐一次過食，連朋友S都讚呢個餐抵食！一齊食肉食唔停，唔唱歌住。朋友S點的小菜套餐$79, 因為無晒翠玉瓜炒牛肉，所以點菠蘿生炒骨。味道比平時茶餐廳食的較濃，汁也濃，不好甜酸汁的人可能會覺得酸了些，我則喜歡它也炸得脆口。送埋個南瓜雞絲湯，煮得厚身的湯，我覺得咸了一點，淡少少就剛好。因為假日，早一日訂房也要加一服務費，但都可以唱到四點，好開心！過癮！

暑假同朋友黎唱K Lunch我都係第一次去呢間分店附近人流比我感覺有少少離同𨋢既年輕人係不斷講粗口但上到去又離奇靜局成條術得我一間房餐牌上既食物都幾吸引有選擇困難症既我今次諗都唔諗食！豬！手！個拼盆有超多野食薯角、漢堡扒、腸同埋中華沙律當然有豬手個餐仲包一枝香檳食物偏咸，不過都預左中華沙律唔好食但其餘都OK好食隻豬肉手剛剛炸好而且食極都食唔晒真係好大份！！！最後枝香檳冇飲到，拎左返屋企到而家都未開，唔知好唔好飲呢？

今次去唱k lunch 個黑椒咸豬手拼盤，令我唔唱歌都要食埋佢，好耐無寫食評，今次終於要出手讚下。特登約埋朋友一齊放假去唱k lunch, 目的當然係想平d啦，為食的我預左lunch 的餐唔會太好味，所以要揾間唱得耐的先抵玩，但問左好多間分店，我們2位唱，都係唱得兩個半鐘至三個鐘，食得黎都無時間唱，而最平個餐計$75 一位，仲要加一，好唔抵姐，結果問左Neway 宇宙，竟然可以由開鋪10:30起，最盡唱到16:00,早一日book 房免加一，一於揀你啦！好驚喜去唱k lunch會有咸豬手餐！跟餐有一杯飲品，仲送一支香檳，$108 算平。見到隻豬手上桌，大大隻，熱辣辣，塊皮仲係脆卜卜，新鮮出爐的，好開心！竟然在k lunch 中都有用心之作！豬手肉質唔鞋，咸味適中，淋上蒜蓉汁食好d, 無咁乾，配菜仲有兩塊漢堡扒、一堆炸薯角、3條脆皮腸、中華沙律，而咁大舊肉，真係保証大食的你都夠飽！跟餐一杯飲品當然唔夠飲，送多支香檳啱晒，唱歌唱到口乾飲最好。香檳是桃味，無酒精，甜甜地當潤喉。而朋友點的什菌牛肉石頭鍋飯，$78, 都過得去，上桌也是熱辣辣，等耐一點先撈飯，等佢有飯焦先食，我喜歡香口嘛！不過味